Morgunblaðið - 12.08.2004, Blaðsíða 21

DAGLEGT LÍF
MORGUNBLAÐIÐ FIMMTUDAGUR 12. ÁGÚST 2004 21
Þau Kristbjörg Sigurðardóttirog Kristens Guðfinnssonvoru í vikulegri inn-
kaupaferð sinni í Bónus í Holta-
görðum þegar blaðamaður tók þau
tali. Með í för var „litli orkubolt-
inn“, eins og hann er nefndur af
foreldrum sínum, þ.e. hinn fjórtán
mánaða gamli Andri Þór. Þau
Kristbjörg og Kristens segjast gera
nokkurn veginn öll sín innkaup í
Bónus, því þar geri þau hvað hag-
stæðust kaup. Bæði eru þau frekar
nýkomin inn á vinnumarkaðinn eft-
ir námsárin og segjast þau almennt
vera með allar klær úti til að spara
þar sem hægt er í heimilisrekstr-
inum. „Það eimir kannski eitthvað
eftir af sparnaðarhugarfarinu sem
maður tamdi sér á námsárunum, en
svo er verðlag á matvörum bara svo
hátt hérna á Íslandi, að maður
verður að gera það sem hægt er til
að sýna útsjónarsemi,“ segir Krist-
björg.
Hún segir þau Kristens líka vera
dugleg að „elta tilboðin“ og þegar
vörur eru á góðu tilboðsverði eigi
þau það til að birgja sig upp, jafnvel
fyrir næsta árið. „Þá kaupum við
fyrir allt okkar sparifé, fyllum
frystinn og lifum á því næstu mán-
uðina. Ég held að við eigum ennþá
bleiur frá því í febrúar, en þá voru
stórar pakkningar á hálfvirði í Bón-
us og við birgðum okkur vel upp,“
segir hann og eru þau Kristbjörg
sammála um að þau hafi sparað sér
margan eyrinn með þessu móti.
Mataræði þeirra hjóna ræðst að
þeirra sögn nokkuð mikið af því
hvaða kjöt hefur verið á tilboði
hverju sinni, en mesta hollustu-
hugsunin fari líklega í að velja mat-
inn ofan í drenginn. „Við erum eng-
ar sérstakar grænmetisætur,“ segir
Kristens og bendir ofan í körfuna
sem inniheldur flest annað en
grænmeti. „Þessi eina paprika, er
fyrir strákinn og líka frosna græn-
metið, en það fær hann stappað í
hádeginu.“ Aðrar hollustuvörur í
körfunni á borð við fjörmjólk, jóg-
úrt og banana eru líka hugsaðar
fyrir barnið og túnfiskurinn er fyr-
ir köttinn. Kristbjörg segir þau allt-
af reyna að elda sæmilegar máltíðir
á kvöldin, þó svo að ekki sé alltaf
tími til að búa hlutina til frá grunni.
„Við erum því mikið fyrir alls kon-
ar tilbúnar sósur og annað sem flýt-
ir fyrir matreiðslunni.“
Aðspurð hvort þau séu venjulega
sammála um hvað eigi að kaupa og
hvað ekki, segjast þau vera á nokk-
uð svipuðu plani, þó svo að Krist-
björg sé venjulega með varann á
gagnvart sælgætisinnkaupum
heimilisföðurins. Hann hefur líka
ýmislegt út á alls kyns snyrtitengd-
an óþarfa eiginkonunnar að setja.
„Mér finnst t.d. óþarfi að vera að
kaupa svona „konudót“ eins og
þetta hérna,“ segir Kristens og
veiðir fjólubláan salernislyktareyði
upp úr körfunni. „Ég get ekki séð
að þetta geri neitt gagn, þetta
hreinsar ekki klósettið og ekki
reddar það lyktinni heldur,“ segir
Kristens og horfir stríðnislega á
Kristbjörgu sem tekur málflutning-
inn ekki gildan, og þar með fer var-
an aftur ofan í körfuna.
Þar sem fjölskyldan er á leiðinni í
heimsókn út á land fyrir helgina, er
minna keypt inn fyrir vikuna en
ella, og segir Kristens það líklega
skýringuna á því að í körfunni sé
meira af mat fyrir barnið og kött-
inn en sjálfa foreldrana. „Það er
allt útlit fyrir hálfgerða núðlusúpu-
helgi hjá okkur,“ segir Kristens og
hlær við. Eftir að hafa greitt fyrir
vörunar á kassanum segjast þau þó
eiga erfitt með að ímynda sér
hvernig tekjulægstu fjölskyldurnar
fari að því að hafa í sig og á, jafnvel
þótt keypt sé inn í ódýrustu búð-
unum. „Verðlag er alltof hátt hér á
landi. Það er eitthvað sem verður
að breytast,“ segja þau Kristens og
Kristbjörg lokum.
Morgunblaðið/Jim Smart
Kristens og Kristbjörg: „Verðlag er alltof hátt hér á landi. Það er eitthvað sem verður að breytast.“
 HVAÐ ER Í MATINN?
Kaupa á tilboði
og fylla frystinn
Við kassann: Engan óþarfa, takk!
„Ég held að við eigum ennþá bleiur frá því í febrúar, en þá
voru stórar pakkningar á hálfvirði í Bónus og við birgðum okk-
ur upp,“ segir Kristbjörg Sigurðardóttir.
heida@mbl.is
LÍTTU INN TIL OKKAR OG
BRAG‹A‹U EKTA HEIMILISMAT
FRÁ NAPOLÍ Í HÁDEGINU
Brátt hefja skólarnir göngusína eftir sumarfrí og þá ertímabært að huga að skóla-
töskunni. Á vefsíðu dönsku neyt-
endasamtakanna, www.forbrug.dk/
tema/skolestart, eru gefin góð ráð
og bent á nokkur atriði sem vert er
að hafa í huga þegar velja á nýja
skólatösku.
Þar er höfuðáhersla lögð á að
barnið máti töskuna, (bakpokann)
áður en hún er keypt og að best sé
að máta hana bæði utan yfir úlpuna
og eins án yfirhafnar. Tekið er fram
að ólarnar verði að vera stillanlegar
og helst um fimm sentimetra breið-
ar yfir axlirnar og fóðraðar. Þær
eiga ekki að geta runnið út af öxl-
unum eða þrengt að hálsinum. Gott
er að vera með stillanlega ól yfir
brjóstkassann og aðra yfir mjaðm-
irnar til að halda töskunni þétt að
hryggnum.
Taskan má ekki vera afturþung
þannig að erfitt sé fyrir barnið að
halda jafnvægi. Í góðum bakpoka á
að vera auðvelt að dreifa þyngdinni
og raða í hann. Rétt er að hafa í
huga að barn má aldrei bera meira
á bakinu en 1/5 af þyngd sinni
þannig að sjö ára barn ræður við
fimm kíló en fjórtán ára unglingur
ræður við um tíu kíló.
Taskan má ekki vera of stór en
samt þarf helst að vera sérstakt
hólf fyrir bækur, annað fyrir nesti
og ekki má gleyma leikfimisdótinu
því best er að geta komið öllu fyrir í
einni tösku. Tekið er fram að task-
an á að geta staðið án þess að falla
saman þegar hún er tekin af bakinu
til að auðvelt sé að finna það sem í
henni er. Og ekki má gleyma að
setja endurskinsmerki á töskuna
áður en haldið er út í skammdegið
og umferðina.
Morgunblaðið/ÞÖK
Skólatöskur: Apríl Auður Helgudóttir, 7 ára, skoðar nýja skólatösku.
Þyngd, festingar
og stærð tösku
skiptir máli
 SKÓLAR|Góð skólataska mikilvæg
LÁGVÖRUVERÐSVERSLUNIN
Nettó hefur verið að taka breyt-
ingum og í dag verður hún formlega
opnuð með nýju útliti og áherslu-
breytingum. Af því tilefni hafa for-
svarsmenn verslunarinnar ákveðið
að styrkja handboltalið Íslands sem
er að hefja keppni á Ólympíu-
leikunum í Grikklandi. Ætlunin er
að gefa „strákunum okkar“ 50 kr.
fyrir hvern viðskiptavin í versl-
ununum frá fimmtudeginum 12.
ágúst til sunnudagsins 15. ágúst.
Hér er um að ræða styrk í kring-
um 800 þúsund krónur sem gæti
orðið enn hærri ef fjöldi við-
skiptavina heimsækir verslunina yf-
ir helgina. Samkeppni á mat-
vælamarkaðnum er hörð og
forsvarsmenn Nettó segjast taka
fullan þátt í lækkun kostnaðar í mat-
arinnkaupum.
Nettó-verslanirnar eru í eigu
SAMKAUPA og eru nú fjórar tals-
ins. Elsta og jafnframt stærsta búð-
in er á Akureyri en hinar þrjár eru í
Mjóddinni í Reykjavík, í Salahverf-
inu í Kópavogi og á Akranesi.
Í dag, fimmtudag, verður mikið
um að vera í verslunum Nettó því
fyrir utan ýmis tilboðsverð og vöru-
kynningar þá verður skemmtun fyr-
ir börnin og gestir og gangandi fá
ýmiss konar glaðning.
 LÁGVÖRUVERÐSVERSLUN|Styrkja hand-
boltalið Íslands um helgina
Nýtt útlit í Nettó