Morgunblaðið - 25.06.2005, Blaðsíða 36

36 LAUGARDAGUR 25. JÚNÍ 2005 MORGUNBLAÐIÐ
MINNINGAR
Ástkær vinkona og
fyrrum samstarfskona
er fallin frá í blóma lífs-
ins.
Þessi lífsglaða og
bjartsýna kona var
greind með hinn illvíga
sjúkdóm í ágúst á sl. ári. Lét hún
ekki bugast og kepptist við að fá það
mesta út úr þeim mánuðum sem
henni voru gefnir.
Á sínum yngri árum var hún við
störf og leik í Danmörku og hafði
hún sérstakar taugar til þess lands.
Henni auðnaðist að skreppa þangað
fyrr á þessu ári og hafði löngun til að
fara aðra ferð þangað síðar á árinu,
en sú ósk rættist ekki.
Þau hjónin ferðuðust mikið í gegn-
um tíðina, jafnt innanlands sem utan.
Voru þau, ásamt okkur, í vikuferð á
Mallorca og naut hún þess að geta
verið í sólinni og skroppið í smá inn-
kaupaferðir þótt helsjúk væri. Er
heim kom var svo af henni dregið að
sjúkrahúsvist varð ekki umflúin og
kvaddi hún okkur sautján dögum
síðar.
Síðustu starfsár sín var hún við
verslunarstörf þar sem hún starfaði í
Rammagerðinni á Nordica-hótelinu.
Ekki spillti það fyrir að hún var ein-
staklega fín í tauinu og snyrtileg.
Vakti hún athygli hvar sem hún kom.
Sárt er til þess að hugsa, að henni
auðnaðist ekki að fá að sjá sitt fyrsta
barnabarn, sem kemur til með að sjá
dagsins ljós í ágúst.
Náin vinátta hin síðari ár var okk-
ur mikils virði. Söknum við góðrar og
tryggrar konu og óskum henni Guðs
blessunar í nýjum heimkynnum.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
EDDA
SNORRADÓTTIR
✝ Edda Snorra-dóttir fæddist í
Reykjavík 23. júlí
1952. Hún lést á
Landspítalanum við
Hringbraut 13. júní
síðastliðinn og var
útför hennar gerð
frá Fríkirkjunni í
Hafnarfirði 21. júní.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sig.)
Kæri Sigurberg,
þinn missir er mikill.
Sendum við þér, Jó-
hanni, Katrínu og öðr-
um ástvinum innilegar
samúðarkveðjur.
Hulda Magnúsdóttir,
Garðar Halldórsson.
Elsku vinkona. Ekki hefði ég trú-
að því að þú færir svona fljótt frá
okkur. En svona er lífið, öll fáum við
okkar tíma í þessu jarðneska lífi.
Hvað hann er langur vitum við ekki,
en þú nýttir þinn tíma vel eins og við
reynum flest að gera.
Okkar kynni hófust þegar þú byrj-
aðir að vinna á sama vinnustað og ég.
Þú þekktir engan þar. Minn vinahóp-
ur sá fljótlega að þú mundir eiga þar
vel heima þannig að þú varst boðin
velkomin í hann.
Þú varst sjómannskona eins ég,
sást um börn og bú þannig að við átt-
um margt sameiginlegt. Við fórum
saman í ógleymanlegar utanlands-
ferðir og einnig í sumarbústaði í
gegnum árin. Það var aldrei nein
lognmolla í kringum okkur. Þú varst
alltaf glöð og kát, hvort sem við sát-
um og spjölluðum eða fórum út að
dansa saman.
Margar stundirnar höfum við set-
ið saman og spjallað um allt og ekki
neitt. Í góðum vinskap er það nær-
veran sem skiptir máli og þín nær-
vera var góð.
Mikið á ég eftir að sakna þess að
geta ekki slegið á þráðinn til þín til
að spjalla um daginn og veginn eða
að deila saman því sem var að gerast
í okkar lífi hverju sinni.
Þú áttir von á þínu fyrsta barna-
barni í ágúst. Þú varst svo ánægð
með að nú værir þú að verða amma.
Sárt þykir mér að þú fáir ekki tæki-
færi til að njóta þeirrar stundar.
En þú munt örugglega fylgjast
með því úr fjarlægð.
Að leiðarlokum þakka ég trygg-
lyndi og góðar stundir.
Ég bið góðan guð að gefa Sigur-
bergi, Jóa, Kötu, tengdadóttur, móð-
ur og systkinum Eddu styrk í sorg-
inni.
Megi algóður guð blessa minningu
þína, elsku Edda mín.
Fagrar stundir fengum, vina,
frá oss enginn tekur þær.
Hvað sem yfir okkur dynur
æ þín minning lýsir kær.
(D. Gests.)
Sæunn Sigursveinsdóttir.
Elsku Edda mín. Mig langar að
minnast þín hér í fáum orðum nú
þegar þú ert horfin frá hinu jarð-
neska lífi hér á jörð.
Við vorum vinnufélagar og vin-
konur til margra ára og fljótt sá ég
að þú hafðir að geyma frábæran per-
sónuleika. Þú varst heiðarleg, lífs-
glöð, skynsöm, dugnaðarforkur og
mikill húmoristi, þannig að oft var
glatt á hjalla og mikið hlegið. Ég vil
þakka fyrir að hafa fengið að kynn-
ast þér á lífsleiðinni, Edda mín.
Nú ertu farin og eftir sitja ljúfar
minningar um þig sem ég geymi með
mér. Ég veit að þú ert í góðum hönd-
um hjá algóðum guði og gegnir öðru
hlutverki, þar sem hæfileikar þínir fá
að njóta sín.
Því vil ég trúa.
Nú legg ég augun aftur,
ó, Guð, þinn náðarkraftur
þín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Þýð. S. Egilsson)
Ég votta Sigurbergi, börnum og
öðrum nánum aðstandendum mína
dýpstu samúð.
Guð gefi ykkur styrk í sorginni.
Þín vinkona,
Kristín S. Pétursdóttir.
Ég er svo heppin að hafa fengið að
kynnast Eddu móðursystur minni
einstaklega vel því hún kom svo oft á
æskuheimili mitt í Þykkvabænum.
Frá barnsárum mínum til fullorðins-
ára gerði Edda sér far um að forvitn-
ast um mína hagi og sýndi þeim allt-
af jafnmikinn áhuga, hversu
lítilfjörlegir sem þeir stundum voru.
Reyndar held ég að fátt hafi gerst
innan fjölskyldunnar sem fór
framhjá henni. Hún gladdist innilega
með mér á gleðistundum og reyndist
öllum í stórfjölskyldunni stoð og
stytta þegar aðstoðar var þörf í und-
irbúningi og tiltekt.
Eftir að ég hafði dvalið langdvöl-
um erlendis bað hún um að fá að
koma og bjóða mig velkomna sam-
dægurs, vildi fylgjast með mér taka
upp úr töskum, heyra ferðasögur og
samgleðjast. Hún var ein af þeim
frænkum sem varð að fá að sjá
frændbörnin sín reglulega til að
fylgjast náið með þroska þeirra og
hafði hún með eindæmum gaman af
því að fá þau til þess að spjalla við
sig. Hún gat ekki haldið niðri í sér
hlátrinum þegar þau sögðu eitthvað
skemmtilegt.
Edda hafði sérstaklega gaman af
áramótaboðunum okkar í Þykkvabæ
og mættu þau stundvíslega, jafnvel
of stundvíslega, og varð oft uppi fót-
ur og fit í Þykkvabænum þegar hratt
og ákveðið göngulag Eddu heyrðist í
anddyrinu, enda gestgjafarnir vart
undirbúnir fyrir gesti. Stundvísi
Eddu sýndu allir skilning enda lyft-
ist brún allra þegar hún lét sjá sig og
með árunum færðist undirbúningur
áramótanna framar og afrekuðu
Edda, Sissi og krakkarnir að flýta
boðinu.
Edda hafði ekki bara áhuga á því
að sækja boð heldur var hún frábær
gestgjafi, eldaði mat eins og sannur
matgæðingur sem hennar nánustu
vissu að svo var ekki. Hún var ein af
fáum sem geta búið til afbragðsmat
sem hún sjálf gat ekki hugsað sér að
smakka. Þarna er fórnfýsi hennar
best lýst.
Ég mun alltaf varðveita minning-
ar mínar um Eddu sem einlæga,
kærleiksríka og lífsglaða frænku.
Sissi, Kata, Jói og Hildigunnur,
missir ykkar er mikill. Megi Guð
vaka yfir ykkur og hjálpa ykkur að
yfirstíga sorgina.
Birna.
Elsku pabbi okkar, tengdafaðir og yndislegur
afi,
VÍKINGUR ÞÓR BJÖRNSSON,
fyrrv. eldvarnaeftirlitsmaður,
Munkaþverárstræti 2,
Akureyri,
lést á heimili sínu þriðjudaginn 21. júní sl.
Kristján Víkingsson, Guðrún Óðinsdóttir,
Björn Víkingsson, Þórunn Árnadóttir,
Guðrún Björg Víkingsdóttir, Pálmi Stefánsson,
Þóra Víkingsdóttir, Snorri Snorrason,
Finnur Víkingsson, Steinunn Ragnarsdóttir
og barnabörn.
Útför okkar hjartfólgnu,
PÁLU ELÍNBORGAR MICHELSEN,
fer fram frá Fossvogskirkju þriðjudaginn
28. júní kl. 15.00.
Anna Lísa Michelsen, Sigurbjörn Samúelsson,
Sigurbjörn Sigurbjörnsson, Auður Björg Árnadóttir,
Hjalti Einar Sigurbjörnsson, Eva Þórarinsdóttir,
Eyþór Bjarki Sigurbjörnsson, Guðrún Birna Ólafsdóttir,
Hildur Karen Sigurbjörnsdóttir, Hilmar Elísson,
Hugrún Pála Sigurbjörnsdóttir, Gísli Jón Magnússon,
og börn.
Eiginmaður minn, faðir okkar og tengdafaðir,
SKÚLI GARÐARSSON,
Þverbraut 1,
Blönduósi,
lést miðvikudaginn 22. júní.
Útförin auglýst síðar.
Sigþrúður Guðmunda Sigfúsdóttir,
Guðni Rúnar Skúlason, Eydís Berglind Baldvinsdóttir,
Hanna Dís Skúladóttir, Bergur Ingi Ásbjörnsson,
Garðar Freyr Skúlason,
Guðmunda Rán Skúladóttir.
Hjartkær eiginmaður minn, fósturfaðir, faðir,
bróðir og afi,
ANTON ÓFEIGUR ANTONSSON,
útskurðarmeistari,
(Tony trélist)
Munkaþverárstræti 11,
Akureyri,
verður jarðsunginn mánudaginn 27. júní kl.
13.30 frá Hvítasunnukirkjunni á Akureyri.
Blóm og kransar afþakkaðir en þeim sem vilja minnast hans er bent á
reikning ABC Hjálparstarfs nr. 0515-14-110000, kt. 690688-1589.
Fyrir hönd aðstandenda,
Hanna Rúna Jóhannsdóttir.
Okkar ástkæri
HAFSTEIN ÁRMAN ÍSAKSEN
(Steini),
til heimilis að Kirkjuvegi 5,
Keflavík,
andaðist á Landspítalanum við Hringbraut
fimmtudaginn 23. júní sl.
Jarðarförin verður auglýst síðar.
Hafstein B. Hafsteinsson, Ragnhildur Margeirsdóttir,
Guðríður Hafsteinsdóttir, Kristmann Hjálmarsson,
Sigurður P. Hafsteinsson Avril Hafsteinsson,
Hans Markús Hafsteinsson, Jónína Sigurðardóttir,
Ómar Hafsteinsson, Jónína B. Ólafsdóttir,
og fjölskyldur.
Sonur minn og bróðir okkar,
RÚNAR GUNNARSSON,
Kleppsvegi 106,
Reykjavík,
lést þriðjudaginn 21. júní síðastliðinn.
Útförin verður auglýst síðar.
Fyrir hönd systkina og annarra ættingja,
Gunnar R. Pétursson.
Steinsmiðjan MOSAIK
Hamarshöfða 4 • 110 Reykjavík • sími 587 1960 • www.mosaik.is
MIKIÐ ÚRVAL AF LEGSTEINUM
OG FYLGIHLUTUM
Sendum myndalista
Innilegar þakkir til allra, sem sýnt hafa mér
hlýju og vinarhug við andlát og útför
ÞÓRARINS PÁLSSONAR
bónda,
Seljalandi,
Fljótshverfi.
Guð blessi ykkur öll.
Málfríður Pálsdóttir.