Morgunblaðið - 30.11.2004, Blaðsíða 17

MORGUNBLAÐIÐ ÞRIÐJUDAGUR 30. NÓVEMBER 2004 17
MINNSTAÐUR
AKUREYRI
Alþjóðadagur alnæmis | Fyrsti
desember er alþjóðadagur al-
næmis. Þann dag er víða um
heim minnst þeirra sem látist
hafa af völdum alnæmis, þeirra
sem eiga við þann sjúkdóm að
stríða og aðstandenda þeirra.
S78N, Norðurlandsdeild Samtak-
anna 78, hefur undanfarin ár far-
ið minningargöngu í tilefni al-
næmisdagsins.
Að þessu sinni stendur Norður-
landsdeild FAS, Samtaka for-
eldra og aðstandenda samkyn-
hneigðra, að göngunni ásamt
S78N. Lagt verður af stað frá
Ráðhústorgi á Akureyri miðviku-
daginn 1. desember klukkan
16.00 og gengið sem leið liggur
suður göngugötuna, upp kirkju-
tröppurnar og að Akureyrar-
kirkju. Þar verður stutt, hljóð
minningarstund.
Aðstandendur göngunnar
hvetja alla sem vilja sýna samhug
sinn með málefnum alnæmisdags-
ins að koma og taka þátt í þess-
ari göngu.
  
Aðalfundur GA | Mikill við-
snúningur, til hins betra, varð í
rekstri Golfklúbbs Akureyrar á
milli ára. Hagnaður af rekstri
klúbbsins síðasta rekstrarár nam
rúmum 5 milljónum króna á móti
9 milljóna króna tapi árið áður.
Rekstrarár GA er frá 31. október
til 1. nóvember.
Halldór Rafnsson var kjörinn
formaður GA á aðalfundi í vik-
unni. Rúmlega 500 manns eru
skráðir í GA og hefur orðið nokk-
ur fjölgun milli ára og ekki hvað
síst á meðal yngri kylfinga.
Miklar framkvæmdir hafa stað-
ið yfir á golfvellinum að Jaðri og
enn frekari framkvæmdir fyr-
irhugaðar á næstu árum. Í sumar
var lokið við enduruppbyggingu á
10. braut og endurbætur hófust í
haust á flötunum á 5. og 16.
braut. Fjöldi félaga sótti aðal-
fund GA og einnig Júlíus Rafns-
son forseti Golfsambands Íslands
og var hann sæmdur silfurmerki
GA.
  
Tjáningarfrelsið | Sigríður Rut
Júlíusdóttir lögmaður flytur fyr-
irlestur á lögfræðitorgi í dag,
þriðjudaginn 30. nóvember kl.
Hann fjallar um mörk tjáning-
arfrelsis og friðhelgi einkalífs með
áherslu á umfjöllun um opinberar
persónur. Skoðaðir eru dómar
Mannréttindadómstóls Evrópu og
fjallað um áhrif þeirra á íslenskan
rétt.
Skoðuð er umfjöllun um opin-
berar persónur og athugað hvort
athafnir þeirra sjálfra gætu hugs-
anlega réttlætt umfjöllun um
einkalíf þeirra.
Einnig er litið til stöðu opin-
berra persóna í því skyni að at-
huga hvort sú staða veiti þeim
sjálfum rýmra tjáningarfrelsi um
aðra. Nokkrir nýlegir erlendir
dómar verða skoðaðir og fjallað
um hugsanleg áhrif þeirra á ís-
lenskan rétt. Ýmsir spá því að
gjörbylting muni verða í kjölfarið
og jafnvel að gula pressan eins og
við þekkjum hana í dag muni líða
undir lok.
Íslandsklukku hringt | Hátíðar-
dagskrá verður á Sólborg á full-
veldisdaginn, 1. desember, frá kl.
16 til 18 í tilefni dagsins.
Meðal atriða eru hátíðarræða,
sem Birgir Guðmundsson, aðjúnkt
við félagsvísinda- og lagadeild
mun flytja og árviss hringing Ís-
landsklukkunnar, en að þessu
sinni mun Bernharð Haraldsson,
fyrrverandi skólameistari VMA,
hringja henni fjórum sinnum fyrir
árið 2004. Hátíðarræða Birgis
verður flutt í stofu L201 og hefst
kl. 16:00 og verður Íslandsklukk-
unni hringt í kjölfar hennar eða
um kl. 17:00. Dagskráin hefur yfir
sér hátíðlegan blæ, en er krydduð
með skemmtilegum tónlistar-
atriðum og ljúfum veitingum í
anda jólanna. Allir eru velkomnir.
  
MEIRIHLUTI umhverfisráðs Akureyrarbæjar hefur
samþykkt að í texta með tillögu að breytingu á aðalskipu-
lagi við Baldurshaga verði tekið fram að gert sé ráð fyrir
allt að 12 hæða húsi á lóðinni með allt að 36 íbúðum og
leggur meirihluti ráðsins jafnframt til við bæjarstjórn að
tillagan verði auglýst þannig.
Hugmyndir um byggingu háhýsis á lóð Baldurshaga
hafa verið mjög umdeildar á Akureyri og fyrr í haust
skrifuðu tæplega 1.700 manns nafn sitt á undirskrift-
arlista þar sem skorað var á bæjaryfirvöld að falla frá
hugmyndum um byggingu 12 hæða fjölbýlishúss á lóð-
inni.
Þá var á fundi umhverfisráðs tekið fyrir að nýju erindi
sem frestað var á fundi ráðsins 27. október sl. og lagður
fram nýr tillöguuppdráttur Loga Einarssonar arkitekts
að deiliskipulagi við Baldurshaga. Tillagan gerir ráð fyrir
allt að 12 hæða húsi ásamt kjallara með hámark 36 íbúð-
um og einnar hæðar álmu vestast. Um helmingur bíla-
stæða verði neðanjarðar.
Jón Ingi Cæsarsson lagði fram tillögu að bókun á fund-
inum þess efnis að umhverfisráð legði til við bæjarstjórn
að fallið yrði frá hugmyndum um byggingu á Baldurs-
hagalóðinni því þau áform gengju gegn hagsmunum og
skoðunum meirihluta Akureyringa.
Meirihluti umhverfisráðs hafnaði tillögunni en lagði til
við bæjarstjórn að umhverfisdeild yrði falið að auglýsa
deiliskipulagstillöguna. Jón Ingi óskaði bókað að hann
harmaði að meirihluti umhverfisráðs skyldi ganga erinda
þröngra sérhagsmuna og hefði að engu raddir umbjóð-
enda sinna, kjósenda á Akureyri.
Tillaga að breytingu á aðalskipulagi við Baldurshaga
Gert verði ráð
fyrir 12 hæða húsi
GEIRAVÍSUR er heiti á ljóðabók
eftir Akureyringinn Magnús Geir
Guðmundsson og gefur hann bók-
ina sjálfur út. Þetta er fyrsta bók
Magnúsar Geirs en áður hafa ýms-
ar vísur og kviðlingar eftir hann
birst á opinberum vettvangi, t.d. í
blöðum, tíma- og átthagaritum. Þá
hafa einnig heyrst vísur eftir hann
á öldum ljósvakans.
Geiravísur geyma safn ýmissa
smíða sem orðið hafa til á nokkuð
löngum tíma. Bókinni er skipt í sex
kafla, vísur almenns eðlis um dag-
inn og veginn, vísur um menn og
málefni, náttúru- og veðurkvið-
linga, limrur, kveðskap þar sem um
fleiri en eitt erindi er að ræða og
síðast botnar sem höfundur hefur
smíðað við ýmis tækifæri, eins og
segir m.a. á bókarkápu. Bókin er til
sölu í Bókabúð Jónasar á Akureyri.
Geiravísur
Magnúsar
Geirs
KB banki hefur gangsett bakvinnslu á Akureyri en um er
að ræða þjónustu bankans við útgjaldadreifingu einstak-
linga um allt land. Það var Kristján Þór Júlíusson bæj-
arstjóri sem klippti á borða í húsnæði KB banka við Geisla-
götu af þessu tilefni. Til að byrja með munu átta
starfsmenn annast þennan þjónustuþátt bankans en fram
kom í máli Hreiðars Más Sigurðssonar, forstjóra KB
banka, að ekki væri útilokað að sá hópur stækkaði ef vel
tekst til.
„Sá vöxtur getur einkum byggst á þremur atriðum. Í
fyrsta lagi að til bankans komi nýir viðskiptavinir úr röðum
einstaklinga. Í öðru lagi að núverandi viðskiptavinir muni í
auknum mæli notfæra sér þjónustu bankans og hina ak-
ureyrsku miðvinnslu við útgjaldadreifingu og í þriðja lagi
er alls ekki útilokað að upplýsingatæknin geri okkur kleift
að koma með önnur óskyld verkefni til miðlægrar vinnslu
hingað og jafnvel víðar um landið,“ sagði Hreiðar Már.
KB banki hefur verið öflugur þátttakandi í sókn fyr-
irtækja á erlenda markaði en fram kom í máli Hreiðars
Más að bankinn hafi ekki síður verið áhugasamur um verk-
efni sín innanlands. „Við erum stærsti banki landsins en
eigum samt talsvert í land með að ná mestu markaðs-
hlutdeild í viðskiptum við einstaklinga. Þess vegna erum við
í öflugri „útrás“ hér á íslensku vígstöðvunum og hluti af því
er að gera „innrás“ út á landsbyggðina.“
Aukin starfsemi hjá KB banka
Morgunblaðið/Kristján
Bakvinnsla Kristján Þór Júlíusson bæjarstjóri klippti á borða í húsnæði KB banka og naut að-
stoðar Hilmars Ágústssonar, útibússtjóra á Akureyri, og Hreiðars Más Sigurðssonar forstjóra.
NÝTT þjónustuver Íslandspósts
hefur verið opnað við Norður-
tanga 3 á Akureyri, á bökkum
Glerár. Í hinni nýju póstmiðstöð
eru nú undir einu þaki þjónustu-
ver Póstsins, póstflokkun, fyrir-
tækjaafgreiðsla og tollafgreiðsla.
Sú starfsemi sem áður var við
Fjölnisgötu og hluti starfsem-
innar við Skipagötu hafa nú verið
flutt í nýja húsnæðið. Við Fjöln-
isgötu var dreifingarstöð bréf-
bera og landpósta, fyrirtækja-
pósthús og póstmiðstöð, en sú
starfsemi sem flutt var úr mið-
bænum var tollafgreiðslan, þjón-
ustuver og skiptiborð Íslands-
pósts. Við Skipagötuna verður
áfram póstafgreiðsla fyrir ein-
staklinga.
Sturla Böðvarsson samgöngu-
ráðherra opnaði hin nýju húsa-
kynni Póstsins, en starfsmenn á
þessum nýja stað verða rúmlega
60 talsins. Þjónustuverið og
skiptiborðið þjónar landinu öllu,
en póststöðin Norðurlandi eystra.
Húsið er rúmlega 1.100 fermetrar
að stærð og hefur aðbúnaður og
aðstaða batnað til mikilla muna
frá því sem áður var, en þar sem
mikil gróska hefur verið hjá Póst-
inum á Akureyri að undanförnu
var orðið þröngt um starfsemina.
Morgunblaðið/Kristján
Nýtt húsnæði Björn Jósef Arnviðarson, formaður stjórnar Íslandspósts,
Ragnhildur Hjaltadóttir, ráðuneytisstjóri í samgönguráðuneytinu, Sturla
Böðvarsson samgönguráðherra, Ingimundur Sigurpálsson, forstjóri Ís-
landspósts, Jón Ingi Cæsarsson dreifingarstjóri og Skúli Árnason stöðv-
arstjóri í nýju húsnæði Póstsins á Akureyri.
Pósturinn flytur
og ljóshafið á trénu „frá vinum
okkar í Randers“ geta brætt
hjörtu þeirra sem argaþrasast út í
umstang jólanna.
„Því hvernig væri umhorfs hér í
bæ á aðventunni þegar skamm-
degið er hvað mest, ef þessi
hundruð og þessar þúsundir jóla-
ljósa sem loga vítt og breitt, væru
slökkt? Það fer sannast sagna um
mig hrollur við tilhugsunina og
því gleðst ég eins og lítið barn á
hverju ári þegar kveikt er á jóla-
trénu hér á Ráðhústorgi.“
FJÖLMENNI var saman komið á
Ráðhústorgi þegar kveikt var á
jólatrénu frá vinabæ Akureyrar,
Randers, í Danmörku við hátíð-
lega athöfn. Jólasveinar mættu á
torgið og kættist fólk í yngsta
aldurshópnum við þá góðu heim-
sókn. Þá flutti ræðismaður Dana,
Helgi Jóhannesson ávarp, Lúðra-
sveit lék og Kór eldri borgara
söng nokkur lög. Þá ávarpaði
Kristján Þór Júlíusson bæjarstjóri
gesti.
Hann sagði jólaljósin í bænum
Morgunblaðið/Kristján
Fjöldi fólks á öllum aldri mætti á Ráðhústorgið þegar kveikt var á jóla-
trénu frá Randers, vinabæ Akureyrar í Danmörku.
Ljóshafið
á Randerstrénu