Morgunblaðið - 16.04.2004, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 16. APRÍL 2004 VERÐ Í LAUSASÖLU 190 KR. MEÐ VSK.
LÆKNAR tæknifrjóvgunar-
deildar Landspítala – háskóla-
sjúkrahúss (LSH) áforma að
hefja einkarekstur utan spítalans
í haust í kjölfar þess að loka á
deildinni í sumar.
Þrír læknar deildarinnar sögðu
upp starfi sínu um síðustu mán-
aðamót, samkvæmt heimildum
Morgunblaðsins, og vinna nú að
undirbúningi einkarekstrar
ásamt starfsfélögum sínum á
deildinni, sem alls eru tólf talsins.
Áformað er einnig að taka við
sjúklingum frá öðrum löndum og
auka þessa starfsemi hér á landi.
Á deildinni hafa verið fram-
kvæmdar um 600 aðgerðir á ári,
þar af um 300 glasafrjóvganir og
300 tæknisæðingar.
Guðmundur Arason, læknir og
sérfræðingur á tæknifrjóvgunar-
deild, staðfestir þetta í samtali við
Morgunblaðið. Hann segir málið
enn á vinnslustigi en þar sem allt
virðist stefna í að deildinni verði
lokað á spítalanum í sumar sé ætl-
unin að hefja einkareksturinn í
haust. Vel gangi að finna nýtt hús-
næði, sem mun bjóða upp á betri
aðstöðu fyrir sjúklinga og starfs-
menn.
„Við höfum búið við mikið óör-
yggi á þessari deild þar sem upp-
sagnir og lokanir hafa verið yf-
irvofandi. Í nokkur ár höfum við
óskað eftir heimild til að starf-
rækja glasafrjóvgunardeild utan
spítalans en engin svör fengið. Á
sama tíma hefur staðið til að
leggja deildina niður,“ segir Guð-
mundur en auk hans eru sérfræð-
ingar á deildinni læknarnir Þórð-
ur Óskarsson og Tanja Þorsteins-
son.
Kostnaður á ekki að
þurfa að aukast
Spurður um mögulegar breyt-
ingar á kostnaði við tæknifrjóvg-
un með því að færa hana yfir í
einkarekstur segist Guðmundur
líta svo á að hann eigi að verða sá
sami og áður. Kostnaðurinn við
aðgerðir sé þekktur og eigi ekki
þurfa að aukast með þessari
breytingu. Ríkið hafi að meðaltali
greitt um helming kostnaðar á
móti sjúklingunum. Guðmundur
segir viðræður hafa átt sér stað
við heilbrigðisráðuneytið og Jón
Kristjánsson heilbrigðisráðherra
hafi síðasta sumar tekið ágætlega
í hugmyndir um einkarekstur.
Landspítalinn hafi hins vegar
lagst gegn þeim. Síðar í vetur hafi
komið tillögur frá spítalanum um
að loka deildinni en þá hafi ráðu-
neytið lagst gegn því. „Þetta hef-
ur því farið fram og til baka í kerf-
inu og skapað mikla óvissu fyrir
starfsmenn og aðstandendur
deildarinnar. Við viljum eyða
þeirri óvissu,“ segir Guðmundur.
Hann segir erlenda aðila hafa
sýnt áhuga á að senda sjúklinga
til glasafrjóvgunarmeðferðar hér
á landi. Sökum aðstöðuleysis hafi
ekki verið hægt að verða við slík-
um óskum til þessa.
Læknar tæknifrjóvgunardeildar LSH hafa sagt upp störfum
Áforma einkarekstur í
glasafrjóvgun næsta haust
TÆKNIFRJÓVGUNARDEILD
kvennadeildar LSH hóf starf-
semi í október árið 1991 í 70 fer-
metra húsnæði en vegna mikillar
eftirspurnar varð að stækka að-
stöðuna. Formlega tók deildin
svo til starfa í ágúst 1996 í því
húsnæði þar sem hún er í dag,
sem er um 280 fermetrar að
flatarmáli í byggingu kvenna-
deildar. Í fyrstu voru um 100 pör
meðhöndluð árlega en nú eru um
600 aðgerðir framkvæmdar á
ári. Að auki fá um 90 pör með-
ferð þar sem settir eru upp fryst-
ir fósturvísar. Í dag bíða um 200
manns eftir meðferð á deildinni.
Fyrsta „glasabarnið“ sem varð
til við meðferð hér á landi fædd-
ist árið 1992 og síðan þá hafa
fæðst yfir eitt þúsund börn í
kjölfar meðferðar á tækni-
frjóvgunardeild, að því er fram
kemur á vef Landspítalans.
Um 200 manns bíða eftir með-
ferð á tæknifrjóvgunardeildinni
FLUGFÉLAGIÐ Atlanta tekur á næstunni
tvær Boeing 747-400-breiðþotur í þjónustu
sína. Eru það fyrstu þoturnar af nýrri kyn-
slóð B747-400 sem skráðar verða á Íslandi
og sömuleiðis þær fyrstu á Norðurlöndum,
að sögn Hafþórs Hafsteinssonar, forstjóra
Atlanta.
Félagið leigir þoturnar frá Singapore Air-
lines og leigir þær áfram til spænska flug-
félagsins Iberia með áhöfn og viðhaldsþjón-
ustu. Fyrri þotan verður tekin í gagnið í lok
júní og sú síðari í byrjun júlí.
Atlanta og Iberia hafa samið til tveggja
ára um farþegaflug milli Madrid á Spáni og
Kanaríeyja og Kúbu. Garðar Forberg, deild-
arstjóri söludeildar, segir tekjur Atlanta af
samningnum nema um 5,8 milljörðum króna.
Félagið annaðist flug fyrir Iberia árin 1997
til 2001 og segir hann þennan nýja samning
staðfestingu á góðu samstarfi félaganna.
Þar sem um nýja tegund er að ræða þurfa
flugmenn að fara í grunnþjálfun og að sögn
Hafþórs hefur verið samið við Cargolux um
að taka að sér þá þjálfun. Í fyrstu verða 15
áhafnir þjálfaðar.
„Þetta er ekki bara stór áfangi hjá okkur
heldur einnig stór áfangi í íslenskri flugsögu.
Þessar vélar eru að ryðja sér til rúms á
markaðnum, eru hagkvæmar í rekstri og
leysa eldri tegundir af hólmi smátt og smátt.
Þetta er líka í fyrsta sinn sem þessar
Boeing-vélar eru skráðar á Norðurlöndum,“
segir Hafþór, sem reiknar með að Atlanta
taki fleiri vélar í notkun á næsta ári af gerð-
inni B747-400. Taka breiðþoturnar um 400
farþega í sæti.
Atlanta með 35 þotur í flotanum
Alls verða 35 Boeing-þotur í flota Atlanta
með tilkomu þessara nýju véla og starfs-
menn um 750. Félagið sérhæfir sig sem
kunnugt er í leigu flugvéla með áhöfn og
annast viðhald þeirra og tryggingar. Dóttur-
félög fyrirtækisins eru Air Atlanta Europe
og Aviaservices á Bretlandi og Shannon
MRO á Írlandi. Þá er Atlanta kjölfestu-
eigandi í Excel Airways, einu stærsta leigu-
flugfélagi í Bretlandi.
Atlanta semur um flug á nýjum Boeing-breiðþotum fyrir 5,8 milljarða króna
Fyrstu þoturnar sem skráðar eru á Norðurlöndum
Atlanta tekur brátt í notkun tvær breiðþotur
af nýrri kynslóð B747-400 eins og þessa sem
merkt er Boeing-verksmiðjunum.
EINN af hinum ljúfu vorboðum
í Húsdýragarðinum er þegar
kiðlingarnir koma í heiminn.
Huðnan Fína bar á föstudaginn
langa gráflekkóttum hafri.
Þetta er fyrsti kiðlingur Fínu
og því fékk hún nokkra daga
fjarri ys og þys til að kynnast
afkvæmi sínu og átta sig á móð-
urhlutverkinu. Hún er nú kom-
in í fjárhúsið þar sem gestir
geta litið á þau mæðginin. Fað-
ir litla hafursins er hann Kappi,
fjögurra vetra hafur, gráhött-
óttur að lit. Fína er svartflekk-
ótt og tveggja vetra. Með-
göngutími huðna er fimm
mánuðir og eignast þær yf-
irleitt einn til tvo kiðlinga.
Morgunblaðið/Sverrir
Það var ekki annað að sjá en nýfæddi kiðlingurinn kynni vel að meta þá athygli sem honum var sýnd.
Fallegur
kiðlingur í
Húsdýra-
garðinum
MILESTONE Import Export Ltd., félag í eigu
systkinanna Karls Wernerssonar, Steingríms
Wernerssonar og Ingunnar Wernersdóttur, á
nú 12,28% eignarhlut í Íslandsbanka. Tilkynnt
var í gær að félagið hefði keypt 3,5% hlut í bank-
anum. Kaupverðið er liðlega 2,9 milljarðar
króna.
Hlutur Milestone Import Export í Íslands-
banka hefur rúmlega tvöfaldast á tæpum tveim-
ur mánuðum því félagið keypti 3% hlut í bank-
anum í lok febrúar síðastliðins.
Karl Wernersson sagði að þau systkinin álitu
Íslandsbanka mjög góðan fjárfestingarkost.
Þau hefðu viljað fylgja þeim ávinningi, sem þau
hefðu haft hingað til, betur eftir með því að fjár-
festa enn meira.
Kaupa í Íslands-
banka fyrir
2,9 milljarða
 Wernersbörn/16
ÁFORM eru uppi um gerð nýs aðalleikvangs og
fleiri mannvirkja við Reykjaneshöllina í Reykja-
nesbæ. Árni Sigfússon bæjarstjóri hefur kynnt
þessar hugmyndir meðal forystumanna íþrótta-
félaganna í bænum. Reisa á 1.600 manna stúku
við aðalleikvanginn og þá eru uppi hugmyndir
um að reisa svonefnda sportakademíu framan
við höllina. Þar á að vera aðstaða til starfsþjálf-
unar þjálfara, þjálfunar íþróttafólks og jafnvel
frekari menntunar á þessu sviði. Undirbúningur
að þessu hefur staðið í nokkra mánuði og m.a.
verið rætt við yfirvöld menntamála og fulltrúa
íþróttahreyfingarinnar í landinu.
Sportakademía
við Reykjaneshöll
 Nýr leikvangur/24
♦♦♦
BÚIÐ er að opna Leikfélag Reykjavíkur fyrir
nýjum félögum. Kjörfundur verður haldinn í
byrjun maí, en hann er sá fyrsti í 107 ára sögu fé-
lagsins þar sem félagsaðild er öllum opin. Breyt-
ingar á lögum félagsins í fyrra gera þetta kleift
og núverandi formaður, Ellert A. Ingimundar-
son, kveðst binda vonir við að þær hleypi nýju
lífi í félagið.
„Sú grundvallarbreyting verður á skipan
stjórnar Leikfélags Reykjavíkur að ekki mega
vera fleiri en tveir stjórnarmenn af fimm úr hópi
starfsmanna leikhússins. Starfsmenn geta því
ekki myndað meirihluta stjórnar Leikfélags
Reykjavíkur. Þetta fannst okkur vera algjört
lykilatriði við breytingar á lögum og stjórn fé-
lagsins,“ segir Ellert.
Leikfélag Reykja-
víkur opið öllum
 Leikfélag Reykjavíkur/27
♦♦♦