Morgunblaðið - 25.06.2005, Blaðsíða 45
MORGUNBLAÐIÐ LAUGARDAGUR 25. JÚNÍ 2005 45
DAGBÓK
Um þessar mundir stendur yfir listahá-tíðin Gullkistan á Laugarvatni en þarer m.a. hægt að berja augum Vin-átturefilinn svonefnda, alþjóðlegt vin-
áttuverkefni sem á uppruna sinn á Álftanesi en
nær til yfir tuttugu landa í fimm heimsálfum.
Ragnhildur Jónsdóttir, listamaður á Álftanesi,
er forvígiskona verkefnisins en það fæddist sem
hugmynd í spjalli handverkskvenna á erlendri
netsíðu í nóvember á síðasta ári.
Þær sendu síðan inn grein um verkefnið á vef-
síðuna www.nordicneedle.com sem á aðsetur í
Norður-Dakóta í Bandaríkjunum.
Viðbrögðin hafa þegar orðið mikil, að sögn
Ragnhildar. Hún segir að Vinátturefillinn virki
þannig að handverkskonur um allan heim geri
lítinn handavinnubút í póstkortastærð, sendi
hann síðan til Íslands til Ragnhildar og hún setji
hann saman. Nú hafa borist 206 bútar, frá yfir
tuttugu löndum í fimm heimsálfum, að sögn
Ragnhildar. Er Vinátturefillinn orðinn um fimm
metrar á lengd og stendur yfir sýning á honum
til 3. júlí en refillinn er til sýnis á Eddu-hótelinu
á Laugarvatni.
„Það hafa borist bútar frá Nýja-Sjálandi,
Ástralíu, Suður-Afríku, nokkrum Evrópulöndum
og alls 28 ríkjum Bandaríkjanna,“ segir Ragn-
hildur. „Viðbrögðin hafa verið þannig að mér
hefur fundist að það hafi hreinlega vantað að
handverkskonur gætu fengið útrás fyrir vináttu-
hugsun sína, það fór einfaldlega flóðbylgja af
stað.“
Segir Ragnhildur að hugmyndin á bak við
verkefnið sé vinátta án landamæra, ekki skipti
máli á hvaða aldri þátttakendur séu, hvar þeir
séu staddir né af hvoru kyni þeir séu. Fylgir
sögunni að enn sem komið er hafi aðeins einn
karl sent inn bút en Ragnhildur segir að það
standi til bóta, hún viti af öðrum sem hyggist
taka þátt. Þá segir Ragnhildur að þátttakendur
til þessa hafi verið á bilinu sex til ríflega 90 ára.
Þátttakendur eru af ýmsum toga, sumir eru
listamenn eða hönnuðir að sögn Ragnhildar, aðr-
ir byrjendur í handverki. „Þannig að þetta er all-
ur skalinn. Það eru ekki heldur nein landamæri í
þeim efnum,“ sagði Ragnhildur.
Þrátt fyrir að Vinátturefillinn sé nú til sýnis
hér á Íslandi þá verður áfram tekið við bútum og
er áhugasömum bent á heimasíðu verkefnisins.
Ragnhildur segist vonast til þess að geta farið
með refilinn á sýningar erlendis, hún hafi þegar
hlotið heimboð til flestra heimsálfa. Hún kveðst
ekki hafa áhyggjur af þeim erfiðleikum sem
kunni að skapast þegar refillinn verður orðinn
50 metrar á lengd. „Við höfum bara áhyggjur af
því þegar þar að kemur,“ sagði hún.
Handavinna | Vinátturefillinn svokallaði er til sýnis á Laugarvatni fram til 3. júlí
Stefnt að sýningum erlendis
Ragnhildur Jóns-
dóttir er umsjónar-
maður Vinátturefilsins,
alþjóðlegs vináttuverk-
efnis. Hún býr á Álfta-
nesi, lauk á sínum tíma
námi frá málaradeild
Myndlista- og handíða-
skólans. Ragnhildur er
gift Lárusi Vilhjálms-
syni, framkvæmda-
stjóra Nýlistasafnsins,
og eiga þau þrjú börn, tvo hunda og fjóra ketti.
Börn þeirra eru á aldrinum 15 til 26 ára og
hafa öll tekið þátt í vináttureflinum, að sögn
Ragnhildar.
www.internet.is/friendshiptapestry
Góð landkynning
ÉG var að skoða dagblaðið síðast-
liðinn miðvikudag og þar var um-
fjöllun um að Ferðahópur rann-
sóknarlögreglumanna ætlaði
eitthvað að setja sig upp á móti
einhverju jarðraski vegna kvik-
myndatöku Clint Eastwoods á
Krýsuvíkursvæðinu. En eiga ekki
Íslendingar að líta sér örlítið nær,
t.d. held ég að Hrafn Gunnlaugsson
hafi aldrei tekið til eftir sig, og má
sjá ummerki eftir hans myndatökur
víða. Ef eitthvað er held ég að
Eastwood muni ganga frá þessu
svæði í betra ástandi en hann tekur
við.
Finnst mér þetta góð landkynn-
ing, hún gerist ekki betri.
Aðdáandi Eastwoods.
Endursýningar (e)
MARGIR kannast kannski við þetta
tákn (e), en það þýðir að tiltekinn
þáttur, sem táknið er fyrir aftan, sé
endursýndur.
Ég sé þetta oft á textavarpinu ef
ég skoða dagskrána hjá Skjá 1 (en
þar eru líklega allir þættir endur-
sýndir). Þar eru þættir sem ég hef
t.d. misst af, gleymt, eða jafnvel séð
áður, en það stoppar mig ekki að
horfa á þá.
En það gerðist núna nýlega að ég
missti af „Aðþrengdum eigin-
konum“ eða „Desperate House-
wives“ en ég reyni að missa ekki af
þeim þáttum, en það gerðist og þá
fyrst tók ég eftir að það eru nánast
engir svona þættir s.s. „Aðþrengdar
eiginkonur“, „Sopranos-fjölskyldan“
eða þannig þættir endursýndir. Það
eru bara formúlan, fótboltakvöldið
og jafnvel barnaefnið sem er endur-
sýnt. Þessir þættir eru mest eftir
höfði karla og barna en ekki eftir
höfði kvenna.
Finnst mér að ríkissjónvarpið sé
að senda konum skilaboðin: „Þið
verðið að gjöra svo vel að vaka og
muna eftir þáttum sem þið hafið
gaman af.“
Mér finnst þetta vera bæði
ósanngjarnt og óréttlátt að endur-
sýna ekki svoleiðis þætti, og því
spyr ég: Er ekki hægt að koma
þessum endursýningum einhvers
staðar inn, því það hlýtur að vera
hægt. Ég myndi frekar kjósa að
horfa á sama þáttinn af aðþrengd-
um eiginkonum 3 sinnum heldur en
að horfa á næsta þátt og vita ekki
hvað gengur á.
Sjónvarpsáhorfandi.
Velvakandi
Svarað í síma 5691100 kl. 10–12
og 13–15 | velvakandi@mbl.is
Árnaðheilla
dagbók@mbl.is
Gullbrúðkaup | Hjónin Ólafur Er-
lendsson og Helen Hannesdóttir, til
heimilis að Ketilsbraut 17, Húsavík,
eiga 50 ára brúðkaupsafmæli í dag.
75 ÁRA afmæli. Í dag, 25. júní, er75 ára Sigurður Þ. Guðmunds-
son, Eiðistorgi 13, Seltjarnarnesi.
Hann verður að heiman á afmælisdag-
inn (í golfi).
90 ÁRA afmæli. Í dag, 25. júní, erníræð Regína Sveinbjarnar-
dóttir frá Skálabrekku í Þingvalla-
sveit, fyrrverandi húsfreyja. Hún býr
nú á Hrafnistu í Reykjavík.
1. d4 Rf6 2. Bg5 Re4 3. Bf4 d5 4. e3 c5 5.
Bd3 Rc6 6. Bxe4 dxe4 7. Re2 cxd4 8.
exd4 Bg4 9. h3 Bxe2 10. Dxe2 Dxd4 11.
Rc3 e5 12. Be3 Db4 13. 0-0-0 Be7 14.
Dg4 Kf8 15. Rd5 Da5 16. Rxe7 Rxe7 17.
Dd7 Hc8
Staðan kom upp í Elítu flokki á minn-
ingarmóti Capablanca sem lauk fyrir
skömmu í Havana á Kúbu. Lazaro
Bruzon (2.669) hafði hvítt gegn Baadur
Jobava (2.637). 18. Bc5! He8 18. – Dxc5
gekk ekki upp vegna 19. Dd8+ og hvít-
ur mátar. 19. Hd5! og svartur gafst upp
enda ræður hann ekki við hótanir hvíts.
Mjóddarmót Taflfélagsins Hellis fer
fram í dag í göngugötunni í Mjódd.
Nánari upplýsingar um mótið er að
finna á vefsíðunni www.skak.is.
SKÁK
Helgi Áss Grétarsson | dagbok@mbl.is
Hvítur á leik.
Listahátíð á Laugarvatni 17.
júní – 3. júlí
Laugardagur 25. júní
Kl. 11 Staðarskoðun með
Hreini Ragnarssyni, kenn-
ara á Laugarvatni. Lagt
verður af stað frá Hótel
Eddu, ML, og endað við
grunnskólann. Gangan tekur
um eina klst.
Kl. 13–16 Málþing um Hér-
aðsskólann sem alþjóðlega
listamiðstöð. Meðal frum-
mælenda verða Eyrún Inga-
dóttir sagnfræðingur, Þor-
valdur Þorsteinsson, for-
maður Bandalags íslenskra
listamanna, og Pétur Ár-
mannsson arkitekt. Matsal-
ur Héraðsskólans.
Kl. 21 Eg hef skárað engja-
stör… Kveðskapur Laug-
dælinga, heimamanna og
skólafólks, karla og kvenna,
lífs og liðinna, í gamni og al-
vöru. Umsjón hafa Sigríður
Jónsdóttir, Guðmundur Sæ-
mundsson, Bjarni Þorkels-
son og Berglind Pálmadótt-
ir. Matsalur Hótels Eddu,
ML.
Gullkistan
SKÓGRÆKTARFÉLAG Reykja-
víkur heldur fjölskyldudag í Heið-
mörk laugardaginn 25. júní en þá
verða 55 ár liðin frá því að Heiðmörk
var formlega vígð.
Samkvæmt fréttatilkynningu er
Fjölskyldudagurinn hugsaður sem
vettvangur fyrir fjölskylduna til að
koma í skóginn og leika sér saman.
Börnin fá að tálga og mála birki-
drumba, farið verður í víkingaleiki
og ratleiki og allir fá að grilla pylsur
á birkigrein. Hinir eldri fá kennslu í
stafagöngu um svæðið.
Fjölskyldudagurinn er öllum
opinn og er kl. 13:30–16.
Öðruvísi fjöl-
skyldudagur
Heiti Potturinn
Trompmiði er auðkenndur með bókstafnum B en einfaldir miðar með E, F, G
og H. Gangi vinningar ekki út bætast þeir við Heita pott næsta mánaðar.
Birt með fyrirvara um prentvillur.
6. flokkur, 24. júní 2005
3737 B kr. 7.355.000,-
3737 E kr. 1.471.000,-
3737 F kr. 1.471.000,-
3737 G kr. 1.471.000,-
3737 H kr. 1.471.000,-
Afmælisþakkir
Hjartans þakkir til barna minna og fjölskyldna
þeirra, sem héldu mér höfðinglega afmælis-
veislu á 90 ára afmælinu mínu þann 16. júní.
Innilegar þakkir fær einnig frændfólk og vinir
hér heima og erlendis, fyrrum starfsfélagar og
söngfélagar fyrir norðan og þið öll sem
senduð mér hlýjar kveðjur með símtölum,
blómum og gjöfum þennan dag.
Blessunaróskir og kveðjur,
Björg Baldvinsdóttir.
Laugavegi 170, 2. hæð.
Opið virka daga kl. 8-17.
Sími 552 1400 ● Fax 552 1405
www.fold.is ● fold@fold.is
Þjónustusími eftir lokun er 694 1401.
Opið hús
laugardag og sunnudag frá 11-18
Sveitasetur Kiðjaberg 801 Selfoss
Viðar Böðvarsson, viðskiptafr. og lögg. fasteignasali.
Sveitasetrið Kiðjaberg, 801 Selfossi - Stórglæsilegt nýtt 70 fm sumarhús með um 140 fm
verönd. Þrjú svefnherbergi. Stór stofa og sérlega fallegt baðherbergi. Sérsmíðaðar
innréttingar, halogen lýsing, brunavarnarkerfi, auka hljóðeinangrun í veggjum. Eikarparket
og viðhaldsfríar náttúruflísar á gólfi. Bústaðurinn er mjög vel staðsettur og frá honum er
stórfenglegt útsýni yfir Hvítá og til fjalla. Stutt er í golfvöllinn á Kiðjabergi, sem er
einstaklega fallega staðsettur völlur, og í sund í Hraunborgum. Tækifæri til að eignast nýjan
glæsilegan bústað á frábærum stað. Þorsteinn tekur á móti gestum, sími 899 3254.