Morgunblaðið - 16.04.2004, Blaðsíða 43

nýrri útfærslu, bara við tveir, þú
kunnir það nú ekki alveg, varst alltaf
að ruglast.
Það var alltaf svo gott að fá að kúra
hjá ykkur ömmu og alltaf varstu til í
að passa mig. Þú varst alltaf svo góð-
ur, elsku afi minn.
Vonandi líður þér vel á himninum
og ferð í göngutúr með Kol.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson.)
Þinn afastrákur,
Arnór Snær (Nattnór).
Elsku afi. Mér brá alveg rosalega
þegar mamma sagði mér að þú hefðir
veikst og þurft að fara á spítala. Ég
grét og hugsaði til þín og ætlaði aldr-
ei að geta sofnað þá um kvöldið.
Morguninn eftir þegar pabbi sagði
mér að þú hefðir dáið um nóttina fór
ég að gráta, ég vorkenndi svo ömmu
og öllum sem þekktu þig. En ég veit
að þú ert kominn til Guðs og líður vel
og búinn að hitta Kol og þið munuð
passa okkur, alveg eins og Kolur
passaði mig þegar ég svaf í barna-
vagninum, þegar ég var lítil á Sól-
vallagötunni.
Ég gleymi aldrei ferðalögunum
með þér og ömmu, í Laugarásnum,
tjaldvagninum eða á Skúfsstöðum
hjá Huldu frænku.
Kær kveðja frá mömmu með inni-
legu þakklæti fyrir allt. Henni þótti
líka vænt um þig, elsku afi. Ég ætla
að hjálpa pabba og mömmu að hugsa
vel um ömmu.
Stórt knús, þín afastelpa,
Elva Dögg.
Elsku besti afi minn, ég sakna þín
svo mikið. Nú á ég engan afa og ég
spurði Rakel systur hver ætti að
stríða mér. Hún sagði að þú sæir
okkur og ég vinka þér stundum upp í
himininn. Núna ertu búinn að hitta
Kol, þið voruð svo miklir vinir og get-
ið farið í labbitúr saman.
Ég veit að þér líður betur í hjart-
anu þínu og Guð hefur vantað svona
góðan mann og englarnir þurfa að
hafa mann sem syngur svona vel, en
ég er samt dálítið sorgmædd því ég
sakna þín. Kannski lúlla ég stundum
hjá ömmu og passa hana fyrir þig,
elsku afi minn. Ég elska þig og sendi
þér þúsund kossa og stórt, stórt
knús.
Þín
Anna Margrét.
Elsku langafi. Þegar mamma
sagði mér að þú værir mikið veikur í
hjartanu þínu, varð ég mjög leið og
sorgmædd. Mamma sagði að lækn-
arnir væru að hjálpa þér og þegar ég
fór að sofa um kvöldið bað ég Guð um
að hjálpa þeim. En daginn eftir sagði
pabbi mér að þú værir dáinn og þá
varð ég meira sorgmædd. Ég, Anna
Margrét frænka og mamma vorum
saman allan daginn og rifjuðum upp
margar sögur um þig, um það hvað
þú varst skemmtilegur, góður og
stríðnispúkann í þér og þá fórum við
að hlæja. Við áttum líka góða kvöld-
stund saman og kveiktum á kerti og
sátum saman og töluðum um þig, afi
minn.
Ég man hvað þú varst alltaf svo
góður. Þú bauðst mér og Önnu Mar-
gréti í veiðiferð og það var nú gaman.
Við veiddum enga stóra fiska en
veiddum bara lítil síli í staðinn. Það
var líka gaman þegar við fengum að
fara með þér og ömmu í flotta hús-
bílnum þegar við fórum í berjamó í
fyrra.
Mér þykir svo vænt um þig, elsku
afi minn. Ég vona að þér líði vel á
himninum, þar sem Kolur og fleiri
eru sem þér þótti svo vænt um. Þeg-
ar Kolur dó þá sagði mamma að allir
þeir sem deyja fái stjörnu á himn-
inum. Alltaf þegar ég og mamma er-
um að keyra á kvöldin þá finnum við
stjörnuna hans Kols, og nú ert þú dá-
inn og við mamma erum búin að sjá
stjörnuna þína og þá vitum við alltaf
hvar þú ert og finnum að þú ert að
fylgjast með okkur og gæta okkar.
Ég gleymi þér aldrei, elsku afi
minn.
Þín langafastelpa,
Birta Dröfn.
Stundum ríða áföllin svo óvænt og
miskunnarlaust yfir og lítilfjörleg
stöndum við gagnvart gangi lífsins.
Þriðjudagsmorguninn 6. apríl barst
okkur sú harmafregn að hann Skarp-
héðinn frændi væri látinn. Við höfð-
um hitt hann svo glaðan og hressan í
fermingarveislu aðeins átta dögum
fyrr og ræddum um að hittast aftur
sem fyrst.
Fráfall frænda minnti okkur
óþægilega á andlát Huldu systur
hans og móður okkar sem lést fyrir
rúmum þremur árum. Bæði fóru þau
án mikils fyrirvara, á svipuðum aldri
og stödd á þeim tímamótum að hafa
lokið ævistarfi sínu, tilbúin að eyða
ævikvöldinu með ástvinum sínum og
sinna hugðarefnum. Milli þeirra
systkina Huldu og Skarphéðins ríkti
mikill kærleikur, líkt og þau vildu
bæta upp bernskuárin þegar þau
voru aðskilin af óviðráðanlegum
ástæðum.
Að leiðarlokum leitar hugurinn til
baka, fyrst til Siglufjarðar þar sem
við áttum fyrst heima og síðan upp í
Hjaltadal. Skarphéðni var mikið í
mun að viðhalda góðu sambandi við
systur sína, mág og börnin þeirra.
Hann leit ætíð við í sveitinni ef hann
átti leið hjá í starfi sínu sem rútubíl-
stjóri og síðar sem lögreglumaður. Á
vorin komu svo frændsystkini okkar
að sunnan, eins og farfuglarnir, til
sumardvalar. Við systkinin á Skúfs-
stöðum mátum Skarpa frænda okkar
mikils og geymum í hjarta okkar
margar góðar minningar. Hann var
virðulegur í glæsilegum búningi lög-
reglumanns og góður og skemmti-
legur frændi sem öllum gat komið í
gott skap. Skarphéðinn hafði skoð-
anir á flestum málefnum og var oft
óspar á þær. Þó var ætíð stutt í hlát-
urinn og glensið og hann hafði alltaf
lag á að sjá skoplegu hliðina á hlut-
unum. Hann hafði líka alltaf frá
mörgu að segja og sagði skemmti-
lega frá.
Þau hjón, Anna Margrét og Skarp-
héðinn, bjuggu lengst af í Keflavík.
Fyrir þau var aldrei of langt norður í
Hjaltadal og einhvern tíma varð hon-
um að orði að „leiðin milli heimila
tveggja vina væri aldrei of löng“.
Þegar móðir okkar lést, var ef til vill
hætta á að samskiptin minnkuðu
milli fjölskyldnanna, en Skarphéðinn
var ákveðinn í að láta ekkert slíkt
eiga sér stað. Þau hjónin voru enn
duglegri en áður að koma norður,
okkur öllum til mikillar ánægju.
Það er sárt að hugsa til þess að sjá
hann Skarphéðin okkar ekki framar í
þessu lífi. Hans er sárt saknað. Nú er
það okkar sem eftir stöndum, að
halda minningu hans og móður okkar
á lofti. Við vitum að eftir okkur er lit-
ið og í anda þeirra væri það best gert
með því að halda hópnum þeirra
saman.
Elsku Anna Margrét, Hólmfríður,
Njáll, Jón Valgeir, Sigurður, Ey-
steinn og fjölskyldur. Við vottum
ykkur okkar dýpstu samúð, sorg
ykkar er sorg okkar.
Fjölskyldan frá Skúfsstöðum.
MINNINGAR
MORGUNBLAÐIÐ FÖSTUDAGUR 16. APRÍL 2004 43
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
Blómabúð
MICHELSEN
ÞÚ VELUR AÐEINS ÞAÐ
BESTA Í GLEÐI OG SORG
44 ÁRA
STARFSREYNSLA Í
ÚTFARARSKREYTINGUM
MICHELSEN
HÓLAGARÐI
SÍMI 557 3460
Móðir okkar, tengdamóðir, amma og lang-
amma,
KRISTÍN ERLENDSDÓTTIR,
Egilsbraut 9,
Þorlákshöfn,
frá Eystri-Hellum,
Gaulverjabæjarhreppi,
verður jarðsungin frá Þorlákskirkju laugar-
daginn 17. apríl kl. 13.30.
Jarðsett verður í Gaulverjabæjarkirkjugarði.
Börn, tengdabörn,
barnabörn og barnabarnabörn.
Ástkær amma okkar og langamma,
SIGRÍÐUR MARGRÉT
VILHJÁLMSDÓTTIR,
lést í Seljahlíð fimmtudaginn 8. apríl.
Jarðarförin fer fram frá Fossvogskirkju mánu-
daginn 19. apríl kl. 13.30.
Karl Logason,
Yngvi Páll Þorfinnsson,
Hrafn Logason,
Sigríður Margrét Þorfinnsdóttir,
Áshildur Logadóttir,
Aron Njáll Þorfinnsson,
Sigrún Birna Logadóttir,
Guðmundur Reynir Gunnlaugsson,
Kristinn Máni Þorfinnsson,
Ellen Alexandra Gunnlaugsdóttir
og barnabarnabörn.
Ástkær móðir okkar, tengdamóðir, amma
og langamma,
JÓNA KRISTÍN ÁMUNDADÓTTIR,
áður til heimilis
á Hverfisgötu 30,
Hafnarfirði,
sem lést á Hrafnistu í Hafnarfirði fimmtu-
daginn 8. apríl, verður jarðsungin frá Víði-
staðakirkju mánudaginn 19. apríl kl. 13.30.
Hjalti Gunnarsson,
Ámundi Gunnarsson, Anna Sæmundsdóttir,
Sigurjón Gunnarsson, Helga Vilhjálmsdóttir,
Kristbjörg Gunnarsdóttir, Guttormur Páll Sölvason,
Ásgeir Gunnarsson, Sólveig Gunnarsdóttir,
Hafsteinn Sigurjónsson,
ömmubörn og langömmubörn.
Innilegar þakkir fyrir auðsýnda samúð og hlý-
hug við andlát og útför
ÁSTU KETILSDÓTTUR,
Mýrargötu 18,
Neskaupstað.
Nanna Gunnarsdóttir, Vilhjálmur Gíslason,
Gunnar Gunnarsson, Guðfinna Ásdís Svavarsdóttir,
Gylfi Gunnarsson, Ásdís Hannibalsdóttir,
Jóna Sigríður Gunnarsdóttir, Þórarinn Ölversson,
Víglundur Sævar Gunnarsson, Ína Dagbjört Gísladóttir,
Katla Gunnarsdóttir, Emil Thoroddsen,
barnabörn og barnabarnabörn.
Maðurinn minn, faðir okkar, tengdafaðir, afi
og langafi,
HALLUR JÓSEPSSON
frá Arndísarstöðum,
verður jarðsunginn frá Þorgeirskirkju mánu-
daginn 19. apríl kl. 14.00.
María Kristín Helgadóttir,
börn, tengdabörn, afa- og langafabörn.
Faðir okkar, tengdafaðir, afi og bróðir,
HARALDUR BLÖNDAL
hæstaréttarlögmaður,
er látinn.
Þórarinn Blöndal, Hanna Hlíf Bjarnadóttir,
Gunnar Örn, Unnar og Marsibil,
Margrét H. Blöndal,
Sölvi Magnússon,
Steinunn H. Blöndal, Guðfríður Lilja Grétarsdóttir,
Sveinn H. Blöndal,
Halldór Blöndal,
Ragnhildur Blöndal.
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi.
 Fleiri minningargreinar
um Skarphéðin Njálsson bíða birt-
ingar og munu birtast í blaðinu
næstu daga.