Morgunblaðið - 09.12.2004, Síða 43

MORGUNBLAÐIÐ FIMMTUDAGUR 9. DESEMBER 2004 43
MINNINGAR
✝ Margrét Arn-grímsdóttir
fæddist á Akureyri
25. desember 1946.
Hún lést á Fjórð-
ungssjúkrahúsinu á
Akureyri 29. nóvem-
ber síðastliðinn. For-
eldrar hennar eru
Arngrímur Sigurjón
Stefánsson, f. 15. júlí
1920, og Kristjana
Margrét Sigurpáls-
dóttir, f. 16. maí
1921. Systkini Mar-
grétar eru: 1) Sigrún
Pálína, f. 15. maí
1943. 2) Kolbrún, f. 19. desember
1944, maki Svavar Berg Pálsson.
3) Anna Kristín, f. 16. júlí 1948,
maki Úlfar Þormóðsson. 4) Stef-
án, f. 16. mars 1951, maki Guðrún
Lóa Jónsdóttir. 5) Einar, f. 2. júní
1955, maki Lovísa María Sigur-
geirsdóttir. 6) Örn, f. 16. maí 1959,
maki Anna Dóra Hermannsdóttir.
7) Kristjana, f. 16. mars 1961,
maki Kristján Eldjárn Hjartarson.
Hinn 1. desember 1966 giftist
Margrét Hermanni Ægi Aðal-
steinssyni, húsasmíðameistara á
Akureyri, f. 21. apríl 1945. For-
eldrar hans eru Þórey Bryndís, f.
28. júní 1922, og Að-
alsteinn Ólafsson, f.
26. febrúar 1920, d.
21. október 1994.
Börn Margrétar og
Ægis eru: 1) Díana
Bryndís, f. 13. maí
1969, sambýlismað-
ur Davíð Thor
Adessa, börn hennar
með fyrrverandi
maka, Brynjólfi
Trausta Benedikts-
syni, eru Brimar
Örn, f. 14. mars
1995, og Máney Dís,
f. 19. júní 1998, 2)
Víðir Már, f. 1. nóvember 1972,
búsettur á Bakkafirði, sambýlis-
kona Linda Diego.
Margrét ólst upp á Dalvík en
starfaði ung við ýmis þjónustu-
störf á Akureyri og víðar. Eftir að
hún giftist eftirlifandi eiginmanni
sínum bjó fjölskyldan um hríð á
Akureyri og nágrenni en flutti
síðar til Bakkafjarðar þar sem
þau hjónin stunduðu útgerð og
byggðu sér fallegt heimili á Skóla-
götu 2.
Útför Margrétar verður gerð
frá Akureyrarkirkju í dag og
hefst athöfnin klukkan 13.30.
Fögur sem fiðrildi á blómi
flýgur um himininn.
Seiðandi söngur hljómar háum rómi
hjartans Gréta engillinn.
Guð veri með þér.
Þín frænka
Indíana.
Hjartans kæra Gréta mín. Nú er
mér þungt um hjartarætur. Undan-
farnir dagar hafa verið dimmir en
framundan er ljós jólanna. Ég vona
að það ljós lýsi inn í hjörtu okkar allra
sem söknum þín og syrgjum. Þú
varst barn ljóssins, því þú fæddist á
jólunum. Bros þitt og faðmur stöfuðu
frá sér hlýju og góðvild og gestrisni
ykkar Ægis var einstök. Oft var glatt
á hjalla hjá okkur systkinunum er við
söfnuðumst saman hjá pabba og
mömmu í Ásbyrgi. Þá var sungið við
raust og sungið af gleði.
Nú hefur skarð verið höggvið í
þennan hóp. Minningarnar streyma
fram, þær munu ylja mér um hjarta-
rætur í framtíðinni.
Mínar innilegustu samúðarkveðjur
til ykkar, elsku Ægir, Díana, Víðir,
Brimar og Máney.
Drottinn er minn hirðir, mig mun
ekkert bresta.
Á grænum grundum lætur hann mig
hvílast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um rétta vegu
fyrir sakir nafns síns.
Jafnvel þótt ég fari um dimman dal,
óttast ég ekkert illt,
því að þú ert hjá mér,
sproti þinn og stafur hugga mig.
Þú býr mér borð
frammi fyrir fjendum mínum,
þú smyr höfuð mitt með olíu,
bikar minn er barmafullur.
Já, gæfa og náð fylgja mér
alla ævidaga mína,
og í húsi Drottins bý ég
langa ævi.
(23. Davíðssálmur.)
Ég kveð þig, elsku systir mín, með
þessum orðum úr Davíðssálmum.
Þín
Kolbrún.
Tvær litlar hnátur sitja í laut í fjall-
inu eina, Böggvisstaðafjalli, tína ber í
krukku, bláar um varir og sólin skín,
fjörðurinn spegilsléttur, mótorskellir
frá bát sem siglir inn með afla. End-
urminningin merlar æ í mínum huga.
Við tínum berin blá, fleiri í munn en
krukku, eltum kónguló og sönglum:
„Kónguló, kónguló, vísaðu mér á
berjamó“. Settumst á þúfu, sátum og
mösuðum um fortíð, nútíð og framtíð
sem virtist í órafjarlægð, áttum okk-
ur drauma sem voru trúnaðarmál á
þessum sólardegi bernskunnar. Á
heimleiðinni datt sú yngri og krukk-
an tæmdist, ég volaði en Gréta mín
hellti úr sinni krukku í þá tómu, svo
settum við örlítið lyng með svo upp-
skeran virtist sæmileg og stóra fjöl-
skyldan í Ásbyrgi fékk bláber í skyr-
ið.
Endurminningin merlar; á litla
teppinu hjá Stínu frænku hnipra sig
systur tvær og bíða eftir flugtaki,
hjörtun slá ótt og títt, frænka er að
segja okkur ævintýri og búin að sann-
færa opineygar hnátur um að þær
sitji á töfrateppi sem fljúgi með þær
um veröldina. Þegar ég legg upp í
ferðina, sem þú ert nú farin í, veit ég
að þú bíður mín á töfrateppinu, þá
tylli ég mér hjá þér og við svífum
saman á vit nýrra ævintýra.
Þín
Anna Kristín.
Nú ríkir mikill söknuður og sorg í
stóra systkinahópnum úr Ásbyrgi.
Gréta systir er horfin á braut. Þessi
systir okkar sem var svo glaðvær og
skemmtileg, með kímnina á taktein-
um fram á síðustu stundu. Ég veit að
hún ætlast ekki til þess að við látum
sorgina buga okkur, ég er viss um að
hún er einhvers staðar með okkur og
vill halda glaðværð á lofti eins og
henni var einni lagið.
Það atvikaðist svo að á unglings-
árum og fram yfir tvítugt bjó ég af og
til á heimili Grétu og Ægis vegna
skólagöngu á Akureyri. Minningin
um það yljar mér um hjartarætur.
Gréta lærði snemma að spila á gítar
og var mjög tónelsk og það átti hún
sameiginlegt með manni sínum og því
var oft kátt á hjalla á heimili þeirra.
Reyndar er það svo að þegar maður
hugsar til baka, þá man ég ekki aðrar
stundir með henni systur minni en
þær sem vöktu manni gleði og kátínu.
Gréta var líka blíð og skilningsrík við
mig, litla bróður sem var kannski
ekki alltaf auðvelt að hafa inni á
heimili, eins og þegar ég smátt og
smátt tæmdi kökuboxið hennar fyrir
jólin og upp komst, þá lét hún bara
sem hún væri upp með sér af því að
mér skyldi þykja kökurnar svona
góðar. Þegar sorgin sækir að er gott
að eiga minningu um hjartahlýja,
glaðværa og skynsama systur sem
gaf okkur öllum gott fordæmi í æðru-
leysi sínu í erfiðum veikindum síðustu
mánaða. Guð blessi þig, Gréta mín.
Elsku mágur, Díana, Víðir, Brimar
og Máney, megi lífið brosa við ykkur
á ný sem fyrst.
Stefán Arngrímsson.
Elsku Gréta systir, mágkona og
frænka. Við þökkum þér fyrir hlát-
urinn þinn, brosin þín og brandarana.
Þú hefur alltaf verið sannur gleði-
gjafi. Þannig munum við þig. Ef ein-
hver gat kennt okkur að horfa björt-
um augum á lífið þá varst það þú.
Blessuð sé minning þín. Við vottum
Ægi, Díönu,Víði og fjölskyldum
þeirra okkar innilegustu samúð.
Einar, Lovísa María og börn.
Í dag kveð ég Grétu systur mína í
hinsta sinn, þegar hún verður jarð-
sungin frá Akureyrarkirkju. Fyrir
nokkru síðan mátti búast við að
ferðalag hennar í þessum heimi tæki
brátt enda, en ferðalokin koma manni
samt í opna skjöldu og söknuðurinn
er mikill.
Það eru margar góðar minningar,
sem hún skilur eftir hjá mér. Þegar
gesti bar að garði voru móttökurnar
jafnan rausnarlegar á hinu notalega
heimili hennar og Ægis.
Samúð mín með Ægi, eiginmanni
hennar, er einlæg, hann hefur misst
hlýjan og ástkæran lífsförunaut.
Minningarnar streyma um hug-
ann, minningar sem ég mun varð-
veita vel. Þessi fáu orð eiga að vera
þakklætisvottur fyrir allt sem þú
gerðir fyrir mig, kæra systir.
Elsku Ægir minn, Víðir, Díana og
barnabörnin, ég votta ykkur öllum
mína innilegustu samúð. Missir ykk-
ar er mikill og bið ég góðan guð að
varðveita ykkur og styrkja.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Þín systir
Sigrún.
MARGRÉT
ARNGRÍMSDÓTTIR
Ástkær móðir okkar, tengdamóðir, amma,
langamma og langalangamma,
SIGURBJÖRG ÓLAFSDÓTTIR,
Hæðargarði 33,
verður jarðsungin frá Bústaðakirkju föstu-
daginn 10. desember kl. 13.00.
Anna Ólína Jóhannesdóttir,
Ragnar V. Jóhannesson, Hafdís Moldoff,
Grettir Kristinn Jóhannesson, Sigríður Arngrímsdóttir.
Elskuleg móðir mín og fósturmóðir,
INGIBJÖRG JÓNA HANSDÓTTIR,
Fellaskjóli,
Grundarfirði,
sem andaðist á Sjúkrahúsi Akraness föstu-
daginn 3. desember, verður jarðsungin frá
Grundarfjarðarkirkju laugardaginn 11. desem-
ber kl. 14.00.
Fyrir hönd vandamanna,
Matthildur Kristrún Friðjónsdóttir,
Guðlaug Björgvinsdóttir.
Þökkum innilega samúð og vinarhug við fráfall
eiginkonu minnar, móður okkar, tengdamóður,
ömmu, langömmu og systur,
KRISTÍNAR ÞORSTEINSDÓTTUR,
Kristnibraut 79,
áður til heimilis í Hraunbæ 100.
Jóhann Guðmundsson,
Solveig Jóhannsdóttir,
Hrönn Harðardóttir, Þorsteinn Lýðsson,
Solveig Þóra Þorsteinsdóttir,
Erna Harðardóttir,
Þorsteinn Jóhannsson, Katrín Sigurðardóttir,
Kristín Þorsteinsdóttir,
Páll Þorsteinsson,
Pétur Þorsteinsson,
Valdís Þorsteinsdóttir,
Steinar Þorsteinsson,
Þóra Þorsteinsdóttir.
Við, fjölskylda
SIGURJÓNS PÉTURSSONAR,
þökkum auðsýnda samúð og stuðning.
Megi guð vera með ykkur.
Guðrún H. Pálsdóttir.
Elskuleg móðir okkar, tengdamóðir, amma
og langamma,
INGUNN BJÖRNSDÓTTIR,
Brekkukoti,
Blönduhlíð,
sem andaðist mánudaginn 29. nóvember,
verður jarðsungin frá Miklabæjarkirkju laugar-
daginn 11. desember kl. 14.00.
Sigrún Geirsdóttir, Gunnar Helgi Magnússon,
Gerður Geirsdóttir,
Grétar Geirsson, Sigrún Lóa Jósefsdóttir,
Herdís Aðalheiður Geirsdóttir, Jóhann Ólafsson,
Gísli Hólm Geirsson, Sólveig Sigr. Einarsdóttir,
Erna Geirsdóttir, Gísli Frostason,
Valgerður Sigr. Geirsdóttir, Birgir Valdimarsson,
barnabörn og barnabarnabörn.
Elskulegur sonur okkar, bróðir, unnusti, dóttur-
sonur og frændi,
EGILL FANNAR GRÉTARSSON,
Fellsenda,
Þingeyjarsveit,
varð bráðkvaddur sunnudagskvöldið 5. desem-
ber.
Minningarathöfn mun fara fram í Þorgeirskirkju
í Þingeyjarsveit laugardaginn 11. desember klukkan 14:00.
Fyrir hönd aðstandenda,
Kristín Harpa Þráinsdóttir, Sigurður Haraldsson.
Morgunblaðið birtir minningar-
greinar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgun-
blaðið í fliparöndinni – þá birtist
valkosturinn „Senda inn minning-
ar/afmæli“ ásamt frekari upplýs-
ingum).
Skilafrestur Ef birta á minning-
argrein á útfarardegi verður hún
að berast fyrir hádegi tveimur
virkum dögum fyrr (á föstudegi ef
útför er á mánudegi eða þriðju-
degi). Ef útför hefur farið fram
eða grein berst ekki innan hins til-
tekna skilafrests er ekki unnt að
lofa ákveðnum birtingardegi. Þar
eð pláss er takmarkað getur birt-
ing dregist, enda þótt grein berist
áður en skilafrestur rennur út.
Lengd Minningargreinar séu ekki
lengri en 2.000 slög (stafir með
bilum - mælt í Tools/Word Count).
Ekki er unnt að senda lengri grein.
Hægt er að senda örstutta kveðju,
HINSTU KVEÐJU, 5-15 línur, og
votta þeim sem kvaddur er virð-
ingu sína.
Minningar-
greinar