Morgunblaðið - 23.07.2003, Blaðsíða 6

FRÉTTIR
6 MIÐVIKUDAGUR 23. JÚLÍ 2003 MORGUNBLAÐIÐ
FORSTJÓRI Innkaupastofnunar Reykjavíkur
segir að mikið af gagnrýni Borgarendurskoð-
unar sé réttmætt, en með reglubreytingu sem
gerð var í febrúar sl. muni verklag stofnana að
líkindum breytast til batnaðar.
Samþykkt fyrir Innkaupastofnun frá því fyrr
á þessu ári hækkar talsvert lágmarksupphæð
viðskipta sem stofnunum borgarinnar er skylt er
að eiga í gegnum Innkaupastofnun. Sjöfn Krist-
jánsdóttir, forstjóri Innkaupastofnunar Reykja-
víkur, segir það hafa verið mikinn galla á eldri
reglum hve lág upphæðin var, og að fyrirtæki og
stofnanir Borgarinnar hafi verið ósátt við það.
Lágmarksupphæð sem þurfti til að Innkaupa-
stofnun þyrfti að koma að málinu var 500.000 kr.
fyrir reglubreytinguna í ár. Eftir breytinguna er
lámarksupphæð mismunandi eftir flokkum. Fyr-
irspurnarskylda er fyrir upphæð hærri en 2,5
milljónir fyrir vörur, 5 milljónir fyrir þjónustu,
en 10 milljónir fyrir verk. Útboðsskylda er fyrir
hærri upphæð en 5 milljónir fyrir vörur, 10
milljónir fyrir þjónustu og 20 milljónir fyrir
verk.
Sjöfn segir þessar nýju reglur skýrar og að
þær ættu að lagfæra margt sem ekki hefur verið
gert nógu vel undanfarin ár: „Það er mjög skýrt
tekið fram hvað er útboðsskylt eða fyrirspurn-
arskylt. Eldri reglur tóku ekki á því heldur fyrst
og fremst á því hvenær mál áttu að koma hingað
inn. Þá hafði stjórnin ákvörðunarvald um hvort
verk eða verkefni færi í útboð eða undanfari við-
skiptanna væri með öðrum hætti.“
Í skýrslu Borgarendurskoðunar er það sagt
vera „afar gagnrýnivert“ að ekki sé búið að taka
upp svokallað tilvísunarkerfi fyrir samskipti
stofnana við Innkaupastofnun. Þar ætti hvert
mál að hafa tiltekið númer í pantana- og af-
greiðslukerfi og mundi það auðvelda mjög eft-
irlit og yfirsýn. Þetta er sama gagnrýni og kom
fram í eldri skýrslu Borgarendurskoðunar frá
1994.
„Það er augljóst að það gerðist ekkert í sam-
bandi við tilvísunarkerfi eftir útgáfu eldri
skýrslunnar,“ segir Sjöfn. Hún segir að nú sé
verið að vinna í nýju bókhaldskerfi og að sam-
hliða því verði tilvísunarkerfinu komið upp. Ein-
hver tæknileg atriði eru þó enn óljós í því sam-
bandi og því ekki hægt að nefna líklega
dagsetningu þegar það kerfi kynni að verða
komið í notkunn.
Svört skýrsla
Fjallað var um skýrslu Borgarendurskoðunar
í borgarráði í gær. Vilhjálmur Þ. Vilhjálmsson,
oddviti Sjálfstæðismanna í borgarráði, segir að
þetta sé „svört skýrsla“. Hann segir að ekki sé
hægt að skýla sér bakvið óskýrar reglur fyrir
reglubreytingarnar fyrr á þessu ári: „Reglurnar
voru mjög skýrar. Öllum var ljóst hvað átti að
bjóða út, hvernig átti að gera það og hver átti að
annast það og bera ábyrgð á því.“
Sjálfstæðismenn í borgarráði lögðu fyrirspurn
fyrir borgarstjóra um hvernig hann hygðist
bregðast við skýrslunni. „Mér finnst að það
þurfi að eiga fund með forstöðumönnum [stofn-
ana borgarinnar] þar sem farið er yfir þessi mál
og það brýnt fyrir þeim að fylgja settum
reglum. Brýna þarf fyrir þeim að verði ekki far-
ið eftir settum reglum framvegis þá geti það
kallað á áminningu. Menn sem höndla með al-
mannafé verða að fylgja skýrum reglum.“
Alfreð Þorsteinsson, formaður borgarráðs,
segir að samkvæmt þessari skýrslu virðist hafa
verið nokkuð um frávik frá settum reglum. „Því
miður liggur ekki fyrir í hve miklum mæli það
er, eins og í fyrri skýrslu sem var gerð um
þetta. En að öðru leyti er skýrslan góð og sýnir
að það mætti vera meiri agi á þessum málum
hjá stofnunum og fyrirtækjum borgarinnar.“
Framhaldið verður, að sögn Alfreðs, að farið
verður yfir þetta mál hjá stofnunum borgarinn-
ar: „Þeir hafa þegar verið beðnir um að gefa
skýrslur um umfang viðskipta eftir að nýju regl-
urnar tóku við svo hægt sé að átta sig á því
hvort þessum nýju reglum sé ekki framfylgt.“
Hann segir að nefndir og ráð borgarinnar fari
yfir framhaldið á næstunni.
Skýrsla Borgarendurskoðunar um innkaupareglur stofnana borgarinnar
Gagnrýni réttmæt að
mati Innkaupastofnunar
VARLA er við því að búast að
hundar séu undir stýri ökutækja á
ferð enda er hvutti hér í kyrr-
stæðum bílnum á Garðatorgi í
Garðabæ. Þótt hann sé ekkert á
þeim buxunum að grípa í aksturinn
vill hann þó kanna hvað er um að
vera og hvort nokkur sé fyrir. Og
kannski lengir hann bara eftir hús-
bóndanum.
Morgunblaðið/Árni Torfason
Er einhver fyrir?
EVRÓPUSAMBANDIÐ hefur sekt-
að japanska hljóðfærafyrirtækið
Yamaha um liðlega 2,5 milljónir
evra, jafngildi um 223 milljóna ís-
lenskra króna, fyrir að viðhafa ólög-
mæta viðskiptahætti og brjóta þann-
ig gegn samkeppnislögum
sambandsins og í frétt abcNews
kemur fram að Ísland var eitt þeirra
landa þar sem Yamaha braut af sér.
Yamaha skipti markaðinum upp
eftir löndum og fastsetti heild-
söluverð á píanóum, gítörum og
óbóum auk þess að knýja suma smá-
sala til þess að selja einvörðungu
hljóðfæri frá Yamaha.
Hljóðfærahúsið er umboðsaðili
fyrir Yamaha á Íslandi en að sögn
Jóhanns Ingvasonar, fram-
kvæmdastjóra Hljóðfærahússins,
hefur fyrirtækið selt önnur vöru-
merki og Yamaha aldrei þrýst á um
að þeir seldu einungis vöru frá þeim
en hann kveðst raunar kannast við
slíkan þrýsting frá öðrum framleið-
endum. „Frá því við byrjuðum að
skipta við Yamaha árið 1994 hefur
þetta aldrei verið atriði af þeirra
hálfu.“
Aðspurður um heildsöluverð
Yamaha til Hljóðfærahússins segir
Jóhann að þeir hafi aldrei getað sam-
ið um það, heildsöluverðið sé ákveðið
af hálfu Yamaha og Hljóðfærahúsið
hafi ekkert um það að segja. Hann
segist ekki þekkja heildsöluverðið til
annarra smásala en fylgjast með og
þekkja smásöluverð á Yamaha-
hljóðfærum annars staðar í Evrópu.
„Við erum kannski að sumu leyti í
samkeppni við endursöluaðila og
verslanir víða um Evrópu. Það aug-
lýsa allir sín verð meira eða minna og
menn geta borið það saman eins og
þeir vilja. En við höfum auðvitað
ekki aðgang að því að vita á hvaða
heildsöluverði menn eru að kaupa.“
Jóhann segir Hljóðfærahúsið vera
vel samkeppnisfært við verslanir er-
lendis. „Við höfum ekki fundið það að
við værum þannig aðklemmdir að við
gætum ekki boðið sambærilegt verð
og við höfum oftar en ekki jafnvel
náð því að vera með ívið hagstæðara
verð hér hjá okkur en verslanir í
Evrópu hafa getað boðið.“
ESB sektar hljóðfæra-
framleiðandann Yamaha
Brotin
náðu einnig
til Íslands
BRAGI Steinarsson vararíkissak-
sóknari segir að embættið hafi ekki
tekið formlega afstöðu til þess hvort
gæsla varnarliðsmanns á Keflavík-
urflugvelli sem ákærður er fyrir til-
raun til manndráps í Hafnarstræti
sé fullnægjandi. „Þetta er þeirra ein-
hliða framkvæmd, þeirra útfærsla og
úr því sem komið er látum við okkur
hana engu skipta,“ segir Bragi.
Hann efast um að íslenskur dómari
muni draga gæsluvarðhaldsvistina
frá hugsanlegum refsidómi.
Varnarliðsmaðurinn var afhentur
bandarískum heryfirvöldum á Kefla-
víkurflugvelli aðfaranótt 12. júlí sl.
en Héraðsdómur Reykjavíkur hafði
úrskurðað hann í gæsluvarðhald til
3. september. Hæstiréttur staðfesti
síðar þann úrskurð. Bragi segir á
hinn bóginn ljóst að síðan maðurinn
var afhentur heryfirvöldum hafi
hann ekki setið í gæsluvarðhaldi.
„Þeir setja hann í handjárn þegar
þeir taka við honum en hann virðist
vera frjáls daginn eftir,“ segir hann.
Gæsluvarðhaldinu hafi því í raun lok-
ið þegar maðurinn var afhentur og
það geti því ekki dregist frá refsi-
dómi. Honum finnst ólíklegt að dóm-
ari verði á annarri skoðun.
Aðspurður segist hann ekki hafa
fengið fullnægjandi upplýsingar um
hvort eða hvernig gæsla yfir mann-
inum hafi verið hert á Keflavíkur-
flugvelli.
Í samtali við Morgunblaðið í gær
sagði Bragi að embættið myndi ekki
krefjast þess að fá manninn til baka.
Búið væri að eyðileggja gæsluvarð-
haldið og embættið sæi ekki tilgang í
því að halda því áfram. Ákæran gegn
varnarliðsmanninum verður þing-
fest í Héraðsdómi Reykjavíkur 30.
júlí nk. Bragi segir að þá verði óskað
eftir því að maðurinn lýsi afstöðu
sinni til ákærunnar og dómsmeðferð
málsins ákveðin. Varnarliðsmenn
sem önnur vitni verði boðuð til þing-
halds í Héraðsdómi í kjölfarið. Dóm-
ari er Guðjón St. Marteinsson.
Ákæra gegn varnarliðsmanni þingfest eftir viku
Ekki gerð krafa um
að fá manninn til baka
LANDBÚNAÐARRÁÐHERRA
hefur ákveðið að greiðslumark
mjólkur á næsta verðlagsári, sem
hefst 1. september nk., verði
lækkað um eina milljón lítra. Sam-
kvæmt nýrri reglugerð um
greiðslumark mjólkur á lögbýlum
og beingreiðslur til bænda verð-
lagsárið 2003–2004 verður heild-
argreiðslumark 105 milljónir lítra
og er það lækkun um 1 milljón
lítra frá yfirstandandi verðlagsári.
Landbúnaðarráðherra jók
greiðslumark um tvær milljónir
lítra fyrir einu ári og árið þar á
undan var greiðslumarkið aukið
um eina milljón lítra.
Sala á mjólk mælt á prótein-
grunni hefur aukist um 0,34% á
síðustu 12 mánuðum. Sala á fitu-
grunni hefur hins vegar á sama
tímabili dregist saman um 0,9%.
Greiðslumark lækkar
um milljón lítra