Morgunblaðið - 05.03.2005, Qupperneq 58

58|Morgunblaðið
Hafliði Ragnarsson í Mosfellsbakaríi seg-
ist vera orðinn algjör súkkulaðidrengur og
lítið í því að baka. Hann fékk því yfirbak-
arann, Davíð Frey Jóhannsson, til að
hjálpa sér við smábrauðbakstur fyrir
Fermingarblaðið.
Engin lögmál – bara leikur
Hafliði segir engin lögmál gilda þegar
bera á fram brauð, hvorki hvað varðar
baksturinn né meðlætið. Það sé um að gera
að nýta það sem til er í ísskápnum og þess
vegna henda afgangi af pestói út í deigið,
hálfri fetakrukku ofan á, lauk, tómötum
eða öðru grænmeti, nota það krydd sem til
er í kryddhillunni og leika sér þannig.
Alls kyns pylsur og ostar eru góð með
brauðinu – og hvers vegna ekki að bera
fram sardínur? Svo er það auðvitað maukið
sem er svo vinsælt núna, eins og pestó,
tapenade, papriku- og þistilhjartamauk.
Hafliði segir að tilvalið sé að kaupa slíkt
mauk, en jafnvel bragðbæta það eftir
smekk.
Hann segir gott að hafa sítrónuolíu á
borðinu, hún sé bæði góð út á salöt og á
brauðið. Þá blandar maður góðri ólífuolíu
saman við hreinan sítrónusafa. Reyndar
notar hann líka vínberjasteinaolíu, hún
tekur betur við sítrónunni en ólífuolían. Þá
klikka góðar ólífur auðvitað aldrei og svo
eru ýmiskonar góð salöt og einföld tilvalin
með, og Hafliði laumaði að okkur uppskrift
að einu slíku ásamt þessum girnilegu
ítölsku brauðuppskriftum.
Focaccia-brauð
250 g vatn
500 g hveiti
50 g ólífuolía
1 tsk salt
15 g pressuger
Smávegis ferskt eða þurrkað rósmarín
(má að sjálfsögðu nota annað krydd).
Hnoðið deigið saman eins og venjulegt
brauðdeig, leyfið að standa í skál 30 mín.
og hnoðið upp aftur og látið standa í 15
mín. í viðbót. Skiptið deiginu í þrjú jöfn
stykki þrýstið út á plötu eða í form og látið
hefast. Penslið svo brauðið með ólífuolíu og
setjið á það krydd eða grænmeti og ost eft-
ir smekk. Bakið brauðið við 230°C í 10–15
mín.
Gott ráð við hefingu: Sjóðið vatn í potti
og setjið brauðið á plötunni inn í kaldan
ofninn, setjið pottinn með heitu vatninu
neðst í ofninn og lokið, þá myndast hiti og
raki sem flýtir fyrir hefun og heldur raka í
deiginu. En taka þarf mið af tíma sem tek-
ur svo að hita upp ofninn. Þetta er tilfinn-
ing sem eingöngu kemur með æfingunni.
Grissini-brauðstangir
250 g vatn
520 g hveiti
65 g ólífuolía
1 tsk salt
10 g þurrger
Hnoðið deigið eins og venjulegt brauð-
deig, leyfið því að standa í skál 30 mín.,
hnoðið upp aftur og leyfið að standa í 15
mín. í viðbót. Skiptið deiginu í 30–40 bita
eftir því hvað þið viljið hafa stangirnar
stórar. Rúllið út og veltið upp úr kryddi
eða osti eftir smekk. Þurrhefið í eldhúsinu
með röku stykki yfir. Forhitið ofninn í 210
C°, lækkið síðan niður í 180 C° og bakið í
10–15 mín eða þar til fallegum lit er náð.
Brauðstangirnar geymast vel ef þær eru
settar í box. Flott er að binda þær nokkrar
saman með basti til að skreyta borð með.
Jógúrtsalat
150 g hrein jógúrt
1 tsk tómatkraftur
1 tsk eplaedik
salt og pipar
púrrulaukur
rauðlaukur
100 g nýrnabaunir
baunaspírur
Hrærið saman jógúrt, tómatkrafti og
eplaediki, kryddið með salti og pipar.
Blandið nýrnabaunum, rauðlauk, púrru-
lauk og baunaspírum saman við.
Morgunblaðið/Golli
Gott brauð
og flott
Framandi brauð er flott á fermingarborðið. Öllum
finnst það gott, það passar við allt og getur þess
vegna verið uppistaðan í réttunum. Og svo auðvitað
fínasta borðskreyting.