Morgunblaðið - 29.04.2005, Blaðsíða 6

6 FÖSTUDAGUR 29. APRÍL 2005 MORGUNBLAÐIÐ
FRÉTTIR
Stórbrotin og víðfeðm skáldsaga
sem gerist um miðja 20. öld í
Norður-Svíþjóð, en sögusviðið
spannar Stokkhólm og Ósló,
Vermaland og Feneyjar. Gáruð vötn
hefur hlotið mikið lof gagnrýnenda
og lesenda um alla Evrópu, líkt og
fyrri bækur Kerstin Ekman sem
komið hafa út á íslensku, Atburðir við
vatn og Miskunnsemi Guðs.
Fjölskrúðug og heillandi
Kerstin Ekman er einn virtasti og
vinsælasti rithöfundur Norðurlanda
og hlaut Bókmenntaverðlaun
Norðurlandaráðs fyrir Atburði við vatn
.
LITLU mátti muna að stórtjón
yrði á íþróttahúsi Fram við Safa-
mýri í gær þegar eldur kviknaði
ofarlega í gafli hússins rétt við þak
hússins. Engu að síður varð tölu-
vert tjón á húsgaflinum en ekki
urðu þó slys á fólki. Allt tiltækt lið
Slökkviliðs höfuðborgarsvæðisins
var kallað á vettvang og komu um
50 slökkviliðsmenn að slökkvistörf-
um. Útkallið kom kl. 13.12, þegar
slökkviliðið var rétt að ljúka
brunaútkalli í íbúðarhúsi við Álf-
holt í Hafnarfirði. Tilkynnt var um
eld í klæðingu á íþróttahúsinu og
var talsverður eldur þegar að var
komið. Fljótlega tókst að ná stjórn
á eldinum áður en hann læsti sig í
sjálft þakið. Mátti ekki tæpara
standa með slökkvistarfið, að sögn
Friðriks Þorsteinssonar, stöðvar-
stjóra hjá SHS.
Mikil vinna við að
ná af klæðningu
Mikil vinna fór í að rífa klæðn-
ingu utan af suðurgafli hússins til
að komast að eldinum og tókst að
hefta hann bæði utan og innan frá.
Íþróttasalurinn fylltist af reyk og
lagði töluverðan reyk yfir nálæga
byggð við Kringlumýrarbrautina
þegar hann var sem mestur um kl.
13.30. Þegar að var komið var eld-
urinn að magnast en hann náði sér
þó ekki verulega á strik þar sem
slökkviliðið var mætt nógu tím-
anlega. Taldi Friðrik slökkviliðs-
mennina hafa unnið mjög gott
starf á vettvangi. Mikill eldsmatur
var fyrir innan klæðninguna, svo-
kallað tjörutex og krossviðar-
klæðning. Eldurinn náði að brjót-
ast inn í gegnum húsið en var
kæfður með slökkvistarfinu utan
frá.
Að sögn Steinunnar Ármanns-
dóttur, skólastjóra í Álftamýrar-
skóla, var ekki talin ástæða til að
rýma skólann að því er lögregla
tjáði henni en nemendur voru að
skóla loknum látnir fara út að vest-
anverðu til að rekast ekki á at-
hafnasvæði lögreglu og slökkviliðs.
Hún sagði starfsmenn skólans þó
hafa fundið fyrir særindum í hálsi
vegna reyks.
Eldsupptökin eru rakin til þess
að iðnaðarmenn voru að leggja
tjörupappa við húsgaflinn og virð-
ist sem eldurinn hafi skotið rótum
á meðan þeir voru í hádegismat því
þegar að var komið var kviknað í.
Friðrik Þorsteinsson lagði
áherslu á hversu vel tókst til með
slökkvistarf, ekki síst út frá því að
slökkviliðið hefur séð hús fara mun
verr sem hafa haft svipuð tildrög
og hér um ræddi.
Lögreglan í Reykjavík fer með
rannsókn málsins og voru lög-
reglumenn úr tæknideild í gær að
sinna vettvangsrannsókn.
Eldur kviknaði í íþróttahúsi Fram
Tókst að hefta
eldinn áður en
stórtjón varð
Morgunblaðið/Júlíus
Talsverð fyrirhöfn fylgdi því að rífa klæðninguna til að komast að eldinum.
Eftir Örlyg Stein Sigurjónsson
orsi@mbl.is
VEIÐI hefst að venju í Elliðavatni á
sunnudaginn, 1. maí, en þá hefst
einnig urriðaveiði í fyrsta skipti í
Elliðaánum sjálfum en um tilrauna-
veiði er að ræða. Þar verður veitt á
tvær stangir en veiðisvæðið nær frá
efsta staðnum, Höfuðhyl, og niður
undir gömlu brúna yfir Elliðaárnar,
fyrir neðan Árbæinn.
„Það er rennt algerlega blint í sjó-
inn í þessum efnum. Forsenda fyrir
því að Veiðimálstofnun leyfir þessa
veiði og Orkuveitan er sú að veiði-
menn drepi þá fiska sem þeir fá, að
minnsta kosti til að byrja með. Þeir
fiskar verða síðan rannsakaðir ofan í
kjölinn,“ segir Haraldur Eiríksson
hjá Stangaveiðifélagi Reykjavíkur
(SVFR). Hann segir að til þess að
mæla veiðiálag hafi verið dregið á og
urriðar merktir og þeim sleppt aftur
þannig að hægt sé að fylgjast með
veiðiálagi stangaveiðimanna og þá
líka hægt að grípa í taumana ef álagið
er of mikið. „Ég held að flestir veiði-
menn sem stunda árnar sjái að urr-
iðastofninn er í sókn, alveg eins og í
vatninu sjálfu. Laxastofninn er í lægð
og það er verið að gera átak í að auka
silungasvæðið var lítið stundað eftir að
laxveiðin hófst enda þá innifalin með
laxveiðisvæðum. Nú er aftur á móti
selt sér í silungasvæðin allt sumarið.
Morgunblaðið lagði leið sín á Þing-
velli í vikunni og fór út í Lambhaga, í
landi þjóðgarðsins. Greinilegt var af
sporum að dæma að fleiri höfðu þar
nýlega verið á ferð. Blaðamaður sá
eina bleikju koma upp en varð ekki
var, hvorki á Lambhaganum né í
Prestshólma. Þó hefur heyrst að
menn hafi reytt upp eina og eina
bleikju en væntanlega munu þeir vera
fleiri sem hafa farið tómhentir af Þing-
völlum.
Vorhreinsun var hjá Ármönnum og
fleiri veiðifélögum sem hafa ítök í
Hlíðarvatni í Selvogi um síðustu helgi
og renndu sumir fyrir bleikjuna þar
part úr degi. Er skemmst frá því að
segja að vatnið virtist vera komið í
góðan gang og var veiði fín og lofar
mjög góðu. Morgunblaðið var einnig
við Vífilsstaðavatn fyrr í vikunni og er
það einnig að koma vel til. Áfram hef-
ur veiðst vel í Soginu, menn sem voru
að veiðum í landi Bíldsfells hálfan
þriðjudaginn fengu til að mynda fjór-
tán silunga. Þá mun einnig hafa
veiðst vel í silungsveiðinni í Anda-
kílsá.
STANGVEIÐI
Urriðaveiði að hefjast í Elliðaánum
Eftir Arnór Gísla Ólafsson
arnorg@mbl.is
Örn Sigurhansson heldur á 92 cm
sjóbirtingi sem Sarah Ingram Hill
veiddi í Tungulæk og var sleppt.
hrygninguna hjá honum og þá vilja
menn vita hvort um afrán af hálfu
urriðans er að ræða. En við fórum al-
gerlega eftir ráðleggingum Veiði-
málastofnunar við fyrirkomulag veið-
anna. Ef þeir hefðu viljað að fiski
væri sleppt hefðum við að sjálfsögðu
virt það,“ segir Haraldur.
Sjóbleikjuveiði í Breiðdalsá
Á sunnudaginn hefst einnig sjó-
bleikjuveiði í Breiðdalsá en mjög góð
veiði var þar í fyrra. Besti tíminn í sjó-
bleikju reyndist vera í maí en þá
veiddust um 500 sjóbleikjur þrátt fyrir
litla sókn enda var það í fyrsta sinn
sem sjóbleikjuveiði var leyfð mánuði
fyrr en áður hafði verið. Í fyrra veidd-
ist einnig vel af sjóbleikjunni í júní en
MEÐ dómi Hæstaréttar í gær var
staðfest að maður sem veiddi grá-
sleppu á óskráðum og kvótalausum
bát sínum í netalögnum jarðarinnar
Bjarnarness mátti það ekki sam-
kvæmt lögum og var hann því sak-
felldur fyrir fiskveiðibrot. Maðurinn
þarf að greiða 400.000 krónur í sekt
og sæta upptöku á aflaverðmætum.
Veiðarnar fóru fram í apríl og
maí á síðasta ári. Maðurinn hafði
leyfi landeiganda til veiðanna og
kvaðst líta svo á að honum væri
refsilaust að veiða í netlögnum jarð-
arinnar án almenns eða sérstaks
veiðileyfis frá ríkinu. Hrognin, tæp-
lega tvö tonn, seldi hann til fisk-
vinnslu í Kaldrananeshreppi fyrir
um 750.000 krónur. Í dómi Héraðs-
dóms Vestfjarða kemur fram að
landeigendur hafa haft rétt til veiða
í netalögnum frá fornu fari er m.a.
vísað í Grágás og Jónsbók auk
yngri laga og dóma. Var við það
miðað að netlög næðu 115 metra út
frá stórstraumsfjöruborði. Í dómn-
um var auk þess miðað við 2. kafla
Jónsbókar um að landeigandi eigi
allar veiðar í netlögum og í fjör-
unni. Þrátt fyrir þessi réttindi taldi
héraðsdómur að landeigendur sem
aðrir yrðu að hafa leyfi Fiskistofu
til grásleppuveiða en til þess að
hljóta það verða menn einnig að
hafa leyfi til veiða í atvinnuskyni. Í
dómnum segir að þrátt fyrir ákveð-
in réttindi landeigenda í netlögum
verði ekki fallist á það að löggjaf-
anum sé óheimilt að vernda nytja-
stofna í fiskveiðilandhelginni og
stuðla að hagkvæmri nýtingu þeirra
með því að banna landeigendum
veiðar úr þeim innan netlaga sem
utan.
Þennan dóm staðfesti Hæstirétt-
ur án frekari rökstuðning og vísaði
til forsendna héraðsdóms.
Bragi Steinarsson vararíkissak-
sóknari sótti málið en Ragnar Að-
alsteinsson hrl. var til varnar. Málið
dæmdu Markús Sigurbjörnsson,
Garðar Gíslason, Guðrún Erlends-
dóttir, Gunnlaugur Claessen og
Hrafn Bragason.
Auk refsingar var maðurinn
dæmdur til að greiða málsvarnar-
laun, samtals 400.000 krónur.
Refsað fyrir veiðar
RAGNAR Aðalsteinsson hrl., verj-
andi mannsins sem dæmdur var
fyrir veiðar innan netlagna, segir
slæmt að Hæstiréttur skuli ekki
hafa rökstutt niðurstöðu sína og
tekið afstöðu til ágreiningsmála
sem tekist var á um í málinu. Málið
skipti miklu máli fyrir þúsundir
manna, með dómnum sé mönnum í
raun bannað að veiða í eigin landi.
Ragnar bendir á að réttur til
veiða í netlögnum hafi verið
tryggður frá fornu fari og sé hluti
af eignarréttindum eigenda þeirra.
Ekki sé gott að ráða í afstöðu
Hæstaréttar en svo virðist sem rétt-
urinn gefi það í skyn að ríkið sé bú-
ið að svipta eigendur jarða þessum
réttindum án bóta. „Og ekki nóg
með það heldur í því skyni að af-
henda þau öðrum, það er útgerð-
armönnum,“ segir hann. Ragnar
minnir ennfremur á að Bjarnarnes í
Kaldrananeshreppi hafi árið 1916
verið talin ein besta hrognkelsajörð
í þessum landshluta. Jörðin hafi
verið verðmetin með það í huga og
greiddir af henni skattar og skyld-
ur í samræmi við það. Nú virðist á
hinn bóginn sem þessi réttur sé
horfinn án þess að það hafi verið til-
kynnt eða útskýrt. Ragnar mun inn-
an tíðar, fyrir hönd Samtaka eig-
enda sjávarjarða, höfða mál gegn
ríkinu þar sem krafist verður við-
urkenningar á eignar- og útræðis-
rétti sjávarbænda.
Réttindin
tekin af
eigendum
án bóta
ÍSLENSKU friðargæsluliðarnir
Steinar Örn Magnússon og
Haukur Grönli, sem særðust í
sprengjuárásinni á Kjúklinga-
stræti í Kabúl 23. október sl.
ásamt Stefáni Gunnarssyni, eru
gáttaðir á þeirri ákvörðun
Tryggingastofnunar ríkisins að
synja þeim um bætur vegna
slyssins.
Eins og fram hefur komið í
Morgunblaðinu er ákvörðun TR
reist á þeirri forsendu að frið-
argæsluliðarnir, þrír að tölu, hafi
ekki slasast í vinnuslysi heldur í
frítíma sínum.
„Ég taldi mig vera tryggðan
frá því ég fór frá Íslandi og þar
til ég kom aftur,“ sagði Steinar
Örn. „Þetta kom mér því mjög á
óvart og við sættum okkur ekki
við þessa niðurstöðu TR.“ Stein-
ar Örn segir hugsanlegt að mis-
skilningur í upplýsingaflæði milli
TR og Íslensku friðargæslunnar
hafi átt sinn þátt í að svona fór.
Haukur Grönli tekur í sama
streng og segir niðurstöðu TR
hreint ótrúlega með því að haldið
sé fram að hann hafi ekki verið í
vinnunni þegar slysið varð. „Við
lentum í árás og það var mál
manna að við hefðum bjargað lífi
yfirmanns okkar. Auðvitað vekur
það furðu að við skulum ekki fá
bætur.“
Friðargæsluliðarnir
gáttaðir á niðurstöðu TR