Morgunblaðið - 03.06.2003, Blaðsíða 15

ERLENT
MORGUNBLAÐIÐ ÞRIÐJUDAGUR 3. JÚNÍ 2003 15
Félagsvísindadeild
Umsóknarfrestur er til 5. júní n.k.
Diploma í opinberri stjórnsýslu (15e)
Diploma í opinberri stjórnsýslu er hagnýt 15e þverfagleg námsleið
í opinberri stjórnsýslu fyrir þá sem lokið hafa a.m.k. BA- eða BS-
námi í einhverri grein.
Sjá nánar heimasíðu Stofnunar í stjórnsýslufræðum og stjórnmálum:
http://www.stjornsyslustofnun.hi.is
Dipl. Ed.-nám í uppeldis- og menntunarfræði(15e)
Þrjár námsleiðir eru í boði í 15e Dipl. Ed.-framhaldsnámi í uppeldis-
og menntunarfræði fyrir þá sem lokið hafa BA-, BS- eða B.Ed námi.
Fræðslustarf og stjórnun (15e)
Námsleið sem ætluð er fólki sem vinnur við eða hefur áhuga á að
sinna fræðslustarfi og stjórnun í skólum, stofnunum eða fyrirtækjum.
Fullorðinsfræðsla (15e)
Námsleiðin er ætluð fólki sem vinnur við eða hefur áhuga á að
sinna kennslu fullorðinna og námsefnisgerð.
Mat og þróunarstarf (15e)
Markmið námsleiðarinnar er að nemendur sérhæfi sig í mati og
þróunarstarfi í skólum.
Sérstök athygli er vakin á því að námsleiðin Mat og þróunarstarf
er aðeins kennd annað hvert ár.
Nánari upplýsingar og umsóknareyðublöð eru á heimasíðu
deildarinnar, http://www.felags.hi.is og fást einnig á
skrifstofu félagsvísindadeildar. Sími 525 4502.
Félagsvísindadeild Háskóla Íslands
Framhaldsnám
í félagsvísindadeild
DIPLOMANÁM
FERRUCCIO de Bortoli, ritstjóri
stærsta dagblaðsins á Ítalíu, Cor-
riere della Sera, hefur sagt upp
störfum. Látið hefur verið að því
liggja að hann hafi kallað yfir sig
reiði Silvios Berlusconis, forsætis-
ráðherra landsins. Eigendur blaðs-
ins hafa enga skýringu gefið á
brotthvarfi de Bortolis.
Uppsögn hans kom ekki alger-
lega á óvart. Fyrir um mánuði var
því spáð í fjölmiðlafagtímaritinu
Prima að „eitthvað myndi gerast“
því að Berlusconi hefði „ástæðu til
að vera reiður“ út í Corriere della
Sera.
Sagði Prima ennfremur að for-
sætisráðherrann væri argur út í de
Bortoli vegna þess að 1994 hefði de
Bortoli skrifað forsíðufrétt um að
Berlusconi hefði verið ákærður, en
þá var forsætisráðherrann í forsæti
G 8 fundar ríkustu þjóða heims í
Napólí. Samskipti forsætisráð-
herrans og blaðsins væru orðin svo
stirð, að eitthvað yrði undan að láta.
Berlusconi neitar að
hafa beitt valdi sínu
Annað tímarit hefur haldið því
fram að Berlusconi hafi einnig verið
reiður de Bortoli fyrir það m.a. að
hafa andmælt herför Bandaríkja-
manna og bandamanna þeirra til
Íraks, en stjórn Berlusconis var
henni fylgjandi.
Í kjölfar uppsagnar de Bortolis
fóru blaðamenn Corriere della
Sera, sem gefið er út í 715 þúsund
eintökum daglega, í verkfall. Þeir
sögðust með því vilja mótmæla
þeim aðferðum er beitt hefði verið
við að skipta um ritstjóra, en verk-
fallið beindist ekki gegn arftaka de
Bortolis, dálkahöfundinum Stefano
Folli. Félag blaðamanna á Ítalíu
hefur boðað verkfall 6. júní til
stuðnings starfsmönnum blaðsins.
Berlusconi neitaði því að hafa haft
nokkuð með það að gera að skipt
var um ritstjóra en frelsi fjölmiðla
hefur verið mjög til umræðu á Ítal-
íu vegna þess að Berlusconi á eina
stærstu einkareknu fjölmiðlasam-
steypu landsins.
Ritstjóri stærsta dag-
blaðs Ítalíu segir upp
Sagður hafa vakið reiði Berlusconis forsætisráðherra
Mílanó. AFP.
Reuters
Silvio Berlusconi brosir hér breitt
en hann segist ekkert hafa með
uppsögn ritstjórans að gera.
GERHARD Schröder, kansl-
ari Þýskalands, hlaut á sunnu-
daginn yfirgnæfandi stuðning
flokksmanna sinna við um-
bótaáætlun sem miðast að því
að bæta efnahagsástandið í
landinu. Með samþykktinni
leystist ein harkalegasta deila
sem komið hefur upp í Jafn-
aðarmannaflokknum síðan
hann komst til valda 1998, og
hafði Schröder ítrekað sagt að
pólitísk framtíð sín væri í veði.
Um 90% rúmlega 500 full-
trúa á aukaþingi flokksins
samþykktu áætlun Schröders,
svonefnda „Agenda 2010“.
Schröder, sem tvisvar hefur
hótað að segja af sér sam-
þykkti flokkurinn ekki áætlun
hans, brosti breitt er niður-
staðan lá fyrir. Með umbót-
unum á að draga úr atvinnu-
leysi í Þýskalandi, sem er um
10,7%, lækka skuldir hins op-
inbera og veita efnahagslífinu
hvatningu.
Fær ein-
dreginn
stuðning
Berlín. AP, AFP.
Áætlun Schröders
OLÍUBRÁK frá kínverska flutn-
ingaskipinu Fu Shan Hai, sem sökk
á Eystrasalti eftir árekstur við ann-
að flutningaskip á laugardag, nálg-
ast nú suðurströnd Svíþjóðar.
Sex björgunarskipum frá Dan-
mörku og Svíþjóð hefur þó tekist að
hreinsa upp mestan hluta olíunnar
sem lak úr skipinu eftir að það sökk
undan strönd Borgundarhólms. 209
þúsund lítrar af díselolíu voru í
skipinu en björgunarmönnum tókst
að hreinsa upp rúmlega 146 þúsund
lítra. 66.000 tonn af áburði sukku
hins vegar með skipinu.
Olíubrákin var í gær sögð um tólf
kílómetra löng og þrír kílómetrar
að breidd. Patrik Mathiason, tals-
maður sænsku landhelgisgæslunn-
ar, kvaðst vongóður um að takast
myndi að hreinsa stærstan hluta ol-
íunnar upp en taldi þó óhjákvæmi-
legt að eitthvað bærist að strönd-
inni.
Olíubrák
við Svíþjóð
Stokkhólmi. AFP.