Morgunblaðið - 30.04.2004, Side 1

Í efsta sæti
þeirra sætu
Brad og Jennifer eru á lista People
yfir fallegasta fólkið Fólk
ICELANDAIR áformar að bjóða upp á beint
flug milli Íslands og nýrra áfangastaða í
Bandaríkjunum og Kanada á næstu misserum,
að því er fram kom í erindi Sigurðar Helgason-
ar, forstjóra Flugleiða, á ráðstefnu um rekstur
flugstöðva í gær. Í athugun er að bjóða upp á
beint flug til tveggja borga á vesturströnd N-
Ameríku, Seattle í Bandaríkjunum og Vancou-
ver í Kanada, auk Denver í Bandaríkjunum.
Iceland Express stefnir að því að tvöfalda
farþegafjölda á þessu ári, í 270 þúsund. Hlut-
deild fyrirtækisins er 15% af komu- og brott-
fararfarþegum á Keflavíkurflugvelli frá því
flugfélagið tók til starfa fyrir um ári.
Sigurður Helgason sagði leiðakerfi Ice-
landair byggt upp með þeim hætti að mikið
álag væri á Leifsstöð þegar vélar á leiðum
austur og vestur um haf mættust í Keflavík á
morgnana og síðdegis. Í athugun væri að þróa
þriðja skiptitímann.
„Þá myndu flugvélar sem eru að koma frá
Evrópu upp úr hádegi
færa farþega í vélar
sem færu vestur um
haf til áfangastaða sem
eru lengra í burtu en
staðirnir á austur-
ströndinni sem við er-
um nú að fljúga til.“
Að sögn Sigurðar
myndi tíðni Evrópu-
flugs aukast með þessu fyrirkomulagi og
áfangastöðum hugsanlega fjölga.
Stefna þarf að einkavæðingu
Sigurður sagðist þeirrar skoðunar að stefna
ætti að frekari einkavæðingu flugvallarstarf-
semi á Keflavíkurflugvelli. Flugstöð Leifs Ei-
ríkssonar væri í einokunarstöðu og með algert
húsbóndavald gagnvart flugfélögum og öðrum
rekstraraðilum í stöðinni. Flugleiðasamstæð-
an hefði þó engin áform uppi um að kaupa flug-
stöðina eða byggja sína eigin að svo stöddu.
„Ég varpa þeim möguleikum einungis hér upp
vegna þess að við hljótum, líkt og allir aðrir í
þessari starfsemi að skoða alla möguleika,
kanna allar hugmyndir til að veita viðskipta-
vinum okkar sem besta þjónustu á sem hag-
kvæmustu verði.“
Sigurður sagði að markmið Icelandair væri
að tvöfalda ferðamannafjölda á sjö ára tímabili
og að farþegar yrðu 600 þúsund árið 2010.
Arnþór Halldórsson, framkvæmdastjóri
Iceland Express, sagði flugfélagið hafa flutt
u.þ.b. 136 þúsund farþega þann tíma sem það
starfaði árið 2003 og næmi það tæplega 12%
markaðshlutdeild. „Við teljum þetta vera gíf-
urlega góðan árangur á 10 mánaða tímabili og
það eykur bjartsýni og gefur okkur byr undir
báða vængi.“
Fram kom að í nýliðnum aprílmánuði flutti
félagið um 24 þúsund farþega borið saman við
12 þúsund í sama mánuði í fyrra.
Icelandair íhugar flug til
vesturstrandar Ameríku
Rætt um flug til Seattle, Vancouver og Denver – Iceland Express
hyggst tvöfalda farþegafjölda og flytja 270.000 manns á árinu
EINN af hverjum tíu Bretum fagnar því að
Lúvenía sé nú um það bil að ganga í Evrópu-
sambandið. Þetta kemur fram í nýrri skoð-
anakönnun fjarskiptafyrirtækisins One.tel.
Þetta vekur athygli því síðast þegar fréttist
var ekki til land sem ber þetta heiti.
Í skoðanakönnuninni var fólk beðið um að
bera kennsl á þau tíu ríki sem formlega fá að-
ild að ESB núna um helgina. Og til að stríða
viðkomandi ofurlítið var bætt við listann
ímynduðu landi, Lúveníu.
Alls tóku 2.500 manns þátt í könnuninni og
8% létu blekkjast, þ.e. töldu að til væri land
sem héti Lúvenía. Var þetta hlutfall raunar
einu prósentustigi hærra meðal Skota. Í ald-
ursflokknum 50 ára og eldri voru 11% á því að
þetta land væri til.
Fagna ESB-
aðild Lúveníu
London. AFP.
Fólkið í dag
Gjörningaklúbburinn
Drauma-
kaffivélin
Innan um pöddur í
Wisconsin
Jón Gnarr hugleiðir
Handklæði
gegn hálsríg
Hvernig á að forðast óþægindi í
hálsinum á morgnana? Daglegt líf
STOFNAÐ 1913 117. TBL. 92. ÁRG. FÖSTUDAGUR 30. APRÍL 2004 PRENTSMIÐJA ÁRVAKURS HF. mbl.is
Ekta mexikóskur matur.
TALSMENN Bandaríkjahers sögðu í gær að drög að
samkomulagi lægju fyrir um að bandarískir hermenn
hyrfu frá borginni Fallujah, vestur af Bagdad, og að í
staðinn tækju vopnaðar sveitir Íraka við hlutverki örygg-
issveita í borginni. Fregnir bárust þó áfram af bardögum í
borginni.
Athygli vöktu þær yfirlýsingar Brennans Byrne, yf-
irforingja í Bandaríkjaher, að írösku sveitirnar, sem gert
væri ráð fyrir að færu inn í Fallujah, yrðu að mestu skip-
aðar Írökum sem áður voru liðsmenn hers Saddams
Husseins og sem hefðu „reynslu af hernaði“ í þessum
hluta Íraks. Sagði Byrne að fyrir sveitunum myndi fara
fyrrverandi hershöfðingi úr íraska hernum, Salah.
Tíu bandarískir hermenn voru annars sagðir hafa fallið
í Írak í gær, þar af átta þegar sprengja sprakk á þjóðveg-
inum sunnan við Bagdad. Ekki höfðu borist fréttir af
mannfalli í Fallujah.
Ný Gallup-könnun leiðir í ljós að 57% Íraka vilja að
bandarískar og breskar hersveitir yfirgefi landið „þegar í
stað, innan fárra mánaða“. 36% sögðust vilja að þær yrðu
í landinu lengur til að tryggja öryggi íbúanna. Sjö af
hverjum tíu sögðust telja að líf þeirra og ættingja þeirra
væri í hættu ef þau tíðindi bærust út meðal Íraka að við-
komandi ættu samstarf við Bandaríkjamenn.
Áfram barist í Fallujah
Fallujah, Washington. AP.
FJÖLSKYLDUR þriggja Ítala sem eru í haldi mannræningja í Írak
fóru fyrir göngu um þrjú þúsund manna að Péturstorgi í Róm í gær
eftir að mannræningjarnir hótuðu að drepa gíslana nema því aðeins
að ítalska þjóðin stæði fyrir fjölmennum mótmælum gegn stríðinu í
Írak. Jóhannes Páll páfi II sendi göngufólkinu kveðju og hvatti það
til að gefast ekki upp. Fór hann fram á að Ítalirnir yrðu látnir lausir.
Reuters
Friðarganga eða
keypt grið?
„ÁHORFENDUR klöppuðu og stöppuðu svo mik-
ið að ég hélt að þakið myndi rifna af húsinu,“
sagði Sif Aðils þegar hún gekk út af sýningu Joa-
quín Cortés í Laugardalshöll í gærkvöld. Hún
var dauðþreytt eftir upplifunina. „Sýningin var
svo stórkostleg að það var eins og ég hefði verið
að dansa allan tímann sjálf.“
Fólk stóð mörgum sinnum upp til að fagna og
stappa í gólfið, segir Sif. Stígandi var mikil í sýn-
ingunni sem Cortés bar uppi ásamt hljómsveit og
söngvurum. „Það var rífandi stemning.“
„Sýningin
stórkostleg“
Morgunblaðið/Jim Smart
Veifaði fólkið fánum sem á var letrað orðið „friður“ en þagði ann-
ars á meðan á göngunni stóð. Ættingjar gíslanna segja gönguna
hafa verið friðargöngu fyrst og fremst og kváðust ekki vilja að hún
yrði pólitísk. Stærstu stjórnmálaflokkarnir höfðu áður sagt, að þeir
vildu ekki taka þátt í göngunni með formlegum hætti því að það
sendi þau skilaboð að verið væri að kaupa föngunum í Írak grið.