Morgunblaðið - 29.04.2005, Blaðsíða 28

28 FÖSTUDAGUR 29. APRÍL 2005 MORGUNBLAÐIÐ
DAGLEGT LÍF
NEVER TURN YOUR MATTRESS AGAIN
Technology so advanced, it´s
TURN-FREE
TILBOÐ
Amerískar lúxus
heilsudýnur
TURN-FREE
Queen 153x203 cm
Verð frá 72.000.-
Skipholt 35
Sími 588 1955
www.rekkjan.is
B
jarni Jóhannesson grillar reglu-
lega allt árið um kring, en yfir
sumarmánuðina er grillið í stöð-
ugri notkun á heimilinu. Fjöl-
skyldan er með stórt gasgrill í
bakgarðinum ásamt palli með borði, stólum og
gashiturum og þau borða gjarnan þar úti, auk
þess sem þau halda reglulega grillveislur í
garðinum.
Bjarni segist vanur að elda af fingrum fram
og að það eigi líka við þegar hann grillar, en er
þó tilbúinn að deila uppskriftum og aðferðum
við nokkra af uppáhalds grillréttum heimilis-
ins. Meðal þeirra er heitreyktur lax sem hann
býr til í sérstökum stál heitreykingarkassa
(fæst í veiðibúðum), T-beinssteik með veiði-
ferðasósu, sterk svínarif, grilluð lúða og satay-
kjúklingapinnar sem þau hjónin kynntust í
Malasíu og vísar Bjarni raunar á konu sína,
Herdísi Guðjónsdóttur, varðandi þá uppskrift
enda kunni hún hana mun betur en hann.
Þegar Bjarni er beðinn um ráð handa þeim
sem ekki eru eins vanir við grillið þá nefnir
hann fyrst viðveru. „Viðvera skiptir máli. Það
þýðir ekki að grilla og skreppa frá, það virkar
aldrei,“ segir Bjarni og bætir því við að það sé
einnig mjög nauðsynlegt að gefa sér góðan
tíma. Eins nefnir hann mikilvægi þess að passa
hitastillingu vel og mælir til dæmis með því að
nota hliðarhitara – sem eru á stærri gas-
grillum – þegar kjúklingur eða annar við-
kvæmur matur er grillaður til að hann eldist
vel í gegn án þess þó að brenna.
Á æskuheimili Bjarna var grillað á kolagrilli
sem móðurbróðir hans smíðaði. „Ég var alinn
upp við þetta sem krakki, en þá var þetta ekki
stundað mikið. Bróðir mömmu sem var járn-
smiður smíðaði kolagrill í kringum 1960. Þá
voru tekin steinkol úr kjallaranum, sem var af-
gangur frá því að það var olíukynding í húsum.
Grillið var notað í veiðiferðum og það voru allt-
af grillaðar kótilettur, með salti, pipar og
smjöri. Þó við færum ekki nema til Þingvalla,
þá var það tekið með og grillaðar kótilettur,“
segir Bjarni og býður svo upp á sýnishorn af
því sem hann, og þau fjölskyldan, grilla í garð-
inum.
Heitreyktur lax
Beinhreinsuð laxaflök eru marineruð í salti
(helst Maldon sjávarsalti), sykri og pipar, og
graslauk ef vill. Laxinn látinn liggja í þessu í
kæli í nokkrar klukkustundir, jafnvel yfir nótt.
Sag sett í botninn á heitreykingarkassanum og
sítróna eða lime kreist yfir laxinn rétt áður en
hann er settur ofan í kassann sem svo er lagð-
ur beint ofan á brennarann á grillinu og hafður
þar á háum hita í 20 mínútur.
Sömu aðferð má nota til að heitreykja sil-
ung, og einnig gæsabringur og svartfugls-
bringur.
Borið fram með spínatsósu eða piparrót-
arsósu.
Spínatsósa
1 pakki rjómaostur
1 pakki spínat, frosið eða nýtt
slatti sykur
ögn af múskati
ögn af sjávarsalti
Spínat soðið, vatn látið renna af því og sett í
matvinnsluvél. Rjómaosti bætt út og síðan
sykri og hrært í. Loks múskat og salt, en bara
lítið. Blandan er síðan hituð en má ekki sjóða.
Borið fram volgt.
Köld piparrótarrjómasósa
sýrður rjómi
piparrót, í pakka eða rifin fersk
hunang eða sykur
sjávarsalt
Öllu blandað saman og smávegis þeyttur
rjómi settur saman við áður en sósan er borin
fram.
Svínarif
Svínarif soðin í stórum potti í 45 mínútur og
síðan látin standa í heitu vatninu í 15–30 mín til
viðbótar, svo að kjötið sé orðið þannig að það
detti næstum af beinunum. Vatnið sem rifin
eru soðin í á að vera mjög sterkt og vel kryddað
og má nota margs konar krydd til þess, svo
sem kjötteninga, piparkorn, chilipipar, karrí
eða annað sem til er, aðalatriðið er að soðið sé
sterkt og vel salt. Síðan er búinn til grilllögur
eftir smekk – svo sem sambland af barbeque
sósu, tómatsósu, sterku sinnepi eða öðru – og
rifin sett í poka með leginum. Þá eru þau grill-
uð þangað til þau eru vel brúnuð. Með þessu
eru borin fram hrísgrjón, og salat búið til úr
eplum, hvítkáli, ananas, majonesi og sítrónu-
safa.
Matreiða má kjúklingaleggi og vængi með
sama hætti, en þeir eru ekki soðnir eins lengi,
eða í 30 mínútur.
T-beinssteikur
Fimm sentimetra þykkar T-beinssteikur eru
kryddaðar með Montreal kryddi frá McCormic
tveimur tímum áður en þær eru settar á grillið.
Með þessu eru bornir fram
grillaðir kornstönglar, bakaðar kart-
öflur og sósan hans Jóns, félaga Bjarna, sem er
ávallt vinsæl í veiðiferðum.
Veiðiferðasósa
1 piparostur
1 peli rjómi
laukur
lúka af sveppum
Laukur og sveppir brúnaðir í smjöri. Ost-
urinn bitaður og settur út í. Þegar osturinn
byrjar að bráðna er rjómanum blandað saman
við og svo er sósan krydduð til með salti, pipar
og smá kjötkrafti.
Sósan er góð með öllum grillmat.
Grilluð lúða
Stór stykki af smálúðu smurð með olíu og
krydduð með cajun-kryddi áður en þau eru sett
beint á grillið. Borið fram með kartöflum og
remúlaði.
Satay-kjúklingapinnar
Kjúklingur skorinn í passlega bita og settur í
marineringuna, þetta má gera kvöldið áður en
grillað er. Grillpinnar lagðir í vatn, kjötið þrætt
upp á þá og grillað. Borið fram með hnetusósu.
Marinering
1 tsk. sykur
1 tsk. cummin
1 tsk. koriander
1 tsk. lemon grass
½ tsk. kanill
2 msk. ristaðar hnetur
Allt ofangreint er marið saman við 4 msk.
olíu, 1 msk. turmerik og einn smátt skorinn
rauðlauk.
Hnetusósa
1 msk. engifer
1 bolli sykur
1 msk. galangal
1 rauðlaukur
2 stilkar lemon grass
3 tsk. chilli
300 g ristaðar hnetur
salt
Maukað saman.
 MATARKISTAN | Bjarni Jóhannesson heitreykir lax, grillar T-beinssteikur, svínarif, lúðu og satay-kjúklingapinna
Vanur að elda af fingrum fram
Morgunblaðið/Golli
Bjarni Jóhannesson er hér við grillið ásamt syni sínum, Jóhannesi.
Eftir Birnu Önnu Björnsdóttur
bab@mbl.is