Pressan - 12.03.1992, Qupperneq 16
16
FIMMTUDAGUR PRESSAN 12.MARS 1992
Hjónin eru
farin úr
Hótel
Stefaníu
Hjónin Stefán Sigurðsson og
lngunn Amadóttir hafa ytirgelið
Hótel Stefaníu á Akureyri. Nú-
verandi eigendur hótelsins,
Ferðamálasjóður og Fram-
kvæmdasjóður, hafa auglýst
hótelið til sölu. Þar til hótelið
verður selt verður það rekið
áfram á ábyrgð sjóðanna.
Það var að ósk lögmanns
sjóðanna, Hróbjarts Jónatans-
sonar, að kveðinn var upp úr-
skurður um að hjónin yfirgæfu
hótelið. Eftir að úrskurðurinn lá
fyrir náðist samkomulag við
Stefán og Ingunni um að yfir-
gefa hótelið í gær.
Óvænt
og rándýr
fjölgun hjá
menntskæl-
ingunum
200 milljóna króna umfram-
keyrsla varð í rekstri framhalds-
skóla á síðasta ári og er hin op-
inbera skýring sú að framhalds-
skólanemum hafi fjölgað meira
en ráð var fyrir gert. Ætla mætti
að það væri nokkmn veginn vit-
að hversu margir setjast í fram-
haldsskóla á ári hverju. En þrátt
fyrir að Svavar Gestsson
menntamálaráðherra hafi við
gerð fjárlaga haft á sínum snær-
um ótal embættismenn og sér-
fræðinga — svo sem eins og
Örlyg Geirsson, skrifstofustjóra
fjármálaskrifstofu, Sólrúnu
Jensdóttur, deildarstjóra skóla-
máladeildar, og Hörð Lárusson,
deildarstjóra framhaldsskóla-
deildar — létu framhaldsskóla-
nemar ekki að stjóm. Þegar fjár-
lög fyrir 1991 vom soðin saman
gerðu sérfræðingamir ráð fyrir
ákveðnum fjölda nemenda í
framhaldsskólunum, en þegar
upp var staðið reyndust þeir
miklu fleiri en forsendur fjár-
laga miðuðust við. Reikningur-
inn vegna skekkjunnar: 200
milljónir.
6 milljóna
gjaldþrot
Ibróttafélags
Kópavogs
Búið er að gera upp þrotabú
Iþróttafélags Kópavogs og
fundust engar eignir upp í kröf-
ur, sem samtals námu 6 milljón-
um króna. ÍK var tekið til gjald-
þrotaskipta 23. október síðast-
liðinn og lauk skiptum 21.
febrúar, sem telst þokkalega
hröð meðferð.
Félagið var stofnað árið
1976 og lék á síðasta keppnis-
tímabili í þriðju deild í knatt-
spymunni. Framkvæmdastjóri
IK var Sigursveinn Agnarsson
og formaður stjórnar Sigurjón
Sigurðsson. Aðspurður um
ástæður gjaldþrotsins vildi Sig-
urjón ekkert tjá sig. „Þetta er bú-
ið mál og ég nenni ekki að ræða
það frekar.“
Páll Þorgeirsson, kaupandi Asiaco
Páll Þorgeirsson, sem orðinn
er stjómarformaður Asiaco hf.
og hyggst kaupa fyrirtækið fyrir
erlent lánsfjármagn, er í 40
milljóna króna gjaldþrotameð-
ferð vegna einkafyrirtækis síns.
Eign fyrirtækis hans á Hólma-
vík er auglýst á nauðungarupp-
boð vegna vanskila á 23 millj-
óna króna skuldabréfi í Islands-
banka og frjálsleg notkun hans á
greiðslukorti var kærð til RLR.
Páll rekur fyrirtækið
Strandavör í eigin nafni og var
úrskurðaður til gjaldþrotaskipta
í mars á síðasta ári. Nema heild-
arkröfur í búið rúmum 40 millj-
ónum króna. Kröfuhafar em 25
talsins.
ÍSLANDSBANKI KREFST
UPPBOÐS OG KREDIT-
KORT KÆRÐU
Þá hefur PRESSAN fengið
staðfest að fyrirtæki Páls og
Skúla Pálssonar, Strandanaust
hf., eigi í miklum fjárhagserfið-
leikum. Félagið hefur m.a. rekið
sumarhúsafyrirtæki á Hólmavík,
en fyrir örfáum dögum sendi Is-
landsbanki sýslumanni Stranda-
sýslu kröfu um nauðungarupp-
boð á lóð úr landi Skeljavíkur,
sem veðsett er vegna 23ja millj-
óna króna skuldabréfs. Það bréf
Páll Þorgeirsson hefur víöa komiö viö, m.a. auglýst aö hann
útvegi áhættufjármagn erlendis frá. Hann er í gjaldþrotameö-
ferö en hyggst kaupa fyrirtæki, hvers eignir nema nær 200
milljónum.
Var kærður til RLR fyrir greiðslu-
kortamisnotkun. íslandsbanki krefst
uppboðs á eignum Strandanausts
vegna vanskila á 23 milljóna króna
skuldabréfi.
er því í vanskilum.
Þá var Páll fyrir nokkru
kærður til Rannsóknarlögreglu
ríkisins af Kreditkortum hf.
vegna meintrar saknæmrar
notkunar á greiðslukorti. Páll
fékk undirskrift 85 ára gamals
föður síns vegna tryggingavíxils
hjá Kreditkortum og krítaði
grimmt. Samkvæmt heimildum
PRESSUNNAR voru ógreiddar
úttektir komnar upp í á fjórðu
milljón króna og fasteign föður
Páls langt komin í uppboðsmeð-
ferð, er aðrir ættingjar gripu inn
í og sömdu um skuldina. Kæran
var þá dregin til baka.
KEYPTI 200 MILLJÓNA
KRÓNA FYRIRTÆKIEN
ÁTTIEKKI AUR FYRIR
BÍL
Loks má nefna viðskipti
Páls við Bílaumboðið hf., um-
boðsfyrirtæki BMW-bifreiða.
Páll keypti á síðasta ári slíkan
bíl á 5 milljónir króna. Hann
greiddi 1,5 milljónir út með
ávísun, sem síðan reyndist inn-
stæðulaus. Eftir fjögurra mán-
aða þref tók umboðið bílinn af
Páli.
Nú íhugar Páll sem íyrr seg-
ir að kaupa Asiaco hf., en eignir
jress voru árið 1990 bókfærðar á
190 milljónir króna að núvirði.
Það ár velti fyrirtækið 450 millj-
ónum króna. Síðan hefur fyrir-
tækið reyndar misst umboð og
átt í erfiðleikum vegna sam-
dráttar og taps í sjávarútvegi.
Fyrir nokkrum dögum var öll-
um 30 starfsmönnum fyrirtækis-
ins sagt upp og Gunnar Óskars-
son yfirgaf staðinn, sem hann,
ásamt Eyjólfi Brynjólfssyni í
Jöffi, hafði keypt fyrir einu og
hálfu ári.
AUGLÝSTIÚTVEGUN Á
ERLENDU ÁHÆTTUFJÁR-
MAGNI
Þegar PRESSAN ræddi við
Pál í síðustu viku kom fram hjá
honum að hann væri að fara yfir
rekstur fyrirtækisins til að meta
kaupverðið. Hann sagðist standa
einn að kaupunum en treysta á
erlent fjármagn.
„Ég hef undanfarið verið að
afla mér viðskiptasambanda er-
lendis og vonast til að fá láns-
fjármagn þar,“ sagði Páll. Hann
hefur áður komið við sögu er-
lends fjármagns, því fyrir
nokkru auglýsti hann sérstak-
lega í fjölmiðlum að hann út-
vegaði mönnum erlent áhættu-
fjármagn.
Friörik Þór Guömundsson
Guðmundur J. Guömundsson er formaöur Dagsbrúnar. Hann hefur sagt aö samningar séu ekki í sjónmáli og útilokar ekki aögeröir af hálfu Dagsbrúnarmanna.
D E B E T
„Aðalgallinn viö karlinn er að hann er orðinn svo
samofinn vinnuveitendum að hann er ekki nógu
harður við þá að koma málum fram. Hann er sam-
mála okkur ungu mönnunum í ýmsum málum en
hann fylgir þeim ekkert eftir,“ segir Jóhannes
Guðnason, mótframbjóðandi Guðmundar í
stjómarkjöri Dagsbrúnar. „Hann getur á stundum
verið of greiðvikinn og hann tekur stundum
ákvarðanir án þess að hafa kannski alveg áttað sig á
hvað þær þýða fyrir þá sem vinna með honum,“
segir Halldór Bjömsson, varaformaður Dagsbrúnar.
„Hann er örugglega leikari karlinn. Það getur bæði
verið kostur og galli, fer eftir eðli máls hverju
sinni,“ segir Þórarinn V. Þórarinsson, fram-
kvæmdastjóri VSÍ. „Honum fer stundum betur að
vinna eftir dagatali en klukku,“ segir Bjöm Grétar
Sveinsson, formaður Verkamannasambands íslands.
D E B E T
„Þetta er voða góður karl. Hann veður ekki út í neina
vitleysu heldur skoðar málin vel,“ segir Jóhannes
Guðnason, mótframbjóðandi Guðmundar í stjórn-
arkjöri Dagsbrúnar. „Við erum búnir að vinna saman
síðan árið 1969. Guðmundur er að öllu jöfnu skapgóð-
ur og þægilegur í umgengni. Hann er afskaplega greið-
vikinn og vill öllum hjálpa," segir Halldór Björnsson,
varaformaður Dagsbrúnar. „Meginkosturinn við
hann er sá hvað hann er léttur og skemmtilegur. Annar
kostur er hvað hann fylgist ótrúlega vel með hvemig
ástandið er á vinnumarkaðinum, maður heyrir stundum
fyrst um erfiðleika fyrirtækja frá honum þannig að
hann hefur næmt eyra. Hann hefur um margt verið
ábyrgur í pólitík sinni og þá sérstaklega nú seinni árin,“
segir Þórarinn V. Þórarinsson, framkvæmdastjóri
VSI. „Guðmundur er hugsjónamaður fram í fingur-
góma. Hann býr yfir mikilli reynslu og útsjónarsemi og
það er hægt að vera með skoðanaágreining við Guð-
mund án þess að það hafi nokkur eftirköst,“ segir
Björn Grétar Sveinsson, formaður Verkamanna-
sambands íslands.
Guðmundur J. Guðmundsson