Morgunblaðið - 24.01.2004, Qupperneq 28
ÚR VESTURHEIMI
28 LAUGARDAGUR 24. JANÚAR 2004 MORGUNBLAÐIÐ
Diskamottur 6 stk. í pakka
áður kr. 2.900 nú kr. 1.500
Klapparstíg 44 - sími 562 3614
Skurðarbretti
áður kr. 1.500 nú kr. 1.000
Glasabakkar 6 stk. í pakka
áður kr. 995 nú kr. 495
Ú tsa la Ú tsa la Ú tsa la
„ÞETTA er í fyrsta sinn sem ég kem
til Íslands en þegar ég talaði við fólk
á Íslandi fannst mér eins og ég væri
að tala við einhvern frá Nýja Ís-
landi, skyldmenni eða nágranna í
Riverton,“ segir Vestur-Íslending-
urinn Mark Myrowich frá Riverton í
Manitoba, en hann fór fyrir sex öðr-
um frumkvöðlum frá Winnipeg, sem
fóru frá Íslandi á mánudag eftir
helgardvöl hér á landi.
Félagarnir eru í heimssamtökum
ungra frumkvöðla (www.yeo.org),
en um 5.000 meðlimir í um 40 lönd-
um eru í samtökunum og þar af um
55 í Winnipeg. Skilyrði fyrir aðild er
að viðkomandi sé yngri en 40 ára og
eigi meira en 50% í fyrirtæki sem
selur fyrir meira en milljón banda-
rískra dollara á ári, um 70 milljónir
króna. „Heimssamtökin voru stofn-
uð fyrir um 15 árum en við byrj-
uðum í Winnipeg fyrir 10 árum og
vorum sjötti hópurinn til að ganga í
samtökin,“ segir Mark og bætir við
að tilgangurinn sé að efla unga
frumkvöðla.
Þessir sjö frumkvöðlar halda hóp-
inn, hittast reglulega og fara yfir
gang mála í fyrirtækjum sínum,
miðla af reynslunni og leita nýrra
leiða í sameiningu. Á hverju ári fara
þeir saman í óvissuferð og þannig
hafa þeir til dæmis heimsótt Wash-
ington, höfuðborg Bandaríkjanna,
og Nýja Ísland í Manitoba. „Eftir
heimsóknina til Gimli og nágrennis
fannst mér tilvalið að fara með
strákana til Íslands og ekki síst
vegna þess að ég er af íslenskum
uppruna og þangað hafði ég aldrei
komið,“ segir Mark. „Ég gekk frá
ferðinni og lét þá vita hvert við vær-
um að fara með þriggja daga fyr-
irvara.“
Mark framleiðir gróðurmottur í
Riverton og er stærsti atvinnurek-
andinn á svæðinu með rúmlega 30
starfsmenn. Hann hóf reksturinn
2001 og er mjög umsvifamikill en
hann selur motturnar víða í Kanada
og Bandaríkjunum og nam salan í
fyrra um fjórum milljónum dollara.
Keith Gillis framleiðir hleðslu-
steina, David Blatt er í límmiða-
framleiðslu, Joel Green rekur
heilsuræktarstöð, Kori Buhler
framleiðir girðingar, Paul
Lougheed rekur sjávarréttaveit-
ingastað og Peter Anadranastakis
starfar við markaðssetningu.
Tilgangur ferðarinnar til Íslands
var að þjappa hópnum saman og
komast í snertingu við nýtt land og
íbúa þess auk þess sem hugmyndin
var að reyna að komast í samband
við forsvarsmenn íslenskra fyr-
irtækja á sambærilegum sviðum
með samvinnu í huga. Þegar á
reyndi varð minna úr samskipt-
unum en til stóð en frumkvöðlarnir
voru engu að síður mjög ánægðir
með ferðina.
„Ísland er 45. landið sem ég heim-
sæki og er vissulega í hópi þeirra
helstu sem ég mæli með sérstöð-
unnar vegna, fólksins og ævintýr-
anna sem það býður upp á,“ segir
Mark, en langalangafar og -ömmur
hans fluttu frá Íslandi til Kanada
1874 og 1887.
Morgunblaðið/Sverrir
Kanadísku frumkvöðlarnir létu kuldann á Hverfisgötunni í Reykjavík ekki á sig fá enda ýmsu vanir í þeim efnum. Frá
vinstri: Paul Lougheed, Mark Myrowich, David Blatt, Joel Green, Peter Anadranastakis, Keith Gillis og Kori Buhler.
Eins og
í túninu
heima
MIKIL snjókoma hefur verið í
Winnipeg að undanförnu og reynd-
ar hefur ekki snjóað eins mikið í
borginni og nú síðan veturinn 1996
til 1997.
Jafnfallinn snjór í Winnipeg til
jóla var um 30 til 35 sentinetrar en
síðan hafa fallið um 55 sentimetrar.
Fyrir sjö árum mældist jafnfallinn
snjór 137 sentimetrar og vorið 1997
var mesta flóð í borginni í 100 ár, en
ekki er talin hætta á slíku í vor.
Þrátt fyrir snjókomu hefur verið
ansi kalt á stundum og frostið farið
niður fyrir 40 gráður á celsíus með
vindkælingunni en gert er ráð fyrir
frekar miklu frosti næstu daga.
Snjórinn hefur verið vegfarend-
um til nokkurs ama en listamönnum
til mikillar gleði en á myndinni má
sjá snjóverk, sem er á svonefndu
Forks-svæði á ármótum Rauðár og
Assiniboineár í miðbæ borgarinnar.
Richardsonbyggingin er í baksýn.
Ljósmynd/Davíð Gíslason
Mikil snjókoma og
kuldi í Winnipeg
BJÖRN Thoroddsen, gítarleikari
sem í liðinni viku fékk Íslensku tón-
listarverðlaunin sem djassflytjandi
ársins, verður með fimm djass-
tónleika í Manitoba í Kanada í byrj-
un febrúar en Kanadamennirnir
Richard Gillis, trompetleikari, og
Steve Kirby, bassaleikari, leika með
honum að þessu sinni.
Þremenningarnir koma fyrst fram
í sal tónlistarskóla Manitobaháskóla
í Winnipeg miðvikudaginn 4. febr-
úar, en Richard Gillis er kennari við
skólann auk þess sem hann er
stjórnandi djasshljómsveitar Winni-
peg. Kvöldið eftir verða tónleikar í
Menningarmiðstöðinni í Gimli á veg-
um Íslendingadagsnefndar, 6. febr-
úar koma þremenningarnir fram í
Lundar, aftur í Manitobaháskóla 7.
febrúar og tónleikahaldinu að þessu
sinni lýkur í Listasafni Winnipeg
sunnudaginn 8. febrúar.
Björn Thorodd-
sen með fimm
tónleika
í Manitoba
ÁTTA vikna námskeið um land-
námssögu Íslendinga í Vest-
urheimi og ýmislegt henni tengt
hefst í Gerðubergi í byrjun febr-
úar en þetta er áttunda nám-
skeiðið sem Jónas Þór heldur um
efnið á vegum Þjóðræknisfélags
Íslendinga.
Námskeiðið verður á þriðju-
dagskvöldum frá klukkan 19:30 til
21:30 frá 3. febrúar til 23. mars
næst komandi og kostar 10.000
krónur. Innritun og upplýsingar
veitir Jónas Þór (s. 554-1680 og á
jtor@mmedia.is) og í Gerðubergi,
sunnudaginn 1. febrúar kl.13:00 til
15:00.
Áttunda nám-
skeiðið um
landnámið
vestra
♦♦♦