Morgunblaðið - 23.07.2003, Blaðsíða 17

AKUREYRI
MORGUNBLAÐIÐ MIÐVIKUDAGUR 23. JÚLÍ 2003 17
www.islandia.is/~heilsuhorn
Ein með öllu
SENDUM Í PÓSTKRÖFU
Multi-vítamin og steinefnablanda
ásamt spirulínu, lecithini,
Aloe vera o.fl. fæðubótarefnum
Glerártorgi, Akureyri, s. 462 1889
fæst m.a. í Lífsinslind í Hagkaupum,
Árnesaptóteki Selfossi og
Yggdrasil Kárastíg 1.
ÞEIR voru þreyttir en ánægðir knattspyrnukapparnir
úr Þór sem komu heim til Akureyrar um kl. hálf fimm í
gærmorgun, eftir langt og strangt ferðalag frá Gauta-
borg í Svíþjóð. Þór sendi fríðan flokk á Gothia Cup, eitt
stærsta knattspyrnumót heims, þrjú lið í 4. flokki pilta
og eitt lið í 3. flokki kvenna og náðist ágætis árangur á
mótinu. Að sögn Jónasar L. Sigursteinssonar þjálfara
kvennaliðsins tókst framkvæmd mótsins með miklum
ágætum og ríkti mikil gleði í akureyrska hópnum.
Ferðalagið stóð yfir í 10 daga en heimferðin, þ.e. er frá
því að Þórsaranir yfirgáfu gististaðinn í Gautaborg og
héldu út á flugvöll og þar til komið var til Akureyrar,
tók alls 14 klukkutíma. Það var því ekki laust við að
þreytumerki sæjust andlitum krakkanna, sem og far-
arstjóranna, þegar þeir stigu út úr rútunni við Hamar í
gærmorgun.
Morgunblaðið/Kristján
Þreyttir en ánægðir knattspyrnukappar
SLÖKKVILIÐ Akureyrar var með
töluverðan viðbúnað eftir að tilkynn-
ing barst um skútu á hvolfi á Poll-
inum um kvöldmatarleytið á mánu-
dagskvöld.
Tveir voru í áhöfn skútunnar og
tókst þeim að koma henni á réttan
kjöl án hjálpar og varð ekki meint af
volkinu.
Skúta á hvolf
SLÖKKVILIÐ Akureyrar
var kallað að íbúðarhúsi við
Lönguhlíð skömmu fyrir há-
degi í gær.
Þar hafði kviknað í feiti í
potti á eldavél og barst eld-
urinn upp í viftu og eldhús-
innréttingu. Húsráðandi náði
að kasta eldvarnarteppi yfir
pottinn áður en hann yfirgaf
húsið og var eldurinn slokkn-
aður þegar slökkviliðið kom á
staðinn. Aðeins urðu
skemmdir á viftu og innrétt-
ingu og reykræsti slökkviliðið
húsið.
Á laugardag kviknaði í
pönnu á eldavél í húsi við
Löngumýri en þar tókst hús-
ráðanda að slökkva eldinn áð-
ur en slökkviliðið kom á stað-
inn. Ekki urðu skemmdir en
slökkviliðið reykræsti húsið.
Þá brann yfir í potti á eldavél
á Gistiheimilinu Lónsá norð-
an Akureyrar sl. föstudag og
fylltist húsið af reyk og
vondri lykt en ekki var um
skemmdir að ræða. Þá kom
upp eldur í gasslöngu í felli-
hýsi á tjaldsvæðinu við Þór-
unnarstræti á mánudag en
búið var að slökkva eldinn
þegar slökkvilið kom á stað-
inn.
Eldur
í pottum
og pönnum
AÐILAR sem ætluðu að standa að
útihátíð á Melgerðismelum um versl-
unarmannahelgina eru að undirbúa
stjórnsýslukæru á sýslumanninn á
Akureyri, sem verður að öllum lík-
indum lögð fyrir í dag.
Ingólfur Hlynsson, sem kenndur
er við Gleðisveit Ingólfs, sagði í sam-
tali við Morgunblaðið að lögmaður
þeirra væri að skoða hvort grundvöll-
ur væri fyrir kærunni en eins og stað-
an er nú eru yfirgnæfandi líkur á að
það verði gert.
„Við stóðum í þeirri trú að við vær-
um búnir að uppfylla allt sem farið
var fram á og erum búnir að standa í
undirbúningi í sex vikur. Þetta snýst
um það að sýslumaður fer fram á 8,5
milljóna króna bankatryggingu á
meðan aðrar hátíðir borga eina til
þrjár milljónir. Í Vestmannaeyjum á
til dæmis að borga þrjár milljónir
króna, þar af hluta með bankatrygg-
ingu og þar kveinka menn sér. Það er
ljóst að sýslumaður er að bregða fyr-
ir okkur fæti og einnig er ljóst að
hann er búinn að vera á móti hátíð-
inni frá upphafi. Hann setur ákveðin
skilyrði sem við uppfyllum. Á
fimmtudaginn í síðustu viku hringdi
ég í hann, eftir að ég hafði kynnt mér
hvað aðrar hátíðir greiða og bauð
honum þriggja milljóna króna banka-
tryggingu. Jafnframt bauð ég honum
ávísun fyrir öðru sem hann gæti leyst
út eftir hátíðina, en það er langt um-
fram það sem aðrir borga. En hann
sagði bara þvert nei, 8,5 milljónir eða
það verður engin hátíð. Það er ljóst
að enginn banki ábyrgist 8,5 milljónir
svona út í loftið og var því ófram-
kvæmanlegt. Þetta hefur aldrei
þekkst í Íslandssögunni. Lögmaður
okkar er að kanna málið því þetta
jaðrar við það að vera löglegt,“ sagði
Ingólfur.
„Ég spurði sýslumann hvort það
mætti mismuna mönnum eftir búsetu
en hann sneri bara út úr og sagðist
bara vilja fá tryggingu fyrir því að
þetta yrði greitt. Það er ljóst að ef
þetta eiga að vera 8,5 milljónir þurfa
að koma 10.000 manns á svæðið mið-
að við þann taxta sem lögreglumenn
eru á og þann fjölda þeirra sem þyrfti
að vera á svæðinu. Það er einnig ljóst
að ef það kæmu 10.000 mannns á
svæðið yrði innkoman á milli 60 til 70
milljónir þannig að það hefði engin
hætta verið á því að við hefðum ekki
getað borgað þetta. Þetta er ekkert
nema valdníðsla og það er verið að
reyna að koma í veg fyrir að hægt sé
að halda útihátíðir, “ sagði Ingólfur.
Björn Jósef Arnviðarson, sýslu-
maður, vildi lítið tjá sig um málið og
sagði að ef kæran yrði lögð fram
myndi hún hafa sinn gang í kerfinu.
Undirbúa stjórnsýslukæru vegna synjunar á leyfi til útihátíðar
Sýslumaður fer fram á 8,5
milljóna bankatryggingu
ÞORSTEINN Bachmann, leikhús-
stjóri LA, sagði í samtali við
Morgunblaðið að hann væri mjög
bjartsýnn á stöðu mála hjá leik-
félaginu.
„Við bíðum eftir að samstarfs-
samningur við Akureyrarbæ verði
samþykktur af bæjaryfirvöldum og
förum á fullt um leið og hann er
tilbúinn. Það hafa verið haldnir
viðræðufundir sem hafa gengið
mjög vel og mér sýnist að það sé
fullur vilji hjá bænum að semja,
það stendur ekkert annað til. Það
er algjört frumatriði að við höldum
vel utan um reksturinn og svo
stjórnast annað af því hvaða fjár-
munir verða í spilinu. Það er jafn-
framt komið nýtt leikhúsráð og
mér líst mjög vel á samstarfið við
Sigmund Erni sem er formaður
þess,“ sagði Þorsteinn. Tillaga að
samstarfssamningi milli Leik-
félagsins og bæjarins verður lögð
fyrir bæjarráð í dag.
„Það er verið að taka leikhúsið í
gegn að utan, bæði er verið að
skipta um panel og laga þakið.
Einnig er verið að byggja nýja við-
byggingu sem í verður aðstaða fyr-
ir leikara. Hún hefði mátt vera ör-
lítið stærri, en það þurfa allir að
sníða sér stakk eftir vexti. Það er
búið að bíða lengi eftir þessu því
gamla aðstaðan sem leikararnir
höfðu aðstöðu í var lek og það
fraus vatn í pípulögnum, svo þetta
verður stórbætt aðstaða fyrir okk-
ur.
Eftir breytingarnar verður hægt
að ganga úr Borgarasalnum, þar
sem fólk hefur komið saman í hléi,
út á þak nýbyggingarinnar sem
verður eins og svalir. Það er verið
að hugsa um að úthýsa veitinga-
reksturinn þar sem einhver rekstr-
araðili getur verið með leikhúskaffi
á daginn og kvöldin. Aðgengi fatl-
aðra verður einnig stórlega bætt
því það kemur lyfta frá fyrstu hæð
upp á aðra hæð. Húsið verður ekki
tilbúið fyrr en eftir áramót, svo
fram að þeim tíma verður sýnt á
öðrum stað í bænum. Það er ekki
búið að ganga frá staðsetningunni
vegna þess að við gerum ekkert
fyrr en við erum komin með und-
irritaðan samning í hendur.
Við erum bjartsýn og full til-
hlökkunar. Það munu verða
áherslubreytingar hjá okkur og við
munum leita í auknum mæli eftir
samstarfsverkefnum og gefa bæj-
arbúum aukna hlutdeild í starfi fé-
lagsins. Markmiðið er að tengjast
betur öðrum menningarstofnunum
á svæðinu, þannig að það verði
heildrænni menningarstefna í
gangi. Það er mjög breið samstaða
innan menningargeirans á svæðinu
að vinna betur saman en ekki að
bítast um sömu kökuna, frekar að
reyna að stækka hana. Það er allra
hagur að fá fleira fólk í bæinn og
efla blómlegt menningarstarf,“
sagði Þorsteinn.
Þorsteinn Bachmann leikhússtjóri
Bjartsýn og full
tilhlökkunar