Morgunblaðið - 16.04.2004, Blaðsíða 26

LANDIÐ
26 FÖSTUDAGUR 16. APRÍL 2004 MORGUNBLAÐIÐ
Vestmannaeyjar | Um páskahelgina
var haldin myndlistarsýning nem-
enda Steinunnar Einarsdóttur í
Vélasalnum. Steinunn hefur kennt
Eyjamönnum myndlist síðan 1996
og hafa námskeið hennar ávallt
verið vel sótt. Alls sýndu nítján
nemendur afrakstur vetrarins. Eins
og áður á sýningum nemenda Stein-
unnar var ákveðið þema í gangi og í
ár var það Í fjöruborðinu.
Það sýndi sig um helgina að
Steinunni lætur vel að kenna mynd-
list enda margar myndir stórglæsi-
legar á sýningunni og nemendurnir
greinilega afkastamiklir þar sem
hver veggur í Vélasalnum var vel
nýttur. Steinunn hefur kennt bæði
með olíulitum og vatnslitum síðan
1996. Þá byrjaði hún með lítinn hóp
í stofunni heima hjá sér í húsinu
Einarshöfn. Seinna flutti hún sig yf-
ir í Listaskólann, í lítið herbergi í
austurhluta hússins. Í dag er hún
með kennsluna í Vélasalnum þar
sem sýningin var.
Alltaf að læra eitthvað nýtt
Sigurður Hauksson var eini karl-
maðurinn sem sýndi um helgina en
hann hefur verið í námi hjá Stein-
unni síðan 1998. Er þetta sjöunda
nemendasýningin sem hann tekur
þátt í. „Konan atti mér eiginlega út
í þetta. Hún gaf mér námskeið hjá
henni Steinunni í afmælisgjöf en ég
hafði byrjað að mála í veikindum
ári áður.“
Sigurður meiddist á öxl og var
talsvert lengi frá vinnu og eins og
hann segir sjálfur, hundleiddist
honum á meðan og varð hreinlega
að finna sér eitthvað að gera. „Ég
byrjaði á námskeiði hjá Steinunni í
stofunni heima hjá henni. Var ansi
þröngt á þingi þar ásamt því sem
olíubrækjan var talsverð en Stein-
unn lét sig hafa það,“ sagði Sig-
urður sem hefur fylgt henni síðan,
fyrst upp í Listaskóla og nú síðast í
Vélasalinn.
„Mér hefur líkað mjög vel hjá
henni Steinunni, hún er góður
kennari og svo hefur mannskap-
urinn á námskeiðunum verið ein-
staklega góður.“
Sigurður hefur einvörðungu mál-
að með olíulitum og segist kunna
sérstaklega vel við þá. Aðspurður
hvort áhuginn á myndlist hafi alla
tíð blundað í honum sagði hann svo
ekki vera. „Nei, ég get ekki sagt
það. Þetta kom allt í einu þegar
maður byrjaði að fikta. Auðvitað
teiknaði maður talsvert sem
krakki. Ég teiknaði mikið báta sem
peyi enda mjög hrifinn af sjónum. Í
dag mála ég mikið myndir af hús-
um en einnig báta en annars er
þetta mikið í bland, landslag og
fleira. Svo eru margir sem fara eft-
ir ljósmynd, fá hugmyndina þaðan
en breyta svo örlítið. Það er allt til í
þessu.“
Sigurður hefur verið eini karl-
maðurinn á námskeiðum Stein-
unnar í vetur en þegar mest var
voru þeir þrír. „Það er voða oft sem
ég heyri, stelpur, komið og sjáið,“
sagði Sigurður og hló en segir sér
líka vel í þessum hóp. „Það er auð-
vitað öðruvísi spjall en á karla-
vinnustöðum en það er alltaf gaman
að spjallinu yfir góðum kaffibolla.“
Eins og áður hefur komið fram er
þetta sjöunda nemendasýningin
sem Sigurður tekur þátt í en hann
hefur verið jafnmarga vetur í læri
hjá Steinunni. Fer ekki að líða að
útskrift? „Nei, nei, maður er alltaf
að læra meira og meira. Sumar
hafa nú verið lengur en ég og svo er
ég farinn að mála talsvert heima
líka. Ef fólk dettur inn í þetta þá vill
það festast enda er þetta af-
skaplega skemmtilegt og gefandi.“
Aðspurður hvort hann sé ekki
kominn með efni í einkasýningu
sagðist hann ekki hafa leitt hugann
að því. „Það kemur kannski. Ég hef
málað slatta af myndum, selt sumar
og gefið aðrar en á talsvert safn af
myndum. Kannski kemur að því að
ég haldi einkasýningu, hver veit?“
Gaman á námskeiðinu
Einn af nýjustu meðlimum mynd-
listarhóps Steinunnar er Guðný
Stefnisdóttir en hún var að ljúka
sinni þriðju önn ef svo má segja en
eitt námskeið er á haustin og annað
yfir veturinn. „Þetta kom þannig til
að Alla vinkona skráði mig hrein-
lega á námskeið hjá Steinunni. Mig
hafði lengi langað að fara á svona
námskeið og hafði öfundað Jóný
vinkonu mikið en hún hafði verið á
námskeiðum hjá Steinunni. Eitt
sinn vorum við saman á Cafe Maria
í kaffi þegar Alla dró mig hreinlega
upp til hennar Steinunnar og gekk
frá skráningunni.“
Guðný segir þetta hafa verið al-
veg hrikalega gaman þó hún hafi
ekki getað sinnt þessu eins vel og
hún vildi vegna veikinda. „Það er
svo gaman að skapa eitthvað og fá
útrás í að nota hendurnar.“
Guðný ber Steinunni vel söguna
og segir hana sérstaklega góðan
kennara. „Hún kann að kenna fólki
og þetta eru virkilega þægilegar
kennslustundir. Létt andrúmsloft
og engin hamagangur þar.“
Hún segist alla tíð hafa haft unun
af því að teikna. „Allt frá því að
maður fattaði að maður gat teiknað
eitthvað.“
Olíulitir hafa verið hennar að-
algrein en þó hefur hún sótt styttri
námskeið í vatnslitum og stefnir á
að bæta jafnvel við sig í þeim efnum
á næstunni. „Annars á olían vel við
mig. Ég er samt svo nýbyrjuð í
þessu að ég er að finna minn stað í
myndlistinni. Ég hef verið í fínni
myndum en nýlega prufaði ég að-
eins grófari myndlist og mér finnst
það eiga betur við mig.“
Aðspurð hvort framhald verði á
náminu sagði hún það ekki vera
spurningu. „Þetta er svo gaman og
ég mun að sjálfsögðu halda áfram,“
sagði Guðný að lokum en hún var
ánægð með sýninguna um helgina
en rúmlega 200 manns litu inn.
Myndlistarsýning nemenda Steinunnar Einarsdóttur í Vélasalnum
„Það er svo gaman að skapa“
Morgunblaðið/Sigurgeir
Steinunn Einarsdóttir myndlistarkennari, lengst til hægri á myndinni, ásamt nemendum sínum.
Morgunblaðið/Sigurgeir
Sigurður Hauksson fyrir framan listaverk sem hann sýndi um páskana.
Mývatnssveit | Um allmörg und-
anfarin ár hefur Laufey Sigurð-
ardóttir í Höfða gengist fyrir tón-
leikahaldi um páska, hér í sveit. Þetta
hefur henni farist einkar vel. Að
þessu sinni voru tvennir tónleikar.
Hinir fyrri voru í Skjólbrekku á skír-
dagskvöld. Á fyrri hluta dagskrár-
innar var píanókvintett í Es-dúr, op.
44 eftir Robert Schumann. Hljóð-
færaleikarar voru Anna Áslaug
Ragnarsdóttir við flygilinn, Laufey
Sigurðardóttir og Sigurlaug Eðvalds-
dóttir með fiðlur, Þórunn Ósk Mar-
inósdóttir með víólu og Sigurður
Bjarki Gunnarsson með selló.
Eftir hlé var það svo Arndís Halla
Ásgeirsdóttir sópransöngkona, sem
heillaði tónleikagesti með kröftugum
söng og líflegri sviðsframkomu við
undirleik Önnu Áslaugar Ragn-
arsdóttur. Á söngskránni voru vinsæl
íslensk lög og óperuaríur eftir Mozart
og Donnizetti. Fjölmargir lögðu leið
sína í Skjólbrekku af þessu tilefni og
nutu kvöldsins.
Að kvöldi langafrjádags voru síðan
tónleikar í Reykjahlíðarkirkju þar
sem þessir sömu listamenn fluttu
meðal annars tónlist eftir Bach, Dvo-
rak, Telemann, Leclair og Puccini,
við hrifningu þakklátra tónleikagesta.
Anna Áslaug og Arndís Halla
í Skjólbrekku.
Tónlist í Mývatns-
sveit um páska
Morgunblaðið/BFH
Hrunamannahreppur | Mikil um-
ræða varð um upptöku neta á vatna-
svæði Ölfusár á aðalfundi Veiðifélags
Árnesinga, sem haldinn var á Hótel
Selfossi 13. apríl sl. Ákveðið var að
halda áfram undirbúningsvinnu við
þau mál. Á fundinum var gerð grein
fyrir störfum nefndarinnar sem unn-
ið hefur að þessum athugunum síð-
astliðið ár. Reyndar var búið að
halda fund um þetta mikilvæga mál-
efni í mars þar sem hugsanleg upp-
taka á netum var rækilega kynnt.
Sitt sýnist hverjum enda þarf að
skoða málið vandlega frá hinum
ýmsu hliðum, en svæðið er mjög víð-
feðmt og hagsmunir og sjónarmið
mismunandi. Ákveðið var að halda
áfram sama fyrirkomulagi á veiði nú
í sumar og á næsta ári og verið hefur
á undanförnum árum.
Starfsmenn Suðurlandsútibús
Veiðimálastofnunar á Selfossi, þeir
Magnús Jóhannsson og Benóný
Jónsson, gerðu afar góða grein, í
máli og myndum, fyrir rannsóknum
sínum og veiðiskýrslum á vatna-
svæðinu. Þar kom meðal annars
fram að seiðabúskapur ánna er slak-
ur og hefur ekki batnað síðustu miss-
eri. Heldur hefur verið aukning á
veiðum á sjóbirtingi og magn seiða
aukist ef marka má rannsóknir. Far-
ið er nú síðustu ár að fylgjast með
laxagöngu með senditækjum sem
þegar eru farnar að gefa nokkrar vís-
bendingar. Það er mjög athyglisverð
nýjung en eins og víða er vöntun á
fjármagni til að geta sinnt vísinda-
legum rannsóknum sem skyldi.
Gunnar Gunnarsson á Selfossi,
sem gegnt hefur starfi gjaldkera um
langt árabil, færðist undan endur-
kosningu en í hans stað var kjörinn
Páll Lýðsson, Litlu-Sandvík, og
varamaður Jörundur Gauksson,
Kaldaðarnesi. Þess má geta að
Landssamband stangaveiðifélaga
gengst fyrir ráðstefnu nk. laugar-
dag, 17. apríl, kl 14–16 á Hótel Sel-
fossi undir heitinu: „Laxinn – auðlind
á vatnasvæði Ölfusár og Hvítár.“
Sama fyrirkomulag verður á veiði
í Ölfusá og Hvítá og verið hefur
Morgunblaðið/Sigurður Sigmundsson
Loftur Þorsteinsson Haukholtum, fundarstjóri, Guðmundur Þorvaldsson
Bíldsfelli, varaformaður félagsins, og Tryggvi Steinarsson Hlíð, fundarritari.
Skeifan 2 - 108 Reykjavík - S. 530 5900
poulsen@poulsen.is - www.poulsen.is
NSK legur og pakkdósir
LÍFSGLEÐI www.heilsuvernd.is