Morgunblaðið - 14.02.2004, Qupperneq 26

SUÐURNES
26 LAUGARDAGUR 14. FEBRÚAR 2004 MORGUNBLAÐIÐ
Keflavík | Árni Johnsen opnar í dag sýningu á
steinskúlptúrum sýnum í Gryfjunni, sýning-
arsal sem verið er að innrétta í Duus-húsum í
Keflavík. Sýningin heitir Grjótið í Grund-
arfirði.
Verkin sem eru alls 37 talsins eru í Gryfj-
unni en einnig utan við Duus-hús. Árni var í
gær að leggja lokahönd á uppsetningu sýning-
arinnar og sagði að það hefði gengið vel. Með-
al annars festi hann fugl á eitt útilistaverk-
anna sem sett hafa verið upp við Duusgötu.
Verið er að gera upp húsnæðið og er hlé
gert á framkvæmdum á meðan Árni sýnir.
Hann segir að ágæt aðstaða sé í salnum, hann
sé hæfilega hrár og hæfi verkunum.
Sýningin verður opnuð með athöfn sem
hefst klukkan 15 í dag. Hún verður síðan opin
alla daga frá klukkan 13 til 18 til 14. mars
næstkomandi. Verkin eru til sölu.
Morgunblaðið/Rax
Sýning Árna Johnsen
opnuð í Gryfjunni í dag
Sálræn skyndihjálp | Starfsfólk
félagsmiðstöðva á Suðurnesjum og
starfsfólk 88 hússins í Reykjanesbæ
sátu nýlega námskeið í sálrænni
skyndihjálp.
Námskeiðið var á vegum SamSuð,
Samtaka félagsmiðstöðva á Suður-
nesjum, og hafði séra Carlos Ari
Ferrer umsjón með því. Farið var yf-
ir viðbrögð starfsmanna þegar skól-
stæðingar þeirra lenda í áföllum og
eins hvernig bera eigi slæm tíðindi.
Fram kemur í fréttatilkynningu
að SamSuð hyggst halda áfram að
vinna í þessum málum með það að
markmiði að efla starfsfólk sitt og
þjónustu.
Njarðvík | Um 400 gestir komu á heiðurs- og
styrktartónleika sem vinir Ómars Jóhanns-
sonar efndu til í Stapanum í Njarðvík í fyrra-
kvöld og tókust tónleikarnir mjög vel að
sögn skipuleggjenda.
Ómar Jóhannsson, sem meðal annars hef-
ur samið margar bæjarrevíur fyrir Leik-
félag Keflavíkur, á við erfið veikindi að
stríða. Hjördís Árnadóttir, einn skipuleggj-
enda tónleikanna, segir að fjárhagsáhyggjur
hafi gert erfiðara en ella að takast á við
veikindin. Því hafi vinir hans og samstarfs-
fólk úr Leikfélagi Keflavíkur ákveðið að
standa fyrir heiðurs- og styrktartónleikum. Í
upphafi hafi verið ætlunin að vera með litla
dagskrá í Frumleikhúsinu en fljótlega komið
í ljós að stemningin í bænum væri slík að
hugsanlega þyrfti stærra húsnæði og því
voru tónleikarnir haldnir í Stapanum. Fjöldi
listamanna kom fram og tekur Hjördís fram
að allir hafi gert það að eigin frumkvæði.
Ómar var sjálfur viðstaddur. Hann ávarp-
aði gesti, flutti frumortan brag um Hjálmar
Árnason þingmann sem hann sagði að hefði
af einhverjum ástæðum sloppið við skot í
Keflavíkurrevíunum og söng eitt lag. Hjör-
dís er ánægð með hvernig til tókst og segir
að Ómar hafi verið mjög hrærður og ánægð-
ur með þann hug sem hinir fjölmörgu gestir
sýndu honum með því að mæta.
Húsfyllir á heiðurs-
og styrktartónleikum
Ljósmynd/Hilmar Bragi
Margir vildu heilsa upp á Ómar Jóhannsson eftir heiðurs- og styrktartónleikana í Stapanum.
Reykjanesbær | Með
samningi sem Útlend-
ingastofnun hefur gert
við Reykjanesbæ um
umönnun fólks sem hér
leitar hælis sem flótta-
menn er komin föst skip-
an á þessi mál í fyrsta
skipti. Kom það fram hjá
Georg Kr. Lárussyni,
forstjóra Útlendinga-
stofnunar, við undirritun
samningsins í gær en
Björn Bjarnason dóms-
málaráðherra og Árni
Sigfússon bæjarstjóri
skrifuðu undir hann auk
forstjórans.
Fjölskyldu- og félagsþjónusta Reykjanesbæjar
mun sjá um að útvega hælisleitendum gistingu,
fæði og almenna aðstoð sem tengist umsókn
fólksins. Hefur Reykjanesbær ráðið sérstakan
starfsmann til að hafa umsjón með þessari starf-
semi. Verið er að semja um aðra þjónustu. Þannig
munu Mótel Alex, farfuglaheimilið Fit og Gisti-
heimili Keflavíkur hýsa fólkið, að sögn Hjördísar
Árnadóttur félagsmálastjóra, og hafa fyrstu hæl-
isleitendurnir fengið húsaskjól þar. Hjördís segir
áætlað að flóttamenn noti um 2500 til 3000 gisti-
nætur á ári en það geti þó verið breytilegt. Sumir
séu í fáeina daga en aðrir í marga mánuði.
Björn Bjarnason
dómsmálaráðherra
sagði í ávarpi við þetta
tækifæri að þótt stefnt
væri að því að sem fæst-
ir einstaklingar komist
undir þennan samning
væri mikilvægt að búa
vel að þeim sem það
gerðu. Björn sagði í
samtali við Morgunblað-
ið að lagt hefði verið
mat á félagslega þjón-
ustu í Reykjanesbæ og
hæfni starfsmanna til
að annast þessa þjón-
ustu. Kvaðst hann
ánægður með að samn-
ingar hefðu tekist og vonaðist til að vel tækist til.
Georg Kr. Lárusson sagði ekki ljóst hversu há-
ar fjárhæðir fælust í samningnum, það væri
breytilegt og færi eftir fjölda þeirra sem féllu
undir hann á hverjum tíma. Á árinu 2002 leituðu
120 manns hælis hér á landi sem pólitískir flótta-
menn og 80 á síðasta ári. Áætlaði Georg að kostn-
aðurinn yrði 25 til 35 milljónir og miðaði þá við
100 hælisleitendur. Tók hann fram að í samn-
ingnum væri kveðið á um að fulltrúar Rauða
kross Íslands skuli ávallt hafa aðgang að hæl-
isleitendum vegna málsvarnarhlutverks í málefn-
um flóttamanna og hælisleitenda.
Föst skipan komin á
umönnun hælisleitenda
Samningur staðfestur: Björn Bjarnason, Árni
Sigfússon og Georg Kr. Lárusson skrifuðu und-
ir samning um þjónustu við hælisleitendur.
Morgunblaðið/Helgi Bjarnason
Sandgerði | Sérkennilegt var um að lítast í
Grunnskóla Sandgerðis í gær. Á göngum og í
skólastofum voru á sveimi alls kyns skrímsli og
furðuverur sem venjulega sjást ekki á svo virðu-
legum stað. Það voru nemendur og kennarar
sem voru að gera sér dagamun á svoköllum
skrímsladegi og klæddu sig svona sérkennilega
af því tilefni.
Morgunblaðið/Reynir Sveinsson
Skrímsladagur
í grunnskólanum
  
Reykjanes | Sex tilboð bárust í túrb-
ínuvélar fyrir nýja gufuaflsvirkjun
Hitaveitu Suðurnesja (HS) á Reykja-
nesi þegar útboð fór fram í vikunni.
Að sögn Júlíusar Jónssonar, for-
stjóra HS, verða tilboðin yfirfarin af
verkfræðingum á næstu dögum.
Hann segir erfitt að meta hag-
stæðasta tilboð þar sem ýmsir val-
kostir hafi boðist en tilboðin afar
ólík. Hægt var að bjóða í tvær 40
MW túrbínur eða tvær 50 MW, en
eitt tilboð barst upp á eina 93,5 MW
vélasamstæðu. Áætlanir HS miðuðu
við að túrbínur gætu kostað á bilinu
1,5 til 2 milljarða króna.
Sex tilboð í túrbínur
Reykjanesvirkjunar