Morgunblaðið - 23.07.2003, Blaðsíða 8

FRÉTTIR
8 MIÐVIKUDAGUR 23. JÚLÍ 2003 MORGUNBLAÐIÐ
Hátíð á Fáskrúðsfirði
Franskir dagar
um helgina
FRANSKIR dagar áFáskrúðsfirði, fjöl-skyldu- og bæj-
arhátíð, verða haldnir í 8.
sinn um næstu helgi.
Helga Snædal Guðmunds-
dóttir er framkvæmda-
stjóri hátíðarinnar.
Hver er hugmyndin á
bak við Franska daga?
Hátíðinni er ætlað að
minnast franskrar arfleifð-
ar bæjarins en hann var
ein helsta bækistöð
frönsku skútusjómann-
anna sem sóttu á Íslands-
mið. Frá vinabæ Fá-
skrúðsfjarðar í
Frakklandi, Graveline,
koma yfirleitt gestir á há-
tíðina og eins hafa fulltrú-
ar héðan farið á Íslend-
ingadaginn sem þar er
haldinn.
Hvað skildu Frakkarnir eftir
sig?
Hér liggur mikið af minjum eft-
ir Frakkana. Steinn með ámáluð-
um krossi sem notaður var sem
kennileiti auk ýmissa húsa, bæði
kapellu, ræðismannsbústaðs og
húss sem smíðað var úr gamalli
skútu. Hér er einnig franskur
grafreitur þar sem grafnir eru 49
franskir sjómenn. Safnið Frans-
menn á Íslandi er opið yfir sum-
artímann og hefur að geyma ýmsa
muni frá tímum skútusjómann-
anna. Á frönskum dögum verður
ráðhús Búðarhrepps opið almenn-
ingi. Það var byggt árið 1907 sem
íbúðarhús fyrir franska konsúlinn
hér, sem jafnframt var yfirlæknir
á Franska spítalanum sem hér
stóð. Þar verður hægt að skoða
muni sem okkur hafa verið gefnir,
t.d. húsgögn og myndir.
Þá má geta þess að götunöfn
bæjarins eru nú bæði á íslensku
og frönsku.
Hafið þið laðað að Frakka?
Hingað hefur komið fólk sem er
að leita ættingja sem látist hafa á
Íslandsmiðum. Ferðamaður fór
t.d. af rælni niður í grafreitinn í
sumar og fann þar leiði langafa
síns.
Hverjir hafa sótt hátíðina und-
anfarin ár?
Hingað koma Íslendingar af
öllu landinu og fólk úr nágranna-
byggðarlögunum er t.d. mjög
duglegt að heimsækja okkur.
Brottfluttir Fáskrúðsfirðingar
sækja hátíðina mikið og koma
með vini og kunningja með sér.
Dæmi eru um að heilu ættirnar og
fermingarárgangarnir hittist
hérna.
Hvað verður um að vera á
Frönskum dögum?
Hátíðin hefst með opnun list-
sýninga í grunnskólanum á
fimmtudaginn en listamennirnir
koma héðan og þaðan. Þær verða
opnar alla dagana. Á föstudags-
kvöldið verður haldin minningar-
athöfn í franska grafreitnum þar
sem viðstaddir verða þrír fulltrú-
ar frá Graveline. Eftir það verður
heyvagnaakstur niður að brenn-
unni sem er fastur liður
á föstudagskvöldinu.
Þar verður brekku-
söngur og eldgleypar.
Á föstudagskvöldið
verður einnig dorg-
veiðikeppni fyrir krakkana og
tvennir tónleikar í kirkjunni með
Diddú og Bergþóri Pálssyni.
Labbi og hljómsveitin Karma
mun leika fyrir dansi á hótelinu þá
um kvöldið. Á laugardeginum
verður líkast til hægt að hlýða á
harmonikkutónlist ogleiktæki
verða um allan bæ handa krökk-
unum. Hjólreiðakeppnin Tour de
Fáskrúðsfjörður verður á sínum
stað og söngvaseiður Franskra
daga sem við köllum „Frans-
vision“. Þar fá krakkarnir að
spreyta sig og syngja uppi á sviði.
Á sviðinu munu einnig skemmta
Helga Braga Jónsdóttir og Kaffi-
brúsakarlarnir okkar og flutt
verður atriði úr Kardimommu-
bænum sem hér var sýndur síð-
astliðinn vetur. Á tjaldmarkaði
munu Meistaravörur bjóða
franskar matarkörfur og veislu-
bakka til sölu auk þess sem þar
verður seldur harðfiskur og hand-
verk svo eitthvað sé nefnt. Þá ætla
krakkaranir í bænum að skapa
götuleikhússtemmningu.
Á laugardagskvöldinu verður
franskt veisluhlaðborð á hótelinu
sem hefur notið mikilla vinsælda.
Eldgleypar munu sýna listir sínar
og í kjölfar þeirra munu flugeldar
lýsa upp himininn. Að flugelda-
sýningunni lokinni verður dans-
leikur í félagsheimilinu þar sem
Karma mun leika fyrir dansi en
línudans verður stiginn á hótelinu.
Á sunnudaginn verður áframhald-
andi dagskrá, tjaldmarkaðurinn
og sýningarnar verða opnar, hér
verður línuskautakeppni auk þess
sem keppt verður í „pétange“ sem
er franskt kúluspil og kajakaleiga
verður starfrækt við Ósinn.
Hér verður heilmikil dagskrá
og varla hægt að koma miklu
meiru fyrir í svona litlum bæ. Fólk
þeytist hér á milli atriða til að
missa ekki af neinu.
Hvernig verður gistiaðstaða?
Ókeypis verður á
tjaldstæðin auk þess
sem við ætlum að
merkja hér alla gras-
bala sem tjalda má á.
Hér er hótel og nýtt
gistihús hér rétt hjá.
Eru Fáskrúðsfirðingar farnir
að hlakka til?
Það bíða allir eftir Frönskum
dögum, fólk dyttar að görðunum
sínum og gerir allt sem snyrtileg-
ast fyrir hátíðina. Viðkvæðið er að
klára allt fyrir Franska daga en
þess má geta að þá eru veitt verð-
laun fyrir snyrtilegustu lóðir ein-
staklinga og fyrirtækja.
Helga S. Guðmundsdóttir
 Helga Snædal Guðmunds-
dóttir er fædd árið 1974. Hún er
stúdent af málabraut frá MA, en
stundaði að því loknu fjármála-
og rekstrarnám hjá Viðskipta-
og tölvuskólanum. Helga vann í
fjögur ár við innra eftirlit hjá
Tryggingamiðstöðinni. Hún
flutti fyrir tveimur árum aftur
heim á æskustöðvarnar á Fá-
skrúðsfirði þar sem hún hefur
starfað sem leiðbeinandi í grunn-
skólanum og á hjúkrunarheim-
ilinu. Í haust mun hún hefja við-
skiptafræðinám á Bifröst. Helga
á fjögurra ára gamla dóttur.
Það bíða allir
eftir Frönsk-
um dögum
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
U
S
21
65
9
0
7/
20
03
í Húsasmiðjunni
Muna:
að mála

sig ekki
út í hor
n!
10 lítrar hágæða akrýlmálning á stein.
Framleiðandi HarpaSjöfn.
20-30%
AFSLÁTTU
R AF ALLRI
VIÐARVÖR
N
Ný stórverslun Smáratorgi
8.990 kr.
4.990kr.
Í MESTA blíðviðri sumarsins lögðu fyrrverandi al-
þingismenn og makar þeirra leið sína um Suðurland
í árlegri sumarferð sinni. Hópurinn sem var hátt í
90 manns lagði upp frá Reykjavík og lá leiðin fyrst
til Hvolsvallar þar sem Ingibjörg Pálmadóttir og
maður hennar Haraldur Sturlaugsson buðu upp á
kaffiveitingar og Arthúr Björgvin Bollason sagði
hópnum ýmsar sögur af Njáluslóð. Síðan var haldið
inn Fljótshlíð og naut hópurinn þar leiðsagnar
þeirra Margrétar Jónu Ísleifsdóttur og Pálma Eyj-
ólfssonar.
Að lokinni skoðunarferð um Hlíðina var haldið til
Þingvalla þar sem hópurinn snæddi kvöldverð. Var
það mál manna að ferðin hefði í alla staði verið mjög
vel heppnuð þó stundum væri full heitt enda hita-
stigið á Suðurlandi þennan dag vel yfir 25 gráður.
Morgunblaðið/Steinunn Ósk
Fyrrverandi alþingismenn, ráðherrar og makar þeirra saman komnir í garði þeirra Ingibjargar Pálmadóttur,
fyrrverandi heilbrigðisráðherra, og Haraldar Sturlaugssonar á Hvolsvelli.
Fyrrverandi þingmenn á ferð
Hvolsvelli. Morgunblaðið.