Morgunblaðið - 31.07.2003, Blaðsíða 14

ERLENT
14 FIMMTUDAGUR 31. JÚLÍ 2003 MORGUNBLAÐIÐ
Auglýsing
um álagningu opinberra gjalda
á árinu 2003
Í samræmi við 1. mgr. 98. gr. laga nr. 90/2003, um tekjuskatt og eignarskatt, er hér
með auglýst að álagningu opinberra gjalda, þ.m.t. tryggingagjalds, á árinu 2003 er
lokið á alla einstaklinga sem skattskyldir eru samkvæmt framangreindum lögum,
sbr. I. kafla laga nr. 90/2003.
Álagning gjalda á lögaðila mun liggja fyrir síðar og verður auglýst sérstaklega.
Álagningarskrár með gjöldum einstaklinga verða lagðar fram í öllum skattum-
dæmum fimmtudaginn 31. júlí 2003. Skrárnar liggja frammi til sýnis á skattstofu
hvers skattumdæmis og hjá umboðsmanni skattstjóra eða þjónustuaðila hans í
hverju sveitarfélagi dagana 31. júlí til 14. ágúst að báðum dögum meðtöldum.
Skattseðlar er sýna álögð opinber gjöld 2003, vaxtabætur og barnabætur hafa
verið póstlagðir.
Kærur vegna allra álagðra opinberra gjalda, vaxtabóta og barnabóta, sem gjald-
endum hefur verið tilkynnt um með skattseðli 2003, þurfa að hafa borist skatt-
stjóra eigi síðar en mánudaginn 1. september 2003.
31. júlí 2003
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Guðrún Björg Bragadóttir.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Karlsson.
Skattstjórinn í Austurlandsumdæmi, Karl Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.
TONY Blair, forsætisráðherra
Bretlands, sagði á fréttamannafundi
í gær að ríkisstjórn hans ætti enn
eftir að sannfæra
bresku þjóðina
um að stríðið í
Írak hefði verið
réttlætanlegt.
„Fólk þarf að
gera sér grein
fyrir því, að það,
sem við gerðum í
Írak, var bæði
rétt og réttlætan-
legt og því þurf-
um við ekki einungis að standa fast
á því, heldur líka að sanna það þeg-
ar fram líða stundir, bæði hvað ger-
eyðingarvopnaeign Íraka varðar og
einnig uppbyggingu í landinu.“
Ákveðinn í að sitja áfram
Blair kvaðst á fundinum, sem
haldinn er mánaðarlega og er sá
fyrsti eftir lát vopnasérfræðingsins
David Kellys, vera ákveðinn í að
gegna stöðu sinni áfram þrátt fyrir
þá kreppu sem hann hefur upp á
síðkastið staðið frammi fyrir vegna
dauða Kellys.
„Það er mikið verk að vinna og ég
hef enn vilja til að vinna það,“ sagði
forsætisráðherrann.
Blair lagði á fundinum áherslu á
góðan árangur sem náðst hefði í
stjórnartíð hans og sagðist telja
kjósendur dæma hann á grundvelli
þeirra mála sem unnið hefði verið
að á innlendum vettvangi. „Á heild-
ina litið tel ég okkur hafa tekist að
gera það sem við vorum kjörin til
að gera. Að halda hagkerfinu stöð-
ugu, útvega fólki vinnu, fjárfesta í
opinberri þjónustu og gera sam-
félag okkar þannig nútímalegra,
sterkara og sanngjarnara,“ sagði
hann.
Forsætisráðherrann neitaði að
svara spurningum um dauða Kellys
og sagðist engu mundu svara fyrr
en rannsókn á aðdraganda hans
væri hafin.
Nk. laugardag mun Blair hafa
setið samfellt lengst allra forsætis-
ráðherra Verkamannaflokksins í
sögu Bretlands.
Blair á blaðamannafundi
Munu láta sann-
færast um rétt-
mæti stríðsins
London. AFP, AP.
Tony Blair
DANSKA lögreglan fyrirhugar nú
meiriháttar aðgerðir í fríríkinu
Kristjaníu og er markmiðið að upp-
ræta sölu fíkniefna. Lögreglan segir
aðgerðirnar verða mjög umfangs-
miklar en neitar að segja hvenær
þær koma til með að fara fram, segir
einungis að þær séu á næsta leiti.
Þetta kemur fram á vefsíðu Jyl-
lands-Posten í gær og öðrum dönsk-
um fjölmiðlum.
Lögreglan segir að markmið að-
gerðanna verði að hreinsa til í Kristj-
aníu og stöðva sölu kannabisefna
sem þar hefur verið stunduð sl. 30 ár
og hefur einmitt verið einkennandi
fyrir fríríkið. „Við höfum ógnað
kaupendum og seljendum lengi en á
ákveðnum tímapunkti þarf virkilega
að taka til hendinni,“ segir Kai
Vittrup yfirlögreglustjóri. „Við ætl-
um okkur að hreinsa til á Pusher-
street þegar okkur hentar. Og þá
verður það gert í eitt skipti fyrir öll.“
Vittrup segir að fjölmennt lög-
reglulið muni taka þátt í fyrirhug-
uðum aðgerðum. Að hans sögn ráð-
gerir lögreglan enn fremur að slá
hring um Kristjaníu þegar af að-
gerðunum verður enda býst hún við
því að nokkur fjöldi mótmælenda og
óróaseggja mæti á staðinn til að mót-
mæla.
Það var hópur hippa sem stofnaði
Kristjaníu árið 1971 og hafa dönsk
yfirvöld síðan litið á fríríkið sem „fé-
lagslega tilraun“. Og þrátt fyrir að
kannabisefni séu seld á hverjum
sölubásnum á fætur öðrum meðfram
götunni Pusherstreet þá er fíkni-
efnasala ólögleg í Kristjaníu, líkt og
annars staðar í Danmörku, en fram
að þessu hefur lögreglan ekki tekið
mjög hart á viðskiptunum.
Vilja uppræta fíkni-
efni í Kristjaníu
FYRSTU tilraunir með bóluefni
við alnæmisveirunni hefjast í
London og í Lausanne í Sviss í
næstu viku. Þá verða bólusettir 24
sjálfboðaliðar og viðbrögð ónæm-
iskerfisins við bóluefninu rannsök-
uð.
Bóluefnið hefur verið þróað og
er enn í þróun hjá EuroVacc 01,
hópi vísindamanna í Bretlandi,
Frakklandi, Hollandi, Ítalíu,
Spáni, Sviss, Svíþjóð og Þýska-
landi, og hafa þeir fengið til þess
stuðning Evrópusambandsins og
frönsk-þýsku lyfjasamsteypunnar
Aventis.
„Bóluefnið er með öllu hættu-
laust. Í því eru ekki lifandi alnæm-
isveirur, heldur eftirgerð af sum-
um hlutum veirunnar,“ sagði
Giuseppe Pantaleo, talsmaður
læknaháskólans í Lausanne. Sagði
hann, að unnið hefði verið að þessu
verkefni í fimm ár og væri um að
ræða mörg hugsanleg bóluefni,
sem aðeins hefðu verið reynd í til-
raunastofu.
Ef tilraunin gengur vel munu
vísindamennirnir kanna hvaða
bóluefnisblanda er vænlegust og
bólusetja sjálfboðaliða, sem eru í
meiri áhættuhópi en þeir, sem nú
taka þátt í tilrauninni.
Reyna bóluefni við alnæmi
Lausanne. AFP.
MEGINMARKMIÐ færeysku land-
stjórnarinnar er, að Færeyingar geti
staðið á eigin fótum efnahagslega
þótt ljóst sé, að nú hafi slegið í bak-
seglin um stund. Kom þetta fram hjá
Anfinn Kallsberg, formanni land-
stjórnarinnar, er hann setti lögþingið
í fyrradag, á Ólafsvökunni, sem er
jafnframt þjóðhátíðardagur Færey-
inga.
„Góðæri síðustu ára er lokið, tekjur
landsjóðsins á þessu ári eru minni en
á sama tíma í fyrra. Það stafar eink-
um af erfiðum verkföllum, minni um-
svifum í efnahagslífinu og skatta-
lækkunum. Samt sem áður stöndum
við styrkum fótum efnahagslega og
það verður áfram gott að búa í Fær-
eyjum. Velferðarkerfið er öflugt og
við óttumst ekki atvinnuleysi,“ sagði
Kallsberg meðal annars í ræðu sinni.
Færeyingar fá nú árlega um 7,5
milljarða íslenskra króna frá danska
ríkinu en stefnt er að því, að þeir geti
komist af án þessa styrks. Sagði
Kallsberg, að þegar að því kæmi yrðu
Færeyingar frjálsari að því að ákveða
framtíðarstöðu sína. Sagði hann, að
um það hefði samist við dönsku
stjórnina, að á þingum beggja landa
yrði lagt fram frumvarp til laga um
yfirtöku Færeyinga á öllum sínum
sérmálum. Varnar- og utanríkismál
og mál, sem tengdust dönskum rík-
isborgararétti, yrðu hins vegar áfram
á hendi Dana.
Kallsberg nefndi einnig, að skipuð
yrði nefnd til að fjalla um stjórnar-
skrá fyrir Færeyinga og væri henni
ætlað að leggja fram tillögur þar að
lútandi ekki síðar en 25. apríl árið
2005.
Anfinn Kallsberg, lögmaður Færeyja,
setur lögþingið á Ólafsvöku
Meginmarkmiðið
efnahagslegt sjálf-
stæði landsins
Þórshöfn. Morgunblaðið.
HELGUR maður í hindúasið blæs í kuðungslúður sinn
og lýsir með því Kumbh Mela, trúarhátíð hindúa, hafna
við bakka Godavari-árinnar í borginni Nasik, sem er
norðaustur af Bombay á Indlandi.
Hundruð þúsunda hindúa hafa safnast saman í Nasik
til að taka þátt í trúarhátíðinni sem stendur í mánuð.
Hún er haldin fjórum sinnum á tólf ára tímabili við
bakka fjögurra fljóta í Indlandi.
Reuters
Blásið til hátíðar