Morgunblaðið - 29.04.2005, Blaðsíða 47
MORGUNBLAÐIÐ FÖSTUDAGUR 29. APRÍL 2005 47
DAGBÓK
SÓFA-
DAGAR
Seljum nokkra sýningasófa
með allt að 25% afslætti.
Grensásvegi 8
108 Reykjavík
sími: 517 1020
opið:
mán. - föstud. 11-18
laugard. 11-15
15% afsláttur af öllum
sérpöntuðum sófum.
Tuttugasta landsþing ITC (InternationalTraining in Communication) verðursett kl. 18 í dag í Oddfellowhúsinu íReykjavík. Fer þingið þar fram í dag
og á morgun, en því lýkur með hátíðarkvöld-
verði og dansleik annað kvöld.
Að sögn Arnþrúðar Halldórsdóttur, lands-
forseta ITC á Íslandi, er landsþingið nú mikið
afmælisþing.
„Þrjátíu ár eru liðin síðan fyrsta ITC-deildin
var stofnuð á Íslandi og tuttugu ár síðan ITC-
landssamtökin hérlendis voru stofnuð,“ segir
Arnþrúður.
Hún kveður þingið nokkurs konar uppske-
ruhátíð fyrir vetrarstarfið, en ITC er alþjóð-
legur félagsskapur sem hefur það að markmiði
að bæta forystu- og samskiptahæfileika félag-
anna til þess að efla skilning manna á meðal um
heim allan.
„Meðal þess sem í boði verður á landsþinginu
er ræðukeppni sem fram fer í kvöld,“ segir Arn-
þrúður.
„Þar keppa sigurvegarar úr deildarkeppnum
ITC frá því fyrr í vetur. Á morgun fer fé-
lagsfundur samtakanna fram fyrri part dags en
eftir hádegi verða ýmis fræðsluerindi. Þannig
mun Evelyn Flett, varaforseti III svæðis ITC,
fjalla um starf ITC á alþjóðavísu. Einnig munu
félagsmenn kynna afrakstur námskeiðs samtak-
anna, Orð og ímynd, sem fram fór fyrr í vetur.
Á því námskeiði var sjónum beint að því sem
mestu máli skiptir þegar fólk þarf að tjá sig
frammi fyrir hópi fólks. Aðalfyrirlesari þingsins
er síðan Hróbjartur Árnason, lektor fullorð-
insfræðslu KHÍ, sem mun kynna gerð og notkun
hugarkorta.
Hugarkort eru einstök leið til þess að setja á
blað – eða skjá – hugsanir, sínar eða annarra, á
hátt sem líkist því meir hvernig hugurinn virkar
en nokkur önnur leið sem við þekkjum.
En hvað skyldu margir vera í ITC á Íslandi?
„Það eru um 140 félagar af báðum kynjum í
níu deildum víðs vegar um landið. Flestar eru
þó á Reykjavíkursvæðinu, auk þess starfa deild-
ir á Hellu, Selfossi og Húsavík. Við erum að
stofna tíundu deildina og þar er ætlunin að æfa
sig í að halda fundi og afgreiða mál og nota til
þess enska tungu. Við erum lítið búin að kynna
þessa deild en höfum fundið fyrir áhuga hjá
fólki á því að æfa sig á þennan hátt því margir
sækja fundi og ráðstefnur erlendis og þurfa þar
á þessari kunnáttu að halda.“
Þess má að lokum geta að þingið er öllum op-
ið.
Allar nánari upplýsingar um samtökin og dag-
skrá landsþingsins má nálgast á vefnum
www.simnet.is/itc/.
Landsþing ITC | Mikið afmælisþing haldið í dag og á morgun
Uppskeruhátíð vetrarstarfsins
Arnþrúður Hall-
dórsdóttir er frá Garði
í Mývatnssveit, fædd-
ist 1947 og ólst upp
fyrir norðan og sótti
þar skóla. Hún flutti
til Reykjavíkur 17 ára
gömul, gifti sig og
eignaðist þrjú börn.
Auk þess starfaði hún
með eiginmanni sín-
um við atvinnurekst-
ur. Hún fór síðar í Fjöl-
brautaskólann í Breiðholti og lauk þar
verslunarprófi og öllum verklegum áföngum á
listasviði skólans. Hún hefur starfað innan vé-
banda ITC í 18 ár.
Málverk af Snæfelli
GUNNARSSTOFNUN mun í sumar
standa fyrir sýningu á Skriðuklaustri
á málverkum og vatnslitamyndum af
fjallinu Snæfelli. Einn af þeim lista-
mönnum sem vitað er að málað hafi
Snæfell er Guðmundur frá Miðdal. Í
eigu hverra þau málverk eru liggur
ekki fyrir og óska ég eftir því að þeir
sem vita um Snæfellsverk eftir Guð-
mund setji sig í samband við mig.
Jafnframt er talið að Gunnar Gunn-
arsson listmálari hafi málað myndir
þar sem Snæfell gnæfir yfir Héraðinu
en um þær er ekki vitað og væri gam-
an að heyra frá fólki um slík verk sem
og ef menn þekkja til Snæfellsmynda
fleiri íslenskra myndlistarmanna.
Hægt er að senda mér tölvupóst á
klaustur@skriduklaustur.is
eða hringja í síma 471-2990.
Skúli Björn Gunnarsson,
forstöðumaður
Gunnarsstofnunar.
Hlutdrægir morgunþættir
ÉG hlusta iðulega á morgunþátt Þor-
finns Ómarssonar á Rás eitt á laug-
ardögum. Hann er oft með ýmsa við-
mælendur og þætti mér við hæfi að
þar væri að finna þverskurð þjóð-
arinnar. En ég hef tekið eftir því að
sjálfstæðismenn eru sjaldnast í þeim
hópi, jafnvel þó að þeir séu u.þ.b. 30%
þjóðarinnar. Nú fyrir skemmstu var
hann með þrjá viðmælendur og um-
ræðuefnið var m.a. afmæli ríkisstjór-
arinnar og formannskjör í Samfylk-
ingunni. Allir gestirnir voru
flokksbundnir samfylkingarmenn og
notuðu þeir tækifærið til að níða skó-
inn af Davíð Oddssyni en upphefja
Ingibjörgu Sólrúnu.
Sjálfstæðisfólk í þáttum Þorfinns
er þarna sjaldgæfara en geirfuglinn.
JVG
Teinóttar buxur
SÁ sem skildi eftir tvennar teinóttar
herrabuxur á Hjaltabakka 22 vinsam-
legast hringi í síma 557-1252.
Lofsvert að eyða í sparnað
ÉG var að lesa í Morgunblaðinu
eignaupptalningu Kristins Gunn-
arssonar þingmanns. Hann segist
engan sparnað eiga. Menn með mikl-
ar tekjur eins og hann ættu þó að
geta sparað og það er mjög nauðsyn-
legt hverju þjóðríki að það myndist
innlendur sparnaður svo hjól atvinnu-
lífsins geti snúist.
Það hefur aldrei tekist hér á landi
fyrr en þá nú. Og það er lofsvert að
eyða í sparnað.
Ég vona þingmenn gæti hófs í for-
vitni sinni um náungann og Ísland
verði aldrei lögregluríki.
Kona.
Mosi á legsteinum
ANNA hringdi og spurði hvernig
væri best að hreinsa mosa af leg-
steinum og halda þeim mosalausum.
Ef einhver getur aðstoðað hana er
hann beðinn að hringja í síma 464-
3567.
Hjálp – týnd kisa
ÞESSI fallega þrílita læða hvarf frá
heimili sínu, Leifsgötu 24, Reykjavík,
fyrir rúmri viku. Hennar er mjög sárt
saknað. Ef einhver hefur orðið var við
hana eða veit um afdrif hennar er
hann vinsamlegast beðinn að hafa
samband í síma 694-6103.
Velvakandi
Svarað í síma 569-1100 kl. 10–12
og 13–15 | velvakandi@mbl.is
60 ÁRA afmæli. Ólafur Ásgeirs-son, aðstoðaryfirlögreglu-
þjónn á Akureyri, er sextugur í dag,
föstudaginn 29. apríl.
90 ÁRA afmæli. Á morgun, laug-ardaginn 30. apríl, verður
Helga Þorsteinsdóttir frá Bessastöð-
um í Vestur-Húnavatnssýslu níræð.
Hún dvelur nú í góðu yfirlæti á Heil-
brigðisstofnun Hvammstanga, en mun
taka á móti vinum og vandamönnum á
heimili sonar síns að Garðavegi 22 á
Hvammstanga á afmælisdaginn milli
kl. 15 og 17.
Árnaðheilla
dagbók@mbl.is
1. e4 d6 2. d4 Rf6 3. Rc3 a6 4. f4 e6 5.
Rf3 c5 6. dxc5 Da5 7. Bd3 Dxc5 8. De2
Rbd7 9. Be3 Dc7 10. Bd4 Rc5 11. 0–0–0
Be7 12. g4 b5 13. e5 Rxd3+ 14. Hxd3
dxe5 15. Bxe5 Dc4 16. b3 Db4 17. g5
Rd7 18. Bxg7 Dxf4+ 19. Kb1 Hg8 20.
Bd4 Bb7 21. Hf1 Dg4 22. h3 Dh5 23.
Re4 h6 24. Bf6 Rxf6 25. gxf6 Bb4 26.
Rd6+ Bxd6 27. Hxd6 Hg6
Staðan kom upp á meistaramóti
Evrópusambandsins sem lauk fyrir
skömmu í Cork í Englandi. Mateuzs
Bartel (2.487) hafði hvítt gegn Slavko
Cicak (2.552). 28. Hxe6+! Kf8 hvítur
ynni eftir 28...fxe6 29. Dxe6 Kf8 30.
De7+ Kg8 31. f7+. 29. Re5 Hg5 30.
Rd7+ Kg8 31. He8+ Kh7 32. Dd3+ og
svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
LISTVINAFÉLAG Hallgríms-
kirkju býður upp á tónleika í há-
deginu laugardaginn 30. apríl
fyrir börn og
foreldra þar
sem flutt verða
aðgengileg org-
elverk sem sýna
ólíkar hliðar á
stóra Klais-
orgelinu í Hall-
grímskirkju.
Organisti kirkj-
unnar, Hörður
Áskelsson, flytur tvö af þekktustu
tónverkum orgelsins, tokkötur
eftir Bach og Widor. Á milli
þeirra flytur hann stutt verk,
m.a. eftir frönsku tónskáldin
Daquin og Guilmant, sem gegna
því hlutverki að kynna ólíkar
raddfjölskyldur orgelsins, flaut-
ur, strengi og tunguraddir. Tón-
leikarnir eru liður í viðleitni List-
vinafélagsins að kynna fyrir
ungum áheyrendum stærsta
hljóðfæri Íslendinga.
Aðgangur er ókeypis fyrir börn
en kostar 1.000 krónur fyrir full-
orðna.
Hörður Áskelsson
Tónleikarnir verða í Hallgríms-
kirkju laugardaginn 30. apríl nk.
kl. 12.
Orgelleikur
fyrir börn
Kling & Bang gallerí,
Laugavegi 23
Sýningunni „Atlantic Inclu-
sions“ lýkur sunnudaginn 1. maí.
Listamennirnir Guðrún Benón-
ýsdóttir, Lars Laumann og
Benjamin A. Huseby sýna inn-
setningar, skúlptúra, ljósmyndir,
vídeó og fundna hluti.
Kling & Bang gallerí er opið
fimmtudaga til sunnudaga frá kl.
14–18.
Listasafn Kópavogs –
Gerðarsafn
Sunnudaginn 1. maí lýkur
tveimur sýningum í Listasafni
Kópavogs.
Sýning Gerðar Helgadóttur,
Meistari glers og málma er á efri
hæð safnsins.
Á sýningunni eru um tuttugu
steindir gluggar sem og frum-
teikningar fyrir glerglugga auk
höggmynda, klippimynda og
teikninga eftir listakonuna.
Á neðri hæð er sýningin Dia-
logues eða Samræður eftir
bresku glerlistarkonuna Caroline
Swash en hún er yfirmaður gler-
listardeildar
St. Martin’s Central College of
Art and Design í London.
Caroline sýnir steint gler, mál-
verk, teikningar og ljósmyndir.
Gallerí i8
Sýningu á verkum Hrafnkels
Sigurðssonar lýkur 1. maí.
GUK+
Garður – Ártún 3, 800 Sel-
foss
Sunnudaginn 1. maí lýkur sýn-
ingu Markúsar Andréssonar í
GUK+ „I’ll find my way home“.
Opið verður milli klukkan 14
og 16.
Listasafn ASÍ,
Freyjugötu 41
Sýningu Helga Þorgils Frið-
jónssonar lýkur laugardaginn 30.
apríl en safnið verður lokað
sunnudaginn 1. maí á baráttudegi
verkalýðsins.
Sýningum lýkur
AUGLÝSINGADEILD
netfang: augl@mbl.is eða sími 569 1111
90 ÁRA afmæli. Níræður er í dag,29. apríl, Ingólfur G. Geirdal
kennari, Hrafnistu í Reykjavík. Hann
verður að heiman.