Morgunblaðið - 29.04.2005, Blaðsíða 22

22 FÖSTUDAGUR 29. APRÍL 2005 MORGUNBLAÐIÐ
MINNSTAÐUR
AKUREYRI
SUÐURNES
Reykjanesbær | Líkan af sjö fiski-
bátum bættust í gær í bátaflota
Gríms Karlssonar í Duushúsum í
Keflavík. Nú eru þar til sýnis sextíu
bátar.
Félag áhugamanna um bátaflota
Gríms Karlssonar fékk tveggja
milljóna króna fjárveitingu á fjár-
lögum ársins til þess að efla safnið.
Peningunum er varið til þess að
kaupa sjö báta til viðbótar og var
gengið frá samningum um það í
gær. Reykjanesbær varðveitir safn-
ið og skrifuðu Árni Sigfússon bæj-
arstjóri og Grímur Karlsson undir
samninginn.
Bátarnir sem nú bætast við eru
Bragi GK 479, Glaður GK 405, Er-
lingur KE 20, Baldur KE 97, Kefla-
vík GK 15, Grótta SI 75 og Gull-
borg RE 38.
Fram kom í gær að áhugamanna-
félagið stefnir að því að ná nokkr-
um tugum skipslíkana til viðbótar
til safnsins á næstu árum og er
markmiðið að þar verði að minnsta
kosti 100 bátar til sýnis.
Félagið stendur fyrir sýningunni
Síldveiðar við Ísland í Gryfjunni í
Duushúsum. Sýningin verður opnuð
11. maí og stendur fram yfir sjó-
mannadag.Morgunblaðið/RAX
Sjö bátar bætast
í bátaflota Gríms
Bátafloti Grímur Karlsson mód-
elsmiður, Valgerður Guðmunds-
dóttir menningarfulltrúi og Árni
Sigfússon, bæjarstjóri Reykjanes-
bæjar, við bátana sem bættust í
safnið í gær. Nú eru sextíu bátar í
safninu í Duushúsum.
Keflavík | „Nýi stjórnandinn hefur
verið að tukta okkur til. Við höfum
haft gott af því,“ segir Páll Bj. Hilm-
arsson, félagi í Karlakór Keflavíkur.
Afrakstur vetrarstarfsins kemur vel í
ljós þessa dagana því kórinn syngur á
sjö tónleikum á rúmri viku.
Guðlaugur Viktorsson var ráðinn
stjórnandi Karlakórs Keflavíkur í
haust. Tók hann við af Vilberg
Viggóssyni sem stjórnaði kórnum í
mörg ár. Guðlaugur stjórnar einnig
Lögreglukór Reykjavíkur og syngur
sjálfur í kór og kemur fram sem ein-
söngvari. Páll segir að með nýjum
stjórnanda hafi áherslur aðeins
breyst.
Guðlaugur leggi áherslu á radd-
þjálfun og að hver og einn syngi
meira sjálfstætt. Telur hann að kór-
inn sem hljómmeiri en verið hafi.
Guðlaugur er líflegur stjórnandi og
leggur sig allan í söngstjórnina, eins
og kom fram á fyrstu vortónleikum
kórsins í Ytri-Njarðvíkurkirkju í
fyrrakvöld. Páll segir að einnig sé
lögð meiri áhersla á skemmt-
anagildið. Dagskráin sé léttari sem
og allt yfirbragð skemmtunarinnar.
Þannig eru nú allmörg lög eftir Bell-
mann á dagskránni. Einnig sænsk
þjóðlög í djassútsetningu. Er þetta
liður í því að markaðssetja kórinn því
kórfélagar vilja taka að sér að koma
fram við skemmtanir og hvers kyns
tækifæri.
„Ef ég hef ekki gaman af þessu
sjálfur get ég ekki ætlast til að aðrir
hafi það,“ segir Guðlaugur þegar
hann er spurður út í tjáningu stjórn-
andans á sviðinu. „Maður þarf oft að
leggja sig fram við að ná upp stemn-
ingu og fá það besta út úr hópnum.
Svo er um að gera að gefa svolítið af
sjálfum sér.“
Guðlaugur segist reyna að blanda
saman einsöng, hljóðfæraleik og kór-
söng til að gera tónleikana sem besta
skemmtun. Segir hann að karlakór-
arnir hafi verið í svolítið föstu formi
og kominn sé tími til að gera svolítið
átak í að koma þeim í takt við tímann.
Á tónleikunum í Ytri-Njarðvík-
urkirkju kom fram að stjórnandinn og
kórfélagar eru samstiga í að auka
gæðin og skemmta gestum.
Tónleikar og söngferð
Davíð Ólafsson bassi og Steinn Erl-
ingsson baritón er einsöngvarar með
kórnum. Sigurður Marteinsson píanó-
leikari leikur undir og einnig rúss-
nesku harmóníkusnillingarnir Juri og
Vadim Fedorov og Þórólfur Þórsson á
bassa.
Karlakór Keflavíkur heldur tón-
leika í Seltjarnarneskirkju næstkom-
andi sunnudagskvöld og í Ytri-
Njarðvíkurkirkju á mánudagskvöld. Í
næstu viku er síðan haldið í söngför
norður í land, sungið í Hríseyjar-
kirkju á fimmtudag, í gamla skól-
anum á Grenivík á föstudagskvöld og
í Ýdölum í Aðaldal á laugardagskvöld.
Verður að hafa gam-
an af þessu sjálfur
Morgunblaðið/Helgi Bjarnason
Sænskar drykkjuvísur Félagar í Karlakór Keflavíkur syngja Bellmann á
vortónleikum sínum.
Eftir Helga Bjarnason
helgi@mbl.is
Nýr stjórnandi djassar upp gamalgróinn karlakór
PÁLL Bj. Hilmarsson syngur tenór með Karlakór Keflavíkur og er gjald-
keri stjórnar hans. Hann hefur sungið með kórnum í þrettán ár.
„Þetta veitir mér heilmikið. Þegar maður er þreyttur eftir erfiðan vinnu-
dag líður þreytan hjá á söngæfingu. Þá er þetta samheldinn og góður hóp-
ur og félagsskapurinn skemmtilegur,“ segir Páll.
Þreytan líður hjá
TVEIR íbúar á Hlíð, þau
Irene Gook og Alfreð Jóns-
son, báru sig fagmannlega
að þegar þau tóku fyrstu
skóflustungu að nýbygg-
ingu við Öldrunarstofnun
Akureyrarbæjar við Hlíð.
Þar verður hjúkrunarheim-
ili með 60 einstaklings-
herbergjum, eldhús, mat-
salur og búningsaðstaða
fyrir starfsfólk, en alls
verður byggingin tæpir
4.000 fermetrar að stærð,
vestan núverandi bygg-
inga. Jafnframt var undirritaður
verksamningur við Trétak í Dalvík-
urbyggð sem átti lægsta tilboð í
verkið, rúmar 653 milljónir króna.
Jakob Björnsson, formaður bæj-
arráðs Akureyrar, sagði aðdrag-
andann hafa verið langan, menn
hefðu gjarnan viljað sjá bygg-
inguna rísa fyrr, „en það þýðir ekki
að dvelja við það nú þegar þessum
ánægjulega áfanga er náð.“ Brýn
þörf væri fyrir hjúkrunarrými í
bænum, „og við horfum til þess að
þetta verði einungis fyrsti áfangi í
frekari uppbyggingu í þessum
málaflokki,“ sagði Jakob.
Jón Kristjánsson sagði ánægju-
legt að verkefnið væri nú komið á
beinu brautina eins og hann orðaði
það, undirbúningur þess hefði tekið
drjúgan tíma. Þetta væri stórt verk,
stærsta einstaka framlag úr Fram-
kvæmdasjóði aldraðra færi til
þessa. „Það mun hafa gríðarlega
þýðingu fyrir öldrunarþjónustuna á
Akureyri þegar húsið er risið af
grunni og starfsemi hafin,“ sagði
Jón og kvaðst sannfærður um að
þjónusta við aldraða myndi batna
til muna með tilkomu þess. „Þetta
er fyrsta skrefið á langri leið, við
munum áfram halda á þeirri braut
að þróa þjónustu við aldraða á Ak-
ureyri.“
Kostnaðarskipting samkvæmt
samningi milli heilbrigðisráðu-
neytis og Akureyrarbæjar er þann-
ig að ríkissjóður greiðir 30%, Fram-
kvæmdasjóður aldraðra 40% og
Akureyrarbær 30%. Verkinu á að
vera að fullu lokið 15. september
2006.
Framkvæmdir hefjast við byggingu á Hlíð
Skóflustunga Alfreð Jónsdóttir og Irene
Gook tóku fyrstu skóflustungurnar að nýrri
viðbyggingu við Dvalarheimilið Hlíð í gær.
Ánægjulegum áfanga náð
Eftir Margréti Þóru Þórsdóttur
maggath@mbl.is
Morgunblaðið/Kristján
LÖGREGLAN á Akureyri hefur
upplýst hrottalega líkamsárás á 17
ára pilt sem átti sér stað að kvöldi 11.
mars sl. Árásarmennirnir gengu al-
varlega í skrokk á piltinum, spörk-
uðu í hann og börðu, trömpuðu á
höfði hans og drógu hann svo beran
eftir malarlögðu plani, sem var að
hluta til þakið snjó. Þá var pilturinn
rændur fötum sínum, peningum og
síma og skilinn eftir hálfnakinn, ber-
fættur og með svöðusár á baki, í
kulda og myrkri við verkstæði í
Kaldbaksgötu. Pilturinn komst við
illan leik upp í miðbæ Akureyrar en
þar hitti hann skólafélaga sinn fyrir
tilviljun, sem veitti honum aðstoð og
kom undir læknishendur á slysadeild
FSA.
Árásarmennirnir hafa allir komið
við sögu fíkniefnamála hjá lögregl-
unni á Akureyri en að sögn Daníels
Snorrasonar lögreglufulltrúa eru
þetta ekki sömu menn og skutu 17
ára pilt mörgum skotum með loft-
byssu í Vaðlaheiði um miðjan mán-
uðinn. Það mál tengdist fíkniefna-
málum og þurfti pilturinn sem varð
fyrir skotárásinni að leita á slysa-
deild FSA, þar sem fjarlægja þurfti
tvær kúlur úr líkama hans með
skurðaðgerð. Árásarmennirnir sem
slösuðu piltinn þann 11. mars sl. við-
urkenndu að hafa sammælst um að
gefa rangan framburð af málsatvik-
um er þeir voru fyrst yfirheyrðir hjá
lögreglu. Skriður komst hins vegar á
málið í tengslum við rannsókn fíkni-
efnamála sem lögreglan hefur unnið
að að undanförnu, m.a. atvikið í
Vaðlaheiði. Málið telst nánast full-
rannsakað og verður sent Ríkissak-
sóknara eftir helgi. Pilturinn sem
fyrir árásinni varð kvaðst hafa unnið
það eitt til sakar að hafa boðið systur
eins árásarmannanna upp í bifreið
sína og hafa árásarmennirnir stað-
fest það.
Samkvæmt upplýsingum Daníels
lögreglufulltrúa kvaðst pilturinn
hafa verið lokkaður upp í bifreið til
aðila sem hann þekkti lítið. Þeir hafi
svo skipað honum að fara ofan í far-
angursgeymslu bifreiðarinnar. Ekið
hafi verið með hann út fyrir bæinn
þar sem bifreiðin var stöðvuð og út
hafi komið tveir menn sem slógu
hann í andlitið þar sem hann lá í
myrkri ofan í farangursgeymslunni.
Þá hafi annar mannanna ógnað hon-
um með kúbeini. Síðan hafi verið ekið
til baka að svæði við Kalbaksgötu þar
sem nokkur verkstæði eru til húsa.
Þar hafi farangursgeymslan aftur
verið opnuð og hann sleginn. Þá hafi
honum verið kippt upp úr skottinu og
sparkað í andlit hans meðan hann
stóð uppi og trampað ofan á höfði
hans eftir að hann féll niður á planið.
Bolur sem hann klæddist var rifinn
utan af honum. Hann hafi verið rifinn
úr skóm og sokkum og buxurnar
slitnar af honum. Alls voru fimm
menn í bílnum sem pilturinn var tek-
inn upp í en að sögn Daníels voru það
þrír þeirra sem misþyrmdu honum.
Bæjarbúar ætla að gefa
ofbeldi rauða spjaldið í dag
Birting – ungt fólk gegn ofbeldi,
hefur boðað til þögullar mótmæla-
stöðu í dag og fer athöfnin fram á
Ráðhústorgi kl. 17. Bæjarbúar eru
hvattir til mæta, gefa ofbeldinu
rauða spjaldið og sameinast í stuttri
þögn. Daníel sagði að ofbeldi hefði
aukist í bænum og að aukinni fíkni-
efnaneyslu fylgdi aukið ofbeldi og
auðgunarbrotum fjölgaði. Hann
sagði þetta framtak félaga í Birtingu
mjög lofsvert. „Ég hvet alla til að
mæta á Ráðhústorg, því þetta er eitt-
hvað sem viljum ekki sætta okkur við
í bænum.“
Hrottaleg árás á ungan pilt
Eftir Kristján Kristjánsson
krkr@mbl.is
Tvennir tónleikar | Karlakór Ak-
ureyrar lýkur vetrarstarfinu með
tvennum vortónleikum, í Akureyr-
arkirkju kl. 17 á laugardag og í
Laugarborg 7. maí næstkomandi kl.
20.30.
Að venju verður hljómsveit kórs-
ins með en það er fastur liður að
taka nokkur hljómsveitarlög á
hverjum tónleikum. Þá leikur Daní-
el Þorsteinsson á píanó í nokkrum
lögum. Fimm einsöngvarar koma
fram, Ari Erlingur Arason, Jónas
Þór Jónasson, Snorri Snorrason og
Þór Sigurðsson. Auk þess syngur
Petra Björk Pálsdóttir, stjórnandi
kórsins, á tónleikunum.
Karlakór Akureyrar söng með
karlakórnum Stefni í Hlégarði um
liðna helgi og var húsfyllir en von
er á Stefnismönnum norður 20.
maí.