Morgunblaðið - 27.06.2003, Blaðsíða 8

Í TILEFNI af fimm ára afmæli Hval-
fjarðarganganna verður gjaldfrjálst í
göngin frá morgni 11. júlí til morguns
12. júlí nk. Í tilkynningu frá Speli seg-
ir m.a. að umferð um göngin hafi verið
mun meiri en búist hafði verið við. Á
síðasta ári var meðalumferðin um
göngin 3.500 bílar á sólarhring en
mest var umferðin á fyrsta sólar-
hringnum eftir að þau voru tekin í
notkun. Þá fóru um 11.800 bílar um
göngin. Mesti bílafjöldi á sólarhring
eftir að gjaldtaka hófst er 9.100 bílar
sem keyrðu göngin á föstudeginum
fyrir verslunarmannahelgi 2001.
Í tilkynningunni segir einnig að
nettótekjur Spalar af hverjum bíl hafi
lækkað úr 869 krónum, fyrst eftir að
göngin voru tekin í notkun, í 661
krónu í febrúar á þessu ári. Í þessum
tölum er miðað við fast verðlag í febr-
úar 2003. Spölur vekur einnig athygli
á því í fréttatilkynningu sinni að
veggjaldið hafi lækkað að raungildi
frá því að göngin voru tekin í notkun
og að um 70% viðskiptavina nýti sér
einhvers konar afsláttarkjör. Í til-
kynningunni segir að áskrifendafjöldi
sé miklu meiri en gert hafi verið ráð
fyrir í upphafi; og raunar mun meiri
en annars staðar í heiminum í sam-
bærilegum rekstri.
Hvalfjarðargöngin 5 ára 11. júlí
Ókeypis á afmælinu
Morgunblaðið/Júlíus
FRÉTTIR
8 FÖSTUDAGUR 27. JÚNÍ 2003 MORGUNBLAÐIÐ
Kjalarnesdagurinn
Fjölbreytt
íbúahátíð
Kjalarnesdagurinnverður haldinn ámorgun við og í
félagsheimilinu Fólkvangi
á Kjalarnesi, sem er rétt
hjá þéttbýliskjarnanum
Grundarhverfi. Það er
stjórn íbúasamtaka Kjal-
arness sem skipuleggur
daginn. Formaður íbúa-
samtakanna er Guðrún
Jónsdóttir féhirðir. Hún
var fyrst spurð hvað Kjal-
arnesdagurinn væri.
„Þetta er hverfishátíð á
Kjalarnesi, sem eins og
kunnugt er tilheyrir
Reykjavík. Við erum í
þeirri aðstöðu að búa í
töluverðri fjarlægð frá
helstu menningarstofnun-
um borgarinnar og verð-
um því að búa til okkar
eigin „menningarhátíð“. Það ger-
um við með því að halda Kjalar-
nesdaginn.“
Er þetta árlegur viðburður?
„Þetta er í annað skiptið sem
við gerum þetta og að því stefnt
að þetta verði árlegur viðburður.“
Eru það fleiri en íbúasamtökin
sem standa að dagskránni?
„Já, ásamt okkur koma ýmis fé-
lög, stofnanir og samtök á svæð-
inu að þessu. Til dæmis Björg-
unarsveitin Kjölur, sem ætlar að
bjóða börnunum í siglingu á
slöngubáti ef veður leyfir. Við
ætlum að nota daginn til að
hlynna að umhverfinu og gróður-
setja tré meðfram Vesturlands-
vegi. Skógræktarfélag Kjalarness
mun stjórna því. Þá mun Karla-
kór Kjalarness skemmta með
söng.“
Hvað fleira verður til skemmt-
unar?
„Við ætlum að efna til keppni í
koddaslag í sundlauginni, en hún
verður opin og frítt í sund allan
daginn. Þá verður keppt í þeirri
sérkennilegu íþróttagrein að
ganga á móti vindi, sem er sér
kjalarneskt fyrirbæri.“
Er þá ekki skilyrði að blási á
hátíðardaginn?
„Það blæs aldrei þarna, svo
þetta verður bara látbragðsleik-
ur! Við ætlum líka að efna til
kökukeppni og kökumeistari
Kjalarness 2003 verður valinn.
Íbúarnir eru hvattir til að koma
með kökur og leggja þær fyrir
dómnefnd þar sem sitja utanað-
komandi dómarar. Þeir velja svo
bestu kökurnar. Hátíðargestir fá
síðan að smakka á kræsingunum í
kaffiboði sem boðið er til.“
Hvaða stofnanir kynna starf-
semi?
„Gatnamálastjóri ætlar að
kynna væntanlegar gatnafram-
kvæmdir á Kjalarnesi, göngu-
stígagerð og fleira sem til stendur
að vinna næstu tvö ár. Klébergs-
skóli, sem er grunnskólinn okkar,
og leikskólinn Kátakot ætla að
sýna teikningar af nýjum skóla-
húsum. Eins verður kynnt ný
skólastefna í Klébergsskóla en
þar er verið að taka upp stefnu
sem byggist á fjöl-
greindarkenningunni.
Þá verða sýndar mynd-
ir eftir leikskólabörn í
Kátakoti og börn í
sumarstarfi kirkjunn-
ar.“
Er líflegt starf í íbúasamtök-
unum?
„Stjórnin er a.m.k. mjög virk.
Við reynum að laða íbúa og fé-
lagasamtök til samstarfs. Við
reynum að sýna fram á að það sé
heilmikið um að vera á Kjalarnesi
og ætlum að kynna verkefni íbúa-
samtakanna á hátíðinni. Í fyrra
efndum við til samkeppni um
merki fyrir íbúasamtökin og verð-
launahugmyndin verður kynnt á
hátíðinni.“
Hver eru helstu verkefni íbúa-
samtakanna?
„Í vetur héldum við borgara-
fund með fulltrúum frá borginni
um umferðarmálin og kynning
gatnamálastjóra nú er í framhaldi
af því. Framkvæmdafé hefur ver-
ið aukið heilmikið. Við erum að
undirbúa útgáfu íbúahandbókar
og er stefnt að útgáfu hennar á
Kjalarnesdegi að ári. Nemendur í
Klébergsskóla munu safna efni í
bókina. Einnig erum við að vinna
að því að tryggja framtíð félags-
heimilisins Fólkvangs. Þar hefur
skort rekstrarfé og orðið löngu
tímabært að vinna að ýmsu við-
haldi. Við vonum að borgin sjái
sér fært að styrkja Fólkvang því
Kjalnesingar eru í verri aðstöðu
til að nýta sér menningarframboð
í borginni en aðrir vegna fjar-
lægðar. Eins berjumst við fyrir
því að lagningu Sundabrautar
verði flýtt.“
Hvernig gengur að koma mál-
um áleiðis í stjórnkerfinu?
„Fulltrúi okkar hefur rétt á að
sitja fundi hverfisráðs Kjalarness.
Þar getum við lagt fram erindi og
komið málum af stað. Hverfisráð-
ið úthlutaði okkur styrk til að
halda Kjalarnesdaginn.“
Eru allir velkomnir á Kjalar-
nesdaginn?
„Að sjálfsögðu eru allir vel-
komnir, við viljum endilega kynna
Kjalarnesið. Það er hluti af borg-
inni og fleiri borgarbúar mættu
nýta sér þennan borg-
arhluta, því umhverfið
þarna er einstakt. Sér-
staðan felst meðal ann-
ars í náttúrunni, ná-
lægðinni við fjöruna og
fjallið. Kyrrðin er ein-
stök á Kjalarnesi. Skólarnir eru
mjög góðir miðað við aðstæður.
Þær hafa verið heldur bágbornar
en eru nú að komast í betra horf.
Þetta er bæði sveit og borg og
maður nýtur kosta hvors tveggja.
Ég er stundum spurð hvort
ekki sé langt að aka í vinnuna, en
það hefur sína kosti. Maður er
örugglega kominn úr vinnunni
þegar maður kemur heim og nær
að dempa sig niður á leiðinni.“
Guðrún Jónsdóttir

Guðrún Jónsdóttir, formaður
Íbúasamtaka Kjalarness, fæddist
og ólst upp á Kjalarnesi. Hún
flutti þaðan 16 ára gömul og bjó í
Reykjavík í um tuttugu ár. Guð-
rún flutti aftur á Kjalarnesið fyr-
ir þremur árum. Hún gekk í Klé-
bergsskóla og vann síðan í
Arnarholti. Hún fór ung að vinna
í banka og er nú féhirðir hjá Ís-
landsbanka. Guðrún er gift Sig-
urði Hjalta Sigurðarsyni fram-
kvæmdastjóra og eiga þau fjögur
börn.
Kyrrðin er
einstök á
Kjalarnesi
FERÐAFÉLAG fjarðamanna á
Austurlandi hefur reist nýjan gisti-
skála á Karlsstöðum í Vöðlavík.
Grunnur var tekinn að skálanum í
fyrrahaust og lokahnykkur smíð-
innar var fyrir stuttu. Er nú aðeins
lítils háttar frágangur eftir.
Skálinn hýsir 33 í gistingu og
geta um 20 manns setið í borðstofu í
einu. Hann er á tveimur hæðum og
byggður eftir sömu teikningu og
hús sem standa í Breiðuvík og
Húsavík. Smíðin var öll unnin í
sjálfboðavinnu og hafa um hundrað
manns tekið til hendinni á einn eða
annan hátt við byggingu skálans.
Ferðafélög á Austurlandi hafa und-
anfarin ár unnið þrekvirki í merk-
ingu og stikun gönguleiða, útgáfu á
gönguleiðakortum og uppbyggingu
aðstöðu. Austurland er orðið að
heildstæðu göngusvæði sem ferðast
má um svo dögum skiptir án veru-
legra hindrana.
Ljósmynd/Heiðrún Arnþórsdóttir
Unnið að byggingu nýs gistiskála Ferðafélags fjarðamanna á Karlsstöðum í Vöðlavík.
Nýr skáli risinn í Vöðlavík
Vöðlavík. Morgunblaðið.
GRAFREITUR fyrir gæludýr að
Hurðarbaki í Kjós hefur verið opn-
aður og vígður nýlega og sá séra Pét-
ur Þorsteinsson hjá Óháða söfnuðin-
um um vígsluna.
Í garðinum verða bæði jarðsett
gæludýr fólks sem og hestar og
stefnt er að því að dýraeigendur á
suðvesturhorninu geti nýtt sér þessa
þjónustu á viðráðanlegu verði. Hægt
verður að greftra dýr allan ársins
hring og einnig verða til sölu kistur,
duftker, krossar og steinar auk þess
sem veitt er önnur þjónustu.
Eigendur og stofnendur garðsins
eru Guðný G. Ívarsdóttir og Kristján
Mikkaelsson í Flekkudal. Frá
Reykjavík er um 40 km akstur að
Hurðarbaki en jörðin er beint á móti
kirkjustaðnum Reynivöllum í Kjós.
Guðný sagði í samtali við blaðið að
ástæða þess að þau hjónin hafi
ákveðið að setja á fót svona garð sé
sú að þau telji þörf á því enda séu
margir gæludýraeigendur í vand-
ræðum hvað gera skuli þegar gælu-
dýr þeirra deyi. Hingað til hefur
Dýraspítalinn séð um að brenna dýr
fyrir þá sem ekki hafa aðgang að
landi.
Guðný sagði að þau hjónin hafi
gengið með þessa hugmynd í mag-
anum um nokkurt skeið og til hafi
staðið að opna garðinn í fyrra en það
ekki tekist þannig að opnunin hafi
orðið nú í sumar. „Við stefnum að því
að veita fólki góða þjónustu, aðgengi
að garðinum verði gott og umhverfið
fallegt,“ sagði Guðný.
Pétur Þorsteinsson hjá Óháða
söfnuðinum vígði grafreitinn.
Grafreitur fyrir
gæludýr í Kjós
BOÐIÐ verður upp á mið-
næturflug til Íslands frá
Þýskalandi í lok mánaðarins
en slíkar ferðir eru nýjungar
á þýskum ferðamarkaði.
Katla Travel stendur fyrir
fluginu í samvinnu við Troll
Tours og Thomas Cook, að
því er fram kemur í frétta-
tilkynningu frá Katla Travel.
Ferðalagið verður stutt,
gestirnir koma til landsins
snemma kvölds en fljúga aft-
ur af stað rétt eftir miðnætti.
Meðan á dvölinni stendur
geta ferðalangarnir valið um
að fara í skoðunarferð í
Reykjavík eða bregða sér í
Bláa lónið. Sala í flugið byrj-
aði fyrir nokkrum dögum og
hafa viðtökur verið góðar og
yfir 80 sæti seldust fyrstu
þrjá dagana og er salan enn í
gangi.
Boðið hefur verið upp á
sambærilegar ferðir frá Bret-
landi undanfarin ár og stefnt
er að því að bjóða upp á slík-
ar ferðir í auknum mæli á
næsta ári.
Miðnætur-
flug frá
Þýskalandi