Morgunblaðið - 02.05.2004, Page 21

MORGUNBLAÐIÐ SUNNUDAGUR 2. MAÍ 2004 21
Veiðimaður með einn fallegan úr Steinsmýrarvötnum.
ERU
ÞEIR AÐ
FÁ’ANN?
ENN reyta menn upp fisk, en minni
sókn hefur þó verið á nokkrum hefð-
bundnum sjóbirtingsslóðum heldur
en fyrr í vor.
Vel veiðist þó enn í Vatnamótum
og Tungulæk, en fer væntanlega að
dofna hvað úr hverju. Önnur svæði
eru og lífleg, t.d. Steinsmýrarvötn og
í maí hefst vorveiði á sjóbirtingi í
neðstu svæðum Grenlækjar, frá
Fitjaflóði og niður úr. Kunnugir telja
að þar muni veiðast vel í maí, í sam-
ræmi við góða sjóbirtingsveiði ofar í
Skaftárkerfinu í apríl.
Veiðimenn sem voru nýverið í tvo
daga í Steinsmýrarvötnum voru í
mokveiði, fengu 73 fiska að sögn Jak-
obs Hrafnssonar hjá Veidimenn.is,
sem hefur svæðið á leigu. Jakob sagði
birtinginn enn á staðnum og ekkert
fararsnið á honum sem stendur,
„mest af þessum afla var fallegur 2 til
4 punda geldfiskur, en það voru fal-
legar bleikjur líka í veiðinni, flestar 2
til 4 pund eins og birtingarnir, en sú
stærsta var 5 pund, geysilega falleg-
ur fiskur,“ sagði Jakob.
Fréttamolar úr ýmsum áttum
Héðan og þaðan hafa borist litlar
fréttir, veiðimaður einn kom t.d.
brosandi frá eyra til eyra eftir að hafa
landað 14 sjóbirtingum úr Litluá í
Kelduhverfi fyrir skemmstu. Fylgdi
sögunni að veiðifélagarnir hefðu
meira og minna verið í fiski líkt og
umræddur kappi. Mest voru menn
með áætlaða 2 til 5 punda fiska.
Fleiri svona litlir fréttastubbar
hafa borist. Einn fékk 6 urriða í hin-
um vandveidda Galtalæk. Öllu er
sleppt þar líkt og í Litluá, en stærsti
fiskurinn var áætlaður 5–6 pund.
Þessi náungi var með kúlupúpur, en
sá fyrir norðan litlar straumflugur.
Litlar straumflugur, sérstaklega
Heimasætan, hafa einnig gefið mönn-
um afla í Þorleifslæk, en afar mis-
skipt hefur verið millum manna
hversu stóra fiska þeir fá. Sumir
komast varla yfir pundið á meðan
aðrir fá ekkert undir 3 til 4 pundum.
Eitthvað hefur reyst enn af stóru
bleikjunum sem frá var greint á dög-
unum, en meira er þó af smærri fiski.
Loks fréttum við af manni sem fór
úr Brúará með 10 bleikjur sem hann
veiddi á maðk. Annar var með níu
stykki á kúlupúpur. Nær allt var
þetta 2 til 4 punda fiskur.
Byrjar víða 1. maí
Búast má við veiðitölum af nýjum
veiðislóðum á næstunni, því nokkur
drjúg svæði voru opnuð formlega í
gær, 1. maí. Má nefna svæði í Gren-
læk, en í honum safnast vorbirting-
urinn á niðurleið um tíma í Fitjaflóðið
og þar fyrir neðan og veiðist oft vel í
maí. Einnig má nefna Elliðavatn og
þjóðgarðslandið í Þingvallavatni. Ef-
laust opnast Úlfljótsvatn að auki og
Hlíðarvatn í Selvogi. Líkast til verður
bara opnað mjög víða þar sem að-
stæður og árferði leyfa.
Fallegur afli, sjóbirtingar og bleikj-
ur, úr Steinsmýrarvötnum.
Það
reytist
enn upp
AUGLÝSINGADEILD
netfang: augl@mbl.is eða sími 569 1111
…með 105 verslanir, veitingastaði og kaffihús
fiú gætir hitt á töfrastund flegar flú notar VISA
og unni› fer› á Ólympíuleikana í AfiENU 2004
til fless a› hvetja Vonarstjörnur VISA.