Morgunblaðið - 09.05.2003, Blaðsíða 41
UMRÆÐAN
MORGUNBLAÐIÐ FÖSTUDAGUR 9. MAÍ 2003 41
Framsóknarflokkurinn er
ábyrgur flokkur sem hafnar æv-
intýramennsku og tilraunastarf-
semi með und-
irstöðuatvinnuveg
þjóðarinnar, sjávar-
útveginn. Fram-
sóknarflokkurinn
vill öflugan, sjálf-
bæran íslenskan
sjávarútveg sem er
fær um að greiða auðlindagjald
fyrir aðgang að fiskistofnum. Við
viljum einnig byggðakvóta til að
verja minnstu byggðirnar og hina
fjölmörgu smáu en öflugu útvegs-
menn og fiskverkendur sem í þeim
búa.
Stefna Frjálslynda flokksins,
Samfylkingarinnar og Vinstri-
grænna veldur hins vegar mikilli
óvissu og glundroða í íslenskum
sjávarútvegi sem ógna mun
byggðunum nái þær fram að
ganga.
Frjálslyndi flokkurinn ætlar að
skilja milli veiða og vinnslu þannig
að allur afli fari á uppboðsmarkað.
Þessi stefna mun valda því að
menn geta ekki landað í sinni
heimabyggð og verða keppa um
aflann á uppboðsmörkuðum til að
ná honum heim að nýju. Allar lík-
ur eru á að landsbyggðin muni
tapa aflanum til höfuðborgarsvæð-
isins og jafnvel úr landi.
Atvinnuöryggi fiskverkafólks
um land allt er ógnað af frjáls-
lyndum. Tillögur þeirra miðast
greinilega við hagsmuni þröngs
hóps sjómanna en ekki hagsmuni
þjóðarinnar. Tillögur Frjálslynda
flokksins um sóknarstýringu mið-
ast greinilega að því að opna fisk-
veiðarnar aftur fyrir þeim sem
búnir eru að selja kvótann sinn og
vilja byrja frítt upp á nýtt og selja
fiskinn á markaði í stað heima-
byggðar.
Vinstri-grænir vilja endurvekja
pólitískt skömmtunarkerfi síðustu
aldar með fyrningarstefnu sinni
þannig að fyrirtækin og byggð-
irnar verði að hanga á hurð-
arhúnum ráðamanna þjóðarinnar
og betla kvóta frá ári til árs.
Dæmigerð forsjárhyggja, sem
ekki gengur upp á nýrri öld.
Samfylkingin vill taka kvótann
af fyrirtækjunum og byggðunum
og bjóða hann upp þannig að er-
lendir fiskkaupmenn fái aðgang að
honum í gegnum íslenska leppa.
Ekki er líklegt að smæstu fyr-
irtækin eða byggðirnar fari vel út
úr þeim uppboðsslag. Sjálfstæð-
isflokkurinn er feiminn við auð-
lindagjaldið og byggðakvótann.
Framsóknarflokkurinn er eini
flokkurinn með ábyrga sjáv-
arútvegsstefnu. Við viljum treysta
grundvöll sjávarútvegsins þannig
að hann verði fær um að standa
undir velferð þjóðarinnar með öfl-
ugu atvinnulífi og hóflegu auð-
lindagjaldi fyrir afnotin af fiski-
stofnunum. Við viljum auka
veiðiskylduna og grípa til sér-
tækra aðgerða í skattamálum til
að stemma stigu við braskinu. Við
viljum einnig efla og þróa byggða-
kvóta í samráði við sveitarstjórnir
um land allt og verja þannig veik-
ustu byggðirnar.
Sjávarútvegsstefna Framsókn-
arflokksins er stefna réttlætis sem
tekur tillit til hagsmuna alls þorra
Íslendinga. Hún tryggir öflugan,
hagkvæman og sjálfbæran íslensk-
an sjávarútveg í þágu allrar þjóð-
arinnar.
Ábyrg fisk-
veiðistefna
Eftir Sæunni Stefánsdóttur
Höfundur er viðskiptafræðinemi
við Háskóla Íslands og skipar 4.
sæti á lista framsóknarmanna í
Reykjavík norður.
Tímaritið Heilsa fylgir Morgunblaðinu í
58.000 eintökum sunnudaginn 18.maí.
li
f
u
nheilsa
Tímarit um útivist og lífsstíl
Hafðu samband í síma 569 1111 eða
í gegnum netfangið augl@mbl.is
Auglýsendur!
• Efnistök eru tengd útivist sem fylgir hækkandi
sól og lífsstílnum sem fylgir hollri hreyfingu.
• Talað við göngugarpa, hlaupara, kajak-ræðara,
veiðimenn, golfara og fleiri.
• Fjallað um jaðarsport.
• Áhugaverðar gönguferðir á vegum Útivistar.
Gönguleiðir í Reykjavík og á Akureyri.
• Skemmtilegar græjur í sumarsportið.
• Áhugaverðir sumarleikir.
• Hugmyndir að hollu og fersku nesti.