Morgunblaðið - 12.08.2004, Blaðsíða 39

KAMMERSVEITIN Ísafold er
gestur á tónlistarhátíðinni Berja-
dögum í ár, en um helgina verður
hátíðin haldin í sjötta sinn í Ólafs-
firði. Sveitin er skipuð átján ungum
tónlistarmönnum og á Berjadögum
mun hún leika sína eigin efnisskrá,
auk þess sem hljóðfæraleikarar úr
röðum hennar munu koma fram
með öðrum aðstandendum hátíðar-
innar.
Berjadagar eru fyrsti viðkomu-
staður sveitarinnar á tónleika-
ferðalagi um landið, sem lýkur í
Listasafni Íslands í Reykjavík hinn
24. ágúst. Það er hugur í meðlimum
sveitarinnar, þegar blaðamaður nær
í þau við æfingar í Ólafsfirði. „Núna
æfum við hérna fram á föstudag, þá
taka Berjadagar við með nokkrum
tónleikum um helgina. Þaðan förum
við til Akureyrar, þar sem við verð-
um með tónleika á miðvikudag, og
förum svo hringinn eftir það,“ segir
Elfa Rún Kristinsdóttir, fiðluleikari
í sveitinni. Á Akureyri mun
kammersveitin frumflytja nýtt verk
eftir Úlfar Inga Haraldsson, Anti-
phony, sem samið var sérstaklega
fyrir sveitina. „Við báðum hann að
semja fyrir okkur verk, sem hann
tók vel í. Það er alveg frábært að fá
að vinna með honum,“ segir Elfa
Rún, og bætir við að verkið sé sann-
kallað stuðverk með flottum rytma í
bland við rólega kyrrðarkafla. „Það
er svo ekki síðra að verkið er samið
fyrir alla sveitina, átján manns, svo
við fáum öll að taka þátt í að flytja
það.“
Lýðræðisleg vinnubrögð
Ísafold, skipuð ungu tónlistarfólki
á aldrinum 20–30 ára sem kynntist í
Tónlistarskólanum í Reykjavík og
Listaháskóla Íslands, einbeitir sér
að flutningi 20. og 21. aldar tónlist-
ar, en sveitin var að sögn stofnuð til
þess að hljóðfæraleikarar hennar
gætu flutt þá tónlist sem þá langaði
til og á þann hátt sem þeir teldu
bestan. Elfa Rún segir lýðræðisleg
vinnubrögð viðhöfð við verkefna-
valið. „Allir félagar í sveitinni geta
komið með tillögur og svo er unnið
úr þeim. Efnisskráin er rædd fram
og aftur, verk fara inn og aftur út af
efnisskránni, og svo jafnvel aftur
inn. Við reynum að hafa efnisskrána
dálítið fjölbreytta, þó að eingöngu
sé um nýrri verk að ræða, og ég
held að útkoman sé mjög skemmti-
leg og áheyrileg,“ segir hún. Er
þetta þá ekkert erfið tónlist fyrir
venjulegan áheyrendahóp? „Nei,
alls ekki. Hún er það fjölbreytt, til
dæmis leikum við tangó og Rímnad-
ansa Jóns Leifs, sem eiginlega allir
þekkja.“
Berjablátt lokakvöld
Fyrstu tónleikar Berjadaga eru
annað kvöld þar sem hátíðin verður
sett með léttri tónlistardagskrá við
kertaljós, en í eftirmiðdag á laugar-
dag verður dagskrá þar sem Þor-
valdur Þorsteinsson, rithöfundur og
myndlistarmaður, les meðal annars
upp úr nýju ævintýri sínu um Blíð-
finn og leikin verður tónlist sem
tengist sögunni. Um kvöldið verða
svo tón- og dansleikur kammer-
sveitarinnar Ísafoldar, þar sem
einnig verður frumflutt dansverk
eftir Helenu Ólafsdóttur.
Á sunnudeginum leikur Gunn-
hildur Einarsdóttir hörpuleikari,
sem jafnframt er meðlimur í Ísa-
fold, franska efnisskrá í gömlu
kirkjunni í Kvíabekk. Þá um kvöldið
verða svo lokatónleikar hátíðar-
innar, sem kallast Berjablátt loka-
kvöld, og verður þar leikin afar fjöl-
breytt dagskrá í ýmsum hljóðfæra-
samsetningum.
Að sögn Arnar Magnússonar, list-
ræns stjórnanda Berjadaga, er það
mikill fengur að Kammersveitin
Ísafold sé þátttakandi í hátíðinni í
ár. „Þetta er ungt, kraftmikið og
djarft fólk sem tilheyrir nýrri kyn-
slóð og er nú búin að stofna þessa
hljómsveit sem er mjög athyglis-
verð,“ segir hann. Engir grænjaxlar
á ferð, sem sagt? „Nei, þau eru auð-
vitað ung, en allt mjög góðir hljóð-
færaleikarar sem þegar eru búin að
geta sér orð mörg hver.“
Hann segist hlakka mikið til há-
tíðarinnar í ár, enda veðrið með ein-
dæmum gott í Ólafsfirði eins og víð-
ar. „Ég er mjög stoltur af efnis-
skránni og hlakka til að heyra það
sem Kammersveitin Ísafold ætlar
að bjóða upp á. Svo verður auðvitað
ævintýri að heyra hörpuleikinn í
gömlu kirkjunni, og Þorvald Þor-
steinsson lesa úr Blíðfinni,“ segir
Örn Magnússon að lokum.
Tónlist | Kammersveitin Ísafold á Berjadögum í Ólafsfirði og síðan á tónleikaferð um landið
Engir græn-
jaxlar á ferð
Morgunblaðið/Þorkell
Kammersveitin Ísafold og Örn Magnússon píanóleikari koma fram á Berjadögum í Ólafsfirði um helgina.
ingamaria@mbl.is
www.isafold.net
MENNING
MORGUNBLAÐIÐ FIMMTUDAGUR 12. ÁGÚST 2004 39
Opnunartími: Mánudaga-föstudaga frá kl. 8.30-18.00
Skútuvogi 4
www.gg.is
ALLT Í SKÓLANN
Opið laugardag
frá kl. 10.00-16.00
Allir velkomnir
Barbie töskur,pennaveski &
bækur í miklum úrvali
Mikið úrval stílabóka, möppur,
pennaveski og margt fl. á góðu verði
Batman bakpoki stækkanlegur
á 3.990 kr.
Skólatöskur Bugs Bunny frá
299 kr. til 1.699 kr.
Tweety bækur & möppur verð
frá 169 kr.
Allt í skólann á frábæru verði