Morgunblaðið - 30.03.2004, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 30. MARS 2004 VERÐ Í LAUSASÖLU 190 KR. MEÐ VSK.
KEFLVÍKINGAR urðu í gær Íslandsmeist-
arar í körfuknattleik kvenna er liðið lagði
ÍS 85:56 í þriðja úrslitaleik liðanna. Þetta
var ellefti Íslandsmeistaratitill stúlknanna
á sautján árum og þær hafa unnið bikarinn
jafn oft. Miðað við leik liðsins í gær er ljóst
að Keflavík er með langsterkasta kvenna-
liðið hér á landi nú um stundir og athygl-
isvert að það er eina liðið sem er ekki með
erlendan leikmann. Keflavíkurstúlkur
tóku 51 frákast í leiknum í gær, þar af 40 í
vörn. Anna María Sveinsdóttir tók 17 frá-
köst í vörninni og ungar og efnilegar
stúlkur vöktu athygli í liði Keflavíkur. /47
Ljósmynd/Hilmar Bragi Bárðarson
Keflavíkurstúlkur fagna titlinum.
Öruggur sigur
Keflvíkinga
HALLDÓR Björnsson, formaður
Starfsgreinasambandsins, segir
kjaradeilu SGS og ríkisins vegna
félagsmanna sem starfa hjá ríkinu
vera í hnút. Halldór telur að félögin
muni nú snúa sér að því að afla sér
verkfallsheimildar og ef til þess
kemur að hún verði notuð, sjái
hann fyrir sér að vinnustöðvanir
yrðu um miðjan apríl.
Sigurður Bessason, formaður
Eflingar, tekur í sama streng.
Ákvörðun verður tekin um hvort
félagið óskar eftir heimild til boð-
unar verkfalls á stjórnarfundi í fé-
laginu í dag. Ef til vinnustöðvana
kemur munu þær fyrst og fremst
bitna á heilbrigðisstofnunum en
þar starfa flestir ófaglærðir fé-
lagsmenn innan SGS hjá ríkinu.
,,Eins og staðan er núna eiga
menn ekki margra kosta völ,“ segir
Sigurður og bendir á að fé-
lagsmennirnir vinni við sambæri-
leg störf og opinberir starfsmenn
en þurfi að búa við mismunandi
kjara- og launaréttindi. Það verði
ríkisvaldið að leiðrétta. „Við viljum
gjarnan komast hjá því að þurfa að
grípa til verkfallsvopnsins og ég
trúi því ekki fyrr en ég tek á því að
ríkið komi ekki til móts við okkur
og finni sameiginlega lausn á þessu
með okkur.“
Enginn fundur hefur verið boð-
aður í deilunni frá því slitnaði upp
úr viðræðum fyrir viku og á Hall-
dór Björnsson ekki von á að til
hans verði boðað fyrr en eftir
næstu helgi.
Nýgerðir kjarasamningar
Starfsgreinasambandsins og Flóa-
bandalagsfélaganna við Samtök at-
vinnulífsins voru samþykktir í
flestum aðildarfélögunum, eða 28
félögum, en úrslit atkvæða-
greiðslna um samningana voru birt
í gær. Um tveir þriðju þeirra sem
greiddu atkvæði samþykktu samn-
ingana. Tvö verkalýðsfélög, í Vest-
mannaeyjum og Höfn, felldu samn-
inginn.
Vinnustöðvun kæmi mest
niður á sjúkrastofnunum
STÉTTARFÉLÖG geta boðað til verkfalls ef ákvörðun um vinnustöðv-
un hefur verið tekin með leynilegri atkvæðagreiðslu félagsmanna. Að
lágmarki þurfa 20% félagsmanna að greiða atkvæði og meirihluti
þeirra að samþykkja verkfall. Einnig er heimilt að viðhafa leynilega
póstatkvæðagreiðslu meðal félagsmanna um tillögu um vinnustöðvun
og gildir niðurstaða hennar þá óháð þátttöku.
Verkfall aðeins boðað eftir
leynilega atkvæðagreiðslu

Kjarasamningar/4
DAVÍÐ Oddsson forsætisráðherra sagði í
ávarpi í veislu forseta Íslands fyrir erlenda
stjórnarerindreka, að allir hlytu að skilja að
íslensk stjórnvöld myndu ekki hafa áhuga á að
halda varnarsamstarfinu áfram, stæðu
Bandaríkin ekki undir mikilvægustu skuld-
bindingunni um að tryggja öryggi Íslands
með lágmarksviðsbúnaði í landinu sjálfu.
Davíð sagði að uppi væru álitamál á milli
góðvinanna Íslands og Bandaríkjanna um
varnir landsins. „Bandaríkin endurskoða nú
fyrirkomulag hersins um heim allan til að
mæta nýjum hættum og auðvitað er allt gott
um það að segja. Íslensk stjórnvöld geta hins
vegar ekki sætt sig við að sú endurskoðun leiði
til þess að á Íslandi verði ekki lengur neinar
varnarsveitir. Í Bandaríkjunum hafa því mið-
ur verið uppi hugmyndir um að leggja niður
loftvarnir á Íslandi með því að taka héðan þær
orustuþotur sem eftir eru.
Málið er enn í óvissu og þar með er framtíð
varnarsamningsins og hins rúmlega sextíu ára
langa varnarsamstarfs Íslands og Bandaríkj-
anna óljós. Við erum reiðubúnir til viðræðna
um allar hliðar á varnarsamstarfinu í þeim
góða anda sem verið hefur á milli landanna í
rúma hálfa öld, en allir hljóta að skilja að við
mundum ekki hafa áhuga á að halda því áfram,
stæði það ekki undir mikilvægustu skuldbind-
ingunni um að tryggja öryggi Íslands, með
lágmarksviðbúnaði í landinu sjálfu.“
Forsætisráðherra fjallaði einnig um Íraks-
stríðið í ávarpi sínu og sagði m.a. ljóst að það
væri og yrði áfram umdeilt. „Gereyðingar-
vopn hafa ekki fundist enn og ýtir það undir
málstað efasemdarmanna. Í mínum huga er
ekki vafi á að styrjöldin var í raun óumflýj-
anlegur endapunktur á þeim aðgerðum sem
gripið var til 17. janúar 1991. Hvorki vopna-
hlésskilmálum né ályktunum hinna Samein-
uðu þjóða hafði verið fylgt og ógnarstjórnin
söm og áður. Og hvað sem deilum um lögmæti
styrjalda líður er ekki vafi á að friðsamlegra
er í þessum heimshluta nú en fyrir hana.
Deilurnar um innrásina í Írak reyndu meira
á Atlantshafsbandalagið en nokkurt annað
mál í sögu þess. Þær deilur og ágreiningurinn
um varnir Tyrklands í aðdraganda stríðsins
voru alvarlegt áfall fyrir bandalagið. Tengslin
yfir Atlantshaf hafa þó styrkst aftur að því er
virðist og vonandi kemur í ljós sem fyrr að þau
hvíla á sameiginlegum grundvallarhagsmun-
um og eru ómissandi, ekki einungis fyrir Evr-
ópu heldur veröldina alla.“
Forsætisráðherra um viðræður við Bandaríkin um varnarmálin
Varnarsamstarfið háð
lágmarksviðbúnaði hér
Þessir tjaldar voru samtaka í brottflugi sínu úr fjörunni og virtust óþreyttir eftir langferðina til landsins. Fjaran er þeirra heimahagi en þar njóta
þeir oft góðs af nábýli við kríuna. Talið er að á bilinu tíu til tuttugu þúsund tjaldapör verpi hér á landi á hverju sumri.
Morgunblaðið/RAX
Fuglinn í fjörunni
MEISTARANÁM í miðaldafræði og ís-
lenskum málvísindum fyrir útlendinga
hefst við heimspekideild Háskóla Íslands
haustið 2005. Tvær námsleiðir eru í boði en
námið fer fram á ensku. Annars vegar verð-
ur boðið upp á MA nám í því sem á ensku
kallast Medieval Icelandic Studies, eða ís-
lensk miðaldafræði. Það er þverfaglegt nám
sem inniheldur m.a. sagnfræði, fornleifa-
fræði og bókmenntir. Hins vegar verður
boðið upp á MA nám í Icelandic Linguistics,
eða íslenskum málvísindum. Guðrún Nordal
dósent hefur nú umsjón með miðaldanám-
inu og Höskuldur Þráinsson prófessor um-
sjón með málvísindanáminu.
„Heimspekideild er að vinna að því að
verða miðstöð íslenskra fræða í heiminum,“
segir Anna Agnarsdóttir, deildarforseti
heimspekideildar. Hún segir það þegar hafa
verið samþykkt innan deildarinnar að taka
upp kennslu í miðaldafræðum og málvísind-
um fyrir útlendinga og stefnt sé að því að
námið í miðaldafræðum geti hafist haustið
2005 og málvísindanámið haustið 2006.
MA nám í
miðaldafræðum
hefst 2005
SEÐLABANKINN lítur þá þróun mjög já-
kvæðum augum að viðskiptabankarnir hafi
verið að lengja í erlendum skuldum sínum,
að sögn Birgis Ísleifs Gunnarssonar seðla-
bankastjóra. Bankarnir hafi lengt töluvert í
lánum sínum eftir að Seðlabankinn benti
þeim á í desember sl. að of mikið væri treyst
á skammtímafjármögnun. Hann segir eng-
an vafa leika á því að þetta bæti stöðuna
verulega. Hins vegar dragi þetta ekki úr
heildarskuldabyrðinni sem sé alveg sjálf-
stætt áhyggjuefni.
Minni áhyggjur
með lengingu
erlendra lána

Lenging /12
♦♦♦
♦♦♦