Morgunblaðið - 09.12.2004, Síða 11
MORGUNBLAÐIÐ FIMMTUDAGUR 9. DESEMBER 2004 11
FRÉTTIR
www.feminin.is
Bæjarlind 12, Kópavogi • sími 544 2222
Opið virka daga kl. 11-18, lau. kl. 10-16.
Flottur
meðgöngufatnaður
fyrir jól og áramót
funmum
Þér líður vel í fatnaði
frá
Silkitré og silkiblóm
Laugavegi 63
sími 551 2040
Fallegir
englar í
jólapakkann
Laugavegi 84, sími 551 0756
Tweed buxur • Flauelsbuxur
Svartar betri buxur
Hlíðasmára 11 • Kópavogi • sími 517 6460
www.belladonna.is
Réttu stærðirnar
Full búð af nýjum vörum. Jólafötin og flott föt fyrir alla hina dagana
tweed jakkar • pils • bolir • mikið úrval
Skógarhlíð 18 sími 595 1000
www.heimsferdir.is
Heimsferðir bjóða nú ein-
stakt tækifæri til að njóta
áramótaveislu í Sviss á
ótrúlegum kjörum. Beint
flug til Zürich með Loft-
leiðum. Zürich er stærsta
borg Sviss og liggur í
hjarta landsins við hið
fagra Zürichvatn. Hér er að finna heillandi stemmningu um jól
og áramót, hin stórkostlega flugeldasýning um hver áramót er
stærsta partý í Sviss og hingað koma þúsundir til að fylgjast með
stemmningunni og njóta matar og drykkjar á hverju götuhorni
fram eftir nóttu.
Munið Mastercard
ferðaávísunina
Verð kr. 29.990
Kr. 29.990.- Flugsæti með sköttum.
Verð kr. 39.890
Flug, gisting og skattar á mann
í tvíbýlí á hótel Novotel,
4 stjörnur.
Beint flug Heimsferða,
29. desember, brottför frá Keflavík kl. 8.00 • 1. janúar, brottför frá Zürich kl. 19.30
Áramótaveisla í
Sviss
frá kr. 29.990
AÐFARANÓTT fimmtudagsins 20.
mars 2003 skýrði George W. Bush
Bandaríkjaforseti frá því að aðgerðir
bandamanna gegn Írak væru hafnar
en þremur dögum áður lá fyrir að
beitt yrði neitunarvaldi í Öryggisráði
Sameinuðu þjóðanna. Miðvikudaginn
18. mars hafði verið greint frá því að
Ísland væri í hópi þeirra 30 ríkja sem
styddu tafarlausa afvopnun Íraka.
Komu þessar upplýsingar frá Banda-
ríkjastjórn en síðar meir var farið að
tala um þennan hóp sem hóp hinna
„staðföstu“ og „viljugu“ þjóða sem
styddu aðgerðir ríkja undir forystu
Bandaríkjamanna og Breta í Írak.
Dapurlegt og niðurlægjandi
Forystumenn stjórnarandstöð-
unnar brugðust ókvæða við þessum
upplýsingum og sökuðu stjórnvöld
um að hafa ekki samráð við utanrík-
ismálanefnd Alþingis sem skylt væri
þótt þinghlé væri. „Það var óendan-
lega dapurlegt, og niðurlægjandi, að
Íslendingar skyldu frétta af stuðn-
ingi ríkisstjórnarinnar við árásar-
stríði gegn Írak frá talsmanni banda-
ríska utanríkisráðuneytisins. [-] Mér
fannst líka auðmýkjandi að fregna,
að eini maðurinn sem vitað er til að
ríkisstjórnin hafi haft samráð við hér
á landi skuli vera sendiherra Banda-
ríkjanna,“ sagði Össur Skarphéðins-
son, formaður Samfylkingarinnar, af
þessu tilefni.
Ekki skráð á lista
Ekki er rétt að Ísland hafi með ein-
hverjum hætti skráð sig á „lista
hinna staðföstu þjóða“, hið rétta er
að þriðjudaginn 18. mars var tekin
ákvörðun um að Ísland myndi styðja
nauðsynlegar aðgerðir undir forystu
Bandaríkjanna og Bretlands til þess
að afvopna Saddam Hussein. Strax í
kjölfarið var sendiherra Bandaríkj-
anna tilkynnt sú ákvörðun og daginn
eftir greindi utanríkisráðuneyti
Bandaríkjanna frá hvaða 30 ríki
styddu tafarlausa afvopnun Íraka og
var Ísland í þeim hópi.
Davíð Oddsson, þáverandi for-
sætisráðherra, skýrði út að í þessu
fælist heimild til yfirflugs yfir ís-
lenska flugstjórnarsvæðið, afnot af
Keflavíkurflugvelli ef þurfa þætti, að
Íslendingar tækju þátt í uppbygg-
ingu í Írak að ófriði loknum og að Ís-
land tæki pólitíska afstöðu með því að
ályktun Öryggisráðsins númer 1441
yrði fylgt eftir en í henni var m.a.
kveðið á um að Írökum væri skylt að
afhenda vopn en ekki eftirlitsmanna
að leita þeirra.
Stuðningur við
Azoreyja-yfirlýsingu
Afstaða Íslands lá raunar að mestu
fyrir í upphafi innrásarvikunnar því
að þá höfðu bæði Davíð Oddsson, þá-
verandi forsætisráðherra, og Halldór
Ásgrímsson, þáverandi utanríkisráð-
herra, lýst yfir stuðningi við yfirlýs-
ingu George Bush Bandaríkjafor-
seta, Tony Blair, forsætisráðherra
Bretlands og Jose Maria Aznar, for-
sætisráðherra Spánar, að loknum
fundi þeirra á Azoreyjum en þar gaf
Bandaríkjaforseti Sameinuðu þjóð-
unum sólarhringsfrest til að ákveða
hvort þær styddu stríð á hendur
Saddam Hussein Íraksforseta undir
stjórn Bandaríkjanna. „Við teljum að
Azoreyjayfirlýsingarnar, bæði um
stöðuna eins og hún er í dag, og nauð-
syn þess að þjóðir heims standi sam-
an um þessar aðgerðir, og um upp-
byggingu í Írak eftir þessar aðgerðir,
séu þýðingarmiklar,“ sagði Davíð
Oddsson. Þótt Halldór tæki einnig
undir yfirlýsingarnar mátti á honum
heyra að hann hefði kosið að menn
hefðu gefið sér meiri tíma: „Síðan
þessi fundur átti sér stað hafa menn
hætt að leita þeirrar lausnar að ný
ályktun verði samþykkt hjá SÞ. Ég
harma það og leyni ekki þeirri skoð-
un minni að mikilvægt hefði verið að
gefa sér lengri tíma,“ sagði Halldór.
Auk stuðnings við Azor-yfirlýs-
inguna má nefna að þingsályktunar-
tillaga sem VG lagði fram snemma í
mars, þess efnis að ríkisstjórnin
beitti sér gegn áformum um innrás í
Írak fékkst ekki afgreidd úr utanrík-
ismálanefnd þar sem þingmenn
stjórnarmeirihlutans höfnuðu því að
hún yrði afgreidd úr nefndinni.
Sögusagnir um ágreining
Ekki kemur fram að hve miklu
leyti þeir Halldór og Davíð ræddu
þetta mál innan ríkisstjórnarinnar.
Þá voru og uppi sögusagnir um að
ágreiningur hefði verið milli forsæt-
is- og utanríkisráðherra um málið.
Davíð neitaði því alfarið og í aðsendri
grein í Morgunblaðinu nokkrum dög-
um eftir að stríðið var hafið skrifaði
Halldór að „forystumenn ríkisstjórn-
arinnar“ hefðu komist að þeirri
„sameiginlegu niðurstöðu“ að rétt
væri að taka undir Azoreyjayfirlýs-
inguna.
Stjórnarandstöðuflokkarnir lögð-
ust allir gegn aðild Íslands að átök-
unum í Írak. Eftir Azoreyjayfirlýs-
inguna og þegar stuðningur Íslands
við fyrirhugaðar aðgerðir Banda-
ríkjamanna og Breta í Írak lá fyrir
fóru Össur Skarphéðinsson, formað-
ur Samfylkingarinnar, og Steingrím-
ur J. Sigfússon, formaður Vinstri-
hreyfingarinnar – græns framboðs,
fram á að sérstakur fundur yrði hald-
inn án tafar í utanríkismálanefnd
vegna málsins. Sögðu þeir þingsköp
brotin þar sem nefndin hefði ekki
verið kölluð saman, slíkt ætti að gera
þegar um meiri háttar utanríkismál
væri að ræða. Sagði Steingrímur
raunar að niðurlæging nefndarinnar
og Alþingis fullkomnuðust í því að
fréttir af stuðningi Íslands yrðu op-
inberar þegar Bandaríkjastjórn birti
lista yfir lönd sem fylgdu þeim að
málum.
Sigríður Anna Þórðardóttir, sem
var formaður nefndarinnar á þessum
tíma, sagði að engin stefnubreyting
hefði orðið í utanríkismálastefnu rík-
isstjórnarinnar og því væri af og frá
að þingsköp hefðu verið brotin.
Bandaríkin birtu „lista hinna
staðföstu“ eftir að stuðn-
ingsyfirlýsingar bárust
Stjórnarandstaðan
gagnrýndi harðlega
stuðning Íslands við að-
gerðir bandamanna í
Írak og sakaði stjórnina
m.a. um að hafa virt
Alþingi að vettugi.
Arnór Gísli Ólafsson
fer hér yfir aðdraganda
þess að Ísland studdi
aðgerðirnar í Írak.
Morgunblaðið/Þorkell
Ráðherrarnir Halldór Ásgrímsson og Davíð Oddsson á þingfundi.
arnorg@mbl.is
ALLS 126 börn voru skráð sjón-
skert hjá Sjónstöð Íslands hinn 1.
desember 2003, þ.e. með sjón
minni en 30% með bestu glerjum.
Kemur þetta m.a. fram í skriflegu
svari heilbrigðis- og trygginga-
málaráðherra, Jóns Kristjánssonar,
við fyrirspurn Jóhönnu Sigurðar-
dóttur, þingmanns Samfylkingar.
Skv. svarinu er talið að um 10%
allra barna, til sautján ára aldurs,
þurfi að nota gleraugu að staðaldri.
„Ef reiknað er með að allt að um
10% barna þurfi á gleraugum að
halda svarar það til þess að um
7.400 börn noti gleraugu.“
Börnin 126, sem skráð eru sjón-
skert hjá Sjónstöð Íslands, fá gler-
augu eftir þörfum endurgjaldslaust
eins og önnur sjónhjálpartæki.
„Einnig greiðir hið opinbera vegna
gleraugnakaupa fyrir ákveðna
hópa barna yngri en 16 ára og er
meginreglan sú að styrkja gler-
augnakaup þeirra sem ætla má að
muni ekki þroska eðlilega sjón án
gleraugnanotkunar,“ segir í svar-
inu.
Tíu af hundraði allra
barna nota gleraugu
ATVINNA mbl.is