Morgunblaðið - 14.01.2005, Qupperneq 24

24 FÖSTUDAGUR 14. JANÚAR 2005 MORGUNBLAÐIÐ
DAGLEGT LÍF
Vegna aðsóknar er búið að bæta við auka morgunnámskeiði!
Í átta ár hefur NTV boðið upp á Skrifstofu- og tölvunám. Á þessum árum
hefur námskeiðið þróast mikið, áherslur þess breyst í takti við tímann og
vinnumarkaðinn. Það er samdóma álit þeirra sem ljúka náminu að það sé
krefjandi en umfram allt uppbyggilegt, styrkjandi og skemmtilegt.
Námið er 258 stundir og skiptist í fjóra flokka:
- Windows stýrikerfið
- Word ritvinnsla
- Excel töflureiknir
- Power Point kynningarefni
- Access gagnagrunnur
- Internetið & Tölvupóstur
Tölvunám - 96 stundir
- Verslunarreikningur
- Bókhald
- Tölvubókhald Navision MBS®
Viðskiptagreinar - 108 stundir
- Tímastjórnun og
markmiðasetning
- Sölutækni og þjónusta
- Framsögn og framkoma
- Mannleg samskipti
- Streitustjórnun
- Atvinnuumsóknir
Sjálfsstyrking - 30 stundir
- Auglýsingatækni
- Markhópagreining
- Gerð birtingaráætlana
- Gagnvirk tenging forrita
- Flutningur lokaverkefnis
Lokaverkefni - 24 stundir
„Með náminu öðlaðist ég þekkingu og
sjálfstraust til að sækja um spennandi
störf. Því þorði ég ekki áður!“
Eftir að hafa sinnt börnum og búskap
og unnið við ýmis störf sl. 20 ár
ákvað Helga að fara í skóla.
Hana langaði til að reyna fyrir
sér á öðrum starfsvettvangi.
Hún starfar í dag sem innheimtu-
fulltrúi hjá Rekstrarvörum.
Í tölvuhlutanum er lögð áhersla á þau forrit sem
nemandi þarf að kunna á til að öðlast TÖK-skírteini
sem er alþjóðleg viðurkenning á tölvukunnáttu hans.
NTV er eini skólinn þar sem öll 7 TÖK prófin og
alþjóðlegt prófskírteini er innifalið í náminu.
Kenndur er sá hluti verslunarreiknings sem mest er
notaður á skrifstofunni og tekin fyrir flest þau atriði sem
þarf til að færa bókhald fyrir lítil og meðalstór fyrirtæki.
NTV leggur mikið upp úr því að ná fram því besta úr
hverjum og einum nemanda. Það er ekki nóg að búa
yfir þekkingu og hæfileikum. Nemandinn þarf einnig
að þekkja styrk sinn og veikleika, kunna að stýra tíma
sínum, setja sér skýr markmið og kunna að selja öðrum
hugmyndir sínar og skoðanir.
„Skemmtilegasti og erfiðasti hluti námsins“ segja margir.
Unnið er í 3-4 manna hópum að markaðssetningu á
vöru eða þjónustu. Lokaverkefnisvinnan er skemmtileg,
krefjandi og framsett á þann hátt að hún taki á flestum
þáttum námskeiðsins.
SKRIFSTOFU-
& TÖLVUNÁM
Næstu námsskeið:
Morgunnámskeið 1
Alla virka daga frá kl. 8:30-12:30
Byrjar 7. feb. og lýkur 14. apríl.
Morgunnámskeið 2
Þri, fim. og fös. frá kl. 8:30-12:30
Byrjar 8. feb. og lýkur 28. maí.
Kvöldnámskeið 1
Þri. og fim. 18-22 og lau. 8:30-12:30
Byrjar 8. feb. og lýkur 28. maí.
UPPLÝSINGAR OG SKRÁNING Í SÍMA 544 4500 OG Á NTV.IS
Helga Sigríður Kristjánsdóttir
- Innheimtufulltrúi hjá Rekstrarvörum
FÆREYINGAR og Norðmenn eiga
auðveldast með að skilja hin nor-
rænu tungumálin að því er rann-
sóknir á afstöðu Norðurlandabúa til
norrænu tungumálanna leiða í ljós.
Einnig kom í ljós að Danir taka helst
Norðurlandaþjóðanna upp erlend
tökuorð í málið en Íslendingar og
Norðmenn eru helstu andstæðingar
tökuorðanna, að því er fram kemur í
fréttatilkynningu frá Norræna
menningarsjóðnum. Enn fremur
kemur fram að Íslendingar hafa
mest tengsl við ensku af Norð-
urlandaþjóðunum. Í annarri rann-
sókninni tóku þátt um tvö þúsund
framhaldsskólanemar á Norð-
urlöndum og foreldrar þeirra og er
það stærsta rannsókn sem gerð hef-
ur verið til að kanna skilning Norð-
urlandabúa á norrænu tungumál-
unum þremur, dönsku, norsku og
sænsku. Í hinni rannsókninni var
fjallað um nútíma erlend tökuorð og
hvaða áhrif þau hafa á norræn
tungumál. Í rannsókninni var sýnt
fram á, að fyrst og fremst ensk töku-
orð verða stöðugt algengari. Árið
1975 var um hálft prósent dagblaða-
texta í Skandinavíu tökuorð, nú eru
þau um 1,2 prósent af textanum, að
því er segir í tilkynningunni.
Norðmenn skilja best
granna sína
Unglingarnir sem þátt tóku í könn-
uninni prófuðu tungumálaskilning
sinn með því að horfa á sjónvarps-
efni, hlusta á fréttir í útvarpi og lesa
dagblaðagreinar. Fram kom að
Norðmenn eru töluvert betri en aðrir
Norðurlandabúar í að skilja tungu-
mál granna sinna og að Svíar og
sænskumælandi Finnar eru betri en
Danir. Og Norðmenn eru betri í
sænsku en ensku. „Svíar og Danir
skilja norsku best. Bestir eru Fær-
eyingar og verstir eru finnskumæl-
andi Finnar. Enska er þó það tungu-
mál sem unga fólkið er best í, betra
en í norrænum tungumálum grann-
þjóða sinna,“ segir í fréttatilkynning-
unni. Ennfremur kom fram í rann-
sókninni að íbúar höfuðborganna
Stokkhólms og Kaupmannahafnar
hafa verri skilning á nágrannatungu-
málunum en þeir Svíar og Danir sem
búa utan höfuðborganna.
 RANNSÓKN | Norræn tungumál
Íslendingar
eru andvígastir
tökuorðum
Morgunblaðið/Þorkell
Við á Íslandi höfum mest tengsl við ensku af Norðurlandaþjóðunum.
SUÐUR-Kóreskir vísindamenn
sýndu nýlega vélmenni sem getur
lært nýja hluti. Á vef Berlingske
tidende segir að nú séu mann-
eskjulegu vélmennin sem gjarnan
hafi sést í kvikmyndum sem gerast í
framtíðinni eða eru byggðar á
vísindaskáldsögum komin skrefi
nær raunveruleikanum. Vís-
indamennirnar sögðu að þeir hefðu
þróað heimsins klárasta vélmenni
sem getur bæði hugsað og lært líkt
og fólk. Vélmennið líkist unglingi í
klæðaburði og er þráðlaust. Það
bætir sífellt við sig þekkingu með
námi og er tengt þráðlausri tölvu
sem gerir það að verkum að það
getur skipt út upplýsingum í gegn-
um netþjón og brugðist fljótt við
breyttum aðstæðum.
Reuters
Heimsins klárasta vélmenni
 SKONDIÐ