Morgunblaðið - 24.01.2004, Síða 4

FRÉTTIR
4 LAUGARDAGUR 24. JANÚAR 2004 MORGUNBLAÐIÐ
Vildarpunktar með!
Verð á mann frá 19.500 kr.
All
taf
ód‡rast á netinu
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
22
35
0
10
/2
00
3
SKIPVERJARNIR tveir sem
björguðust er bát þeirra Sigurvin
GK hvolfdi í innsiglingunni í Grinda-
víkurhöfn rétt fyrir hádegi í gær,
voru í björgunarvestum og telja
björgunarmenn það hafa skipt miklu
um að ekki fór verr. Mennirnir voru
kaldir og þrekaðir en með meðvit-
und er þeir björguðust. Aðeins rúm-
um hálftíma eftir að tilkynning barst
frá Neyðarlínu um að bátnum hefði
hvolft voru menn úr björgunarsveit-
inni Þorbirni í Grindavík búnir að
bjarga mönnunum tveimur úr sjón-
um.
Sjómennirnir voru strax fluttir á
sjúkrahús í Reykjavík. „Ég gæti trú-
að því að það hafi skipt höfuðmáli að
þeir voru í björgunarvestum og
þurftu þess vegna ekki að eyða
kröftum í að halda sér á floti heldur
aðeins til að verja sig briminu,“
sagði Birkir Agnarsson, formaður
björgunarsveitarinnar Þorbjarnar í
Grindavík.
Í fyrstu talið að þrír
menn væru á bátnum
Samkvæmt upplýsingum hans
barst björgunarsveitinni tilkynning
frá Neyðarlínunni kl. 11.17 í gær-
morgun um að netabátnum Sigurvin
GK-61 hefði hvolft og var þá talið að
þrír menn væru um borð en síðar
kom í ljós að þeir voru tveir. Sjónar-
vottar létu Neyðarlínuna vita af
slysinu en samkvæmt lýsingum
þeirra fékk báturinn á sig stóra öldu
og stakkst framfyrir sig með þeim
afleiðingum að annar skipverjanna
fór útbyrðis. Hinum tókst að komast
út að björgunarbát og hékk utan á
honum er hjálpin barst. Netabátinn
rak stjórnlaust að brimvarnargarð-
inum.
Þungur sjór og brim var í innsigl-
ingunni er björgunarmenn lögðu af
stað aðeins fáeinum mínútum eftir
að tilkynningin barst. Björgunar-
skipið Oddur V. Gíslason fór fyrst af
stað, mannað sex björgunarmönn-
um. En vegna erfiðra aðstæðna fóru
einnig þrír björgunarsveitarmenn á
slöngubátnum Hjalta Frey á stað-
inn. Þegar Oddur kom út í innsigl-
ingarrennuna var mjög mikið brim
en björgunarmenn sáu þar fljótlega
mann sem hékk utan í gúmmíbjörg-
unarbát. Oddur átti erfitt með að
komast að manninum þar sem hann
var mjög nærri brimvarnargarðin-
um í geysimiklu brimi en slöngubát-
urinn Hjalti Freyr átti auðveldara
með að athafna sig og komst hann að
manninum við gúmmíbátinn. Á með-
an Hjalti Freyr flutti skipbrots-
manninn til hafnar kom áhöfn Odds
auga á hinn skipverja Sigurvins á
reki í sjónum skammt utan við eystri
brimvarnargarðinn. Þeir hugðust
reyna að komast að honum en Hjalta
Frey bar fljótlega að aftur og náðist
maðurinn um borð í slöngubátinn.
Áhöfn Odds fylgdist vel með
manninum í sjónum í millitíðinni og
var tilbúin að láta til skarar skríða
en um borð í skipinu er annar minni
bátur. Innan við tíu mínútur liðu að
sögn björgunarmanna frá því að
fyrri manninum var bjargað og þar
til sá seinni var kominn um borð í
Hjalta Frey en búið var að bjarga
báðum mönnunum rétt fyrir hádegi,
aðeins rúmlega hálftíma eftir að
björgunarsveitinni barst tilkynning
frá Neyðarlínu um slysið.
Björgunarskipið fékk
á sig þrjú stór brot
Í aðgerðunum fékk björgunar-
skipið Oddur á sig þrjú stór brot en
slapp með skrekkinn að sögn Birkis
Agnarssonar, formanns Þorbjarnar.
Mennirnir voru báðir með meðvit-
und er þeir björguðust og gátu tjáð
sig. Þeir voru þó mjög kaldir og
þrekaðir. Þeir gátu gefið björgunar-
mönnum þær upplýsingar að þeir
hefðu verið tveir í bátnum er hann
hvolfdi en ekki þrír eins og í fyrstu
var talið samkvæmt upplýsingum
frá Neyðarlínu. Beðið var eftir end-
anlegri staðfestingu frá útgerðinni
um fjölda skipverja áður en björg-
unaraðgerðum var hætt.
Þyrla Landhelgisgæslunnar kom
á slysstað í þann mund sem búið var
að bjarga báðum mönnunum. Auk
þess tóku lögreglumenn og sjúkra-
flutningamenn þátt í björgunar-
aðgerðunum. Birkir telur að um 30
manns hafi í heildina tekið þátt í að-
gerðinni.
Björgunarvestin skiptu sköpum
Morgunblaðið/RAX
Sigurvin GK-61 rak á nokkrum mínútum upp að eystri brimgarðinum við innsiglinguna í Grindavíkurhöfn.
Mannbjörg þegar bát með tveimur mönnum innanborðs hvolfdi í innsiglingunni í Grindavíkurhöfn
„VIÐ vorum að keyra
niðri á bryggju eins og
maður gerir svo oft þeg-
ar við sáum ljós frá bát
sem var í brimsköfl-
unum. Ég sá að alda
kom undir bátinn og þá
sagði ég að nú færi þessi
bátur á hvolf.
Það var eins og við
manninn mælt, hann fór
á hvolf. Hann tók koll-
hnís, steyptist fram fyr-
ir sig,“ segir Sigurður
Steinþórsson við Morg-
unblaðið en hann og eig-
inkona hans, Anna Hanna Valdi-
marsdóttir, urðu vitni að því þegar
netabátnum Sigurvin GK-61 hvolfdi
í innsiglingunni í Grindavík í gær-
morgun.
„Við hringdum í 112 strax og við
sáum hvað hafði gerst,“
bætir Anna Hanna
Valdimarsdóttir við.
„Ég sá að einn maður
var um borð í bátnum
og annar á floti,“ út-
skýrir Sigurður. „Þetta
gerist mjög snöggt, að-
eins á nokkrum mín-
útum. Bátnum hvolfdi,
rétti sig svo við og rak
svo hratt að brimgarð-
inum.“
Sigurður segist hafa
hlaupið með garðinum
til að fylgjast með
hvernig mönnunum reiddi af og ef
vera kynni að hann gæti aðstoðað.
„Ég sá að maðurinn [sem var enn
um borð í bátnum] henti sér í
gúmmíbátinn en svo hvolfdi
gúmmíbátnum og maðurinn úr hon-
um. Þá tók ég til fótanna og ætlaði
að hlaupa út eftir en þá rak hann
vestur eftir garðinum og þar náðu
þeir [björgunarmennirnir] honum.
Þó að þeir hafi verið fljótir á stað-
inn fannst manni þetta vera ógur-
lega langur tími.“
Búinn að vera hérna
á sundinu sjálfur í basli
Sigurður telur að báturinn hafi
verið um 200 metra frá brimvarn-
argarðinum er honum hvolfdi en
það gerðist á augabragði.
„Það er svolítið undarlegt að
verða vitni að þessu. Maður er bú-
inn að vera hérna á sundinu sjálfur
í basli,“ segir Sigurður sem er sjó-
maður á litlum báti ekki ósvipuðum
Sigurvin GK.
„Við erum ekki alveg búin að
jafna okkur enn, okkur var mjög
brugðið,“ sagði Anna Hanna Valdi-
marsdóttir er Morgunblaðið ræddi
við hana og Sigurð aðeins nokkrum
mínútum eftir að mönnunum hafði
verið bjargað.
„Maður nötrar ennþá.“
Sjónarvottar létu Neyðarlínuna vita er Sigurvin hvolfdi
„Hann tók kollhnís og
steyptist fram fyrir sig“
Morgunblaðið/RAX
Anna Hanna Valdimarsdóttir og Sigurður Steinþórsson
voru á bryggjunni í Grindavík er þau sáu bátnum hvolfa.
BJÖRGUNARMENNIRNIR sem
voru um borð í slöngubátnum Hjalta
Frey segja brimið hafa verið mikið
þar sem mennirnir tveir voru í sjón-
um. „Þeir voru alveg við eystri brim-
garðinn, á versta stað,“ sagði einn
þeirra en þeir Björn Óskar Andr-
ésson, Vilhjálmur Jóhann Lárusson
og Hlynur Sæberg Helgason eru all-
ir þaulvanir björgunarsveitarmenn
þrátt fyrir ungan aldur. Vilhjálmur
og Björn eru fæddir árið 1981 en
Hlynur er ári eldri. Þeir segjast allir
hafa starfað með björgunarsveitinni
Þorbirni í Grindavík frá fjórtán ára
aldri og að sú reynsla hafi reynst
þeim dýrmæt því þetta er ekki í
fyrsta skipti sem þeir hafa tekið þátt
í umfangsmiklum björgunaraðgerð-
um þó að þessi sé að þeirra sögn sú
alvarlegasta.
Björgunarskipið Oddur V. Gísla-
son átti erfitt með að athafna sig
vegna grynninga og brims á slysstað
en slöngubáturinn, sem er mun lipr-
ari, komst að báðum mönnunum og
náði þeim úr sjónum. „Við náðum
ekki að komast að mönnunum, það
var mikið brot og grynningar, þar af
leiðandi mátti lítið bera út af,“ segir
Agnar Smári Agnarsson skipstjóri á
Oddi. Birkir Agnarsson, formaður
björgunarsveitarinnar Þorbjarnar,
tekur í sama streng og segir ekkert
mega út af bera þegar brimið í inn-
siglingunni er jafn mikið og það var í
gær er slysið átti sér stað.
Björgunarmennirnir þrír á
slöngubátnum sögðust því hafa verið
mjög hikandi er þeir komu á slysstað
rétt á eftir skipinu Oddi. „En menn-
irnir voru svo nálægt að það var ekki
hægt annað en að kýla á það,“ hafði
einn þeirra á orði.
„Maður er eiginlega í adrenalín-
sjokki,“ sagði Björn Óskar, spurður
hvort spennufall fylgi svona vel-
heppnaðri björgun. Hinir tóku undir
orð hans og sögðu að sér liði mjög
vel þó að vissulega væri ekki laust
við að spennufall hefði gert vart við
sig.
Morgunblaðið/RAX
Björgunarmennirnir ungu úr Grindavík, þeir Björn Óskar Andrésson, Vil-
hjálmur Jóhann Lárusson, Hlynur Sæberg Helgason, Agnar Smári Agn-
arsson skipstjóri og Birkir Agnarsson, formaður björgunarsveitarinnar
Þorbjarnar, ræðast við að björgun lokinni í gær, sáttir við dagsverkið.
„Þeir voru alveg
á versta stað“