Morgunblaðið - 20.01.2004, Page 2
Morgunblaðið/Ólafur Bernódusson
HAFIST var handa við að hífa
sokkna báta upp úr höfninni á
Skagaströnd í gær. Tveir kafarar,
ásamt nokkrum fjölda manna, unnu
við að ná bátunum upp með aðstoð
öflugs krana frá Akureyri.
Tveir bátar voru hífðir upp úr
höfninni í gær en þrír verða teknir
upp í dag.
Byrjað var á að koma bátunum á
réttan kjöl en síðan var dælt úr þeim
með dælu frá slökkviliðinu á staðn-
um. Síðan voru bátarnir hífðir upp á
bryggju og þeim komið í skjól. Bát-
arnir eru nokkuð skemmdir eftir að
hafa farið á botninn en eftir er að
meta skemmdirnar.
Bátar hífðir
upp úr
höfninni
Skagaströnd. Morgunblaðið.
FRÉTTIR
2 ÞRIÐJUDAGUR 20. JANÚAR 2004 MORGUNBLAÐIÐ
ATLANTA TIL ÍRLANDS
Viðræður eru á lokastigi um kaup
Atlanta flugfélagsins á viðhaldsfyr-
irtæki við Shannon-flugvöll á Ír-
landi, Shannon MRO, sem er í hópi
þriggja stærstu fyrirtækja á Írlandi
á sviði viðgerða og viðhalds á flug-
vélum. Starfsmenn eru ríflega 153
talsins og veltan á síðasta ári var
tæplega einn milljarður króna.
Áætlanir þessa árs gera ráð fyrir 1,5
milljarða veltu þar sem bæta þarf
við um 30 starfsmönnum til að vinna
við þrjár nýjar flugvélategundir með
eignarhaldi Atlanta.
Aðgerðir snerta marga
Sparnaðaraðgerðir Landspítala –
háskólasjúkrahúss munu, sam-
kvæmt þeim tillögum sem nú liggja
fyrir, snerta störf og kjör yfir fimm
hundruð starfsmanna spítalans. Um
fimmtíu starfsmönnum verður sagt
upp en auk þess verður öðrum
stöðugildum spítalans fækkað um
170 með því m.a. að ráða ekki áfram
fólk sem sinnir tímabundnum verk-
efnum.
Ekki ástæða til afskipta
Halldór Blöndal, forseti Alþingis,
telur hvorki grundvöll til at-
hugasemda né afskipta af hálfu for-
seta þingsins við setu Péturs H.
Blöndals í efnahags- og við-
skiptanefnd Alþingis, né við for-
mennsku hans í nefndinni sem hún
hefur kjörið hann til. Halldór segir,
að jafnframt verði að telja að tillaga
þingmanna úr Samfylkingunni, sem
var flutt á fundi nefndarinnar 12.
janúar, styðjist hvorki við þingsköp
né þingvenjur.
Flutningaskipi hvolfdi
Norsku flutningaskipi hvolfdi í
blíðskaparveðri skammt frá Björg-
vin í gær. Að minnsta kosti tveir úr
áhöfninni létust og sextán var enn
saknað í gærkvöldi. Ellefu komust
lífs af, þar af þrír sem náðust út úr
flakinu á ellefta tímanum í gær-
kvöldi.
Endurskoða múrinn
Ariel Sharon, forsætisráðherra
Ísraels, hefur fyrirskipað endur-
skoðun á byggingu 700 km múrs á
Vesturbakkanum sem Ísraelar segja
sig tilneydda að byggja til að verjast
hryðjuverkum Palestínumanna.
Y f i r l i t
Í dag
Sigmund 8 Forystugrein 28
Viðskipti 12 Þjónusta 31
Úr verinu 12 Viðhorf 32
Erlent 14/16 Minningar 33/37
Minn staður 18 Kirkjustarf 36
Höfuðborgin 19 Bréf 40
Akureyri 20 Dagbók 42/43
Suðurnes 21 Íþróttir 44/47
Austurland 22 Kvikmyndir 48
Landið 23 Fólk 48/53
Daglegt líf 24 Bíó 50/53
Listir 25/26 Ljósvakar 54
Umræðan 27/32 Veður 55
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@-
mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@-
mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Jarðskjálftar við
Geirfugladrang
JARÐSKJÁLFTI, 3,1 á Richter, mældist laust
fyrir klukkan tíu í gærmorgun við Geirfugla-
drang á Reykjaneshrygg, um 30 km frá landi.
Samkvæmt upplýsingum frá Veðurstofu Ís-
lands höfðu rúmlega tíu skjálftar mælst á sama
svæði í kjölfarið í gær, flestir í kringum 2 stig á
Richter, sá síðasti kl. 11:15.
Veðurstofan segir að ekki hafi orðið vart við
gosóróa né neitt sem bendi til eldgoss en jarð-
skjálftahrinur munu vera tiltölulega algengar
við Geirfugladrang.
Skjálfti við Surtsey
Laust eftir klukkan 22 í fyrrakvöld mældist
jarðskjálfti upp á 2,9 stig á Richter og voru
upptök hans um 3 km norðnorðvestur af Surts-
ey. Samkvæmt Veðurstofunni bendir allt til
þess að um stakan skjálfta hafi verið að ræða.
SIÐFRÆÐISTOFNUN Háskóla Íslands telur að
stjórnarseta formanns Verslunarmannafélags
Reykjavíkur í hlutafélögum geti valdið hagsmuna-
árekstrum, hún geti haft áhrif á trúverðugleika
hans og hætta sé á að hann geti ekki gagnrýnt við-
komandi fyrirtæki opinberlega.
Formaður VR segir að það séu kostir og gallar
við stjórnarsetuna, en niðurstaða fundar trúnað-
arráðs og trúnaðarmanna er að formaður VR eigi
að taka sæti í stjórnum fyrirtækja.
Gunnar Páll Pálsson, formaður VR, óskaði á
liðnu ári eftir því við Siðfræðistofnun Háskóla Ís-
lands að hún gæfi álit sitt á stjórnarsetu fulltrúa
VR í Lífeyrissjóði verslunarmanna og félögum í
hans eigu.
Ketill Magnússon skýrði álit stofnunarinnar á
nýársfundi verslunarmanna og í máli hans kom
fram að seta formanns VR í hlutafélögum vekti
nokkrar spurningar. Hagsmunaárekstrar gætu
skapast ef formaðurinn þyrfti að taka afstöðu í
málum sem snertu félaga í VR, sem væru launþeg-
ar í viðkomandi félagi, trúverðugleiki formannsins
væri í hættu ef hann tengdist ákvörðunum stjórn-
ar félagsins sem hugsanlega væru óvinsælar með-
al launafólks og í þriðja lagi væri hætta á að for-
maður VR gæti ekki tekið opinbera afstöðu og
gagnrýnt viðkomandi fyrirtæki opinberlega eins
og hlutverk hans sem formanns gæti kallað á.
Gunnar Páll segir að það séu kostir og gallar á
stjórnarsetu formanns VR. Það hafi komið ber-
lega í ljós á liðnu ári, þegar hann hafi verið gagn-
rýndur fyrir að sitja í stjórn Kaupþings Búnaðar-
banka, þegar umræður um launagreiðslur
yfirstjórnar fyrirtækisins hafi staðið sem hæst.
Málið hafi verið rætt á breiðari grundvelli á fundi
trúnaðarráðs og trúnaðarmanna og þar hafi komið
fram að ef lífeyrissjóðirnir tilnefndu menn í
stjórnir væri ljóst að atvinnurekendur réðu meiru
um þessi mál en launþegar. Könnun á fundinum
hefði leitt í ljós að rúm 70% teldu að formaður VR
ætti að taka sæti í stjórnum fyrirtækja fyrir hönd
Lífeyrissjóðs verslunarmanna.
Siðfræðistofnun komst einnig að þeirri niður-
stöðu að núverandi fyrirkomulag við val á fulltrú-
um VR í stjórn LÍVR vekti spurningar um hvort
almennir sjóðsfélagar hefðu nægilega möguleika
til að hafa áhrif á það hverjir sætu í stjórn sjóðs-
ins. Gunnar Páll segir að í ljósi gagnrýni á und-
anförnum árum hafi menn velt fyrir sér að skoða
fleiri þætti í þeim málum. Nú hafi til dæmis verið
auglýst eftir frambjóðendum í stjórnina og síðan
stillt upp lista, sem hafi verið afgreiddur á fund-
inum. „Við ætlum að nota skýrsluna sem umræðu-
grundvöll á árinu,“ segir hann.
Siðfræðistofnun Háskóla Íslands fjallar um stjórnarsetu formanns VR
Varar við mögulegum
hagsmunaárekstrum
Kærður fyrir
tvær nauðganir
ÍSLENSKUR starfsmaður á ferju, sem siglir á
milli Hirtshals í Danmörku og Oslóar í Noregi,
var í gær kærður fyrir að hafa nauðgað tveimur
rúmlega tvítugum samstarfskonum um borð í
ferjunni, að sögn fréttavefjar danska blaðsins
Extrabladets.
Á vef Extrabladets kemur fram að seinni
nauðgunin hafi átt sér stað meðan ferjan var í
höfn í Osló í fyrrinótt en sú fyrri fyrir viku.
Fram kemur að skipstjóri ferjunnar hafi kallað
á lögreglu í fyrrinótt eftir að hafa verið greint
frá meintri nauðgun, yfirheyrslur hafi farið
fram í gær og maðurinn sé í varðhaldi lögregl-
unnar í Osló.
LÆKNADAGAR hófust í gær á Nordica hót-
eli með ýmsum fyrirlestrum. M.a. efnis í gær
var notkun tölvusneiðmynda og segulómunar
í greiningu hjartasjúkdóma en það var Björn
Flygenring frá Minneapolis hjartastofnuninni
sem hélt erindi um það efni.
Í dag verða reifuð nokkur viðfangsefni á
Læknadögum, rætt verður um sýkingar og
gigt, um hjartasjúkdóma barna, lifr-
arsjúkdóma og kæfisvefn.
Læknadagar eru árlegir fræðsludagar fyr-
ir lækna, haldnir af Læknafélagi Íslands í
samvinnu við framhaldsmenntunarráð
Læknadeildar Háskóla Íslands.
Morgunblaðið/Þorkell
Læknadagar hafnir
á Nordica hóteli
HANN getur verið góður og kælandi snjórinn.
Það finnst að minnsta kosti þessum ungu herra-
mönnum sem urðu á vegi ljósmyndara Morgun-
blaðsins þar sem þeir kjömsuðu á fönninni fyrir
utan Vesturbæjarskóla á dögunum.
Næstu daga er útlit fyrir nokkurra gráða
hita á höfuðborgarsvæðinu og rigningu og því
gæti snjórinn verið á förum – í bili að minnsta
kosti.
Janúarmánuður er þó bara rétt rúmlega
hálfnaður og því nokkuð öruggt að það á eftir
að snjóa meira í vetur, þótt síðar verði.
Morgunblaðið/Ásdís
Bragðað á snjónum
♦♦♦
♦♦♦