Morgunblaðið - 30.11.2004, Blaðsíða 29

MORGUNBLAÐIÐ ÞRIÐJUDAGUR 30. NÓVEMBER 2004 29
UMRÆÐAN
VERÐ að lýsa yfir óánægju minni
með umfjöllun Íþróttasíðunnar um
keppni á Íslandsmótinu í handbolta. Í
tvígang hefur það gerst að engin um-
fjöllun hefur verið um leiki Þórsliðs-
ins og sé um leikina skrifað er það í
hinu mesta skötulíki. Um leik Þórs og
FH voru ca 6 línur en um leik Þórs og
UMFA ekkert. Ég hef líka heyrt af
óánægju stuðningsmanna annarra
liða, meðal annars vina minna úr KA
og það er spurning hvaða skilaboð
blað allra landsmanna er að senda
leikmönnum liðanna og íþróttinni
sjálfri Að það sé leikið á gervigrasi í
Noregi þar sem Íslendingar spila eða
sitja á bekknum og félagaskipti Guð-
rúnar Viðarsdóttur yfir í ÍBV eru
vissulega merkilegar upplýsingar,
sérstaklega með Guðrúnu enda hún
frá Dalvík og afbragðs knattspyrnu-
kona, en að skipa þeim fréttum meira
rými en leik í úrvalsdeild finnst mér
ekki rétt. Þakka ber nákvæma um-
fjöllun um Heimsbikarmótið í Svíþjóð
en strákarnir sem þar spiluðu voru
einu sinni í deildinni hér heima. Leik
Þórs og KA voru líka gerð góð skil,
takk fyrir það.
HELGI
INDRIÐASON,
Hringtúni 1,
620 Dalvík.
Bréf til Íþróttasíðunnar
Frá Helga Indriðasyni
HVER er staða alþýðunnar í þjóð-
félaginu í dag og hverjar eru fram-
tíðarhorfur hennar undir merkjum
auðvaldsins?
Þegar alþýðan kýs yfir sig auð-
valdsöflin trekk í trekk er hún ekki
að vinna í sína þágu. Heldur er hún
að grafa undan öllu því sem áunnist
hefur í baráttu hennar gegnum tíð-
ina. Markaðshyggjan verður sífellt
sterkara afl innan veggja íhaldsins
— og mætti segja að hún sé orðin
ráðandi afl í allri ákvarðanatöku rík-
isstjórnarinnar. Það er ástæðan fyr-
ir því að alþýða landsins verður að
gæta að sér, vegna þess að þjóð-
félagslegar stofnanir mega aldrei
vinna gegn hagsmunum alþýðunnar
í landinu. Í ríkjandi kerfi á Íslandi í
dag er þetta hættan.
Viljum við kalla yfir okkur hags-
munaklíku auðvaldsins, sem felur í
sér að lífsskilyrðum almennings
hrakar til muna? Ef fram heldur
sem horfir munum við enda uppi
með amerískt kerfi þar sem fólk
borgar milljónir í skólagjöld og ann-
að eins í heilbrigðisþjónustu ef það
er svo óheppið að veikjast eða slas-
ast. Þegar slíkt kerfi verður komið í
gagnið verður ríkjandi valdastétt
fyrst ánægð, því þá hefur hún tryggt
það að aðeins fáir útvaldir munu
geta sótt sér menntun og látið að sér
kveða í samfélaginu. Fjöldinn verður
bundinn við brauðstritið þar sem all-
ir hans peningar fara í hluti sem
okkur þykja sjálfsagðir í dag –
menntun barnanna okkar og heil-
brigðisþjónustu!
Gildra valdaklíkunnar felst í að
gefa fögur fyrirheit um skattalækk-
anir almenningi til handa. Það er þó
skammvinn ánægja og þýðir, óum-
flýjanlega, skerta þjónustu. Alþýðan
stendur því frammi fyrir því að
þurfa að punga út himinháum upp-
hæðum um leið og eitthvað kemur
upp á eða þegar börnin halda út á
menntaveginn. Í þessu gildir því hið
fornkveðna: „Sannleikurinn mun
gjöra yður frjálsa.“ Sannleikurinn
felst ekki í gylliboðum valdaklík-
unnar, sem hefur það eina markmið
að viðhalda eigin valdastöðu, því
íhaldið er ekki allra. Sannleikurinn
felst í samstöðu alþýðunnar í barátt-
unni fyrir mannsæmandi lífskjörum.
Samstöðu um sterkt velferðarríki,
sem sinnir þörfum okkar allra og
veitir þá þjónustu sem almenningur
þarf á að halda.
GUÐBJÖRG
EINARSDÓTTIR,
Raftahlíð 56,
550 Sauðárkróki.
Í klóm auðvaldsins
Frá Guðbjörgu Einarsdóttur
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
HEILSUEFLING miðar að því
að gera einstaklingnum og sam-
félaginu kleift að auka hreysti og
efla vitund og vilja til að viðhalda
heilbrigði. En það er einu sinni svo
að
það sem við gerum í dag hefur oft
ekki sýnileg áhrif fyrr en eftir lang-
an tíma. Af þeim sökum er mjög
mikilvægt að fullorðnir jafnt sem
börn og unglingar viti hvaða áhrif
þau sjálf geta haft á framtíðar-
heilsufar sitt og sjái kostina við að
velja heilbrigt líf.
Heilsueflingarráð Akureyrar var
sett á stofn í framhaldi af sam-
þykktri Fjölskyldustefnu árið 2002.
Eitt af leiðarljósum Fjölskyldustefn-
unnar er að „stuðlað verði að því að
heilsufar bæjarbúa, andlegt, fé-
lagslegt og líkamlegt, sé sem best“.
Til að samstaða um verkefnið
næði fram að ganga var þörf á víð-
tæku og þverfaglegu samstarfi
þeirra aðila sem höfðu hagsmuni,
áhuga á eða allt að því skyldur
gagnvart málefninu. Viðhorf og
þekking var höfð að leiðarljósi við
val í ráðið en í því sitja fulltrúar at-
vinnulífsins, skólastofnana, sjúkra-
stofnana, bæjarkerfisins og íþrótta-
félaganna.
Heilsueflingarráð hóf störf 11.
september 2003 og var þá ákveðið að
nýta fjölbreyttar leiðir til að hafa já-
kvæð áhrif á heilsu íbúa bæjarins,
meðal annars með upplýsingum,
virkri þátttöku almennings og með
því að skapa keppnisanda fyrir þá
sem þess njóta. Ráðið ákvað því að
taka út nokkra þætti, svokölluð
heilsuþema, og kynna hvert fyrir sig.
Síðastliðið vor var fyrsta heilsuþem-
að kynnt með yfirskriftinni „Vatn er
svalt“ og voru fyrirtæki á Akureyri
fengin til liðs við ráðið við að kynna
hollustu og notkun vatns á sem fjöl-
breyttastan hátt til heilsueflingar.
Annað átak, sem hleypt var af
stokkunum nýverið undir heitinu
„Einn, tveir og nú!“, hefur það að
markmiði að vekja bæjarbúa til með-
vitundar um hreyfingu, heilsu sína
almennt og samverustundir með
fjölskyldunni. Í kjölfarið var útbúið
svokallað Fjölskyldukort þar sem
skráð er skilmerkilega inn hreyfing
allrar fjölskyldunnar, þ.m.t. göngu-
ferðir, þátttaka í
íþróttum, leikir o.fl.
Leið sem auðveldað
getur hverjum og ein-
um bæjarbúa að meta
stöðuna, þ.e. samveru
fjölskyldunnar, hversu
oft viðkomandi hreyfir
sig og fjölbreytni og
hvetja til frekari dáða,
t.d. með því að kynna
sér nýjar leiðir til úti-
vistar eða íþrótta.
Engin hreyfing er svo
ómerkileg að hún
gagnist ekki.
Fjölskyldukortinu var dreift til
allra grunnskólabarna á Akureyri
auk þess sem hægt er að nálgast það
á fleiri stöðum og prenta út af heima-
síðu verkefnisins. Allir sem taka þátt
í átakinu eiga möguleika á að vinna
til verðlauna og eru viðurkenningar
veittar í hverjum mánuði. Átakið
mun standa út núverandi skólaár og
að lokinni þeirri reynslu verður tek-
in ákvörðun um framhaldið.
Heilsueflingarráð heldur uppi eig-
in heimasíðu fyrir verkefnið –
www.akureyri.is/12ognu – þar sem
má finna ýmsar hugmyndir að
skemmtilegri útivist, lýsingu á úti-
leikjum, gönguleiðum, hvert hægt er
að fara á skauta, í sund, opnunar-
tíma o.s.frv.
Hjálpum sem flestum að upplifa
þá vellíðan sem felst í því að hafa
góða samvisku gagnvart lífsháttum
sínum og höfum í huga orðtakið
,,Hvað ungur nemur gamall temur“.
Akureyringar – er góð heilsa ekki
eitt það dýrmætasta sem við eigum?
Bryndís Arnarsdóttir og
María H. Tryggvadóttir skrifa
um heilsueflingu
’Hjálpum sem flestumað upplifa þá vellíðan
sem felst í því að hafa
góða samvisku gagnvart
lífsháttum sínum …‘
Bryndís
Arnarsdóttir
Bryndís er formaður Heilsueflingar-
ráðs Akureyrar, María er starfsmað-
ur Heilsueflingarráðs Akureyrar.
María H.
Tryggvadóttir