Morgunblaðið - 20.01.2004, Blaðsíða 22
AUSTURLAND
22 ÞRIÐJUDAGUR 20. JANÚAR 2004 MORGUNBLAÐIÐ
Nám sem undirbýr nemendur fyrir krefjandi störf á nútíma skrifstofu.
Mikið er lagt upp úr verkfærni, metnaði og skipulögðum
vinnubrögðum nemenda.
Þetta er tilvalið nám fyrir alla þá sem vilja styrkja stöðu sína
í starfi og þá sem eru í leit að nýjum starfsvettvangi.
Innifalið í verði námskeiðsins eru TÖK próf og öll námsgögn.
- Morgunnámskeið er byrjar 26. jan. og lýkur 26. mars.
- Kennt er alla virka daga frá kl. 8:15 - 12:15.
- Kvöld- og helgarnámskeið byrjar 5. feb. og lýkur 27. maí.
- 258 stundir - Stgr.verð: 179.550
- Windows - Word
- Excel - Access
- Power Point
- Internetið
- Bókhald
- Tölvubókhald
- Verslunarreikningur
- Sölutækni og þjónusta
- Mannleg samskipti
- Framkoma og framsögn
- Tímastjórnun
- Lokaverkefni
Helstu námsgreinar:
Ólafsfjörður | Félagar í Björg-
unarsveitinni Tindi í Ólafsfirði
fluttu á sunnudag rúmlega tvö
hundruð kindur frá bænum Bakka,
sem snjóflóð féll á í vikunni, með
þeim afleiðingum að bóndinn á
bænum beið bana. Kindurnar voru
fluttar á bæinn Burstabrekku.
Sýslumaður hefur, vegna snjó-
flóðahættu, bannað alla umferð frá
Kvíabekk í Ólafsfirði fram í sveit-
ina í átt að Lágheiði nema að
höfðu samráði við lögreglu. Einnig
er öll umferð við bæinn Bakka
bönnuð nema í samráði við lög-
reglu.
Veðurstofan hefur lýst yfir við-
búnaðarstigi A í Ósbrekkufjalli.
„Yfir í hesthúsahverfi mega að há-
marki fara þrír saman. Þeir sem
þangað fara þurfa að hafa sam-
band við lögregluna og fá snjó-
flóðaýlur og láta lögregluna vita
þegar þeir koma til baka,“ segir í
yfirlýsingu frá almannavarnanefnd
Ólafsfjarðar.
Morgunblaðið/Helgi Jónsson
Félagar í Björgunarsveitinni Tindi við flutning kindanna frá Bakka.
Tvö hundruð kind-
ur fluttar frá Bakka
Sauðárkrókur | Það var nóg að
gera hjá stúlkunum í Blóma- og
gjafabúðinni á Sauðárkróki á
föstudaginn en verslunin var þá
flutt af Hólaveginum í Aðalgöt-
una. Boðið var upp á kaffi og
kransakökur auk opnunartilboða
í tilefni dagsins.
Kaupmennirnir í útbænum,
bóksalinn og Bjarni Har, mættu
með hirðskáldið Hilmi upp á arm-
inn og fengu hann til að fara með
frumsamda vísu, sem var á þessa
leið:
Nú er af sem áður var,
allir hætta að spara.
Binni Júll og Bjarni Har
í Blómabúðina fara.
Á myndinni eru stúlkurnar í í
Blóma- og gjafabúðinni: Þórdís
Þorkelsdóttir, Margrét Guðvins-
dóttir, eigandi, Lovísa Björns-
dóttir og María Haraldsdóttir.
Blómarósir í Blóma- og gjafabúðinni á Sauðárkróki.
Allir hætta að spara
Húsavíkurbær | Eftirfarandi er
samþykkt bæjarráðs Húsavíkur-
bæjar frá 15. janúar sl., varðandi
stofnfé Sparisjóðanna:
„Bæjarráð telur að sparisjóðirn-
ir hafi víða verið hornsteinar
byggðarlaga og stuðlað að marg-
víslegum framkvæmdum og fram-
förum á öllum sviðum mannlífsins.
Hefur starfsemi þeirra að veru-
legu leyti lotið öðrum lögmálum, en
starfsemi hins almenna bankakerf-
is.
Ráðið telur mikilvægt að við-
halda þessu, svo sjóðirnir geti
áfram stuðlað að markmiðum sín-
um um að efla almannahag, byggð-
ir og atvinnulíf.“
Sparisjóðir horn-
steinn byggðarlaga
LANDIÐ
Menningarstyrkir | Auglýstir hafa
verið verkefnastyrkir til menningar-
starfs á Austurlandi. Einstaklingar,
félagasamtök, fyrirtæki, stofnanir og
sveitarfélög geta sótt um styrki til
fjölbreyttra menningarverkefna.
Skilyrði er að umsækjendur leggi til
fé á móti í verkefni. Hægt er að sækja
um styrki til 2. febrúar nk. og verður
tilkynnt um styrkveitingar seinni
hluta þess mánaðar.
Síldarsöltun | Aldrei hefur verið
saltað jafn mikið af síld hjá Loðnu-
vinnslunni á Fáskrúðsfirði síðan byrj-
að var á slíkri verkun fyrir sjö árum.
Frá þessu greinir á vef Loðnuvinnsl-
unnar. Í síðustu viku var búið að salta
í 21.000 tunnur, þar af eru 15.000
tunnur af flökum og bitum, en 6.000
tunnur er hausskorið og heilsaltað.
Einnig var búið að frysta 500 tonn af
flökum, sem að mestu fara á Frakk-
land og Eystrasaltslöndin. Saltaða
síldin fer að mestu á Norðurlöndin og
einnig lítillega til Kanada. Mikil vinna
hefur verið í haust og það sem af er
janúar í kringum síldina og aðra fisk-
verkun hjá Loðnuvinnslunni hf., segir
á vefnum.
Reyðarfjörður | Viðbygging við
Grunnskóla Reyðarfjarðar hefur
verið boðin út. Byggja á við eldra
hús skólans á tveimur hæðum og
verður heildargólfflötur um 2.200
fermetrar. Einnig á að breyta nokk-
uð eldra húsnæðinu og innrétta að
nýju, ásamt því að vinna lóð og setja
upp leiktæki. Viðbyggingin mun
hýsa kennslustofur, stjórnunar-
aðstöðu, bókasafn, fjölnotasal, tón-
listarstofu, tónskóla og aðstöðu fyrir
heilsdagsskóla.
Fjárfestingaráætlun Fjarða-
byggðar gerir ráð fyrir að um 200
milljónir króna renni í uppbyggingu
Grunnskólans á Reyðarfirði á árinu.
Verkið er boðið út í einu lagi og á
að skilast 1. september 2006.
Tilboð verða opnuð 4. næsta mán-
aðar.
Útboð vegna Grunn-
skóla Reyðarfjarðar
Kárahnjúkavirkjun | Ætla má að ann-
ar hver starfsmaður við framkvæmd-
ir vegna Kárahnjúkavirkjun og tengd
flutningsvirki verði Íslendingur þeg-
ar litið er á verkið í heild sinni, sam-
kvæmt skrifum á vef Kárahnjúka-
virkjunar.
Tilefnið er ummæli hagfræðings
Alþýðusambands Íslands í útvarpi 15.
janúar sl. um að stóriðjuframkvæmd-
irnar á Austurlandi skili sér í mun
minna mæli inn á íslenskan vinnu-
markað en ráð hafi verið gert fyrir í
upphafi. Alls 70–80% vinnuafls við
framkvæmdirnar séu útlendingar en
gert hafi verið ráð fyrir í upphafi að
hlutfall útlendinga yrði um 20%.
Landsvirkjun svarar því til á vef
sínum að það hafi lengi legið fyrir að
hlutur erlends vinnuafls yrði veruleg-
ur við Kárahnjúkavirkjun og vitnar í
ræðu Friðriks Sophussonar, forstjóra
fyrirtækisins, á samráðsfundi Lands-
virkjunar 4. apríl 2003. Hann sagði þá
m.a. að ekki væri hægt að fullyrða um
hvernig verktakar myndu haga
mannahaldi sínu, en líklegt væri að
þeir leituðust við að finna jafnvægi í
ráðningum erlends og innlends vinnu-
afls. „Sem dæmi um þetta má nefna
að ítalska verktakafyrirtækið Imp-
regilo, sem mun byggja fyrir um 50%
af framkvæmdakostnaði Kára-
hnjúkavirkjunar, gerir ráð fyrir að
um 60–70% af sínu vinnuafli komi er-
lendis frá,“ sagði Friðrik. „Með hlið-
sjón af þessu tel ég líklegt að hlutur
erlends vinnuafls við þessar miklu
framkvæmdir verði nokkru meiri en
áætlað hefur verið.“
Annar hver starfs-
maður íslenskur
Morgunblaðið/Steinunn Ásmundsdóttir
Kalsasamt í Kárahnjúkum: Erlendir verkamenn vinna að skemmusmíðinni.
Seyðisfjörður | Skíðasvæðið í Stafdal, sem rekið er
sameiginlega af sveitarfélögunum á Austur-
Héraði og Seyðisfirði, var opnað um helgina. Fjöl-
margir nýttu sér tækifærið og skelltu sér í fjallið.
Nægur snjór er á skíðasvæðinu og ágætt færi.
Skíðadeildir Hugins á Seyðisfirði og Hattar á Eg-
ilsstöðum ætla að setja upp nýja barnalyftu á
svæðinu á næstu vikum og verið er að undirbúa
flutning lyftu sem notuð hefur verið nálægt Egils-
stöðum yfir í Stafdal. Æfingar á vegum félaganna
hófust einnig um helgina og er stefnt að námskeiði
fyrir byrjendur í skíðaíþróttinni um næstu helgi.
Neskaupstaður | Ekki tókst að opna skíðasvæðið í
Oddsskarði um helgina, þar sem herslumuninn
hefur vantað á snjókomu. Eru menn þó vongóðir
um að hægt verði að opna „Austfirsku alpana“
eins og Oddskarðssvæðið er gjarnan nefnt, fyrir
skíðaiðkendum um næstu helgi.
Ljósmynd/Einar Bragi
Á leið í lyftuna: Elísa Björt og Agnes Berg léttar í lund.
Skíðasvæðin opnuð hvert af öðru