Morgunblaðið - 08.06.2004, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 8. JÚNÍ 2004 VERÐ Í LAUSASÖLU 220 KR. MEÐ VSK.
RÆTT verður um fyrirkomulag og und-
irbúning þjóðaratkvæðagreiðslu vegna fjöl-
miðlalaganna á ríkisstjórnarfundi og á
fundi forystumanna stjórnarflokkanna með
formönnum stjórnarandstöðuflokkanna í
dag.
Þá má einnig gera ráð fyrir að nefnd lög-
fróðra manna, sem mun undirbúa fram-
kvæmd þjóðaratkvæðagreiðslunnar, verði
skipuð í dag.
Davíð Oddsson forsætisráðherra og
Halldór Ásgrímsson utanríkisráðherra
komu saman til fundar síðdegis í gær og
stóð fundur þeirra í um hálftíma, að sögn
Björns Inga Hrafnssonar, aðstoðarmanns
utanríkisráðherra. Hann segir að þar hafi
þeir stillt saman strengi sína í málinu.
„Þeir ákváðu að það verði ríkisstjórn-
arfundur á morgun [í dag] og eftir hann
verður fundur með formönnum stjórnar-
andstöðuflokkanna, samkvæmt þessu bréfi
þar sem þeir báðu um fund þar sem verður
farið yfir og rætt um hvernig sé best að
hafa fyrirkomulag og undirbúning þess-
arar þjóðaratkvæðagreiðslu,“ segir Björn
Ingi.
Þingflokkur Sjálfstæðisflokksins kom
saman til tveggja tíma langs fundar í Val-
höll í gærdag þar sem farið var yfir stöð-
una og horft fram á veginn, eins og for-
maður flokksins, Davíð Oddsson, orðaði
það að loknum fundi. Geir H. Haarde,
varaformaður Sjálfstæðisflokksins, sagði
að loknum fundi ekki hafa gert það upp við
sig hversu margir þyrftu að taka þátt í
þjóðaratkvæðagreiðslunni svo hún teldist
gild, en hann telur að það komi vel til
greina að gera kröfu um 75% þátttöku
enda séu fordæmi fyrir slíku hér á landi og
kosningaþátttaka almennt mikil. „Það læð-
ist að manni sá grunur að þeir sem óttast
slík skilyrði séu ekkert alltof öruggir með
sinn málstað í málinu,“ sagði Geir.
Formenn ríkisstjórnarflokkanna funduðu síðdegis í gær
Stilltu saman strengi fyrir
fund með stjórnarandstöðu

Staðan rædd/6
Skipunar nefndar
lögfróðra manna er
að vænta í dag
TVÖ þrastapör hafa hertekið blómapotta við
innganginn á heimili í Grafarvogi. Frænd-
systkinin Guðmundur Tómas, Einar Tómas,
Teitur Tómas og Guðrún bíða spennt eftir að
ungarnir klekist út, en þrjú egg eru í öðru
hreiðrinu og eitt í hinu.
Sigrún Guðmundsdóttir, húsfreyjan á
heimilinu, segir að sambúðin við fuglana
gangi ljómandi vel. „Við erum náttúrulega
alsæl með þetta og fórnum þessum blómum,
við erum náttúrulega hætt að vökva þau.
Þeir eru bara búnir að hertaka pottana og
allir bíða spenntir eftir ungunum,“ segir Sig-
rún.
Hún hafði plantað brúðarauga í pottana og
á einum degi höfðu þrestirnir tekið að
hreiðra um sig. „Það er ótrúlegt hvað þeir
eru snöggir. Þeir ná að gera svona fín hreið-
ur á bara nokkrum klukkutímum,“ segir hún.
Sigrún segir að heimilisfólkið reyni að fara
eins lítið út úr húsinu og hægt er til að
styggja ekki þrestina. „Maður getur ekki al-
veg látið þetta stýra heimilishaldinu en það
eru allir á varðbergi,“ segir hún.
„Þeir eru bara búnir
að hertaka pottana“
Morgunblaðið/Eggert
HAUKUR Tómasson tónskáld hlýtur tónlistarverðlaun
Norðurlandaráðs fyrir óperuna „Fjórði söngur Guð-
rúnar“. Haukur er fjórði Íslendingurinn sem hlýtur
verðlaunin, en þau nema um fjórum milljónum króna.
Haukur segir að tónlist-
arverðlaunin njóti mikillar virðingar
meðal tónlistarmanna á Norð-
urlöndum, og vonar að þau leiði til
þess að norrænir tónlistarhópar taki
eldri verk hans til flutnings og panti
ný.
Uppsetning óperunnar „Fjórði
söngur Guðrúnar“, sem var sam-
starfsverkefni ýmissa listamanna
undir forystu danska leikmynda-
hönnuðarins Louise Beck, vakti
mikla athygli og hlaut góða dóma þegar hún var frum-
flutt í skipakví í Kaupmannahöfn fyrir átta árum. Upp-
setningin kostaði hátt í 100 milljónir króna og 250
manns tóku þátt í undirbúningi sýningarinnar.
Tónlistin úr óperunni var flutt og hljóðrituð í Víði-
staðakirkju árið 1997, en Haukur segist ekki vera
bjartsýnn á að óperan verði nokkurn tíma sett upp á Ís-
landi. Hann hefur þó hugleitt og kannað möguleikana á
að semja nýja óperu. /4
Haukur Tómasson
hlýtur
tónlistarverðlaun
Norðurlandaráðs
Haukur
Tómasson
KAUPÞING í Lundúnum, dótturfélag
KB-banka, lagði í gær fram formlegt
tilboð í verslanakeðjuna Londis, sem
nokkur bresk fyrirtæki, þeirra á meðal
Big Food Group sem Baugur á fimmt-
ungshlut í, hafa að undanförnu keppst
um að eignast. Big Food Group heltist
úr lestinni í síðustu viku en Kaupþing
er að aðstoða fyrrverandi stjórnendur
T&S verslananna, sem Tesco keypti
fyrir tveimur árum, við að bjóða í
Londis.
5% hækkun tilboðs
Verslanakeðjan er í eigu um 2.000
verslanaeigenda, sem hver um sig á
einn hlut, og samkvæmt tilboði Kaup-
þings munu þeir áfram eiga 60% í fyr-
irtækinu en selja 40%. Helgi Bergs hjá
Kaupþingi í Lundúnum segir að heild-
arverðmæti fyrirtækisins miðað við til-
boðið sé 63 milljónir punda, sem jafn-
gildir um 8,2 milljörðum króna.
Tilboðið nú er 5% hærra en það verð
sem Kaupþing kynnti í síðasta mánuði
þegar það lýsti fyrst áhuga á Londis.
Helgi segir að tilboðið sé lagt fram
með skilyrði um áreiðanleikakönnun
og í því felist að nýir stjórnendur, þeir
sem áður hafi stýrt T&S, komi að fyr-
irtækinu. Fyrir verslanaeigendurna,
sem nú eiga fyrirtækið að fullu, hafi til-
boðið þann kost að þeir muni áfram
eiga meirihluta.
Stjórn Londis hefur stutt írsku
verslanakeðjuna Musgrave í að eign-
ast fyrirtækið, en hún býður 60 millj-
ónir punda í fyrirtækið og vill kaupa
það allt.
Kaupþing
gerir form-
legt tilboð
í Londis
KRISTÍN Jóhannesdóttir, framkvæmdastjóri Fjár-
festingarfélagsins Gaums, staðfesti við Morgunblaðið
í gær að félaginu hefði borist frumskýrsla skattrann-
sóknarstjóra vegna rannsóknar á skattskilum félags-
ins á árunum 1998–2002. Líkt og Baugur Group, sem
fékk afhenta frumskýrslu skattrannsóknarstjóra á
föstudag, hefur Gaumur þrjár vikur til að koma and-
mælum sínum á framfæri við skattrannsóknarstjóra.
Kristín vildi ekki tjá sig frekar um málið í gær.
Rannsókn skattrannsóknarstjóra nær aftur til 17.
september 2003 þegar honum barst tilkynning frá
ríkislögreglustjóra um að rökstuddur grunur væri
um að ekki væri allt með felldu varðandi viðskipti fé-
lagsins og Baugs. Var þá hafist handa um að undirbúa
rannsókn á skattskilum félagsins, sem tilkynnt var 17.
nóvember sama ár.
Fjárfestingarfélagið Gaumur
Skattrannsókn lokið
með frumskýrslu
HELGI Áss Grétarsson stór-
meistari vann hraðskákmót Ís-
lands árið 2004. Snerist mótið
upp í einvígi þeirra Helga Áss
og Jóns Viktors Gunnarssonar,
alþjóðlegs meistara. Helgi Áss
gat tryggt sér sigurinn með því
að sigra Þorvarð F. Ólafsson, en
það tókst ekki og því náði Jón
Viktor honum í síðustu skákinni.
Þeir tefldu því til úrslita loka-
skákina, sem Helgi Áss sigraði.
Keppendur voru alls 19 talsins.
Helgi Áss
hraðskák-
meistari
TÆPLEGA sjötíu breskir kylfingar munu um helgina
freista þess að leika fimm átján holu golfvelli hér á
landi á einum sólarhring og safna þannig fé til styrktar
þroskaheftum og fötluðum börnum og unglingum í
Bretlandi. Þetta er í annað
sinn sem atburður sem þessi
er haldinn hér, en í fyrra var
byrjað í smáum stíl. Þá voru
keppendur 28 talsins og allir
luku keppni og söfnuðust rúm-
ar átta milljónir króna til góð-
gerðarmála. Skipuleggjendur
mótsins, Sense Organisation,
vonast til að í ár safnist um 15 milljónir króna sem
renna til líknarfélagsins Wooden Spoon Society.
Klukkan sjö á laugardagsmorgni hefst golfleikur á
Korpu, þaðan er haldið á völl Oddfellowa, síðan á völl
Golfklúbbs Kópavogs og Garðabæjar, því næst er það
Hvaleyrin og loks Grafarholtsvöllur. Miðað við að leik-
ið sé af klúbbteigum þá er vegalengdin frá teig að holu
27 kílómetrar og 316 metrar og parið er 355. Þar sem
menn slá sjaldnast alveg þráðbeint og þurfa auk þess
að koma sér af flöt yfir á næsta teig þá má gera ráð fyr-
ir að hver keppandi gangi í það minnsta 40 kílómetra.
Söfnunin fer þannig fram að hver þátttakandi þarf
að safna í það minnsta 1.500 pundum til góðgerðarmála
og margir safna mun meiru, sá sem safnaði mestu í
fyrra lagði 6.630 pund, eða um 900 þúsund íslenskra
króna, til góðgerðarmála.
Þó svo aðaláherslan sé ekki á að ná sem bestum ár-
angri þá eru öll högg talin og menn verða að ljúka leik
samkvæmt golfreglum. Geri þeir það ekki þurfa menn
að greiða úr eigin vasa það sem þeir höfðu safnað til
góðgerðarmálefnisins og kostnað við að taka þátt í
mótinu.
Leika níutíu holur
á einum sólarhring