Morgunblaðið - 16.04.2004, Blaðsíða 10
FRÉTTIR
10 FÖSTUDAGUR 16. APRÍL 2004 MORGUNBLAÐIÐ
JARÐVÍSINDASTOFNUN Há-
skóla Íslands verður til hinn 1. júlí
næstkomandi við samruna Nor-
rænu eldfjallastöðvarinnar og
stofnunar jarðvísindahluta Raun-
vísindastofnunar Háskóla Íslands.
Þorgerður Katrín Gunnarsdóttir
menntmálaráðherra, Páll Skúla-
son rektor Háskóla Íslands og Sig-
urður Helgason, aðstoðarfram-
kvæmdastjóri norrænu
ráðherranefndarinnar, undirrit-
uðu samkomulag þess efnis við
upphaf vígsluathafnar Öskju –
Náttúrufræðahúss Háskóla Íslands
– í gær.
Norræna eldfjallastöðin er
rannsóknarsetur í eigu Norrænu
ráðherranefndarinnar. Í frétta-
tilkynningu frá stofnuninni segir
að þess sé vænst að starfsemin
eflist enn frekar við nýjar og
bættar aðstæður, bæði hvað varð-
ar nánari samvinnu jarðvísinda-
manna og einnig vegna stór-
bættrar aðstöðu til rannsókna í
hinu nýja Náttúrufræðahúsi Há-
skólans, Öskju. Breytingarnar hafi
samþættingu jarðvísindastarfsem-
innar að leiðarljósi, þannig að sem
mestur faglegur ávinningur náist,
samhliða því sem norræn vídd í
starfseminni haldist með heitinu
Norræna eldfjallasetrið innan
Jarðvísindastofnunar Háskólans.
Þorgerður Katrín sagði við
vígslu Öskju í gær að mennta-
málaráðuneytið byndi miklar von-
ir við þetta samkomulag og með
því væri stigið stórt skref í þágu
jarðvísindanna. „Ljóst er að ís-
lensk jarðvísindi standa með mikl-
um blóma um þessar mundir. Al-
þjóðleg staða okkar á sviði
jarðvísinda er afar sterk og við
blasir að Háskóli Íslands getur ef
rétt er á haldið haslað sér völl
sem alþjóðlegt öndvegissetur á
þessu sviði. Viðfangsefni sem hafa
alþjóðlega skírskotun geta án efa
laðað alþjóðlegt vísindasamstarf
til samvinnu um metnaðarfullt
verkefni,“ sagði Þorgerður Katr-
ín.
Hún sagði að menntamálaráðu-
neytið styddi uppbyggingu seturs-
ins, bæði með beinum fjárveit-
ingum til rekstursins og einnig
með framlagi til byggingar Öskju.
Því til viðbótar mundi ráðuneytið
beita sér fyrir uppbyggingu
tækjakosts, en heimildir væru fyr-
ir slíku í fjárlögum yfirstandandi
árs.
Jarðvísindastofnun Háskólans stofnuð
HÍ gæti orðið alþjóð-
legt öndvegissetur
á sviði jarðvísinda
Morgunblaðið/Kristinn
Sigurður Helgason, Þorgerður K. Gunnarsdóttir og Páll Skúlason undir-
rita samninginn um Jarðvísindastofnun Háskóla Íslands.
FORYSTUMENN meirihlutans í bæjarstjórn
Reykjanesbæjar hyggjast sækja um leyfi til að
byggja hjúkrunarheimili í bæjarfélaginu. Kom
þetta fram í máli Bjarkar Guðjónsdóttur, for-
seta bæjarstjórnar, á fundi Sambands sveitar-
félaga á Suðurnesjum um öldrunar- og heil-
brigðismál sem haldinn var í gær. Jón
Kristjánsson heilbrigðisráðherra kvaðst á
þessari stundu ekki geta lofað fjárveitingum til
að byggja og reka slíkt heimili.
Fyrir fundinn afhentu þeir sem staðið hafa
fyrir söfnun undirskrifta gegn stefnu stjórn-
enda Heilbrigðisstofnunar Suðurnesja mót-
mæli sín til sveitarstjórnarmanna og alþing-
ismanna. Þar er lögð áhersla á þá kröfu að
D-álma sjúkrahúss HSS verði notuð sem
hjúkrunardeild fyrir aldraða sjúka. 2.200 kjós-
endur á Suðurnesjum höfðu ritað nöfn sín und-
ir þá kröfu. Hilmar Jónsson lýsti því yfir á
fundinum að 80% aldraðra í Reykjanesbæ
hefðu skrifað undir og áfram yrði haldið að
safna undirskriftum, þar til yfir 3.000 manns
hefur tekið þátt.
Hilmar og nokkrir sveitarstjórnarmenn
gagnrýndu harðlega þá ákvörðun stjórnenda
HSS að reka almenna sjúkradeild á annarri
hæð nýrrar D-álmu sjúkrahússins. Jóhann
Geirdal í Reykjanesbæ og Jón Gunnarsson í
Vogum voru í hópi þeirra sem lögðu áherslu á
að D-álman hefði frá upphafi verið byggð til að
hýsa hjúkrunardeild og sögðu að það væru svik
við íbúana ef ekki yrði staðið við það. Jón
Kristjánsson heilbrigðisráðherra staðfesti það
í sínu ávarpi að þannig hefði þessi bygging ver-
ið hugsuð á sínum tíma.
Ósammála um biðlistana
Fundarmenn voru ekki sammála um hvað
miklir biðlistar væru eftir vistun. Fram kom
hjá Finnboga Björnssyni, framkvæmdastjóra
Dvalarheimila á Suðurnesjum, að miklir bið-
listar væru eftir að komast á hjúkrunarheim-
ilið Garðvang í Garði og dvalarheimilið Hlé-
vang í Keflavík og Siguður Garðarsson,
formaður DS, sýndi fram á að hlutfallslega
væru mun færri vistunarrými á Suðurnesjum
en á landinu að meðaltali og hlutfallslega fleiri
á biðlistum. Sigurður Árnason, yfirlæknir á
sjúkrahúsinu, sagði aftur á móti að einungis 3
til 5 af þeim einstaklingum sem nytu þjónustu
heimahlynningar þyrftu að komast á hjúkrun-
arheimili og hvatti hann fundarmenn til að láta
sig vita ef þeir vissu dæmi um annað. Jón
Kristjánsson sagði slæmt að tölur væru jafn-
mikið á reiki um vistunarmál og raun bæri vitni
og vildi láta athuga í ráðuneytinu hvort hægt
væri að bæta aðferðir við að meta biðlista.
Spurður hvort fjárveiting fengist til að
byggja og reka hjúkrunarheimili í Reykja-
nesbæ, eins og meirihluti bæjarstjórnar hefur
áhuga á, til viðbótar fyrirhuguðum fjárveiting-
um til endurbóta og viðhalds á sjúkrahúsinu
sagðist ráðherra ekki geta lofað slíku á þessari
stundu. Á brattann væri að sækja með fjárveit-
ingar til nýbygginga og ekki síður til reksturs
nýrra stofnana. Það væri þó ekki vonlaust.
Björk sagði að þótt leyfi fengist til að byggja
hjúkrunarheimili þyrfti að leysa vanda þeirra
íbúa Reykjanesbæjar sem nú þegar þyrftu á
þessari þjónustu að halda og sagðist horfa til
Heilbrigðisstofnunar Suðurnesja með það. Jón
Kristjánsson sagðist vonast til að samkomulag
næðist um lausn þess máls og að jafnframt
gæti Heilbrigðisstofnunin haldið áfram að
byggja sig upp samkvæmt þeim áætlunum sem
unnið hefði verið eftir að undanförnu.
Vilja byggja
hjúkrunarheimili
í Reykjanesbæ
Morgunblaðið/Helgi Bjarnason
Fundur sveitarstjórnarmanna á Suðurnesjum um öldrunarmál var fjölsóttur. Hér eru á
fremsta bekk Jón Gunnarsson oddviti og alþingismaður, Jón Kristjánsson heilbrigðisráðherra
og Guðni Ágústsson landbúnaðarráðherra. Nokkuð skiptar skoðanir voru á fundinum.
Fjölmenni á fundi Sambands sveitarfélaga á Suðurnesjum um öldrunar- og heilbrigðismál
ALLS 152 erlendir einstaklingar á
aldrinum 18 til 24 ára fengu dval-
arleyfi hér á landi vegna hjúskapar
við íslenska ríkisborgara á tíma-
bilinu frá árinu 2000 fram til 1.
mars 2004. Kemur þetta fram í
skriflegu svari dómsmálaráðherra,
Björns Bjarnasonar, við fyrirspurn
Bryndísar Hlöðversdóttur, þing-
manns Samfylkingarinnar.
Í frumvarpi ráðherra, sem nú er
til meðferðar á Alþingi, og fjallar
um breytingar á lögum um útlend-
inga, er m.a. ákvæði um að útlend-
ingar skuli vera eldri en 24 ára til
að unnt verði að veita þeim dval-
arleyfi vegna hjúskapar. Þingmenn
Samfylkingar og Vinstrihreyfingar-
innar – græns framboðs gagnrýndu
það ákvæði harðlega í fyrstu um-
ræðu um frumvarpið í síðasta mán-
uði.
152 fengu dvalarleyfi
LÖGREGLAN hefur rannsakað tvö
mál, á undanförnum árum, þar sem
grunur lék á að stofnað hefði verið til
hjúskapar í þeim tilgangi einum að
afla dvalarleyfis hér á landi. Í öðru
tilvikinu var grunur um skipulagða
starfsemi og náði rannsóknin til 18
hjóna, sem komu hingað til lands frá
sama upprunaríkinu á sama tíma.
Þetta kemur fram í skriflegu svari
dómsmálaráðherra, Björns Bjarna-
sonar, við fyrirspurn Bryndísar
Hlöðversdóttur, þingmanns Sam-
fylkingarinnar.
„Eftir frumrannsókn og skýringar
aðilanna á aðstæðum sínum þóttu
heimildir ekki vera fyrir hendi til að
halda rannsókn áfram eða fylgja
henni eftir með saksókn og féll málið
niður,“ segir í svarinu.
Hitt tilvikið kom upp árið 2003 og
er enn til rannsóknar hjá lögreglu,
segir sömuleiðis í svarinu.
Eitt nauðungarhjónaband
Í svarinu kemur einnig fram að
færst hafi í vöxt að ungt fólk af er-
lendum uppruna, sem telst til ann-
arrar kynslóðar innflytjenda, sæki
sér maka til upprunalands síns. Þó
sé Útlendingastofnun einvörðungu
kunnugt um eitt tilvik þar sem því
var haldið fram að um nauðungar-
hjónaband væri að ræða.
„Hér á landi eru enn sem komið er
ekki margar kynslóðir innflytjenda
en útlendingasamfélagið á Íslandi
hefur vaxið gífurlega á síðustu 10 ár-
um. Það má því í raun segja að hér
séu aðallega búsettir einstaklingar
sem tilheyra fyrstu og annarri kyn-
slóð,“ segir í svarinu.
Lögreglan rannsakar
gervihjónabönd
STURLA Böðvarsson samgöngu-
ráðherra sagði á Alþingi í vikunni
að kostnaður við tvöföldun Vest-
urlandsvegar, frá Víkurvegi í
Reykjavík að Skarhólabraut í Mos-
fellsbæ, yrði mun meiri en fyrri
áætlanir hefðu gert ráð fyrir.
Hann yrði m.ö.o. að minnsta kosti
níu hundruð milljónir króna, miðað
við nýja kostnaðaráætlun. Sam-
kvæmt gildandi vegaáætlun er
gert ráð fyrir 520 milljónum til
verkefnisins. Ráðherra sagði því
ljóst að útboð á verkefninu gæti
ekki farið fram fyrr en búið væri
að leysa hvernig fjármagna ætti
verkefnið.
Úrskurður um mat á umhverfis-
áhrifum fyrir verkið liggur fyrir og
er unnið að verkhönnun. Að sögn
ráðherra ætti þeirri vinnu að ljúka
í lok apríl en hingað til hefur verið
miðað við að bjóða þá verkið út.
„Það sem við munum að sjálfsögðu
gera er að fara yfir málið,“ út-
skýrði ráðherra, „og leita leiða til
þess að nýta þá ef til vill ónýttar
fjárveitingar í öðrum verkum inn-
an sama kjördæmis ef það mætti
verða til þess að leysa málið.“
Valdimar L. Friðriksson, vara-
þingmaður Samfylkingarinnar, var
málshefjandi umræðunnar um tvö-
földun Vesturlandsvegarins og
benti m.a. á að um umræddan veg-
arkafla færu um 17 þúsund bílar á
dag. Sagði hann að sú umferð kall-
aði á tvöföldun vegarins. Gunnar
Birgisson, þingmaður Sjálfstæðis-
flokks, sagði eftir fyrrgreind svör
ráðherra að málið hefði dregist úr
hömlu. „Málið hefur dregist úr
hömlu, þ.e. hönnun verkefnisins,
mat á umhverfisáhrifum og ferill-
inn allur.“
Fjármagn til Vestur-
landsvegar ekki tryggt
ÞINGFUNDUR Alþingis hefst kl.
10.30 í dag með utandagskrárum-
ræðu um úrskurð kærunefndar jafn-
réttismála um skipan hæstaréttar-
dómara og viðbrögð dómsmála-
ráðherra. Jóhanna Sigurðardóttir,
þingmaður Samfylkingarinnar, er
málshefjandi umræðunnar. Björn
Bjarnason dómsmálaráðherra verð-
ur til andsvara.
Í tilkynningu frá þingflokki Sam-
fylkingarinnar segir að Jóhanna
muni m.a. spyrja ráðherra að því
hver sé pólitísk ábyrgð ráðherra,
sem Hæstiréttur dæmi að hafi með
embættisfærslu sinni brotið lög eins
og jafnréttislög. Þá mun hún m.a.
spyrja ráðherra hvort hann sé
reiðubúinn til að semja um skaða-
bætur vegna fyrrgreinds úrskurðar
kærunefndar.
Ræða úr-
skurð kæru-
nefndar