Morgunblaðið - 15.06.2004, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 15. JÚNÍ 2004 VERÐ Í LAUSASÖLU 220 KR. MEÐ VSK.
ÁFRÝJUNARNEFND samkeppnismála hefur
fellt úr gildi ákvörðun samkeppnisráðs í máli
tengdu séreignalífeyrissjóðum fjármálafyrirtækja.
Lagt er fyrir samkeppnisráð að taka málið fyrir á
ný.
Um er að ræða kvörtun Harðar Einarssonar hrl.
til Samkeppnisstofnunar um meintar samkeppnis-
hömlur Frjálsa lífeyrissjóðsins og annarra sér-
eignalífeyrissjóða á vegum fjármálafyrirtækja
vegna ákvæða í samþykktum sjóðanna um rekstr-
araðila þeirra. Á fundi sínum í apríl sl. taldi sam-
keppnisráð ekki ástæðu til íhlutunar þess af málinu
og í framhaldinu kærði Hörður ákvörðun ráðsins.
Skoraði á Samkeppnisstofnun
Með bréfi í maí árið 2003 skoraði Hörður á Sam-
keppnisstofnun að taka til rannsóknar samkeppn-
ishömlur sem hann taldi að beitt væri af hálfu
Frjálsa lífeyrissjóðsins, sem hann er sjóðfélagi í, og
eftir atvikum annarra séreignalífeyrissjóða á veg-
um fjármálafyrirtækja. Vísaði Hörður til þess að
samkeppnishamlandi atferli lífeyrissjóðsins ætti
rætur að rekja til samþykkta sjóðsins sem miðuðu
að því að loka sjóðinn inni til frambúðar hjá Kaup-
þingi banka hf., þannig að sjóðurinn ætti ekki kost á
að leita til annarra um rekstur hans, sem þó væri
eign sjóðfélaga. Eina úrræði fyrir einstaka sjóð-
félaga, sem sættu sig ekki við reksturinn eða fyr-
irkomulag hans, væri að flytja inneign sína í séreign
í annan lífeyrissjóð og þá gegn umtalsverðu gjaldi,
sem og í lífeyrissjóð sem í stórum dráttum lyti svip-
uðum samkeppnishömlum og Frjálsi lífeyrissjóð-
urinn. Benti Hörður á að samkvæmt samþykktum í
ákvæðum séreignalífeyrissjóðanna skiptu fyrirtæk-
in í reynd markaðnum fyrir séreignalífeyrissparnað
á milli sín með samstilltum samkeppnishömlum og
brytu með því ákvæði 10. og 11. gr. samkeppnis-
laga.
Samkeppnisstofnun sendi erindi Harðar til um-
sagnar hjá Frjálsa lífeyrissjóðnum, Kaupþingi
banka, fjármálaráðuneytinu, Íslenska lífeyrissjóðn-
um og Almenna lífeyrissjóðnum. Í svörum þeirra
kom fram að kvartanir Harðar ættu ekki við rök að
styðjast.
Áfrýjunarnefnd samkeppnismála lítur svo á að
málsástæða Harðar hafi ekki fengið þá meðferð
sem skyldi og hann hafi átt rétt á. Rétt hafi verið að
óska gagna um tildrög þess að umræddum samn-
ingum milli lífeyrissjóðanna og rekstraraðila var
komið á, svo og hverjar hafi verið helstu ástæður
þess að samþykkt hafi verið ákvæði fyrir umrædda
lífeyrissjóði sem hamlar þeim að skipta um rekstr-
araðila. Fram kemur í úrskurðinum að sjóðfélagar
eigi almennt mikið undir því að stjórn lífeyrissjóðs
haldi skynsamlega á málum sínum. Sjóðfélagar eigi
m.a. rétt á að tekið sé til skoðunar hvort ákvæði
samkeppnislaga um eftirlit með samkeppnishöml-
um geti átt sérstaklega við í þessu máli. Þeirrar
málsmeðferðar hafi áfrýjandi ekki notið.
Meintar samkeppnishömlur séreignalífeyrissjóða fjármálafyrirtækja
Lagt til að samkeppnisráð
taki málið fyrir að nýju
Mál áfrýjanda fékk ekki
þá meðferð sem skyldi
HELGI Einar Harðarson, rúmlega
þrítugur Grindvíkingur, gekkst und-
ir hjartaígræðslu og nýrnaaðgerð í
nótt á Sahlgrenskasjúkrahúsinu í
Gautaborg.
Helgi hefur verið á biðlista eftir
aðgerðunum frá því í maí á síðasta
ári og að sögn Ármanns Harðar-
sonar, bróður hans, hefur hann
tvisvar lagt af stað til Gautaborgar
en þurft að snúa til baka því hjartað
sem um ræddi hentaði ekki. Í annað
skiptið sneri hann við á Keflavíkur-
flugvelli en í hitt skiptið var hann
kominn til Gautaborgar.
Eins og Morgunblaðið greindi frá
í vetur fékk Helgi grætt í sig nýtt
hjarta í júní árið 1989. Fljótlega eftir
aðgerðina kom upp leki í hjartaloku
sem gerði það að
verkum að hjart-
að stækkaði. Tíu
árum síðar, um
mitt ár 1999, fékk
hann blóðtappa
við heila og heils-
unni hrakaði eftir
það.
Ármann segir
að það verði jafn-
framt grætt í
hann nýtt nýra því að nýrun sem
hann hefur fyrir eru ekki talin þola
aðgerðina. Helgi verður því með
þrjú nýru. Að sögn Ármanns gat
Helgi farið allra ferða sinna þrátt
fyrir að hann væri orðinn orkulaus
og yrði auðveldlega veikur.
Í hjarta- og nýrna-
ígræðslu í Gautaborg
Helgi Einar
Harðarson
SVEITASÖNGVARINN Kris
Kristofferson lék fyrir fullri Laug-
ardalshöll í gærkvöldi þar sem
hann heillaði gesti Hallarinnar
með einlægni sinni og boðskap
friðar og umburðarlyndis. Kris lék
gömul lög og einnig nokkur nýrri
og notaðist einungis við munn-
hörpu og gítar á tónleikunum. Í
upphafi tónleikanna lenti Kris í
örlitlum vandræðum er hann var
að stilla gítar sinn. Hann sagði þá
við tónleikagesti að sér fyndist
það kúnstugt að þeir skyldu hafa
borgað fúlgur fjár fyrir að sjá
mann stilla gítar, sem hann getur
ekki spilað almennilega á þegar
hann er rétt stilltur.
Ríó Tríó og KK hituðu upp fyrir
Kris á tónleikunum í gærkvöldi.
Morgunblaðið/Jim Smart
Hugguleg stemning
ÞYRLA Landhelgisgæslunnar, TF-
LÍF, fór í sjúkraflug í gær eftir
hjartveikum sjómanni um borð í
togaranum Venusi HF, sem var við
veiðar á Reykjaneshrygg. Þyrlan
lenti með manninn á Reykjavíkur-
flugvelli kl. 16.20 og þaðan var hann
fluttur í sjúkrabíl á Landspítalann.
Beiðni um aðstoð barst um hálf-
ellefuleytið í gærmorgun. Áhöfn
TF-LÍF var þegar kölluð út og
sömuleiðis áhöfn flugvélar Land-
helgisgæslunnar, TF-SÝN, en af ör-
yggisástæðum fylgir hún þyrlunni í
lengra sjúkraflugi. Fór þyrlan í loft-
ið kl. 11.40 og lenti í Keflavík til að
taka eldsneyti. Þaðan var haldið af
stað kl. 12.30 og stuttu síðar fór
TF-SÝN í loftið frá Reykjavíkur-
flugvelli. Þyrlan var komin að skip-
inu um hálfþrjúleytið og í tilkynn-
ingu Gæslunnar segir að vel hafi
gengið að hífa sjómanninn um borð.
Læknir í áhöfn TF-LÍF hafði þá
verið í sambandi við áhöfnina á
Venusi og leiðbeint um aðhlynningu
mannsins. Þyrlan lenti svo í
Reykjavík um hálffimm, sem fyrr
segir, en flugvélin hafði þá lent
skömmu áður.
Ljósmynd/Friðrik Höskuldsson
Þyrlan TF-LÍF yfir togaranum
Venusi á Reykjaneshrygg í gær.
Flogið eftir
skipverja
á Venusi
SKRÁNINGU Actavis, áður
Pharmaco, á hlutabréfamark-
að í London hefur verið frest-
að, en ætlunin var að skrán-
ingin færi fram á þessu ári. Í
tilkynningu til Kauphallar Ís-
lands eftir lokun markaða í
gær segir að stjórn Actavis
stefni áfram að skráningu fé-
lagsins í London, en nú sé
áætlað að hún muni eiga sér
stað árið 2005.
Halldór Kristmannsson,
forstöðumaður innri og ytri
samskipta hjá Actavis, segir
að meginástæða frestunarinn-
ar sé sú, að félagið hafi ekki
fengið undanþágu frá bresk-
um reikningsskilastöðlum.
Hann segir Actavis gera upp
samkvæmt alþjóðlegum stöðl-
um og þeir verði teknir upp í
Bretlandi frá og með næstu
áramótum. Ef farið hefði ver-
ið út í skráningu fyrir áramót
hefði þurft að breyta uppgjör-
um félagsins þrjú ár aftur í
tímann og það hafi ekki verið
talið borga sig.
Halldór segir að ekkert
óvænt hafi komið upp við
undirbúning skráningarinnar
og að vinna við hana haldi
áfram.
Skráningu
Actavis í
London
frestað
MATSFYRIRTÆKIÐ Standard &
Poor’s, sem ásamt Moody’s hefur
veitt Íbúðalánasjóði fyrsta lánshæfis-
matið, telur litla hættu á að sjóðurinn
verði einkavæddur og segir hann
njóta „mikils pólitísks stuðnings allra
málsmetandi pólitískra afla“, eins og
haft er eftir Standard & Poor’s í til-
kynningu Íbúðalánasjóðs til Kaup-
hallar Íslands. Framkvæmdastjóri
Sambands banka og verðbréfafyrir-
tækja (SBV) segir þessi ummæli
koma sér verulega á óvart.
Í tilkynningu Íbúðalánasjóðs segir
um mat Moody’s að það byggist eink-
um á ríkisábyrgð sjóðsins gegn tapi,
en einnig sé tekið tillit til þess lyk-
ilhlutverks hans að styðja við stefnu
yfirvalda í húsnæðismálum. Fær
Íbúðalánasjóður sömu einkunnir og
ríkissjóður, þ.e. Aaa hjá Moody’s en
Standard & Poor’s gefur sjóðnum
einkunnirnar AA++ í íslenskum
krónum, A+ í erlendum gjaldeyri og
skammtímamatið A-1+. Samkvæmt
tilkynningunni er þetta haft eftir
Standard & Poor’s:
„Íbúðalánasjóður nýtur mikils póli-
tísks stuðnings allra málsmetandi
pólitískra afla og því er ólíklegt að
umtalsverðar breytingar verði gerðar
á lagalegu umhverfi hans. Þar af leið-
andi er afar lítil hætta á að sjóðurinn
verði einkavæddur og að jafnframt
verði dregið úr opinberum stuðningi
við hann í fyrirsjáanlegri framtíð.“
Guðjón Rúnarsson, framkvæmda-
stjóri SBV, segir að það komi veru-
lega á óvart að faglegt og óháð mats-
fyrirtæki á borð við Standard &
Poor’s skuli láta frá sér nokkuð sem
hljóti að teljast pólitísk ummæli um
stöðu húsnæðislána á Íslandi. Guðjón
segir það liggja fyrir að málefni sjóðs-
ins séu til skoðunar hjá Eftirlitsstofn-
un EFTA og íslenskir aðilar sem al-
þjóðleg matsfyrirtæki geti ekki sagt
til um hvað komi út úr þeirri skoðun.
SBV um lánshæfismat Íbúðalánasjóðs
Pólitísk ummæli
koma á óvart
Lítil/6