Morgunblaðið - 30.04.2004, Síða 16

Reuters
BJÖRGUNAR- og lögreglumenn
bjarga börnum úr skólabíl sem varð
fyrir stórri gröfu þegar hún valt
niður brekku í Bogotá, höfuðborg
Kólumbíu, í fyrradag.
Að minnsta kosti 23 létu lífið í
slysinu, þar af nítján eða tuttugu
börn, og 34 slösuðust.
Grafan, sem var notuð til vega-
gerðar, valt niður brekku og lenti á
skólabílnum á breiðstræti í Bogotá.
„Lögreglan sagði okkur að bif-
hjól hefði einnig eyðileggst í slys-
inu. Á því voru tveir menn sem biðu
bana,“ sagði Ramon Rafael Vega,
talsmaður borgaryfirvalda í heil-
brigðismálum.
Grafan voru notuð til að leggja
nýja akrein fyrir strætisvagna og
er þetta annað slysið í tengslum við
framkvæmdirnar. Tveir menn biðu
bana á þessum slóðum 2. apríl þeg-
ar önnur grafa ók á göngubrú.
Minnst 23
fórust er
grafa lenti
á skólabíl
ERLENT
16 FÖSTUDAGUR 30. APRÍL 2004 MORGUNBLAÐIÐ
NÁINN samstarfsmaður Tony
Blairs, forsætisráðherra Bretlands,
sagði í gær, að hann ætlaði að leiða
Verkamannaflokkinn í næstu kosn-
ingum en mikill orðrómur er um, að
Blair hyggist segja af sér, jafnvel
strax í sumar. Eru frammámenn í
flokknum sagðir hafa ákveðið að slá
skjaldborg um Blair vegna áhyggna
af vaxandi einangrun hans, ekki að-
eins innan flokksins, heldur einnig
innan ríkisstjórnarinnar.
John Reid, heilbrigðisráðherra
Bretlands, sagði í gær, að Blair hefði
alls ekki á prjónunum að segja af sér,
þvert á móti sæktist hann eftir því að
leiða Verkamannaflokkinn í næstu
kosningum og gegna embætti for-
sætisráðherra þriðja kjörtímabilið.
Óbreyttir þingmenn flokksins og þar
á meðal öruggir stuðningsmenn
Blairs segja hins vegar, að fyrst verði
hann að endurheimta þá virðingu,
sem borin var fyrir honum sem leið-
toga.
„Hann virðist vera einangraður og
innan flokksins er mikil óvissa um
framtíð hans. Þótt það sé ótrúlegt, þá
eru allir að tala um, að hann muni
segja af sér á þessu ári,“ sagði einn
þingmanna Verkamannaflokksins en
vaxandi einangrun Blairs stafar af
Íraksstríðinu og fylgispekt hans við
stefnu Bandaríkjamanna þar og í
Mið-Austurlöndum. Þá hafa sinna-
skipti hans í Evrópumálunum ekki
mælst vel fyrir en hann er sakaður
um hafa tekið fljótfærnislega ákvörð-
un um þjóðaratkvæði um evrópsku
stjórnarskrána fyrir þrýsting frá
Jack Straw utanríkisráðherra og
Gordon Brown fjármálaráðherra.
Vilja ekki taka þátt í
hernaði Bandaríkjamanna
Það er ekki síst Íraksstríðið, sem
ætlar að verða Blair þungt í skauti,
en breska blaðið The Guardian sagði í
gær, að sú ákvörðun hans að senda
ekki fleiri hermenn til Íraks væri til
komin af því, að yfirmenn breska
hersins hefðu eindregið lagst gegn
því. Þeir geta að vísu ekki tjáð sig op-
inberlega en breskir fjölmiðlar segja,
að þeir séu mjög óánægðir með fram-
göngu bandaríska hersins í Írak og
vilji ekki dragast inn í blóðugar hern-
aðaraðgerðir eins og þær, sem
Bandaríkjamenn hafa verið með í
Fallujah. Blair reitti hins vegar
marga þingmenn síns eigin flokks til
reiði er hann lýsti yfir stuðningi við
aðfarir Bandaríkjamanna í borginni.
Bresku herforingjarnir hafa einnig
gert það ljóst, að ekki komi til mála,
að breskt herlið verði sett undir yf-
irstjórn Bandaríkjamanna og þeir
vilja fá fullkomnar upplýsingar um
lagalega stöðu breska herliðsins í
Írak eftir væntanlega valdaskipti 30.
júní.
Greenstock neitar aðild að bréfi
Mjög harðort bréf 52 fyrrverandi
sendiherra og fulltrúa bresku krún-
unnar erlendis er einnig mikið áfall
fyrir Blair en í því gagnrýna þeir for-
sætisráðherrann harðlega fyrir stefn-
una í Írak og Mið-Austurlöndum og
fyrir gagnrýnislausa undirgefni við
George W. Bush Bandaríkjaforseta.
Dagblaðið The Times sagði í gær,
að Sir Jeremy Greenstock, fulltrúi
Blairs og bresku ríkisstjórnarinnar í
Bagdad, hefði lagt sitt af mörkum til
bréfs sendiherranna og hafði það eft-
ir Oliver Miles, fyrrverandi sendi-
herra Bretlands í Líbýu, sem átti
mikinn þátt í bréfinu, að Greenstock
hefði þó ekki af skiljanlegum ástæð-
um treyst sér til að skrifa undir það.
Greenstock, sem lætur af störfum
og fer á eftirlaun nú um helgina, sagði
hins vegar í gær, að hann hefði ekki
viljað skrifa undir bréfið þar sem
hann hefði ekki verið sáttur við ým-
islegt í því um Írak. Þá hefðu loka-
drögin ekki verið borin undir hann.
Vaxandi óánægja með Tony Blair vegna Íraks og Mið-Austurlanda
Er farinn að einangrast
innan stjórnarflokksins
Breskir herforingjar sagðir óánægðir með framgöngu Bandaríkjamanna
Reuters
Tony Blair á breska þinginu er hann staðfesti, að efnt yrði til þjóðarat-
kvæðagreiðslu um evrópsku stjórnarskrána, líklega að loknum kosningum
á næsta ári. Hafa sinnaskipti hans í málinu mælst illa fyrir í flokki hans,
Verkamannaflokknum, en sagt er, að hann hafi látið undan þrýstingi frá
Jack Straw utanríkisráðherra, sem er hér Blair til hægri handar, og Gord-
on Brown fjármálaráðherra, sem er hér Blair á vinstri hönd.
Vilja banna
niðurgreiðslur
í sjávarútvegi
Wellington. AFP.
NÝSJÁLENDINGAR hafa lagt til
við Heimsviðskiptastofnunina, WHO,
að sett verði bann við niðurgreiðslum
í sjávarútvegi alls staðar í heiminum,
en þær nema nú samtals um 20 millj-
örðum dollara á hverju ári. Jim Sutt-
on, ráðherra samninga í atvinnulíf-
inu, sagði kreppu ríkjandi í
sjávarútvegi í heiminum, og vandann
mætti að nokkru leyti rekja til nið-
urgreiðslna.
Evrópusambandið gagnrýndi til-
lögu Nýsjálendinga tafarlaust á vett-
vangi WHO og sagði hana „rudda-
lega og yfirgengilega“, að sögn
heimildarmanns fréttastofunnar
AFP. Sagði hann Japani, Suður-Kór-
eumenn og Taívana einnig hafa mót-
mælt hugmyndinni. Sagði fulltrúi
Japana að tillaga Nýsjálendinga
„gengi út í öfgar“ og gæti leitt til þess
að „góðar niðurgreiðslur“ er miðuðu
að verndun tiltekinna fiskistofna
legðust af.
Argentína, Ástralía, Chile, Ísland,
Noregur, Pakistan, Perú, Filippseyj-
ar og Taíland lýstu yfir stuðningi við
tillögu Nýsjálendinga, en fjölmörg
Asíuríki lögðu ennfremur til að sér-
stakt tillit yrði tekið til þróunarlanda.
Fjölmiðlar í Noregi
Miðað við
fjölda
eintaka og
notenda
SAMKVÆMT hugmyndum þeim
sem stjórnvöld í Noregi hafa kynnt
um breytingar á lögum um eignar-
hald á fjölmiðlum er gert ráð fyrir að
markaðshlutdeild verði ákvörðuð
með tilliti til eintakafjölda þegar dag-
blöð eiga í hlut. Hvað sjónvarp og út-
varp varðar verður fjöldi áhorfenda/
hlustenda mældur.
Þetta kom í gær fram í samtali
Morgunblaðsins við Gudbrand Gut-
hus, sem starfar hjá Eierskaps-
tilsynet, eftirlitsstofnun með eignar-
haldi á fjölmiðlum í Noregi.
Líkt og fram kom í Morgunblaðinu
í gær leggur norska ríkisstjórnin til
að settar verði reglur um leyfilega
hámarkshlutdeild á markaði á sviði
dagblaðaútgáfu og útvarps- og sjón-
varpsreksturs. Í ráði er að hækka
þetta þak í 40% á landsvísu á hverju
sviði fjölmiðlunar fyrir sig.
Í samtali Morgunblaðsins við Gud-
brand Guthus í gær kom fram að
ákvæði þetta væri ekki hugsað til að
hefta vöxt tiltekins dagblaðs eða fjöl-
miðils. Ákvæðið um leyfilega há-
markshlutdeild tengdist eignarhaldi.
Næði tiltekið dagblað t.d. þessu
marki, þ.e. 40% markaðshlutdeild,
væri tillagan sú að það fyrirtæki
mætti ekki eignast hlut í öðrum dag-
blöðum. Viðkomandi dagblað mætti
hins vegar auka hlutdeild sína um-
fram 40% reyndist markaðurinn svo
jákvæður gagnvart því en sá vöxtur
myndi þá hafa hamlandi áhrif hvað
eignarhald í öðrum blöðum varðaði.
Hið sama myndi gilda um útvarp
og sjónvarp.
Fylgst yrði með markaðshlutdeild-
inni með upplagseftirliti hvað dag-
blöð varðaði en fjöldi notenda yrði
mældur þegar sjónvarp og útvarp
ættu í hlut.
Gert er ráð fyrir að nái tiltekið fyr-
irtæki 40% markaðshlutdeild á einu
sviði fjölmiðlunar megi hlutdeild þess
á öðrum sviðum ekki vera meiri en
20% á landsvísu. Þetta þýðir, að sögn
Guthus, að nái tiltekið dagblað t.d.
40% stöðu megi hlutdeild þess í út-
varpsrekstri ekki fara yfir 20%. Fari
markaðshlutdeild í útvarpsrekstri yf-
ir 20% megi viðkomandi fyrirtæki
ekki eignast hlut í öðrum fyrirtækj-
um á því sviði. Grundvallarhugsunin í
tillögum stjórnvalda sé sú að tengja
saman eignarhald og markaðsstöðu.
♦♦♦
GEORGE W. Bush Bandaríkjaforseti og Dick Chen-
ey varaforseti svöruðu í gær saman spurningum um
hvernig þeir hefðu beitt sér gegn hryðju-
verkastarfsemi áður en hryðjuverkin 11. september
2001 voru unnin í Bandaríkjunum, og hvað þeir hefðu
verið að gera daginn sem árásirnar voru gerðar.
Nefnd sem rannsakar orsakir þess, að al-Qaeda-
samtök Osama bin Ladens gátu gert árásirnar, átti
fund með Bush og Cheney á bak við luktar dyr á
forsetaskrifstofunni í Hvíta húsinu. Eftir fundinn
kvaðst Bush hafa svarað öllum spurningunum sem
bornar voru fram. Fyrir fundinn vakti athygli að
forsetinn neitaði að sverja að segja sannleikann og
vildi ekki svara spurningum nefndarmanna einn
síns liðs. Þá krafðist hann þess að fundurinn með
nefndinni yrði lokaður og ekkert yrði formlega
skráð af því sem fram færi.
Þess í stað skyldi einn nefndarmanna og aðstoð-
armenn lagasérfræðings forsetans „skrá ítarlega
fundargerð“, að sögn talsmanns forsetans. Sagði
hann þetta gert til að tryggja að engar leynilegar
upplýsingar lækju út.
The New York Times sagði í leiðara í gær, að
þessar kröfur Bush væru „ýmist mjög vafasamar
eða alveg fáránlegar“, og að þetta væri „furðuleg-
asta“ yfirheyrslan af öllum þeim sem nefndin hefði
haldið. „Í ljósi þess hve umhugað Hvíta húsinu er að
sýna Bush sem sterkan leiðtoga er merkilegt að
þessi mikilvægi fundur skuli skipulagður með þeim
hætti, að hann verði örugglega mikið fóður fyrir
sjónvarpsgrínista, sem hafa sérstaka ánægju af því
að sýna forsetann sem hlýðna strengjabrúðu vara-
forsetans,“ sagði blaðið ennfremur.
Bush og Dick Cheney svara spurningum um hryðjuverkin 11. september
Bush vildi ekki sitja einn fyrir svörum
Washington. AFP.