Morgunblaðið - 14.02.2004, Qupperneq 4
FRÉTTIR
4 LAUGARDAGUR 14. FEBRÚAR 2004 MORGUNBLAÐIÐ
Plúsfer›ir • Hlí›asmára 15 • Sími 535 2100
Krít
48.230kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
59.020 kr. á mann ef 2 ferðast saman.
Innifalið er flug, gisting í 7 nætur á Skala, 10.000 kr. bókunarafsláttur
og ferðir til og frá flugvelli erlendis.
TVEIR karlmenn og ein kona hafa
verið úrskurðuð í tveggja vikna gæslu-
varðhald, að kröfu lögreglunnar í
Reykjavík, vegna gruns um aðild að
innflutningi og vörslu á 13 kílóum af
hassi. Einn karlmaður til viðbótar var
handtekinn vegna málsins en sleppt að
loknum yfirheyrslum. Hefur fólkið,
sem er á þrítugs- og fertugsaldri, ekki
áður komið við sögu fíkniefnamála,
samkvæmt upplýsingum lögreglu.
Eins og fram kom í Morgunblaðinu í
gær fannst hassið við skoðun tollvarða
tollstjóraembættisins á almennri vöru-
sendingu síðastliðinn miðvikudag. Í
fyrstunni fundust níu kíló en fjögur kíló
til viðbótar voru í fórum þeirra sem
voru handteknir eftir að sendingarinn-
ar hafði verið vitjað í Tollinum. Fíkni-
efnadeild lögreglunnar í Reykjavík tók
yfir rannsókn málsins. Ekki fæst upp-
lýst hvaðan hassið kom til landsins.
Flugstöðvarmálið óupplýst
Að sögn Jóhanns R. Benediktsson-
ar, sýslumanns á Keflavíkurflugvelli,
hefur enginn verið handtekinn eða yf-
irheyrður vegna máls sem kom upp sl.
mánudag þegar 3,5 kíló af hassi fund-
ust á salerni í Leifsstöð. Miðast rann-
sókn lögreglunnar m.a. að því hvort
einhverjir starfsmenn flugstöðvarinn-
ar séu hugsanlega tengdir málinu og
hafi átt þátt í því að smygla efninu til
landsins og reyna að koma því framhjá
tollvörðum.
Þrjú í gæsluvarð-
haldi vegna 13
kílóa af hassi
LÆKNUM sem starfa á þyrlu
Landhelgisgæslunnar hefur verið
sagt upp störfum frá og með 1. maí
næstkomandi og hefur samningi,
sem var í gildi milli Landspítala –
háskólasjúkrahúss og þriggja ráðu-
neyta, og kvað á um þyrluvakt,
læknisfræðilega ráðgjöf fyrir Neyð-
arlínuna og fjarlækningar, verið
sagt upp.
Friðrik Sigurbergsson, einn
þyrlulæknanna sex, segir afar mik-
ilvægt að læknir sé um borð þegar
þyrlan flytur slasað eða veikt fólk.
„Ég trúi því ekki að það verði hætt
að hafa lækni um borð í þyrlunni,
því það hefur margsannað gildi sig.
Það er mikið af erfiðum og löngum
sjúkraflutningum.“ Friðrik segir að
þyrlan sé oft á flugi í 1–2 tíma og
jafnvel lengur ef hún þurfi að taka
eldsneyti á leiðinni.
Hann bendir einnig á að þyrlu-
læknar gegni mikilvægu hlutverki
við ákvörðun hvort nauðsynlegt sé
að fara í sjúkraflug, sem og ákvarð-
anatöku á leið á slysstað. „Ég veit
að aðrir í áhöfn þyrlunnar væru
mjög óhressir með að vera lækn-
islausir,“ segir hann.
Árið 1998 var gerður samningur
milli Sjúkrahúss Reykjavíkur, sem
nú er hluti af sameinuðum Land-
spítala, og ráðuneyta dómsmála,
heilbrigðismála og samgangna. Síð-
an hafi laun og annar kostnaður
aukist og nú hafi samningnum verið
sagt upp þar sem LSH sjái sér ekki
fært að standa undir þeim auka-
kostnaði sem af þjónustunni hljót-
ist. „Það þarf einhvern veginn að
gera nýjan samning milli sjúkra-
hússins og ráðuneytanna eða að ein-
hverjir læknar verða að gera samn-
ing um að annast þessa starfsemi,“
segir Friðrik.
Mikil þekking
Fjórir þyrlulæknanna sex hafa
starfað á þyrlunni í áraraðir. „Það
er mikil uppsöfnuð þekking í þess-
um hópi. Auðvitað ætti frekar að
nýta hana betur með sjúkraflugi og
annarri þjónustu,“ segir Friðrik og
bætir við að þyrlan sé oft að leysa
verkefni sem læknismönnuð sjúkra-
flugvél ætti að leysa og víða innan-
lands sé sjúkraflug í molum, þótt
það eigi ekki alls staðar við.
Læknarnir sex eru allir í fullu
starfi á spítalanum og hefur þyrlu-
vaktin verið hluti af vaktaskyldu
þeirra. Friðrik segir að eingöngu
þyrluvöktunum hafi verið sagt upp.
„Ég er búinn að vera í þessu nokk-
uð lengi og hef marga fjöruna sopið.
Árið 1998 unnum við fjóra og hálfan
mánuð kauplaust, ef ég man rétt.
Ég er ekki að segja að það muni
endurtaka sig, en ég held að enginn
þoli að þessi starfsemi verði lögð
niður. Ég hef ekki áhyggjur af því
að hún leggist af en hins vegar veit
ég ekki hvernig gengur að semja,
það getur verið þrautin þyngri,“
segir Friðrik.
Þyrlulæknum
sagt upp frá og
með 1. maí
„ÉG hélt að það væri jarðskjálfti
eða eitthvað hefði sprungið í loft
upp í næsta nágrenni. Þvílíkur var
hávaðinn og húsið nötraði,“ sagði
Vilhjálmur Þorsteinsson, íbúi á
Skagabraut 33 á Akranesi, en
hann var heima við um miðjan dag
í gær er bifreið var ekið af miklu
afli á húsið hans.
„Ég fór beinustu leið út og þá sá
ég að bifreið var klesst upp við
húsið og önnur bifreið við hlið
hennar. Það var lán í óláni að eng-
inn skyldi slasast og hér hefði get-
að farið mun verr.“
Tvær bifreiðir voru inni í garði
hjá Vilhjálmi, önnur bifreiðin rétt
við útidyrnar og stórskemmd eftir
að hafa ekið á hornið á húsinu en
hin bifreiðin er minna skemmd.
Vilhjálmur var ekki viss um hvað
hefði gerst en ökumenn bif-
reiðanna slösuðust ekki í óhappinu
en mikil mildi var að enginn gang-
andi vegfarandi var þarna á ferð
því bifreiðirnar fóru báðar yfir
gangstétt á leið sinni að húsinu við
Skagabraut.
Íbúi sem býr í næsta nágrenni
við Vilhjálm sagði að hraðaakstur
væri mikið stundaður á Skaga-
braut og aðeins tímaspursmál hve-
nær stórslys hlytist af. Engar
hraðahindranir eru á Skagabraut
og sagði íbúinn löngu tímabært að
ráðast í slíkar framkvæmdir og
þetta óhapp yrði líklega til þess að
ýta við mönnum við þær fram-
kvæmdir.
Morgunblaðið/Sigurður Elvar
„Mikill hávaði og húsið nötraði“
Akranesi. Morgunblaðið
UTANRÍKISRÁÐUNEYTIÐ bíð-
ur enn eftir skýringum frá Banda-
ríkjamönnum á því hvort eða hve-
nær Orion-eftirlitsflugvélar verði
sendar til landsins. Orion-vélarnar
sem hér voru síðast héldu á brott
5. febrúar en önnur flugsveit hefur
ekki verið tilnefnd til þess að koma
til landsins. Samkvæmt heimildum
Morgunblaðsins liggur ekki fyrir
hvort það verður gert eða ekki;
mun sú ákvörðun alfarið vera á
forræði aðgerðastjórnar Banda-
ríkjahers sem tekur í því efni
væntanlega mið af þörfinni á þess-
um vélum annars staðar.
Hafa skemmri líftíma til
ráðstöfunar en ætlað var
Eftir því sem næst verður kom-
ist spilar þarna einnig inn í sú
staðreynd að sá líftími sem Orion-
vélarnar eiga eftir þangað til nýjar
vélar leysa þær af hólmi er
skemmri en Bandaríkjamenn
höfðu áður áætlað. Þeir hafa því
neyðst til að spara vélarnar meira
þar sem þeir ráða ekki yfir eins
miklum flugtíma og gert hafði ver-
ið ráð fyrir og þar með hefur „sam-
keppnin“ um vélarnar harðnað.
Undanfarin ár hafa fjórar Orion-
eftirlitsflugvélar verið á vegum
varnarliðsins á Keflavíkurflugvelli
og hafa flugsveitir Bandaríkjaflota
skipst á að leggja varnarliðinu þær
til í sex mánuði í senn en fyrstu
kafbáta og skipaeftirlitsvélarnar
komu hingað árið 1951. Lengi vel
voru Hollendingar einnig með eina
Orion-vél hér á landi en þeir hafa
lítið sem ekkert verið hér í á annað
ár. Vélum í her Hollendinga hefur
fækkað og talin meiri þörf á vélum,
sem þeir ráða yfir, annars staðar.
Hafa mest verið á meginlandi
Evrópu síðustu mánuðina
Engar faststaðsettar flugvélar
eru hjá Varnarliðinu á Keflavík-
urflugvelli aðrar en björgunarþyrl-
urnar.
Áður voru sendar hingað heilu
flugsveitirnar með 350 manna
starfsliði og níu flugvélum en eftir
lok kalda stríðsins minnkaði þörf-
in.
Síðastliðna sex mánuði hefur
hálf flugsveit haft aðsetur hér,
a.m.k. tæknilega séð, en vélarnar
hafa engu að síður að langmestu
leyti verið að störfum annars stað-
ar í Evrópu þar sem þörfin hefur
verið talin meiri en komið til Ís-
lands annað slagið, m.a. vegna við-
halds.
Óvíst hvort Orion-vélar
verða sendar til landsins
TIL STENDUR að Landbún-
aðarháskólinn á Hvanneyri og
Rannsóknastofnun landbúnaðarins
(RALA) verði undir einni stjórn en
ekki hefur verið tekin nein ákvörð-
un um að flytja RALA enn sem
komið er.
Reykjavíkurborg ásælist land
RALA og raunar einnig svæði sem
hinar rannsóknastofnanirnar
standa á í Keldnaholti (Iðn-
tæknistofnun, Rannsóknastofnun
byggingariðnaðarins) en jarðirnar
eru í eigu ríkisins. RALA hefur
einnig aðgang að ræktunarsvæði
við Vesturlandsveg og telst landið
sem heyrir undir RALA vera um
18,5 hektarar.
Björn Ingi Sveinsson borg-
arverkfræðingur segir að viðræður
við ríkisvaldið um þetta svæði hafi
verið í gangi í nokkurn tíma. Þær
hafi legið niðri að undanförnu en nú
eigi að taka þráðinn upp aftur enda
eðlilegt að borgin eignist þetta land
og þar horfi menn fyrst til lands
RALA. Björn segir að unnið sé að
skipulagi fyrir þetta svæði og stefnt
að því að þarna verði stoðþjón-
ustusvæði við byggðirnar í kring.
Borgin ásælist land RALA
BJÖRGUNARSVEITIR á
Fljótsdalshéraði voru kallaðar
út í fyrrakvöld til leitar vestan
af Kárahnjúkasvæðinu.
Fjórir menn á virkjunar-
svæðinu töldu sig sjá neyðar-
blys á lofti rúmlega hálftíu um
kvöldið og tilkynntu það lög-
reglu. Leitað var á fimm vél-
sleðum og þremur jeppum víða
um svæðið í kringum Grágæsa-
dal. Veður var gott meðan á leit
stóð, en fór að hvessa með
morgninum og var yfirferð
nokkuð torsótt vegna krapa.
Ekki varð vart við slóðir,
mannaferðir í skálum eða fleiri
blys og var leit hætt um klukk-
an sex í gærmorgun.
Manna leit-
að vestan
Kárahnjúka
Egilsstöðum. Morgunblaðið