Morgunblaðið - 26.09.2003, Page 15

ERLENT
MORGUNBLAÐIÐ FÖSTUDAGUR 26. SEPTEMBER 2003 15

  

NÍTJÁN ára breskum ferða-
manni, Matthew Scott, tókst að
flýja frá kólumbískum mannræn-
ingjum með því að stökkva ofan í
gljúfur nálægt tindi 5.600 m hás
fjalls í Kólumbíu tíu dögum eftir
að honum var rænt. Hann rann
niður í á og komst að lokum að
afskekktu þorpi indíána sem
björguðu honum. Hann segist
hafa verið matarlaus þessa tólf
daga og aðeins drukkið vatn.
Örmagna og særður
Scott er nú á hersjúkrahúsi í
Kólumbíu og að ná sér af ör-
mögnun, vessaþurrð, sólbruna og
sárum á líkamanum.
Sjö aðrir ferðamenn, fjórir Ísr-
aelar, Breti, Þjóðverji og Spán-
verji, eru enn í haldi mannræn-
ingjanna. „Við gengum á fjallinu
og beggja vegna var þverhnípi,“
hafði fréttavefur BBC eftir Scott.
„Ég heyrði árnið hægra megin og
fylgdi hljóðinu. Ég var mjög
snöggur og stökk fram af kletti.
Ég var heppinn að brjóta ekki á
mér fæturna og handleggina.“
Borðaði ekkert í tólf daga
Scott segist aðeins hafa drukk-
ið vatn eftir að honum var rænt.
„Ég borðaði ekkert síðustu tólf
dagana. Þegar ég gekk fram á
indíánana gáfu þeir mér bauna-
súpu, svolítið salt og þrjár app-
elsínur.“
Yfirhershöfðingi Kólumbíu og
talsmaður breska sendiráðsins í
Bogota staðfestu frásögn Scotts.
„Hann notaði tækifærið til að
sleppa þegar mannræningjarnir
sáu hann ekki og stökk ofan í
gljúfrið og hvarf,“ sagði einn
indíánanna í sjónvarpsviðtali.
„Hann var með svima og upp-
köst þegar við fundum hann.“
Alvaro Uribe, forseti Kólumb-
íu, hefur kennt Þjóðfrels-
ishernum (ELN) og Byltingarher
Kólumbíu (FARC) um tíð mann-
rán í landinu. FARC er elsti og
stærsti uppreisnarher Rómönsku
Ameríku.
Ungur ferðamaður komst úr klóm mannræningja
Slapp með því að
stökkva ofan í gljúfur
AP
Scott ræðir við kólumbískan herforingja á sjúkrahúsi eftir að hafa sloppið.
’ Þegar ég gekkfram á indíánana
gáfu þeir mér
baunasúpu, svolítið
salt og þrjár
appelsínur. ‘
Bogota. AFP.
ÍSLAMSKUR áfrýjunardómstóll í
Nígeríu sýknað í gær Amina Lawal,
31 árs gamla einstæða móður, af
ákæru um hjúskaparbrot í máli sem
vakið hefur athygli víða um heim.
Þorpsdómstóll dæmdi á síðasta ári að
Lawal skyldi grýtt til bana en hún
eignaðist barn tveimur árum eftir að
hún skildi við mann sinn.
Þorpsdómstóllinn taldi að sam-
kvæmt íslömskum lögum, sharía,
bæri að telja fæðingu barnsins hjú-
skaparbrot þar sem Lawal hafði ekki
gengið aftur í hjónaband þegar barnið
fæddist.
Reglur brotnar
Meirihluti áfrýjunarréttarins í
borginni Katsina í norðurhluta Níger-
íu, komst að þeirri niðurstöðu að Law-
al skyldi vera sýkn saka. Dómstóllinn,
sem er æðsti dómstóll sharíalaganna,
sagði að Lawal hefði ekki verið staðin
að hjúskaparbroti og hefði ekki fengið
nægan tíma til að gera sér grein fyrir
ákærunum, sem bornar voru fram á
hendur henni. Þá sagði dómstóllinn
að þorpsdómstóllinn hefði ekki farið
að settum reglum því aðeins einn
dómari hefði verið viðstaddur þegar
dómurinn var kveðinn upp í mars
2002 en ekki þrír eins og lögin kveða á
um.
Verjandi Lawal hélt því fram að
þorpsdómurinn hefði ekki útskýrt
brotið á fullnægjandi hátt fyrir Lawal
áður en meint játning hennar lá fyrir.
Að auki hefðu sharía-lögin ekki verið
formlega lögtekin í héraði Lawal þeg-
ar meint brot átti sér stað. Einnig
taldi verjandinn hugsanlegt að um
svokallað „sofandi fóstur“ hefði verið
að ræða en sharía viðurkenni að fóst-
ur geti legið í dvala í allt að fimm ár í
móðurkviði. Fyrrum eiginmaður
Lawal gæti því verið faðirinn.
Dauðadómurinn yfir Lawal vakti
heimsathygli og mikil viðbörgð. Með-
al annars var fegurðarsamkeppnin
Ungfrú heimur, sem halda átti í Níg-
eríu í fyrra, flutt þaðan vegna mót-
mæla en margir keppendur ákváðu að
fara ekki til Nígeríu í mótmælaskyni.
Karl dæmdur til grýtingar
Skömmu eftir að Lawal var sýknuð
í gærdag dæmdi sharíadómstóll í
Bauchi-fylki í norðurhluta Nígeríu,
tvítugan karlmann til dauða fyrir að
eiga kynmök við þrjá drengi. Sam-
kvæmt dómnum verður maðurinn
grýttur til bana. Talsmaður dómstóls-
ins sagði í samtali við APF-fréttastof-
una að maðurinn hefði viðurkennt
brotið.
Verður ekki
grýtt til bana
Reuters
Amina Lawal með dóttur sína.