Morgunblaðið - 20.01.2004, Blaðsíða 14

ERLENT
14 ÞRIÐJUDAGUR 20. JANÚAR 2004 MORGUNBLAÐIÐ
FJÓRIR létu lífið og nokkrir
særðust þegar sprengja sprakk
í lyftu í skrifstofuhúsnæði í Sof-
iu, höfuðborg Búlgaríu. Bygg-
ingin, þar sem tryggingafélagið
Bulins er til húsa, stórskemmd-
ist í sprengingunni. Hatrömm
átök hafa verið á milli glæpa-
flokka í landinu sem oft nota
sprengjur. Segir lögregla að
fjölda tilræða síðasta eitt og
hálfa árið megi rekja til átaka í
fíkniefnaheiminum.
Talin hafa
verið myrt
ELDRI hjón fundust látin á
heimili sínu í bænum Garde-
moen rétt fyrir utan Ósló í gær
og leikur grunur á að þau hafi
verið myrt. Lögreglan rann-
sakar nú málið en ættingi fann
konuna, sem er 89 ára, og karl-
inn, sem er 74 ára, og höfðu þau
þá verið látin í nokkra daga.
Elsta konan
122 ára
TÉTÉNSK kona, Pasikhat
Dzhukalayeva, er talin vera
elsta kona í heimi en hún er
fædd árið 1881 og því 122 ára.
Hún á níu barnabörn, átján
barnabarnabörn og sjö barna-
barnabarnabörn. „Ég veit ekki
af hverju ég hef lifað svona
lengi,“ sagði Dzhukalayeva í
viðtali við rússneska sjónvarps-
stöð og sýndi um leið vegabréf
sitt þar sem fæðingarár hennar
kemur fram. Ef hún er jafn
gömul og hún segist vera mun
hún hafa verið á fertugsaldri í
fyrri heimsstyrjöldinni og í
rússnesku byltingunni 1917. Sú
kona sem talið er að hafi lifað
hvað lengst var hin franska
Jeanne-Louise Calment, sem
dó er hún var 122 ára. Elsta nú-
lifandi konan samkvæmt
heimsmetabók Guinness er 113
ára og býr í Bandaríkjunum.
Elsti núlifandi karlinn er Spán-
verji og mánuði yngri.
6,9% hag-
vöxtur
HAGVÖXTUR í Rússlandi var
að minnsta kosti 6,9% árið
2003, að sögn verslunar- og
efnahagsmálaráðherra Rúss-
lands, German Gref.
Vöxturinn er því umfram
væntingar því búist var við að
hann yrði 6,6%. Endanlegar
tölur verða birtar í næstu viku
en munu að minnsta kosti vera
6,9%, að því er fram kom á
fundi Gref með Vladimir Pútín
Rússlandsforseta.
Sobelair
gjaldþrota
BELGÍSKA flugfélagið Sob-
elair var lýst gjaldþrota í gær.
Um 450 manns missa vinnuna
og fjöldi ferðalanga urður
strandaglópar á alþjóðaflug-
vellinum í Brussel í gær. Réttur
úrskurðaði félagið gjaldþrota
þar sem það gat ekki lengur
staðið undir fjárhagslegum
skuldbindingum en starfsfólk
hafði verið í verkfalli síðan á
sunndag. Sobelair varð til þeg-
ar Sabena, belgíska ríkisflug-
félagið varð gjaldþrota í nóv-
ember 2001.
STUTT
Spreng-
ing í
BúlgaríuTUGIR þúsunda sjía-múslíma tókuþátt í friðsamlegri mótmælagöngu í
Bagdad í gær og kröfðust þess að
efnt yrði til almennra kosninga í
Írak á næstu mánuðum en ekki á
næsta ári eins og Bandaríkjastjórn
stefnir að. Gangan fór fram nokkr-
um klukkustundum áður en banda-
rískir og íraskir embættismenn
ræddu við Kofi Annan, fram-
kvæmdastjóra Sameinuðu þjóðanna,
og óskuðu eftir því að starfslið SÞ
yrði sent aftur til Íraks í því skyni
að hafa yfirumsjón með valdafram-
sali í hendur heimamanna sem á að
fara fram í sumar.
Annan hefur sagt að ekki komi til
greina að Sameinuðu þjóðirnar hefji
aftur starfsemi í Írak nema
sprengjutilræðunum í landinu linni
og samtökin fái þar veigameira hlut-
verk en Bandaríkjastjórn hefur ætl-
að þeim.
Líkurnar á því að Annan sam-
þykki beiðnina minnkuðu á sunnu-
dag þegar 24 manns létu lífið og yfir
hundrað særðust í sprengjutilræði
fyrir framan höfuðstöðvar Banda-
ríkjahers í Bagdad. Talið er að árás-
in hafi verið gerð til að vara Samein-
uðu þjóðirnar við því að senda
starfsliðið aftur til Íraks.
Bandaríkjaher sagði í gær að svo
virtist sem tilræðismennirnir hefðu
ætlað að aka bíl, hlöðnum sprengi-
efni, inn í höfuðstöðvar hersins en
komið hefði verið í veg fyrir það á
síðustu stundu. Þeir hefðu því
sprengt bílinn fyrir framan bygg-
inguna. Flestir þeirra sem biðu
bana voru Írakar sem hugðust óska
eftir vinnu hjá hernámsliðinu.
Talið var að allt að 100.000 manns
hefðu tekið þátt í mótmælagöngu
sjía-múslíma í Bagdad í gær. Ajatol-
lah Ali al-Sistani, helsti trúarleiðtogi
sjía-múslíma í Írak, ávarpaði göngu-
mennina og áréttaði kröfu sína um
að efnt yrði til almennra kosninga í
landinu sem fyrst.
Al-Sistani hefur hafnað þeirri
áætlun Bandaríkjastjórnar að
mynduð verði írösk bráðabirgða-
stjórn 1. júlí og efnt til þingkosninga
á næsta ári. Bandaríkjastjórn og
íraska framkvæmdaráðið í Bagdad
segja að ekki verði hægt að efna til
frjálsra og lýðræðislegra kosninga
fyrir 1. júlí vegna sprengjuárás-
anna.
Japanskir hermenn
komnir til Íraks
Bandaríkjaher skýrði frá því að
tveir Jemenar og Sýrlendingur
hefðu beðið bana í skotbardaga þeg-
ar bandarískir hermenn hefðu ráð-
ist inn í „hús hryðjuverkamanna“ í
einu úthverfa Bagdad í gær. Fund-
ist hefðu vopn í húsinu.
Um 30 japanskir hermenn fóru til
Íraks í gær, en þeir eiga að und-
irbúa komu um 600 manna japansks
herliðs til landsins. Er þetta í fyrsta
skipti frá síðari heimsstyrjöldinni
sem japanskir hermenn eru sendir
til lands þar sem átök geisa.
Herliðið á að vera í suðaustur-
hluta landsins. Ekki er gert ráð fyr-
ir því að það taki þátt í hernaðar-
aðgerðum, heldur í hjálparstarfi,
viðgerðum á skemmdum bygging-
um og flutningum á birgðum.
Junichiro Koizumi, forsætisráð-
herra Japans, hét því í gær að senda
herliðið til Íraks þótt þingið hefði
ekki samþykkt það formlega. Hann
kvaðst þó ætla að fyrirskipa herlið-
inu að hætta starfseminni yrði það
fyrir árásum.
Ákvörðun forsætisráðherrans um
að senda herlið til Íraks hefur verið
mjög umdeild í Japan. Skoðana-
könnun, sem birt var í gær, bendir
þó til þess að stuðningurinn við
ákvörðunina hafi aukist í 40%. Um
það bil helmingur Japana er enn
andvígur henni.
Tugir þúsunda sjíta
krefjast kosninga í Írak
Reuters
Íraki heldur á mynd af helsta trúarleiðtoga íraskra sjía-múslíma, ajatollah
Ali al-Sistani, á mótmælagöngu í Bagdad í gær.
Bagdad. AP, AFP.
MIKIÐ snjóaði víða í Þýskalandi í gær, til dæmis í Berlín þar sem margir
brugðu sér á skíði í nýfallinni mjöllinni. Þessi maður er að fara yfir brú í
garðinum við Karlottenborgarkastala en snjókoman olli töluverðu umferð-
aröngþveiti og aflýsa varð mörgum ferðum áætlunarflugfélaga.
Reuters
Skíðað í mjöllinni
Sama dag fannst bíllinn þeirra, blár
Renault Clio, klessukeyrður við
Östra Karup og daginn eftir fund-
ust lík þeirra á ólöglegum rusla-
haug. Kom þetta fram í Aftonbladet
í gær.
Ekki var í gær búið að kanna til
fullnustu banamein stúlknanna og
ekki var ljóst hvort þær höfðu verið
myrtar á ruslahaugnum eða fluttar
þangað látnar. Voru ungu mennirn-
ir handteknir fljótlega eftir að
rannsókn á málinu hófst en að sögn
neita þeir allri sök og segjast ekki
hafa hitt stúlkurnar.
SÆNSKA lögreglan handtók í gær
tvo 17 ára gamla drengi en þeir eru
grunaðir um að hafa myrt tvær 18
ára gamlar stúlkur. Fundust lík
þeirra á sunnudag á ruslahaug
skammt frá E6-veginum á Hallandi.
Þrátt fyrir ungan aldur eiga
mennirnir glæpaferil að baki en
lögreglan telur, að þeir og stúlk-
urnar hafi haft samband um vinsæl-
an unglingavef, Lunarstorm. Vitað
er, að stúlkurnar voru í símasam-
bandi við annan piltanna síðastliðið
föstudagskvöld en daginn eftir var
tilkynnt, að þeirra væri saknað.
Tveir 17 ára ung-
lingar grunaðir
Morð á tveimur stúlkum í Svíþjóð
YFIRVÖLD í Pakistan hafa hand-
tekið allt að sjö vísindamenn og
stjórnendur rannsóknarstofu þar
sem unnið er að þróun kjarnavopna
vegna ásakana um að Pakistanar
hefðu látið Íran, Norður-Kóreu og
Líbýu í té mikilvægar upplýsingar
um kjarnavopn.
Stjórnvöld í Pakistan neita því að
þau hafi veitt löndunum þremur slík-
ar upplýsingar en hafa viðurkennt að
pakistanskir vísindamenn kunni að
hafa gert það.
Sheikh Rashid Ahmed, upplýs-
ingamálaráðherra Pakistans, sagði á
sunnudag að fimm til sjö starfsmenn
rannsóknarstofunnar hefðu verið
teknir til yfirheyrslu. Þeir hefðu þó
ekki verið ákærðir fyrir að leka upp-
lýsingum.
Á meðal hinna handteknu var Is-
lam-ul Haq, einn yfirmanna rann-
sóknarstofunnar, en hann var hand-
tekinn á laugardag þegar hann
snæddi kvöldverð á heimili „föður
pakistönsku kjarnorkusprengjunn-
ar“, Abdul Qadeer Khan. Rannsókn-
arstofan er kennd við Khan, sem
varð þjóðhetja í Pakistan þegar
fyrsta kjarnorkusprengja múslíma-
ríkis var sprengd í tilraunaskyni
neðanjarðar undir stjórn hans.
Yfirvöld í Pakistan grípa til aðgerða
Sjö kjarnorku-
vísindamenn
handteknir
Íslamabad. AP.