Morgunblaðið - 23.07.2003, Blaðsíða 2

FRÉTTIR
2 MIÐVIKUDAGUR 23. JÚLÍ 2003 MORGUNBLAÐIÐ
Alltaf ód‡rast á netinu
Verð á mann frá 19.500 kr.
ÍS
LE
NS
KA
A
UG
LÝ
SI
NG
AS
TO
FA
N
EH
F/
SI
A.
IS
IC
E
21
53
5
0
5.
20
03

RÆDDU SAMSTARFIÐ
Forsætisráðherra ræddi ítarlega
um stöðu varnarsamstarfs Íslands
og Bandaríkjanna við þjóðarörygg-
isráðgjafa Bandaríkjaforseta sím-
leiðis á laugardaginn var. Þjóðarör-
yggisráðgjafinn er einn nánasti
ráðgjafi forseta Bandaríkjanna á
sviði utanríkis- og öryggismála.
Davíð Oddsson segir samtalið vera
vísbendingu um að þreifingar og at-
huganir eigi sér stað þótt formlegar
viðræður standi ekki yfir.
Synir Saddams felldir
Synir Saddams Husseins fyrrver-
andi Íraksforseta, Uday og Qusay,
voru felldir í sex klukkustunda
löngum skotbardaga í gær, er
bandarískir sérsveitarhermenn um-
kringdu og réðust síðan til inngöngu
í stórt og íburðarmikið hús í Mosul í
Norður-Írak, sem kvað vera í eigu
frænda Saddams. Ricardo Sanchez,
hershöfðingi í Bandaríkjaher,
greindi frá þessu í Bagdad í gær.
Sprengjur á Spáni
Að minnsta kosti tólf manns særð-
ust er tvær sprengjur sprungu í hót-
elum í spænsku sumarleyfisbæj-
unum Benidorm og Alicante í
gærmorgun, en talið er að ETA,
herská aðskilnaðarsamtök Baska,
hafi staðið fyrir þeim. Margir Ís-
lendingar dveljast á þessum slóðum
en sluppu allir ómeiddir.
Selur seiði til Hjaltlands
Stofnfiskur hefur samið um sölu á
allt 10 milljónum laxahrogna á ári til
skoska seiðaeldisfyrirtækisins
Kinloch Damp en tekjur vegna
samningsins nema 80 til 100 millj-
ónum króna á ári. Ef allt gengur eft-
ir stefnir í að annað hvert laxaseiði á
Hjaltlandi verði upprunnið hjá
Stofnfiski.
Fæðingarorlofslög skoðuð
Félagsmálaráðherra hefur sett af
stað vinnu við endurskoðun á lög-
unum um fæðingarorlof. Ágrein-
ingur er á milli ASÍ og Samtaka at-
vinnulífsins um greiðslu orlofslauna
til þeirra sem fá greitt úr fæðingar-
orlofssjóði og ætlar félagsmálanefnd
Alþingis að óska eftir því að ráðu-
neytið skoði þann ágreining þannig
að legið geti fyrir í haust hvort það
eða einstakir þingmenn muni beita
sér fyrir breytingum á lögum sem
tryggi öllum greiðslu orlofslauna.
Y f i r l i t
Í dag
Viðskipti 12 Þjónustan 29
Erlent 13/15 Viðhorf 30
Höfuðborgin 16 Minningar 30/37
Akureyri 17 Bréf 38
Suðurnes 18 Dagbók 40/41
Landið 19 Íþróttir 42/45
Listir 20/22 Fólk 46/49
Umræðan 23/25 Bíó 46/49
Forystugrein 26 Ljósvakamiðlar 50
Viðhorf 30 Veður 51
* * *
HALLDÓR Hansen,
barnalæknir, er látinn,
76 ára að aldri. Halldór
fæddist á Hringbraut
34 í Reykjavík 12. júní
1927, sonur hjónanna
Halldórs Hansen, lækn-
is, og Ólafíu Vilborgu
Þórðardóttur, hús-
freyju.
Halldór var læknis-
sonur og fetaði þar í fót-
spor föður síns. Hann
lauk stúdentsprófi frá
Menntaskólanum í
Reykjavík 1946, og
kandídatsprófi frá
læknadeild Háskóla Íslands í janúar
1954. Hann lærði svo meinafræði,
barnalækningar, og að lokum barna-
geðlækningar í New York, en fluttist
heim og hóf læknisstörf árið 1960 á
Egilsstöðum. Hann starfaði sem yfir-
læknir við barnadeild
Heilsuverndarstöðvar
Reykjavíkur frá 1961 til
ársloka 1997. Hann sat í
stjórn Félags norrænna
barnalækna frá 1967 til
1979 og var formaður
Félags íslenskra barna-
lækna frá 1970 til 1971.
Halldór var mikill
unnandi tónlistar, ekki
síst óperu- og ljóða-
söngs. Hafa fjölmargar
greinar eftir hann um
tónlist birst í Morgun-
blaðinu, óperuleik-
skrám og víðar. Halldór
átti eitt merkasta tónlistar- og hljóm-
plötusafn landsins. Ánafnaði hann
Listaháskóla Íslands það og auk þess
bækur um tónlist og hús sitt á Lauf-
ásveginum. Halldór var ókvæntur og
barnlaus.
Andlát
HALLDÓR HANSEN
REYKJAVÍKURBORG áskilur sér
allan rétt til hugsanlegra skaðabóta
og mun gæta hagsmuna sinna í hví-
vetna, komi í ljós að stofnanir og/eða
fyrirtæki borgarinnar hafi verið
hlunnfarin í viðskiptum við olíufélög-
in. Þetta kom fram í svari Reykjavík-
urlistans vegna fyrirspurnar sjálf-
stæðismanna á borgarráðsfundi í
gær. Í bókun sjálfstæðismanna var
einnig vísað í ummæli talsmanna
Samfylkingarinnar og Vinstrihreyf-
ingarinnar – græns framboðs á Al-
þingi um að eðlilegt væri að lög-
reglurannsókn færi fram vegna
málsins. R-listinn lét færa til bókar
að þar sem rannsókn málsins væri
ekki lokið væri ekki tímabært að
ákveða með hvaða hætti viðbrögð
borgarinnar yrðu, reyndust ásakanir
um ólöglegt samráð réttar.
Nauðsynlegt að borgarstjóri
geri hreint fyrir sínum dyrum
Vilhjálmur Þ. Vilhjálmsson, odd-
viti sjálfstæðismanna, segir að tekin
hafi verið ákvörðun um það í gær að
taka ekki sérstaklega upp hlut borg-
arstjóra í málinu. „Ég hafði beint
þeirri áskorun til hans í fjölmiðlum
að hann gerði hreint fyrir sínum dyr-
um og svaraði hver aðkoma hans
hefði verið að þessu máli. Hann ætl-
ar greinilega ekki að gera það og
hann ber ábyrgð á því. En ég tel sem
fyrr nauðsynlegt og skynsamlegt
fyrir hann og mikilvægt fyrir stjórn-
kerfi borgarinnar og íbúana að borg-
arstjóri, sem æðsti embættismaður
borgarinnar, geri alveg hreint fyrir
sínum dyrum,“ segir Vilhjálmur.
Árni Þór Sigurðsson, oddviti
Vinstrihreyfingarinnar – græns
framboðs, segir að það sé dálítið
fljótfærnislegt að ætla að ákveða á
þessu stigi hver viðbrögðin verða.
Aðspurður segist Árni ekki hafa
vitað um hlut borgarstjóra í málinu
þegar gengið var frá ráðningu hans.
Ólafur F. Magnússon, borgar-
fulltrúi F-lista, lét bóka að á und-
anförnum mánuðum hefðu tengsl
Sjálfstæðisflokks við spillingarmál
verið áberandi, einkum varðandi
rekstur Landssímans. Nú þegar
spillingarumræðan beinist að olíu-
félögunum hafi borgarráðsfulltrúar
D-lista risið upp til varnar almanna-
hagsmunum, sem beri að fagna.
Hins vegar telji hann skjóta skökku
við þegar þeim sé stillt upp í fjöl-
miðlum sem brjóstvörn almennings
gegn pólitískri spillingu. Taldi Ólaf-
ur brýnt að borgarráðsfulltrúar
bæði meirihluta og minnihluta gættu
hagsmuna Reykvíkinga í hvívetna ef
þeir hefðu verið hlunnfarnir af við-
skiptaaðilum sínum.
Meint samráð olíufélaganna þriggja rætt á borgarráðsfundi í gær
Reykjavíkurborg áskilur
sér allan rétt til skaðabóta
HVALASKOÐUNARFERÐIR eiga
mjög upp á pallborðið hjá ferða-
mönnum sem heimsækja Ísland
og er þar um að ræða mikinn
vaxtarbrodd í ferðaþjónustu
landsmanna.
Frá gömlu höfninni í Reykjavík
leggja skip frá bryggju alla
morgna að sumarlagi, með ferða-
menn sem freista þess að berja
skepnurnar augum. Hnísur, höfr-
ungar og hrefnur skjóta gjarnan
upp kollinum. Þó er sú upplifun
glæsilegust þegar steypireyðurin,
stærsta dýr jarðar, heilsar upp á
forvitið mannfólkið. Það gerist þó
ekki í hverri ferð, enda steypi-
reyðar fágætar skepnur.
Myndin er tekin í hvalaskoð-
unarferð á Faxaflóa. Hér bíða
ferðamennirnir þess að hvalirnir
láti sjá sig.
Beðið eftir
sækúnum í
stóískri ró
Morgunblaðið/Árni Sæberg
SAMKEPPNISSTOFNUN telur í
frumathugunarskýrslu sinni að
olíufélögin hafi haft með sér sam-
vinnu við tilboðsgerð í útboði
Reykjavíkurborgar árið 1996
vegna sölu á gasolíu, bensíni og
steinolíu til strætisvagna, malbik-
unarstöðvar og vélamiðstöðvar
Reykjavíkurborgar. Í tilboðsskjöl-
unum, sem birt eru að ofan, kemur
fram að Skeljungur bauð 114 millj-
ónir 469 þúsund, ESSO bauð 114
milljónir 741 þúsund og OLÍS 114
milljónir og 970 þúsund. Munur á
hæsta og lægsta tilboði var því
minni en 0,5%.
Undir tilboðin rita fyrir hönd
OLÍS Jón Ólafur Halldórsson, f.h.
Skeljungs Friðrik Þ. Stefánsson og
f.h. ESSO Þórólfur Árnason.
Innan við 0,5% munur á
tilboðum olíufélaganna

ACCORD TOURER

SILFURÖRIN

NOTAÐIR BÍLAR
MOTOCROSS

KVARTMÍLAN

BÍLLINN BÓNAÐUR

FYRSTU MYNDIR
AF VW GOLF V
FLATAHRAUNI 31 • HAFNARFIRÐI
SÍMI 555 6025 • www.kia.is
K IA ÍSLAND
Bílar sem borga sig!
Þjónustuaðili fyrir öryggis- og
þjófavarnarbúnað frá DIRECTED.
VIPER á Íslandi
S u ð u r l a n d s b r a u t 2 2
S í m i 5 4 0 1 5 0 0
w w w. l y s i n g . i s
LÝSING
Alhliða
lausn í
bílafjármögnun