Morgunblaðið - 14.01.2005, Qupperneq 47

MORGUNBLAÐIÐ FÖSTUDAGUR 14. JANÚAR 2005 47
DAGBÓK
Þetta líf. Þetta líf,“ er nafn sjónvarps-tímarits sem opnað verður í fyrstasinn í dag á slóðinni thorsteinnj.is, enþar mun Þorsteinn J. Vilhjálmsson,
fréttamaður og dagskrárgerðarmaður, birta
sjónvarpsefni eftir sjálfan sig, um listina og lífið
í stóru samhengi. „Þarna er ég í milliliðalausu
sambandi við áhorfandann,“ segir Þorsteinn og
bætir við að um leið og aldrei hafi verið auð-
veldara að framleiða og vinna sjónvarpsefni sé
orðið sífellt erfiðara að koma því að sökum tak-
markaðs pláss í dagskrá sjónvarpsstöðva og
það sama gildi um prentmiðla. „Netið er hvorki
prentmiðill né sjónvarp, heldur eitthvað þar á
milli. Það er loksins farið að vera það hraðvirkt
að hægt er að nota það fyrir lifandi myndir,
sjónvarpsefni, og þess vegna kalla ég þetta
sjónvarpstímarit. Þarna hefur líka skapast al-
veg nýtt tækifæri til að dreifa sjónvarpsefni, og
manifestó fyrsta tölublaðsins segir svosem allt
sem þarf: Dauði sjónvarpsstjórans! Þetta er
leið til að sýna efni án afskipta eins eða neins,
sjónvarpsstjóra eða auglýsenda. Það eru engar
auglýsingar í þessu sjónvarpstímariti, engir
styrktaraðilar. Fólki er boðið að gerast áskrif-
endur, sem er í sjálfu sér táknrænn stuðningur
við tímaritið, líkt og þegar hlustendur National
public radio í Bandaríkjunum senda inn fram-
lög, einfaldlega vegna þess að þeir vilja hafa
fjölbreytt efni í viðtækinu. Það er öllum ljóst að
við þurfum fjölbreyttara efni í viðtækjunum
okkar. Það var mikil opinberun þegar ég fór
með þessa hugmynd í veffyrirtækið Caoz. Þeir
kveiktu strax á hugmyndinni, að nota vefinn til
að senda út, en ekki bara einsog búðarglugga
sem maður vonar að einhver eigi leið framhjá.“
En fáum við ekki nóg efni í sjónvarpinu?
„Ég held að Sjónvarpið, Stöð2 og Skjár1
standi sig að mörgu leyti vel, þar er sýnt alls-
konar dægurefni, framhaldsþættir, fréttir,
íþróttir og fleira, sem er stórfínt. Samt sem áð-
ur getum við verið að gera svo miklu miklu bet-
ur. Það er allt hægt. Ég þarf ekki annað en að
labba eftir Vesturgötunni, sem ég bý við, til að
finna efni. Við sem vinnum við fjölmiðla getum
gert miklu meira þrátt fyrir að það séu til litlir
peningar og landið sé strjálbýlt og íbúarnir fáir.
Ég sé sjálfur um að taka þessar myndir í tíma-
ritið og viðtölin, klippa efnið og koma því í end-
anlegt horf. Pétur Grétarsson leggur mér til
tónlistina sem gefur efninu vídd og hjartslátt.
Þetta er ekki flóknara en það.“
Vefritið kemur út mánaðarlega og skiptir
Þorsteinn út efninu jafnóðum, svo það hleðst
ekki upp. Í efninu er tekið persónulegt sjón-
arhorn á það litla og stóra í umhverfinu, lífið
eða listina. „Tilgangurinn með tímaritinu er
fyrst og fremst að skoða heiminn betur, það er
ekki nýtt í sjálfu sér, en það er alltaf nýtt ef
það er gert með opnum augum, hreinu hjarta
og nægilega mikilli forvitni,“ segir Þorsteinn að
lokum.
Fjölmiðlun | Nýtt sjónvarpstímarit með stuttum sjónvarpsþáttum eftir Þorstein J.
Sjónvarpsstjóra svipt til hliðar

Þorsteinn J. Vil-
hjálmsson er fæddur í
Reykjavík árið 1964.
Hann lauk stúdentsprófi
frá Fjölbrautaskólanum
við Ármúla og BA-prófi í
almennri bókmennta-
fræði frá Háskóla Ís-
lands. Þorsteinn hefur
starfað við fjölmiðla frá
1982 og komið víða við,
bæði sem fréttamaður,
dagskrárgerðarmaður og sjálfstæður heimild-
armyndagerðarmaður. Þorsteinn er kvæntur
Maríu Ellingsen og eiga þau þrjú börn.
50 ÁRA afmæli. Í dag, 14. janúar,er fimmtugur Ragnar Þor-
steinsson, bóndi í Sýrnesi, Aðaldal, S-
Þingeyjarsýslu. Kona hans er Hólm-
fríður Kristjánsdóttir. Þau hjónakorn-
in verða að heiman á afmælisdaginn.
Árnaðheilla
dagbók@mbl.is
Heitur grautur.
Norður
♠D8
♥ÁG
♦K62
♣ÁKD975
Vestur Austur
♠76532 ♠Á104
♥97 ♥865432
♦D10 ♦G54
♣G864 ♣3
Suður
♠KG9
♥KD10
♦Á9873
♣102
Hvernig nálgast kötturinn heitan
grautinn? Hann gerir það varlega.
Suður spilar sex grönd og ætti að taka
köttinn sér til fyrirmyndar og nálgast
líflitinn sinn seint og varlega. Láta
fyrst aðeins rjúka úr spilunum.
Útspil vesturs er spaðatvistur
(þriðja/fimmta) og austur tekur á ásinn
og spilar spaðatíu í næsta slag. Sagn-
hafi sér strax að spilið rennur upp ef
laufið fellur (eða gosinn kemur blank-
ur), en ekkert liggur á að taka þrjá
efstu. Hann getur spilað tíunni á ásinn,
en svo er rétt að taka slagina til hliðar
og sjá hvort vísbendingar komi um
skiptinguna. Og viti menn, vestur
reynist eiga tvílit í hjarta. Útspilið –
spaðatvisturinn – og spaðatía austurs í
öðrum slag, benda saman til þess að
spaðinn sé 5-3. Sé það rétt, þá er skipt-
ing vesturs annað hvort 5-2-2-4 eða 5-
2-3-3. Óvissan liggur í þriðja tíglinum.
Eða hvað? Vestur fylgir lit í ÁK í
tígli með tíu og drottningu. Getur hann
átt gosann líka? Fræðilega, svo sem, en
myndu ekki flestir spila drottningunni
út með DG10 í lit?
Auðvitað. Þetta er afgreitt mál,
grauturinn er orðinn volgur og tíma-
bært að slafra honum í sig, fyrst með
því að svína níunni.
BRIDS
Guðmundur Páll Arnarson | dagbok@mbl.is
Brúðkaup | Gefin voru saman 17. júlí
sl. í Reykholtskirkju í Borgarfirði af sr.
Gunnari Kristjánssyni þau Ástríður
Einarsdóttir og Guðmundur Hrafn
Björnsson. Heimili þeirra er á Túngötu
21a, Hvanneyri. Með á myndinni eru
synir þeirra Ísar Þorri og Guðmundur
Pétur.
Þróunaraðstoð
LANDAR góðir!
Get ekki lengur setið auðum hönd-
um viðvíkjandi hina miklu umfjöllun
af hinum hræðilegu náttúruhamför-
um í Austurlöndum fjær.
Þjóðir heimsins eru harmi slegnar
og menn setur hljóða yfir þeim hörm-
ungum, sem þar hafa átt sér stað.
Flesta vantar þó þekkinguna á hinni
raunverulegu eymd og afkomu þessa
fólks. Virðast sumum nú vera tæki-
færi til að nota áróðursvélina og lýsa
yfir, háum rómi, að nú skuli þessu
fólki verða rétt hjálparhönd og millj-
ónum dollara skuli vera útbýtt til
þeirra útréttu handa.
Á mínum 23 ára starfsferli sem
áhafnarmeðlimur Cargolux gafst
mér tækifæri til að sjá aðbúnað þessa
fólks og þarmeð fá svolítinn skilning
á lifnaðarháttum þess, sem eru,
stuttlega, alveg hræðilegir. Fáir gera
sér ljóst hvað fátæktin er mikil og
hvað lifnaður fólksins er á miklu
frumstigi. Fólk býr í hrörlegum hús-
kofum, jafnvel aðeins með frum-
stæðu þaki, sem varla hylur það fyrir
ofankomu, hvað þá hinni ógurlegu
öldu af völdum jarðskjálfta. Þetta
fólk er einnig algjörlega ósjálfbjarga,
ósynt og þekkingarleysið á yfirvof-
andi óförum er algjört.
Ástæða mín fyrir þessum skrifum
er þó grein, sem núna birtist á Morg-
unblaðsnetinu og fjallar um aðstoð
Þróunarsamvinnustofnunar Íslands.
Þarna er loksins komin rétta leiðin,
að hjálpa þessu fólki að hjálpa sér
sjálft. Peningar fara oft rangar leiðir,
nema undir beinu eftirliti gefandans,
en það er það eina, sem virkar. Gam-
an er, að „Landinn“ skuli vera með
þeim fyrstu til að sjá þennan gæfu-
veg.
Með virðingu,
B.B. Sveinsson, USA.
Ekki við hæfi
Í TÓNLISTARMYNDBANDI með
stúlknaflokknum Nylon er í bak-
grunninn sýnt frá hnefaleikakeppni.
Þar eru ekki notaðir hanskar né
hjálmar. Ekkert blóð sést. Þetta er
mjög líklega leikið myndband en
þarna virðast samt gefin þung högg.
Nylon er mjög vinsæl meðal yngri
kynslóðarinnar og þess vegna finnst
mér þetta myndband ekki við hæfi til
sýningar fyrir svona unga krakka
vegna ofbeldis sem sýnt er í mynd-
bandinu.
Þórhallur.
Fuglafóður og gæsir
SL. LAUGARDAG var í Velvakanda
pistill um konu sem býr í fjölbýlishúsi
og þar er bannað að gefa smáfugl-
unum fuglafóður. Veit ég að það eru
margir sem vilja ekki dreifa fugla-
korni á lóðirnar hjá sér, því að þá
koma gæsirnar og borða fuglafóðrið
og allt verður útatað í gæsaskít.
María.
Papageno er týndur
áÁlftanesi
HANN er af kyninu Pibetan Spaniel,
er frekar lítill, svartur og brúnn og
með svart trýni. Hann týndist á
Álftanesinu aðfaranótt 12. janúar.
Þeir sem hafa orðið hans varir vin-
samlega hafi samband í síma
699 2868.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/Sverrir
MIRALE er eini
umboðsaðili
Cassina á Íslandi
MIRALE
Grensásvegi 8
108 Reykjavík
sími: 517 1020
Opið:
mán. - föstud. 11-18
laugard. 11-15
áður kr. 345.000
nú kr. 279.000