Morgunblaðið - 24.01.2004, Síða 21
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Frumlegt dagatal Ungmennasambands
Borgarfjarðar hefur vakið verðskuldaða at-
hygli, en óhætt er að segja að það sé sann-
arlega ólíkt öðrum dagatölum. Svanur
Steinarsson hjá Framköllunarþjónustunni
tók myndir vítt og breitt um Borgarfjörð-
inn af ýmsum þekktum persónum í hinum
furðulegustu gervum og prýða þær daga-
talið.
Meðal fyrirsætna sem tóku þátt í sprell-
inu eru þau Páll S. Brynjarsson, bæj-
arstjóri í Borgarnesi og Helga Halldórs-
dóttir, forseti bæjarstjórnar, Unnur
Halldórsdóttir á Shell og Georg Her-
mannsson á Hyrnunni, Sveinbjörn Eyjólfs-
son oddviti og Linda Björk Pálsdóttir,
sveitarstjóri í Borgarfjarðarsveit. Vinnan
við gerð dagatalsins var unnin í sjálf-
boðavinnnu, eins og flest verkefni á vegum
ungmennafélagshreyfingarinnar og rennur
allur ágóði beint í ungmenna- og íþrótta-
starf á vegum UMSB í Borgarfjarðarhér-
aði. Þeir sem ekki enn hafa orðið sér úti um
dagatal geta fengið upplýsingar með því að
senda fyrirspurn á netfangið um-
sb@mmedia.is
Loksins kom að því í vikunni að fréttarit-
ari keypti sér þrekkort í Íþróttamiðstöðinni
og bættist þar með í hóp hinna fjölmörgu
sem þar iðka líkamsrækt. Mörg fyrirtæki í
Borgarnesi hafa boðið starfsfólki sínu þann
kost að greiða niður kort sem gilda í þrek-
sal og sundlaugar Íþróttamiðstöðvarinnar
og fengu t.d. allir starfsmenn Vírnets-
Garðastáls árskort í jólagjöf frá sínum
vinnuveitanda. Íris Grönfeldt íþróttafræð-
ingur er á staðnum og veitir tilsögn þannig
að allir geta fengið æfingaáætlun við hæfi.
Talsmenn Íþróttamiðstöðvarinnar reikna
með nýju aðsóknarmeti enn eitt árið.
Kennarar og starfsfólk Grunnskólans í
Borgarnesi geta nú bætt heilsuna með auk-
inni vatnsdrykkju því sl. fimmtudag var
sett upp sjálfvirk vatnsvél á kaffistofunni.
Herma fregnir að um árabil hafi verið bók-
að á stigsfundum í lok fundargerðar ,,enn-
fremur leggjum við til að fengin verði
vatnsvél á kaffistofu starfsfólks“. Vatns-
vélin langþráða hefur þá kosti að bæði er
hægt að fá heitt og kalt vatn úr henni auk
kolsýrðs vatns. Væntanlega mun svo kaffi-
drykkja eitthvað minnka í Grunnskólanum
þegar nýjar drykkjarvenjur hafa fest í
sessi.
Úr
bæjarlífinu
BORGARNES
EFTIR GUÐRÚNU VÖLU ELÍSDÓTTUR
FRÉTTARITARA
Austfirsk þorrablóteru nú í algleym-ingi og svífur súr-
lykt og hárlakkseimur yf-
ir vötnum er skyggja
tekur.
Í gærkvöld var þorrinn
blótaður á Egilsstöðum
og Reyðarfirði og í kvöld
á Eskifirði, Seyðisfirði,
Vopnafirði, Hornafirði og
í Norðfjarðarsveit. Verð-
ur svo þorrablótum fram
haldið víða um sveitir um
aðra helgi.
Mikið er lagt undir í
blótunum og skemmti-
nefndir búnar að starfa
vikum og mánuðum sam-
an að gerð leikinna ann-
ála úr hvunndagslífinu,
með tilheyrandi bún-
ingagerð, salarskreyt-
ingum og annarri skipu-
lagningu.
Blótað eystra
Ólafsvík | Snæfellsbæjardeild Rauða kross Íslands af-
henti á dögunum, Slökkviliði Snæfellsbæjar nýja gerð
talstöðva sem nýtast einkar vel við reykköfun auk ann-
arra slökkvistarfa.
Áður hefur deildin stutt dyggilega við slökkviliðið
við kaup á klippum og skyldum búnaði til að bjarga
fólki úr bílflökum. Á myndinni sjást þeir Ari Bjarnason,
formaður RKÍ í Snæfellsbæ, og Jón Þór Lúðvíksson
slökkviliðsstjóri handsala gjöfina að viðstöddum
slökkviliðsmönnum og stjórnarmönnum Rauða kross-
deildarinnar.
Morgunblaðið/Alfons
Fengu talstöðvar að gjöf
Tækninýjungar getaaf sér nýyrði semþarf að ríma við ef
svo ber undir. Stefán Vil-
hjálmsson á Akureyri læt-
ur ekki á sér standa. Þeg-
ar heimasíða Björns
Bjarnasonar átti afmæli
stóð í DV: „Björn hefur
bloggað í níu ár“. Af því
tilefni hannaði Stefán
vísu „with a little help
from my friend“:
Níu ár Björn hefur bloggað,
í bannsetta kommana goggað,
að landvörnum gætt
og um landsmálin rætt
en minna en áður var moggað.
Eins og nærri má geta
merkir sögnin að mogga
að skrifa í Moggann. Og
Stefán fékk einmitt vísu
frá Gunnari Frímanns-
syni, mági sínum, þegar
hann moggaði fyrir
nokkru:
Listaperlan ljómar skær
loks er reiðstu’ á vaðið,
enginn meiri upphefð fær
en yrkja í Morgunblaðið.
Tækni og nýyrði
pebl@mbl.is
Garðabær | Eldri borgarar í
Garðabæ og Bessastaðahreppi
eru afar ánægðir með fé-
lagsstarf aldraðra í sveit-
arfélögunum, ef marka má
könnun sem lögð var fyrir þátt-
takendur í félagsstarfinu í nóv-
ember sl. Ómetanlegt, lifandi
og gefandi eru meðal þeirra
orða sem þátttakendur notuðu
til að lýsa starfinu. Þátttak-
endur virðast almennt vera
ánægðir með starfið sem boðið
er upp á og var meðaleinkunn-
in sem þeir gáfu því 8,9.
Flestir aðspurðir sögðust
helst vilja sækja leikfimitíma á
næstu önn. Myndlist var í öðru
sæti og þar á eftir glervinna og
útskurður. Margar aðrar hug-
myndir að námskeiðum komu
fram m.a. um nám í hljóðfæra-
leik, dansi og matreiðslu.
Meirihluti svarenda vill að
námskeiðin séu 12 vikna löng.
Helga Björk Haraldsdóttir,
forstöðumaður félagsstarfs
eldri borgara, er ánægð með
niðurstöður könnunarinnar, til-
gangurinn hafi verið að fá betri
mynd á félagsstarfið og hug
þátttakenda til þess. Meðal
hópa sem hafa myndast á
þennan hátt nefnir Helga hóp
sem stundar kínverska leik-
fimi, hljómsveit og pílukasts-
hóp. Þess má að lokum geta að
nk. föstudag hefst byrjend-
anámskeið í spænsku á vegum
félagsstarfsins. Kennt verður í
Kirkjuhvoli á föstudögum kl.
14.
Nýlega hófst námskeið í ull-
arþæfingu sem enn er hægt að
skrá sig á, það er einnig kennt í
Kirkjuhvoli og hefst kl. 13.30 á
föstudögum. Skráning fer fram
í Garðabergi í síma 525 8590.
Morgunblaðið/Svavar Knútur
Hvað ungur nemur, gamall temur: Yngsta kynslóðin lærir spil hjá þeirri elstu.
Mikil ánægja með félagsstarfið
Aldraðir
SAMSTAÐA er innan stjórnar Norður-
bakka ehf. um að skynsamlegt sé að
Hafnarfjarðarbær kaupi eignir á svo-
nefndum Norðurbakka, að sögn Gunnars
Svavarssonar, fulltrúa Hafnarfjarðarbæj-
ar í stjórn Norðurbakka. Hafnarfjarð-
arbær er einn þriggja hluthafa í Norð-
urbakka en verði af kaupunum eignast
bærinn jafnframt hlut hinna hluthafanna
tveggja. Þeir eru nú í eigu J og K eign-
arhaldsfélags og fasteignafélagsins Þyrp-
ingar.
Fullt forræði
Upphaflegt markmið Norðurbakka var
m.a. að þróa byggð á Norðurbakka.
Gunnar segir að með kaupunum fái bær-
inn fullt forræði með skipulagningu og
uppbyggingu á svæðinu. Hann telur um-
rædd kaup eðlileg í ljósi forsögu málsins
en deilur hafa staðið yfir um túlkun á
samstarfssamningi hluthafanna þriggja.
Gunnar segir að Norðurbakki ehf. sé
metinn á um 900 milljónir. Kaup bæjarins
á hlutunum tveimur muni því kosta í
kringum 500 milljónir. Hann telur víst að
þeir fjármunir muni skila sér til baka
m.a. með gatnagerðargjöldum og end-
ursölu á byggingarréttinum.
Gunnar kynnti þetta mál á fundi bæj-
arráðs Hafnarfjarðar á fimmtudag en
ákveðið var að vísa afgreiðslu þess til
næsta bæjarráðsfundar.
Hafnarfjarð-
arbær kaupi
eignir Norð-
urbakka
Fjarðabyggð | Bæjarráð Fjarðabyggðar
hefur ákveðið að styrkja málverkasafn
Tryggva Ólafssonar í Neskaupstað um
fimm hundruð þúsund krónur. Öðrum
eins fjármunum verður væntanlega var-
ið til að kaupa fleiri verk í safnið.
Í athugun er nú hvort unnt er að sam-
eina Tryggvasafn, Safn Jósafats Hin-
rikssonar og Náttúrugripasafn í einu
húsnæði við Hafnargötu í Neskaupstað.
Aukinheldur hefur menningarráð
sveitarfélagsins samþykkt að efnt verði
til málverkasamkeppni og á þema henn-
ar að vera landslag, eða annað það sem
hefur táknræna merkingu fyrir Fjarða-
byggð. Skila á verkum fyrir júlílok nk.
og verða þau sýnd í haust. Verðlauna-
verkið mun prýða jólakort Fjarðabyggð-
ar að ári.
Styrkja
Tryggvasafn
♦♦♦
Mývatnssveit | Nú er spáð tals-
verðu frosti og þá harðnar á daln-
um hjá smáfuglunum. Því er full
ástæða til að minna fólk á að gefa
þeim korn eða brauðmylsnu út á
hjarnið. Það kunna þeir vel að
meta og launa með líflegu hópflugi
sínu. Þeir þjóta milli húsa þegar
þeir leita sér góðra vina sem muna
þá þegar vetur herðir tökin.
Morgunblaðið/Birkir Fanndal
Munið eftir smáfuglunum