Morgunblaðið - 12.08.2004, Blaðsíða 17

MINNSTAÐUR
MORGUNBLAÐIÐ FIMMTUDAGUR 12. ÁGÚST 2004 17
Plúsfer›ir • Hlí›asmára 15 • Sími 535 2100
Be
nido
rm
33.740 kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
45.430 kr. á mann ef 2 ferðast saman.
Innifalið er flug, gisting í 7 nætur á Gemelos XXII og ferðir til og frá
flugvelli erlendis.
Netverð
1., 8., 15., og 22. september
- SPENNANDI VALKOSTUR
Stangarhyl 3, 110 Reykjavík, sími 591 9000
www.terranova.is
Akureyri, sími 461 1099
París
frá kr. 23.960
Ein rómantískasta borg Evrópu, áfangastaður elskenda á öllum aldri.
París er líka borg nýjunga, einstakra listviðburða og skemmtana.
París höfðar til listunnenda og allra þeirra sem hafa áhuga á tísku,
hönnun byggingarlist og góðum mat.
Frá kr. 23.960
Flug báðar leiðir og flugvallarskattar.
Terra Nova bíður upp á úrval hótela
í París, meðal annara:
Villa du Maine** í 14. hverfinu,
Hotel Jardin d´Eiffel*** í 7. hverfinu,
Hotel Villa Lutéce**** í 13. hverfinu og
Íbúðarhótelið Champs de Mars í 15.
hverfinu.
AKUREYRI
MANNABEIN, að öllum líkindum
frá miðöldum, hafa fundist í jörðu við
bæinn Sigluvík í Svalbarðsstrandar-
hreppi, skammt frá Akureyri. Vitað
er að hálfkirkja, sem svo var kölluð,
var á staðnum í kaþólskum sið og
bænhús síðar, en engar heimildir hafa
verið til fram að þessu um að fólk hafi
verið grafið þarna. Nú er talið líklegt
að forn kirkjugarður sé við bæinn.
Tvær beinagrindur fundust fyrst
rétt við húsið í Sigluvík fyrir síðustu
helgi þegar vélskófla var þar við jarð-
vegsvinnu. Framkvæmdir voru þegar
í stað stöðvaðar en það var ekki fyrr
en í fyrradag þegar Sigurður Berg-
steinsson, minjavörður Norðurlands
eystra, kom á staðinn við annan mann
– Kristin Magnússon, starfsbróður
sinn – að hægt var að skoða verks-
ummerki.
„Við sáum engar grafir þar sem
fyrstu beinin fundust; það var búið að
raska þeim og beinin komin í hrúgu,“
sagði Sigurður.
Þeir Kristinn fundu svo í fyrradag
óraskaða gröf, steinsnar frá hinum
beinunum og alveg við innganginn í
íbúðarhúsið, og telur Sigurður að
þarna sé fundinn jaðar gamals kirkju-
garðs, sem gæti reynst nokkrir tugir
fermetra að stærð. Engar sagnir eru
til um að bein hafi fundist þegar íbúð-
arhúsið á bænum var byggt, um 1940.
Gamli bærinn var um 100 metrum
norðar, og segir Sigurður það koma
heima og saman við algengustu fjar-
lægðir milli bæjar og kirkju.
Í gröfinni, sem fannst óröskuð, tel-
ur Sigurður að kvenmaður hafi verið
lagður verið til hinstu hvílu, um það
bil 160 cm á hæð. „Og hún hefur verið
bækluð á vinstri fæti, líklega eftir fót-
brot, ef marka má hvernig vinstri
sköflungurinn lítur út.“ Og fullorðin
hefur hún verið, það merkir Sigurður
á sliti tanna. Viðkomandi hefur ekki
verið jarðaður í kistu, sem Sigurður
segir benda til þess að um sé að ræða
gamla gröf, en ekki hafi allir verið
jarðaðir í kistu á miðöldum.
Sigurður segir að kirkja hafi verið
byggð við bæinn Svalbarð, skammt
frá Sigluvík, um 1150 og gætu vissu-
lega hafa verið samtíða á bæjunum.
„Það gæti líka hafa verið hætt að
jarða hér þegar kirkjan var byggð á
Svalbarði – en það eru einungis get-
gátur,“ sagði hann.
Hægt verður að aldursgreina
beinagrindina, sem er mjög heilleg,
með geislakolsmælingu. Þá kemur í
ljós hvenær viðkomandi lést.
Birgir Hauksson, sem býr á Sval-
barði ásamt eiginkonu sinni, Kristínu
Sólveigu Bjarnadóttur, var viðstadd-
ur þegar beinagrindurnar komu í ljós
en segist ekkert hafa kippt sér upp
við það. „Ég get þó ekki neitað því að
mér finnst dálítið merkilegt að þetta
skuli hafa fundist hérna,“ sagði hann.
Mannabein frá miðöldum við Sigluvík
Mjög líklega kirkjugarður á staðnum
þótt ekki séu heimildir til um það, seg-
ir minjavörður Norðurlands eystra
Sigurður Bergsteinsson, minjavörður Norðurlands eystra, skóf ofan af
beinunum í gær, tók þau upp og setti í poka.
Morgunblaðið/Skapti Hallgrímsson
Reykjavík | Þó flestir setji frasann „Lokað vegna veð-
urs“ í samhengi við frosthörku og snjókomu getur það
allt eins komið upp að stofnanir og verslanir hér á landi
loki vegna þess hve veðrið er gott.
Í hitabylgjunni sem verið hefur í vikunni hafa ýmsir
brugðið á það ráð að gefa starfsfólki sínu frí og loka.
Ríkisskattstjóri lokaði t.d skrifstofum sínum eftir há-
degi í fyrradag og leyfði starfsmönnum að fara heim.
Hjá starfsfólki fengust þær upplýsingar að yfirstjórn
skrifstofunnar hefði tekið ákvörðun um þetta og hefði
því verið vel tekið af starfsfólki og kúnnum sem kipptu
sér ekki upp við lokunina. Þeir sem áttu erindi til Rík-
isskattstjóra í gær sögðust sumir heldur vorkenna
starfsfólkinu að fá ekki lengra frí, að sögn starfs-
manns.
Einar J. Farestveit lokaði einnig eftir hádegi í fyrra-
dag en það hefur verið stefna fyrirtækisins að loka einn
góðviðrisdag á ári og hefur fyrirtækið fylgt þessari
stefnu undanfarin 20 ár. Að sögn starfsmanns voru þeir
fyrsta fyrirtækið á Íslandi til að gefa starfsmönnum
sínum góðviðrisfrí.
Eggert feldskeri lokaði einnig vegna veðurs og til-
kynnti hann það í útvarpinu.
Lokað þegar hitinn fer yfir 14 gráður
Bókaútgáfan Bjartur hefur þá stefnu að loka og gefa
starfsfólki frí þegar hitinn fer yfir 14 gráður og hefur
útgáfan því meira og minna verið lokuð undanfarna
daga. Snæbjörn Arngrímsson, starfsmaður hjá Bjarti,
segir að þessari stefnu sé fylgt fast eftir með þeim af-
leiðingum að verslunin þurfi að loka nokkuð marga
daga ársins. Hann segir að þetta skili sér þó margfalt
til baka enda nýti starfsfólk frítímann til að sitja úti í
sólinni og lesa handrit, sem er hluti af vinnu starfsfólks
Bjarts. „Fólk ræður þó algerlega hvað það gerir í frí-
tímanum og margir fara bara í sund og slaka á,“ segir
Snæbjörn.
Á símsvara Bjarts má heyra eftirfarandi skilaboð:
„Góðan daginn, þetta er hjá Bjarti. Það er alltof gott
veður til að vinna.“
Ekki eru þó allir símsvarar jafnhreinskilnir en hjá
ýmsum fyrirtækjum og stofnunum má heyra þau skila-
boð að það sé lokað, án þess að ástæðan sé tilgreind.
Stofnanir og verslanir gefa starfsmönnum frí í góða veðrinu
„Lokað vegna veðurs“
Morgunblaðið/Árni Torfason
Verslun Einars Farestveit var lokað í góða veðrinu í gær.
HÖFUÐBORGARSVÆÐIÐ