Morgunblaðið - 25.06.2005, Blaðsíða 6
6 LAUGARDAGUR 25. JÚNÍ 2005 MORGUNBLAÐIÐ
FRÉTTIR
Leyndardómar
Austurlands
FORSETI Íslands, Ólafur Ragnar
Grímsson, tók í gær þátt í hátíðar-
höldum í tilefni af 150 ára afmæli
landnáms Íslendinga í Utah en það
er elsta landnám Íslendinga í
Bandaríkjunum. Hann tekur einn-
ig þátt í hátíðarhöldunum í dag.
Í tilefni þessara tímamóta verð-
ur fjölbreytt dagskrá í Spanish
Fork, sem fyrrum var miðstöð ís-
lenska samfélagsins og mun for-
seti m.a. taka þátt í vígslu minnis-
merkis sem reist er til að heiðra
minningu íslenskra brautryðjenda
í Utah.
Forsetinn verður einnig aðal-
ræðumaður í hátíðarkvöldverði
fólks af íslenskum uppruna og tek-
ur þátt í málþingi um arfleifð Ís-
lendinga í fylkinu. Þá mun forset-
inn eiga fundi með Jon M. Hunts-
man ríkisstjóra Utah, forystu-
mönnum íslenska samfélagsins og
æðstu leiðtogum mormónakirkj-
unnar.
Forsetinn tekur
þátt í hátíðar-
höldum í Utah
FORSETI eistneska þingsins, Ene
Ergma, verður í opinberri heim-
sókn á Íslandi í boði Halldórs Blön-
dal, forseta Alþingis, dagana 26.–
30. júní.
Í för með eistneska þingforset-
anum verður sex manna sendinefnd
sem í eru þingmennirnir Enn
Eesmaa, formaður utanríkismála-
nefndar eistneska þingsins, Liina
Tönisson, Maret Maripuu og Imre
Sooäär, auk Heiki Sibul, skrif-
stofustjóra eistneska þingsins, og
Merle Pajula, forstöðumanns al-
þjóðasviðs þingsins.
Í heimsókninni mun Ene Ergma
eiga fundi með forseta Alþingis,
formönnum þingflokka og fulltrú-
um utanríkismálanefndar. Þá mun
hún heimsækja Ólaf Ragnar Gríms-
son, forseta Íslands, á Bessastaði.
Þriðjudaginn 28. júní mun sendi-
nefndin skoða Nesjavallavirkjun,
Írafossvirkjun og Ljósafossvirkjun
auk þess sem hún heimsækir þjóð-
garðinn á Þingvöllum. Miðvikudag-
inn 29. júní mun þingforsetinn
halda í dagsferð um Norðaustur-
land. Heimsókninni lýkur fimmtu-
daginn 30. júní.
Heimsókn
forseta eistneska
þingsins
SJÓSUNDMAÐUR um þrítugt var
fluttur á slysadeild með ofkælingu
eftir að hafa gefist upp á erfiðri sund-
leið milli Skildinganess og Siglu í
Bessastaðahreppi á fimmtudag.
Leiðin er um 2 km löng og var mað-
urinn að þreyta sundið ásamt fimm
sundfélögum, þar á meðal sjósund-
drottningunni Viktoríu Áskelsdóttur
sem synti yfir Breiðafjörðinn í fyrra.
Helmingur hópsins er í Sundfélagi
Hafnarfjarðar. Að sögn Hálfdáns
Örnólfssonar, sem hjálpaði félaga
sínum í sjónum þegar ofkælingin
ætlaði að bera hann ofurliði, lenti
hópurinn í vondum sjó og straumi á
leiðinni. Ölduhæð var orðin allt að
150 cm og um tíma miðaði sundinu
afar hægt þegar glímt var við
strauminn. Félagi hans gafst upp
þegar tveir þriðju hlutar leiðarinnar
voru búnir og komu björgunarsveit-
armenn frá Ársæli honum til bjargar
en þeir fylgdu hópnum á báti. Vildi
Hálfdán þakka innilega fyrir aðstoð-
ina.
„Þetta var ekki átakalaust, enda
hvessti um tíma og ölduhæðin var
talsverð,“ sagði Hálfdán. „Það er
ekki eins auðvelt að synda í sjó og
það sýnist því maginn fer í flækju,
bætti hann við.“ Til marks um erf-
iðleikana má nefna að þegar Hálfdán
synti framhjá bauju í mesta straum-
inum hélt hann varla sjó og gerði sér
ljóst að baujan nálgaðist ekki þuml-
ung þótt hann tæki kröftuglega á því.
Þess má geta að hann ásamt hinu
sundfólkinu kom í loks í mark á góð-
um tíma, eða um 40 mínútum.
Sjósundmanni
bjargað úr háska STÚLKA sem grunuð er um rán og
ránstilraun á skyndibitastað og í
lyfjaverslun í Kópavogi og Reykja-
vík í vikunni var í gær úrskurðuð í
vikulangt gæsluvarðhald að kröfu
lögreglunnar í Reykjavík. Atburð-
irnir áttu sér stað með klukku-
stundarmillibili og var notaður
oddhvass hnífur til að ógna starfs-
stúlku á skyndibitastaðnum en
sprauta í lyfjaversluninni. Þar tókst
stúlkunni að ræna nokkru af lyfjum
en hluti þeirra hefur fundist aftur.
Þá handtók lögreglan pilt og
stúlku fyrir ránstilraun í söluturn
við Vesturgötu í fyrrakvöld. Pilt-
urinn viðurkenndi brotið og var
sleppt að loknum yfirheyrslum. Í
söluturninum var hann með ógn-
andi framkomu og hvolfdi úr pen-
ingaskúffu en flúði síðan tómhent-
ur áður en lögreglan kom.
Gæsluvarðhald
fyrir rán
Hornafjörður | Sturla Böðvarsson samgönguráðherra opnaði jarðgöng
undir Almannaskarð formlega í gær. Jarðgöngin sjálf eru 1.146 metrar
að lengd og steyptir forskálar eru 162 metrar. Göngin teljast því í heild
1.308 metrar. Heildarfjárveiting til verksins er 1,1 milljarður króna.
Samkvæmt upplýsingum Morgunblaðsins er endanlegur kostnaður innan
þess ramma.
Þegar ráðherra hafði klippt á borðann ók 75 ára gamall vörubíll í
gegnum göngin. Bíllinn var áður í eigu Guðmundar bónda í Þórisdal í
Lóni en í gær var það Óskar Alfreðsson sem ók bílnum. Farþegi var
Karl Guðmundsson á Þorgeirsstöðum í Lóni. Bíllinn var fenginn sér-
staklega til að fara þessa jómfrúarferð í gegn um göngin. Fjórir Lón-
menn notuðu tækifærið og fengu far með bílnum að gömlum sið og sátu
á pallinum.
Almannaskarðsgöng leysa af hólmi hættulegan veg yfir Almannaskarð
og bröttustu brekku á hringveginum með 17% halla. Vegurinn hefur
löngum verið farartálmi vegna grjóthruns og hálku. Í kjölfar aukinna
landflutninga síðari ár hafa stórir flutningabílar oft lent í erfiðleikum í
Skarðinu.
Íslandsmet í gerð sprengdra ganga
Framkvæmdir við gangagerðina hófust í lok mars 2004. Gangagröft-
urinn gekk mjög vel allan tímann þrátt fyrir misjafnar jarðfræðilegar
aðstæður, og lauk mun fyrr en upphaflegar áætlanir gerðu ráð fyrir.
Meðal annars var sett Íslandsmet í gerð sprengdra ganga: 105 metrar á
viku. Samgönguráðherra sprengdi síðasta haftið í göngunum við hátíð-
lega athöfn hinn 8. október sl., langt á undan upphaflegri áætlun.
Aðalverktaki við verkið var Héraðsverk ehf. og norska fyrirtækið
Leonhard Nilsen & Sönner AS. Undirverktaki við vegskálabyggingar
var G. Þorsteinsson ehf. frá Höfn.
Fyrsti bíllinn ekur í gegn, 75 ára gamall Ford, sem áður var í eigu bónda í Lóni. Bíllinn hefur vafalaust skrölt ófáar ferðirnar yfir Almannaskarð en í gær
brunuðu Óskar Alfreðsson, núverandi eigandi hans, og Karl Guðmundsson frá Þorgeirsstöðum í Lóni í gegnum fjallið. Nokkrir Lónmenn fengu far á pallinum.
Morgunblaðið/Sigurður Mar Halldórsson
Sturla Böðvarsson klippti á borðann og opnaði Almannaskarðsgöng form-
lega í gær. Honum til aðstoðar var Jón Rögnvaldsson vegamálastjóri. Fé-
lagar í Karlakórnum Jökli sjást í baksýn inni í göngunum.
Jómfrúarferðin farin á 75 ára gömlum bíl
VORBRAUTSKRÁNING kandídata frá Háskóla Ís-
lands fer fram í Egilshöll í dag. Alls útskrifast 801
kandídat og er það mesti fjöldi sem þaðan hefur út-
skrifast í sögu Háskólans samkvæmt upplýsingum
HÍ.
Þetta er jafnframt 24. og síðasta brautskráning í
rektorstíð Páls Skúlasonar. Frá því að Páll tók við
embætti hafa rúmlega níu þúsund nemendur lokið
námi við Háskóla Íslands að meðtöldum þeim sem
brautskrást í dag en til samanburðar má geta þess að
fram til 1997 höfðu brautskráðst alls tæplega 16 þús-
und kandídatar.
Síðustu ár hefur Laugardalshöll verið notuð við
brautskráningar frá HÍ en þar standa nú yfir við-
gerðir og fer athöfnin því fram í Egilshöll og hefst hún
kl. 13.
Fjölmennasta brautskráning
í sögu Háskóla Íslands