Morgunblaðið - 23.07.2003, Blaðsíða 15

ERLENT
MORGUNBLAÐIÐ MIÐVIKUDAGUR 23. JÚLÍ 2003 15
ÞAÐ er nú orðið aukaatriði að
finna írösku gereyðingarvopnin
sem George W. Bush Bandaríkja-
forseti sagði meginástæðuna fyrir
því að hann hóf stríð gegn stjórn
Saddams Husseins, segir Paul
Wolfowitz, aðstoðarvarnar-
málaráðherra Bandaríkjanna.
Í viðtali við fréttamenn um borð
í þotu bandaríska hersins á leið til
Washington á mánudagskvöldið,
eftir fimm daga ferð um Írak,
sagði Wolfowitz að það væri verk-
efni bandarískra leyniþjón-
ustustofnana að skera úr um ger-
eyðingarvopnamálið.
„Ég hef engan áhuga á gereyð-
ingarvopnum,“ sagði Wolfowitz
við fréttamennina sem voru í för
með honum. „Ég hef áhuga á að
koma Írak af stað á ný. Ég fór
ekki þangað í leit að gereyðing-
arvopnum.“
Hann fullyrti ennfremur að
Írakar sjálfir hafi lítinn sem engan
áhuga á vopnamálinu. „Ef maður
færi að spjalla við Íraka um það
mál myndu þeir spyrja sem svo:
Hvers vegna eruð þið Bandaríkja-
menn að gera þetta veður út af
þessu gamla máli þegar við áþreif-
anleg vandamál er að etja, Baath-
sinnar eru að murka úr okkur lífið
og hóta okkur og við höfum ekki
rafmagn og enga vinnu. Þetta eru
alvörumálefni.“
Wolfowitz kvaðst ekki vera að
halda því fram að óþarfi væri að
komast til botns í gereyðing-
arvopnamálinu. „Það er svo sann-
arlega mikilvægt. En það skiptir
ekki meginmáli einmitt núna.“
Bandaríska leyniþjónustann hef-
ur skipað David Kay, fyrrverandi
vopnaleitarmann Sameinuðu þjóð-
anna í Írak, yfirmann leitarinnar
að gereyðingarvopnunum. Wolfo-
witz sagði á mánudagskvöldið að
Kay hefði sagt sér á sunnudaginn
að Bandaríkjamönnum gengi illa
að fá íraska fanga til að leysa frá
skjóðunni um það sem þeir vissu
um efna-, lífefna- og kjarnavopna-
áætlanir Saddams. Íraska stjórnin
sagði áður en stríðið hófst að hún
hefði eyðilagt öll gereyðingarvopn
sem hún hafi átt, og vopnaleit-
armenn SÞ fundu engin merki um
slík vopn.
„Ég gekk dálítið eftir því við
[Kay] hvers vegna [fangarnir]
vildu ekkert segja. Ég spurði hann
hvers vegna hann gerði ekki sam-
komulag við þá [um vægari refs-
ingu gegn því að þeir veiti upplýs-
ingar]. Hann sagði að í þessu landi
vissu menn ekki hvað slíkt væri.
Ef maður játaði þýddi það bara að
maður yrði líflátinn fyrr en ella
eða pyntaður minna.“
Bandarískir embættismenn
höfðu vænst þess að finna vísbend-
ingar um efna- eða lífefnavopn á
vígvellinum í kjölfar stríðsins, en
enn sem komið er hefur ekkert
fundist. Segja talsmenn varn-
armálaráðuneytisins að lykilatriði
sé að fá lægra setta íraska emb-
ættismenn til að leysa frá skjóð-
unni.
„Þeir sem við erum með í haldi
telja enn að þeir hafi mun meira
að óttast af hendi sinna gömlu fé-
laga en nokkuð það sem við mynd-
um gera þeim,“ sagði Wolfowitz.
„Þess vegna segir [Kay] að langt
sé í land.“
Gereyðingarvopnin
eru aukaatriði
Yfir Atlantshafi. AP.
Varnarmálaráðherra Bandaríkjanna, Paul Wolfowitz (t.v.), skoðar vegg-
myndir af Saddam Hussein í Abu Ghraib-fangelsinu í Bagdad sl. sunnudag.
’ Ég hef áhuga á aðkoma Írak af stað á
ný. Ég fór ekki
þangað í leit að ger-
eyðingarvopnum. ‘
AP
ELDRA fólk getur hugsanlega
minnkað líkurnar á að að fá Alz-
heimersjúkdóm um meira en helm-
ing með því að neyta fisks einu
sinni í viku og borða mikið af hnet-
um og salatolíu, samkvæmt nýrri
bandarískri rannsókn.
Vísindamenn fylgdust með 815
manns 65 ára og eldri, á sjö ára
tímabili frá 1993–2000. Kom í ljós
að þeir sem borðuðu fisk að
minnsta kosti einu sinni í viku voru
60% ólíklegri til að fá Alzheimer en
þeir sem aldrei borðuðu fisk. Eng-
inn af þátttakendum í rannsókninni
hafði einkenni Alzheimer þegar
rannsóknin hófst en 131 fékk heila-
hrörnunarsjúkdóminn á tímabilinu.
Er niðurstaðan í samræmi við
fyrri rannsóknir sem sýna að
tengsl eru á milli starfsemi heilans
og omega-3 fjölómettaðra fitusýra
sem finnast m.a. í fiski. Til dæmis
hefur komið í ljós að hjá tilrauna-
dýrum sem fengið hafa fæðu ríka
af fitusýrum hefur minni batnað og
námshæfileikar aukist.
„Niðurstöður okkar sýna að með
því að borða fisk að minnsta kosti
vikulega, salatsósur með olíu í og
hnetur, sé hægt að draga úr líkum
á Alzheimersjúkdómnum,“ segir
Martha Clare Morris, aðalhöfundur
rannsóknarinnar sem gerð var á St.
Luke sjúkrahúsinu í Chicago.
Talið er að um 12 milljónir
manna séu með Alzheimer í heim-
inum en margt er enn á huldu um
sjúkdóminn og hvers vegna fólk
fær hann.
Fiskur og hnetur
gegn Alzheimer
Chicago. AFP.
Niðurstöður nýrrar rannsóknar
ÁSTRALSKIR stjörnufræð-
ingar hafa reiknað út að stjörn-
ur himingeimsins séu tíu sinn-
um fleiri en öll sandkorn á
ströndum og í eyðimörkum
jarðarinnar, samkvæmt frétta-
vef BBC.
Frá dimmustu stöðum jarðar-
innar getur mannsaugað greint
um 5.000 störnur en á björtum
upplýstum götum borga sjást
aðeins um 100. Áströlsku vís-
indamönnunum sem notuðu
nýjustu tækni taldist til að fjöldi
stjarnanna væri talan 7 með 22
núllum aftan við. Þar er hins
vegar aðeins átt við stjörnurnar
sem maðurinn getur greint með
öflugustu tækni sinni, þær eru
líklega mun fleiri, jafnvel óend-
anlega margar, að sögn dr. Sim-
ons Driver frá Ástralíuháskóla.
Hann telur að í kringum margar
stjarnanna séu plánetur og að
líklega sé líf að finna á einhverj-
um þeirra. Þær séu hins vegar
svo langt frá jörðu að hugsan-
lega muni manninum aldrei tak-
ast að komast í samband við líf-
verurnar.
Stjörnurnar
fleiri en
sandkornin
Fyrir flottar konur
Bankastræti 11 • sími 551 3930
AUGLÝSINGADEILD
netfang: augl@mbl.is eða sími 569 1111