Morgunblaðið - 24.02.2005, Blaðsíða 4

4 FIMMTUDAGUR 24. FEBRÚAR 2005 MORGUNBLAÐIÐ
FRÉTTIR
TALSMENN íslensku bygginga-
vörukeðjanna, BYKO og Húsa-
smiðjunnar, segjast ekki óttast
samkeppni frá þýska risanum Bau-
haus en eins og greint var frá í
Morgunblaðinu í gær áformar
Bauhaus að opna stórverslun með
byggingavörur hér á landi vorið
2006.
Jón Helgi Guðmundsson, for-
stjóri BYKO segist í samtali við
Morgunblaðið ekki óttast innkomu
Bauhaus á markað hér á landi.
„Við tökum allri þeirri samkeppni
sem að höndum ber og treystum
okkur vel í það en könnumst hins
vegar ekki við þessi lágu verð
Bauhaus,“ segir Jón Helgi og held-
ur áfram:
„Við höfum skoðað Bauhaus,
sérstaklega í Danmörku, og verð
þeirra, þjónusta og vöruúrval eru
þannig að ég tel að við höfum ekk-
ert að óttast. Við höfum alltaf átt í
samkeppni og innkoma Bauhaus á
markaðinn breytir engu þar um,
við erum hvergi bangin,“ segir Jón
Helgi.
Fagna allri samkeppni
Stjórnendur Húsasmiðjunnar
hafa heyrt af þessum áformum
Bauhaus fyrir þó nokkru, að sögn
Skarphéðins Berg Steinarssonar,
stjórnarformanns Húsasmiðjunn-
ar, sem segist fagna allri sam-
keppni.
„Húsasmiðjan hefur starfað á
samkeppnismarkaði í fjölda ára og
við óttumst það ekki þótt nýr aðili
komi inn á þann markað,“ segir
Skarphéðinn Berg.
Jóhannes Gunnarsson, formaður
Neytendasamtakana segist fagna
því að nýr aðili komi inn á bygg-
ingavörumarkaðinn hérlendis.
„Þessi markaður hefur stjórnast af
tveimur stórum risum, þannig að
fákeppni hefur einkennt þessa
grein. Ég fagna því að þetta fyr-
irtæki komi hingað og geng út frá
að það muni auka samkeppni á
þessum markaði, neytendum til
góðs,“ segir Jóhannes.
Óttast ekki sam-
keppni Bauhaus
„Neytendum til
góðs,“ segir
formaður Neyt-
endasamtakanna

      














 
 

   
 

 
 
 



 

 





 


ÞRÍR gráhegrar hafa gert sig heimakomna í Mývatnssveit síðustu daga í
alveg einstakri veðurblíðu. Þeir standa á sínum löngu leggjum á ísnum
framundan Reykjahlíð og eru mjög varir um sig. Færa sig fjær ef einhver
gengur niður á vatnsbakkann. Gráhegri er fágæt sjón við Mývatn en þó
sást þar einn fugl fyrir tveimur árum.
Morgunblaðið/Birkir Fanndal
Gráhegrar í
Mývatnssveit
BJÖRG Bjarnadóttir, formaður Fé-
lags leikskólakennara, furðar sig á
því af hverju bæjaryfirvöld í Garða-
bæ höfnuðu öllum umsækjendum um
starf leikskólafulltrúa, sem auglýst
var í janúar. Hún segir þetta vekja
furðu í ljósi þess að flestir umsækj-
endurnir hafi verið með framhalds-
menntun í stjórnun og/eða sér-
kennslu og a.m.k. þrír hafi verið með
masterspróf. 13 sóttu um stöðuna og
11 uppfylltu menntunarskilyrði.
Gunnar Einarsson, forstöðumaður
Fræðslu- og menningarsviðs Garða-
bæjar, segir að ákvörðunin um að
hafna umsækjendum feli ekki í sér að
lagt hafi verið almennt mat á hæfi
umsækjendanna til að gegna starfinu.
Hann kveðst vera sannfærður um að
margir þeirra hafi verið hæfir til þess
að gegna starfinu. „Hins vegar þegar
litið er til þeirra áhersluatriða sem
bæjaryfirvöld telja mikilvægast við
þetta starf þá var það niðurstaðan að
hafna öllum umsækjendum.“
Gunnar bendir á að bæjaryfirvöld
vilji skoða vel hvert menntunar- og
þjónustuhlutverk leikskólanna eigi að
vera í framtíðinni auk þess sem þau
vilji skoða mismunandi skólastefnur
og rekstrarform. Bæjaryfirvöld hafi
því leitað til Önnu Magneu Hreins-
dóttur, sem er leikskólastjóri tveggja
einkarekinna leikskóla í Garðabæ og
Kópavogi. Hún hafi þótt hæfust til
þess að liðsinna bæjaryfirvöldum við
framtíðaruppbyggingu leikskólamála
í Garðabæ. Gunnar segir að þó að
margt gott hafi verið gert í leikskóla-
málum í Garðabæ vilji bæjaryfirvöld
framþróun á öllum sviðum skólamála.
Björg segir vinnubrögð bæjaryf-
irvalda í Garðabæ gagnrýniverð. Hún
segist hafa heyrt í nokkrum umsækj-
endanna og þeir hafi tjáð henni að
þeir botni ekkert í þessari ákvörðun
og sumir telji þetta vera móðgun við
umsækjendur. „Ég vonast bara til að
þessir einstaklingar krefjist rök-
stuðnings,“ segir Björg að lokum.
Öllum umsækjend-
um um stöðu leik-
skólafulltrúa hafnað
ENGIN formleg ákvörðun hefur verið tekin um deiliskipulag svæðisins
Linda IV í Kópavogi, en þar mun verslun Bauhaus rísa verði áætlanir fyr-
irtækisins að veruleika. Á skipulagsfundi hinn 1. febrúar síðastliðinn var
tillaga lóðarhafa tekin fyrir og samkvæmt fundargerð samþykkti skipu-
lagsnefnd Kópavogs „að fela bæjarskipulagi að vinna tillögu að deiliskipu-
lagi á grundvelli framlagðra gagna“.
Engin ákvörðun tekin
ÍSLENDINGUR datt í lukkupott-
inn í gær en hann hlaut bónusvinn-
inginn í Víkingalottóútdrætti gær-
kvöldsins, þ.e. fimm réttar tölur
auk bónustölu. Vinningurinn fór
óskiptur en hann hljóðaði upp á
rúmar 22 milljónir kr.
Aðalvinningurinn, rúmar 46
milljónir kr., fór einnig óskiptur og
að þessu sinni féll hann í skaut
heppins Svía. Enginn hafði gefið
sig fram við Íslenska getspá í gær-
kvöldi en vinningsmiðinn var seld-
ur í söluturninum Ný-Ung í Kefla-
vík.
Vann rúmar 22 milljónir
ÁLVERÐ hefur enn hækkað síðustu dagana og
var í gær 1.970 Bandaríkjadalir fyrir tonnið stað-
greitt á málmmarkaðnum í Lundúnum. Þriggja
mánaða verðið var litlu lægra eða 1.957 dalir fyrir
tonnið.
Verðið hefur hækkað jafnt og þétt í vikunni en
það var í rúmum 1.920 dölum í byrjun hennar. Það
er nú orðið um það bil jafnhátt og þegar það fór
hæst í árslok 2004 þegar það fór í um 1.970 dali
tonnið um skamma hríð.
Verðið á áli hefur stöðugt hækkað síðustu miss-
eri, enda er spáð að eftirspurn eftir áli aukist um
4% í ár. Meðalverðið á síðasta ári var um 1.700 dal-
ir fyrir tonnið og hafði ekki verið hærra í níu ár.
Álverð hækkar enn

 
   !!"#
$% !!&