Morgunblaðið - 25.06.2005, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 25. JÚNÍ 2005 VERÐ Í LAUSASÖLU 220 KR. MEÐ VSK.
SÝNING á ljósmyndum Ragnars Axelssonar
var opnuð á Austurvelli í gær.
Myndirnar eru teknar á Íslandi, í Færeyjum
og á Grænlandi. Sýningin stendur til 1. sept-
ember nk. Ragnar tók m.a. mynd af Kristni
Guðnasyni frá Skarði í Landsveit og kom sá
síðarnefndi ríðandi á sýninguna og stillti sér
upp við hliðina á Ragnari og myndum hans á
Austurvelli. Kristinn brá á leik og sést hér
halda í Ragnar ljósmyndara alveg eins og
hann hélt í kindina á myndinni, sem er í bak-
grunni. | 24
Morgunblaðið/Árni Sæberg
Góðra vina fundur á Austurvelli
UMHVERFISNEFND Hafnar-
fjarðar segir í nefndaráliti að hún
kysi helst að áform um stækkun
álversins í Straumsvík yrðu lögð
til hliðar og telur að það þjónaði
hagmunum Hafnfirðinga best til
lengdar að ekki verði tekið meira
land svo nærri íbúðabyggð undir
mengandi stóriðju, en það sem
þegar sé búið að ráðstafa undir
slíka starfsemi.
Lúðvík Geirsson, bæjarstjóri í
Hafnarfirði, segir að álit nefndar-
innar sé ekki í takt við samhljóða
álit bæjarstjórnar og skipulags-
nefndar. Hann segir að til greina
komi að Hafnfirðingar kjósi um
hvort veita eigi álverinu starfsleyfi
um leið og kosið verður um tillögu
um sameiningu Hafnarfjarðar og
Voga í haust.
Álit nefndarinnar kom fram
þegar nefndin fjallaði um tillögu
Alcan að deiliskipulagi fyrir
stækkun álversins í Straumsvík.
Nefndin leggst ekki gegn því að
tillagan verði send út til kynningar
og umræðu, en tekur fram að í því
felist engin skuldbinding um að
styðja stækkunina á síðari stigum.
Kristján Bersi Ólafsson, vara-
formaður nefndarinnar, sagði
ýmsar ástæður fyrir því að hann
telji best að álverið rísi ekki. Í
fyrsta lagi færi mikið land undir
álverið og enn meira þegar bætt
væri við varúðarsvæðum vegna
mengunar. Hafnfirðingar hefðu
ætlað að byggja íbúðarhús á þessu
landsvæði en stækkunin takmark-
aði möguleika Hafnarfjarðar til
stækkunar í suðurátt. „Hitt er það
líka að mörgum Hafnfirðingum
blöskrar að þurfa að lifa í nágrenni
við mengandi starfsemi eins og
þarna er, og byggðin er að færast
suður á þetta svæði. Hvað sem
menn segja upphátt, þá dreymir
meirihluta Hafnfirðinga um það
að ekki þurfi til þessarar stækk-
unar að koma,“ sagði hann.
Þrengir ekki að
Lúðvík Geirsson, bæjarstjóri
Hafnarfjarðar, sagði að bæjar-
félagið hefði þegar selt Alcan
landið sem þyrfti vegna stækkun-
ar álversins. Verðið hefði verið vel
á annað hundrað milljónir króna.
Þá hefði verið full samstaða innan
bæjarstjórnar og í skipulags- og
byggingaráði um málið, og hvaða
markmið og skilyrði þyrfti að setja
um stækkunina. Álit nefndarinnar
væri því úr takti við það. Hann
sagði að stækkunin þyrfti ekki að
þrengja að framtíðarskipulagi
byggðar í Hafnarfirði. Lögð væri
áhersla á að þynningarsvæði ál-
versins myndi ekki ná inn á bygg-
ingarsvæði Hafnfirðinga.
Hrannar Pétursson, upplýs-
ingafulltrúi álversins í Straums-
vík, sagði að álit umhverfisnefnd-
arinnar væri hluti af þeirri
umræðu sem þyrfti að fara fram
um málið. Hann benti á að fallist
hefði verði á umhverfismat vegna
stækkunarinnar árið 2002 án þess
að kærur hefðu borist.
Umhverfisnefnd Hafnarfjarðar vill ekki stærra álver
Hugsanlega kosið
um stækkun álvers
Eftir Rúnar Pálmason
runarp@mbl.is
+'
#
' ,
'
8 0 ;## &# 5
(" )
#
( "# )&
1'
/5&
", &
*"+,-.,/
&9:;:<=:
!"#$
GAMLI sáttmáli er ekki frá 1262
heldur er hann tilbúningur
spunameistara fimmtándu aldar.
Þetta eru niðurstöður bras-
ilískrar konu, Patriciu Pires Bo-
ulhosa, sem hefur skrifað dokt-
orsritgerð við Cambridge-háskóla
í Englandi.
Áhugi Boulhosa á íslenzkum
fræðum spratt upp úr lestri henn-
ar á Egils sögu, sem íslenzk vin-
kona hennar gaf henni.
Í samtali við Morgunblaðið seg-
ir Boulhosa, að Gamli sáttmáli sé
alls ekki samhljóma ástandinu á
Íslandi á þrettándu öld, en smell-
passi hins vegar við Ísland á 15.
öld. Þá sé hvergi minnzt á hann í
lagatextum frá 13. og 14. öld,
heldur spretti hann fram alskap-
aður á þeirri fimmtándu.
Og hún segir hann „skilgetið
afkvæmi spunameistara fimm-
tándu aldar, sem kölluðu allt
gamalt til þess að gefa því meira
vægi.“ | Lesbók
Gamli sáttmáli
verk spuna-
meistara á
fimmtándu öld
NÝNEMAR verða ekki innritaðir í
upplýsingatæknideild Háskólans á
Akureyri í haust í sparnaðarskyni
og námsframboð í auðlindadeild
verður endurskoðað með það að
markmiði að ná fram rekstrar-
hagræðingu. Háskólaráð ákvað
þetta í gær.
Skólinn þarf að spara um 40
milljónir króna á ári, miðað við nú-
verandi námsframboð, til þess að
ná endum saman. | 22
Ekki innritað í
upplýsingatækni-
deild HA í haust
MAGNÚS Sigurðsson er elsti útskriftar-
neminn sem brautskráist frá Háskóla Ís-
lands í dag en hann verður áttræður í
haust. Magnús
mun útskrifast
með BA-próf í ís-
lensku en hann
hefur áður setið á
skólabekk í HÍ er
hann nam læknis-
fræði við skólann á
árunum 1949 til
1956.
Magnús segir
skólann hafa
breyst mikið á
þessum tíma, hann
sé nú orðinn mun
stærri í sniðum og
námið fjölbreyttara en þá var. „Þá finnst
mér athyglisvert hversu sérhæfðir prófess-
orarnir eru hver á sínu sviði,“ segir Magn-
ús.
Innritaður í orðabókafræði
Eftir að hafa lagt læknisstörfin á hilluna
fyrir rúmum fjórum árum ætlaði Magnús
sér að sitja námskeið í orðabókafræði. Það
hafi hins vegar ekki staðið til boða á þeim
tíma og því hafi hann innritað sig í íslensku.
„Þetta námskeið verður hins vegar kennt
í haust og ég hef nú þegar látið skrá mig í
það. Dagurinn er fljótari að líða þegar mað-
ur er önnum kafinn,“ segir Magnús en
undanfarin tíu ár hefur hann í frístundum
unnið að gerð orðabókar um hesta og
hestamennsku. „Þetta hittist ágætlega á en
ég þarf þá ekki að eiga við íslenskuna frek-
ar, en ég sé ekki eftir þessu námi.“
Magnúsi fannst íslenskunámið áhugavert
en þó hefði það verið einhverjum ann-
mörkum háð fyrir mann á hans aldri.
„Heyrnin var nú eitthvað að stríða mér en
ég settist alltaf á fremsta bekk og gat því
fylgst betur með því sem fram fór.“
Verður áttræður í haust
og útskrifast frá HÍ
„Sat alltaf á
fremsta bekk“
Magnús Sigurðsson
BJÖRGUNARAFREKSINS, þegar áhöfn
togarans Egils rauða frá Neskaupstað var
bjargað fyrir rúmum 50 árum, verður
minnst nú um helgina. Togarinn strandaði
að kvöldi 26. janúar 1955 undir Grænuhlíð. Í
áhöfn skipsins voru 34 sjómenn, 15 Íslend-
ingar og 19 Færeyingar, og fórust fimm
þeirra en 29 var bjargað. Öllum sem til
þekkja ber saman um að áhöfn og björg-
unarmenn hafi drýgt þar mikla hetjudáð.
Nokkrir sem enn eru á lífi úr áhöfn togar-
ans og úr hópi björgunarmanna ætla að hitt-
ast ásamt fleirum fyrir vestan um helgina
og fara á vettvang björgunarafreksins.
Margir þeirra hafa ekki komið á þessar
slóðir frá því að björgunarafrekið var unnið.
Skipstjórarnir Magni Kristjánsson úr Nes-
kaupstað og Guðmundur Halldórsson úr
Bolungarvík skipulögðu athöfnina.
Staðnæmst undir Teistanum
Farið verður frá Ísafirði á Gunnari Frið-
rikssyni, björgunarskipi Slysavarnafélags-
ins Landsbjargar, norður í Jökulfirði. Þar
verður fyrst staðnæmst við það sem eftir er
af flaki togarans undir Teistanum. Magni
Kristjánsson, skipstjóri úr Neskaupstað,
mun minnast þeirra fimm sjómanna sem
fórust í slysinu. Þá verður komið við á Sléttu
þar sem skipbrotsmenn og björgunarmenn
leituðu skjóls. Loks verður farið til Hesteyr-
ar þar sem leiðangursmenn munu gæða sér
á hinni rómuðu Hesteyrarkjötsúpu.
Endur-
fundir undir
Grænuhlíð
Björguðust úr brimrótinu | 28–29
♦♦♦