Morgunblaðið - 15.11.2003, Síða 26

SUÐURNES
26 LAUGARDAGUR 15. NÓVEMBER 2003 MORGUNBLAÐIÐ
Grindavík | „Ég sé ekki eftir því að
hafa flutt í gamla bæinn. Hér er
frábært að búa, friðsælt í nágrenni
við hesta og rollur, nánast eins og
að búa úti í sveit,“ segir Pétur
Breiðfjörð Reynisson, rafvirki og
sjúkraflutningamaður, sem gengið
hefur fram fyrir skjöldu í baráttu
fyrir umbótum á gamla bænum í
Grindavík.
Pétur bjó í efri byggðinni í
Grindavík og fannst eins og fleirum
að gamli bærinn svokallaði væri í
niðurníðslu, óttarlegt Harlem eins
og hann orðar það sjálfur. Hann
ákvað þó að kaupa sér 73 ára gam-
alt hús við Kirkjustíg í gamla bæn-
um og flutti þangað með unnustu
sinni í júlí á síðasta ári. Hann hefur
síðan unnið að því að gera upp hús-
ið. Og hann sér ekki eftir því að
hafa flutt þangað.
Nefnd kosin til að koma með
tillögur að úrbótum
Pétur skilgreinir svæðið frá Dal-
braut og niður að sjó sem gamla
bæinn. Þar er töluverð byggð en
auð svæði á milli, meðal annars tún,
fjárhús og hesthús. Á þessu svæði
er fjöldi fallegra húsa sem gerð
hafa verið upp eða haldið vel við en
einnig nokkuð af húsum sem ekki
eru í góðu ásigkomulagi. Pétur seg-
ir að ungt fólk sé að flytja í hverfið
enda sé hægt að fá þar ódýr hús og
vinna sjálfur við þau.
Hann hefur hins vegar ekki verið
ánægður með sinnuleysi bæjaryf-
irvalda í garð íbúanna. Segir að
hverfið hafi orðið útundan. Pétur
segir að Sigurður Ágústsson að-
stoðaryfirlögregluþjónn sem ólst
upp í gamla bænum og fleiri áhuga-
menn hafi barist fyrir þetta svæði
en ekki haft árangur sem erfiði.
Eftir að Pétur flutti sjálfur á
Kirkjustíginn og sá hvar skórinn
kreppti fór hann á fund bæjarstjóra
og bað um lagfæringar á ýmsum
þáttum. Þá voru ekki ætlaðir fjár-
munir til umbóta þar en bæjarstjór-
inn benti honum á að senda inn er-
indi fyrir næstu fjárhagsáætlun.
Síðan hefur hann rætt við marga
nágranna og ritaði bæjarstjórninni
nokkuð hvassyrt bréf þar sem hann
vakti athygli þeirra á bæjarhlut-
anum. Í framhaldi af því og vegna
undirbúnings fjárhags-
áætlunar bæjarins fyrir
komandi ár skilaði hann
nánari greinargerð um
helstu vandamálin. Er-
indi hans var tekið fyrir
á fundi bæjarstjórnar í
vikunni og samþykkt að
stofna nefnd um málefni
gamla bæjarins. Nefnd-
inni er ætlað að skila til-
lögum um það hvað
hægt sé að gera til að
nýta þá möguleika sem
felast í uppbyggingu
gamla bæjarins með
söguna að leiðarljósi,
eins og segir í sam-
þykktinni.
Pétur var kosinn í
nefndina ásamt Sigurði
Ágústssyni og Erling
Einarssyni. „Það er
gamla sagan, manni er
troðið í nefnd ef maður
segir eitthvað,“ sagði
Pétur en lýsir um leið
ánægju með þetta skref.
Hann tekur fram að
hann sé ekki einn í
þessari baráttu, góð
samstaða sé meðal íbú-
anna og margir hvatt
hann áfram.
Pétur segir mikilvægast að skipu-
leggja svæðið upp á nýtt þannig að
hægt verði að hafa fast land undir
fótum við umbætur þar. Hann vek-
ur athygli á því að óbyggt svæði sé
austan Víkurbrautar þar sem áður
stóðu nokkur hús. Leggur hann til
að þar verði skipulögð íbúðarbyggð
enda yrði með góðu móti hægt að
koma þar fyrir á þriðja tug íbúðar-
húsa. Það myndi styrkja hverfið.
Vestan Víkurbrautar eru tún sem
hann segir einnig tilvalið að byggja
á en það land sé í einkaeigu og slíkt
yrði háð frumkvæði landeigenda.
Pétur telur að unnt sé að gera ým-
islegt til að fegra svæðið, án þess að
leggja í mikinn kostnað. Tyrfa hér
og þar og laga gangstéttir.
Gangstéttir og blindhorn
Í greinargerð Péturs til bæj-
arstjórnar kemur fram að malbika
þurfi götur sem séu með mal-
arslitlagi eða lélegri klæðningu.
Laga þurfi gangstéttir og fjölfarna
göngustíga og lýsa upp. Gera þurfi
öllum kleift að tengjast fráveitu
bæjarins.
Hann telur að hætta sé fyrir börn
á gönguleið þeirra úr gamla bænum
í grunnskólann, meðal annars þegar
þau fara yfir Ásabrautina, og bend-
ir á möguleika þess að setja þar upp
gangbrautarljós. Einnig telur hann
nokkur blindhorn varasöm og þar
þurfi að grípa til ákveðinna ráðstaf-
ana.
Gamla kirkjan í Grindavík er
miðpunktur gamla bæjarins. Hún
hefur verið afhelguð og var notuð
sem leikskóli um tíma. Lóðin um-
hverfis hana er nú leikvöllur barna.
Pétur segir töluvert um að ferðafólk
stöðvi bíla sína við kirkuna, meðal
annars hópferðabílar, og þurfi því
að koma upp aðstöðu til þess. Hann
leggur til að leikvöllurinn verði
færður á annan stað en lóð kirkj-
unnar lagfærð sem og annað um-
hverfi hennar og húsið lýst upp.
Pétur segir að það sé nú hlutverk
nefndarinnar að fara yfir málið og
forgangsraða þannig að unnt verði
að framkvæma eitthvað á næsta ári.
Brýnast sé þó að fá arkitekt til að
vinna að skipulagi svæðisins í góðri
samvinnu við fólkið sem þar býr.
Gengur fram fyrir skjöldu og krefst umbóta í umhverfis- og öryggismálum
Gamli bærinn er vanræktur
Morgunblaðið/Helgi Bjarnason
Eins og í sveitinni: Í gamla bænum í Grindavík eru tún og útihús og í nágrenninu sjást kindur og hestar iðulega á beit, sumir forvitnari en aðrir.
Í baráttunni: Pétur Breiðfjörð krefst umbóta,
meðal annars í kringum gömlu kirkjuna.
Keflavík | „Þetta er nú ekki alveg sama stemningin og á
staðnum, það vantar bjórinn,“ sagði einn netagerðarmann-
anna sem í gær var í fjarnámsstofu Miðstöðvar símennt-
unar á Suðurnesjum að fylgjast með tilraunum með fiski-
troll í tilraunatanki sem er í húsi Norðursjávarsetursins í
Hirtshals í Danmörku. Vísaði hann til þess að fljótlega
færu Danirnir að opna föstudagsbjórinn.
Tilraunir hafa í mörg ár verið gerðar með fiskitroll fyrir
íslenskar netagerðir í Hirtshals en menn hafa þurft að
vera úti til að fylgjast með. Lárus Þór Pálmason, deild-
arstjóri námsbrautar í veiðarfæragerð við Fjölbrautaskóla
Suðurnesja, fékk stofnunina sem rekur tilraunatankinn til
að gera tilraun með beinar útsendingar með gagnvirkum
fjarfundarbúnaði. Var þetta gert í samvinnu við netagerð-
ina Thormonet í Hafnarfirði, sem var með tankinn á leigu í
gær. Var þetta í fyrsta skipti sem slíkar tilraunir eru sýnd-
ar beint í öðrum löndum.
Lárus sagði að tæknin hefði reynst vel og hugsar hann
sér gott til glóðarinnar að nota hana við að fá fyrirlestra
fyrir nema í veiðarfæragerð, bæði íslenskra og frá sjáv-
arútvegsháskóla Íslands sem eru við nám í netagerð hjá
honum. Einnig sagði hann tilvalið fyrir netagerðirnar að
nota þessa tækni til þróunarvinnu og tóku viðstaddir undir
það. Eins og sérfræðinga er háttur sátu þeir og fylgdust
með útsendingunni af miklum áhuga, eins og aðrir fylgjast
með íþróttakappleikjum. Munurinn er þó sá að þeir höfðu
tækifæri til að spyrja stjórnandann jafnóðum um tilraun-
ina og gátu beðið hann um að beina myndavélunum að
þeim atriðum sem þeir höfðu áhuga á hverju sinni.
Fylgjast með veiðarfæratilrauninni í beinni útsendingu
Ekki sama
stemningin
Morgunblaðið/Helgi Bjarnason
Bein útsending: Lárus Pálmason og netagerðarfólkið
fylgist af áhuga með veiðarfæratilraun í Danmörku.
SANDGERÐISBÆR var í lok síð-
asta árs með mestar skuldir og
skuldbindingar á hvern íbúa af
sveitarfélögunum á Suðurnesjum,
samkvæmt samanteknum reikn-
ingsskilum sem birt eru í Árbók
sveitarfélaga 2003. Lægstar eru
skuldirnar í Gerðahreppi.
Skuldir og skuldbindingar sveit-
arsjóðs og annarra stofnana Sand-
gerðisbæjar námu liðlega 864 þús-
und krónum á íbúa í lok síðasta árs.
Samsvarandi tala í Reykjanesbæ er
767 þúsund krónur, 636 þúsund í
Vatnsleysustrandarhreppi, 613
þúsund í Grindavík og lægstar eru
skuldir á íbúa í Gerðahreppi, 357
þúsund krónur. Sandgerðisbær og
Reykjanesbær eru með verulegar
skuldir og skuldbindingar vegna
hafna og félagslegs íbúðarhúsnæðis
og eru þær reiknaðar með í sam-
anburðinum. Skuldir Reykjanes-
bæjar og stofnana samsvara tekjum
í tvö og álft ár og skuldir Sandgerð-
isbæjar svara til liðlega tveggja ára
tekna. Hins vegar nema skuldir
Gerðahrepps liðlega eins árs
tekjum hrepps og stofnana hans.
Ef aðeins er litið til sveitarsjóð-
anna breytist röðin. Þannig reikn-
aðar eru skuldir og skuldbindingar
sveitarsjóðs Vatnsleysustrandar-
hrepps mestar á íbúa, 611 þúsund
krónur, 515 þúsund í Reykjanesbæ
og 477 þúsund í Sandgerði. Skuldir
sveitarsjóðanna eru minni í Grinda-
vík, þar sem skuldir og skuldbind-
ingar samsvara 311 þúsund á íbúa,
og í Gerðahreppi þar sem skuld-
irnar nema 307 þúsund á íbúa.
Skuldir á íbúa
mestar í Sandgerði
Minnast Svavars | Dagskrá verður
í Grindavíkurkirkju á morgun,
sunnudag, til að minnast þess að í
gær voru 90 ár liðin frá fæðingu Svav-
ars heitins Árnasonar, fyrsta og eina
heiðursborgara Grindavíkur.
Svavar fæddist 14. nóvember 1913
og lést 14. febrúar 1995. Hann átti
sæti í hreppsnefnd Grindavíkur og
síðan bæjarstjórn samfleytt í fjörutíu
ár, þar af oddviti í 28 ár. Hann kom
víðar við í félagsmálum, var til dæmis
sóknarnefndarformaður, organisti og
söngstjóri í kirkjunni í tugi ára.
Bæjarstjórn og sóknarnefnd
standa saman að dagskránni sem
hefst í Grindavíkurkirkju klukkan 14
á morgun. Gunnar Kristjánsson pró-
fastur prédikar við guðsþjónustu hjá
séra Jónu Kristínu Þorvaldsdóttur og
Aðalgeir Jóhannsson minnist Svavars
í kaffisamsæti. Loks kemur söng-
kvartett fram.
Námskeið ungmennaráða | Sam-
tök félagsmiðstöðva á Suðurnesjum,
SamSuð, halda árlegt námskeið fyrir
nemenda- og ungmennaráð fé-
lagsmiðstöðva og grunnskóla á Suð-
urnesjum föstudaginn 21. nóvember.
Námskeiðið fer fram í Samkomuhús-
inu í Garðinum og hefst kl. 8.30 og
stendur til kl. 15. Öllum grunnskólum
og félagsmiðstöðvum á Suðurnesjum
stendur til boða að senda sín ráð á
námskeiðið.
Meðal þess sem farið verður yfir á
námskeiðinu er framkoma, ræðu-
mennska, leikræn tjáning, ung-
mennalýðræði og hlutverk nem-
endaráða. Tilgangur þessa námskeiðs
er að styrkja unglingana sem sæti
eiga í ráðunum þannig að þeir verði
betur í stakk búnir til að takast á við
verkefni komandi vetrar.
Hraðakstur og bílbelti | Lög-
reglan í Keflavík hefur kært 74 öku-
menn fyrir of hraðan akstur síðast-
liðna sjö daga.
Á sama tíma hefur hún kært 39
fyrir að nota ekki bílbelti enda hefur
lögreglan verið með sérstakt átak í að
fylgjast með bílbeltanotkun vegna
niðurstöðu athugunar sem sýndi að
Suðurnesjamenn standa sig verr en
aðrir í því. Í dagbók lögreglunnar
kemur fram að þessu átaki verði
haldið áfram þar til fólk fari að nota
bílbelti eins og lög gera ráð fyrir.