Morgunblaðið - 25.06.2005, Blaðsíða 38
38 LAUGARDAGUR 25. JÚNÍ 2005 MORGUNBLAÐIÐ
MINNINGAR
✝ Margrét Eiríks-dóttir fæddist á
bænum Stafnesi í
Miðneshreppi í Gull-
bringusýslu 3. des-
ember 1948. Hún lést
á Heilbrigðisstofnun
Þingeyinga á Húsa-
vík 15. júní síðastlið-
inn. Foreldrar henn-
ar voru Eiríkur
Eyleifsson, bóndi á
Nýlendu, f. 28. sept-
ember 1914, d. 1.
apríl 1997, og Jóna
Guðríður Arnbjörns-
dóttir, húsmóðir, f.
21. febrúar 1926. Systkini Mar-
grétar voru Sigurbjörg, f. 29. maí
1947, Arnbjörn Rúnar, f. 26. júlí
1950, Guðrún Jónína, f. 16. febrúar
1954, Laufey Þóra, f. 20 maí 1955,
og Dagbjört Hulda, f. 24. nóvem-
ber 1965.
Margrét giftist 27. des 1969
Gunnari Sveini Hallgrímssyni,
múrarameistara, f. 14. nóvember
1947, d. 17. október 1980. Dætur
þeirra eru: 1) Anna Margrét, f. 21.
september 1970, þroskaþjálfi, í
sambúð með Pétri Berg Eggerts-
syni, f. 1. september 1968, raf-
eindavirkja, og eiga þau tvö börn,
Gunnar Svein, f. 30. janúar 1998,
og Andreu, f. 31. október 2000. 2)
Dagbjört Erla, f. 13. ágúst 1972,
snyrtifræðingur, í sambúð með
foreldrum sínum við almenn hús-
störf. Hún sótti Barna- og ungl-
ingaskólann í Sandgerði og árið
1963, þá 15 ára gömul, hóf hún
nám við Héraðsskólann á Laugar-
vatni og lauk þaðan gagnfræða-
prófi tveimur árum síðar. Margrét
hélt þá til Reykjavíkur og réð sig
til starfa við almenn afgreiðlslu-
störf, m.a. hjá Vogue. Hún stund-
aði um hríð nám við Myndlista- og
handíðaskólann í Reykjavík sam-
fara vinnu. 1964 kynntist Margrét
Gunnari Sveini og hófu þau bú-
skap í Hafnarfirði og bjuggu síðar
í Reykjavík. Þegar leiðir þeirra
skildu árið 1977, réð Margrét sig
sem ráðskonu í Borgarfjörð og
dvaldi þar eitt sumar. Veturinn
eftir réð hún sig sem ráðskonu til
Hafliða Jónssonar, sem þá var ekk-
ill á Húsavík. Margrét og Hafliði
bjuggu allan sinn hjúskap í Höfða-
brekku 18 á Húsavík og stundaði
Margrét ýmis störf á þeim tíma,
m.a. við síldarvinnslu og almenn
afgreiðslustörf, auk þess sem hún
stundaði verklegt nám í fótaað-
gerðum við snyrtistofuna Hilmu.
Árið 1989 lauk Margrét námi í
fótaaðgerðum við Heilbrigðisskól-
ann í Ármúla og setti á stofn fóta-
aðgerðastofuna Tána og rak hana
í um 15 ár. Í millitíðinni stofnaði
Margrét gjafavöruverslunina Ta-
möru á Húsavík, auk þess að taka
að sér fótaaðgerðir og snyrtingar í
nærsveitum Húsavíkur. Síðstu ár
bjó Margrét ásamt Agli í Grundar-
garði 5 á Húsavík.
Útför Margrétar verður gerð
frá Húsavíkurkirkju í dag og hefst
athöfnin klukkan 14.
Ágústi Hermannssyni,
vélfræðingi, f. 29.
október 1971, og eiga
þau tvær dætur,
Huldu Ösp, f. 23. apríl
1999, og Agnesi
Björk, f. 7. september
2004. Margrét og
Gunnar slitu samvist-
um árið 1977.
10. apríl 1980 giftist
Margrét, Hafliða
Jónssyni, málara-
meistara frá Húsavík,
f. 9. desember 1938.
Saman áttu þau eina
dóttur: Huld, f. 5. sept-
ember 1981, nemi við Háskóla Ís-
lands. Börn Hafliða frá fyrra
hjónabandi eru: 1) Ari, f. 1. apríl
1959. 2) Dóra, f. 1. október 1961,
gift Ingólfi Hjaltalín, þau eiga
fjögur börn: Hafliða, Evu, Olgu og
Ingunni. 3) Rut, f. 20. nóvember
1969, gift Ingólfi Arnarsyni og
eiga þau þrjú börn: Arndísi, Hauk
og Hafþór. Leiðir Margrétar og
Hafliða skildu árið 1996. Eigin-
maður Margrétar síðustu ár var
Egill Halldór Egilsson, veitinga-
maður, f. 7. maí 1952, hann á fyrir
þrjár dætur.
Margrét ólst upp á bænum Ný-
lendu í Miðneshreppi ásamt systk-
inum sínum, foreldrum og móður-
foreldrum. Hún var önnur í röð
sex systkina og ung hjálpaði hún
Nú legg ég bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgr. Pét.)
Elsku mamma mín. Ég kveð þig
með miklum söknuði, alltof snemma.
Huggun mín er sú að þér líður bet-
ur, þú ert á góðum stað.
Elsku mamma, þú kenndir mér
svo margt. Þú kenndir mér að njóta
náttúrunnar og dýranna, þú kenndir
mér að biðja bænirnar mínar og þú
sagðir mér frá Guði og englunum.
Litlu mannakornin þín úr Biblíunni,
sem þú hafðir alltaf við höndina, og
bænirnar sem þú kenndir mér eru
mér ekki bara hugljúf minning um
þig, heldur einnig mín stærsta hjálp
í dag.
Elsku mamma, með baráttu þinni
kenndir þú mér að gefast ekki upp,
þótt á móti blási, en síðast en ekki
síst kenndir þú mér að dæma ekki
aðra.
Ég bið og vona að ég megi tileinka
mér allt það góða sem þú hafðir til
að bera. Þú varst svo örlát á það
sem þú hafðir að gefa, heillaðist af
öllu sem var fallegt, það var alltaf
svo fallegt í kringum þig og það sem
þú tókst þér fyrir hendur gerðir þú
svo vel og fallega. Allar englamynd-
irnar þínar sem þú hafðir yndi af að
safna, frá því þú varst lítil, lýsa þér
svo vel.
Elsku mamma, áður gættu englar
Guðs þín, núna ertu komin til þeirra.
Ég veit að þér líður vel.
Elsku mamma mín, þegar ég
hugsa um engla, þá hugsa ég til þín.
Minningin um þig lifir í hjartanu
mínu.
Takk fyrir allt.
Þín
Huld.
Drottinn er minn hirðir,
mig mun ekkert bresta.
Á grænum grundum lætur hann mig hvílast,
leiðir mig að vötnum,
þar sem ég má næðis njóta.
Hann hressir sál mína
leiðir mig um rétta vegu
fyrir sakir nafns síns.
jafnvel þótt, ég fari um dimman dal,
óttast ég ekkert illt,
því þú ert hjá mér,
sproti þinn og stafur huggar mig.
Þú býr mér borð
frammi fyrir fjendum mínum,
þú smyr höfuð mitt með olíu,
bikar minn er barmafullur.
já, gæfa og náð fylgja mér
alla ævidaga mína,
og í húsi Drottins bý ég langa ævi.
(23. Davíðssálmur)
Sofðu rótt, sofðu rótt,
nú er svartasta nótt.
Sjáðu sóleyjarvönd
geymdu’hann sofandi í hönd.
Þú munt vakna með sól.
Guð mun vitja um þitt ból.
Góða nótt, góða nótt,
vertu gott barn og hljótt.
Meðan yfir er húm
situr engill við rúm.
Sofðu vært, sofðu rótt,
eigðu sælustu nótt.
( Jón Sig. frá Kaldaðarnesi)
Við vottum föður okkar, börnunum
og aðstandendum dýpstu samúð okk-
ar. Minning um góða konu mun lifa.
Með bestu kveðju.
Ásdís Magnea og
Aldís Ósk Egilsdætur.
Í dag þegar sumarið stendur sem
hæst verður til grafar borin systir
mín Margrét Eiríksdóttir. Það er
svolítið táknrænt, því fáa hef ég
þekkt sem hafa haft þvílíkt dálæti á
rósum og alls konar blómum. Og þótt
rósirnar hafi þyrna halda þær samt
fegurðinni.
Og ekki er lífið alltaf dans á rós-
um.
Það fékk hún systir mín að reyna
líkt og svo margir aðrir.
Margrét fæddist 3. desember 1948
á Austur-Stafnesi í Stafneshverfi í
Miðneshreppi, nú Sandgerðisbæ.
Tveim árum seinna flutti hún með
foreldrum sínum, eldri systur (mér)
og nýfæddum bróður Arnbirni
(Bjössa) í nýbyggt hús í Nýlendu í
sama hverfi. Þar sleit hún barns-
skónum. Sem fullorðin manneskja sé
ég að við höfum notið forréttinda að
alast upp á slíkum stað. Við lékum
okkur í fjörunni og heiðinni, við
byggðum heilu búin því nóg var af
grjótinu. Svo vorum við líka fljótlega
látin læra að hjálpa til. Reka kýrnar,
já, við voru kúrekar!
Og svo lærðum við fljótlega að
mjólka. Þá voru ekki til mjaltavélar.
Alla vega ekki hjá okkur. Á tímabili
bjuggu á heimilinu móðurforeldrar
okkar og var þá margt um manninn.
Efa ég ekki að við lærðum margt
nytsamlegt af þeim og væri örugg-
lega mörgum hollt í dag að fá að hafa
afa og ömmu í svo mikilli nálægð.
Æskuár okkar systkina liðu og
okkur leið vel. Á átta árum vorum við
systkinin orðin fimm. Því var líka
nóg að gera við að gæta þeirra yngri,
Dúnu og Laufeyjar. Seinna þegar við
Magga vorum fluttar að heiman
bættist við sjötta barnið, Dabbý.
Hún var okkur svona eins og dúkka.
Það voru tíu ár á milli yngstu systr-
anna.
Magga gekk í Barna- og unglinga-
skólann í Sandgerði sem hét svo þá
og lauk þaðan unglingaprófi. Leið
hennar lá svo á Héraðsskólann á
Laugarvatni þar sem hún lauk gagn-
fræðaprófi. Flutti svo til Reykjavíkur
og vann nokkur ár í Vouge. Hún var
tvo vetur í Handíða- og myndlista-
skólanum enda hafði hún ótvíræða
listamannshæfileika. Í Reykjavík
kynntist hún Gunnari Sveini Þór
Hallgrímssyni múrarameistara .Þau
giftu sig 27. desember 1969. Á tíma-
bili bjuggu þau í Svíþjóð þar sem
Gunnar starfaði tímabundið. Síðan
fluttu þau til Reykjavíkur. Þau eign-
uðust tvær dætur, Önnu Margréti og
Dagbjörtu Erlu. Ekki auðnaðist
þeim að búa í löngu hjónabandi og
leiðir skildu 1977.
Um sumarið gerðist hún ráðskona
að Högnastöðum í Þverárhlíð í Borg-
arfirði. Síðar fór hún ráðskona til
Hafliða Jónssonar málarameistara á
Húsavík, sem þá var ekkjumaður
með þrjú börn, þau Ara, Dóru og
Rut. Hafliði og Magga giftu sig svo
10. apríl árið 1980. Þetta sama ár í
október gerðist það svo að Gunnar
fyrri maður hennar fórst. Hann tók
út af Náttfara á loðnuveiðum norð-
vestur af Vestfjörðum. Þetta var
gríðarlegt áfall fyrir dæturnar og
venslafólkið og stóð Hafliði eins og
klettur við hlið þeirra eins og svo oft
síðar. Magga vann ýmis störf fyrstu
árin á Húsavík. Hún vann í versl-
uninni Búrfelli um tíma. 5. septem-
ber 1981 eignuðust þau hjónin dótt-
urina Huld.
MARGRÉT
EIRÍKSDÓTTIR
Það er svo ósann-
gjarnt þegar yndisleg-
asta fólkið þarf að fara.
Þau sem vilja öllum svo
vel og gera allt fyrir
alla, eins þú gerðir,
eiga að fá að vera með okkur hinum
áfram til að leiðbeina okkur í rétta
átt í lífinu.
Þú helgaðir nánast líf þitt kennsl-
unni þar sem þú án vafa í okkar huga
gast miðlað reynslu þinni og visku til
ungu kynslóðarinnar sem er á leið út
í hinn harða heim. Og hvar var hægt
að fá betri og yndislegri manneskju
heldur en þig til að leiðbeina því fólki
á rétta braut í lífinu, Alda?
Við bræður gleymum aldrei þeim
stundum sem við áttum saman. Þar
ber kannski hæst þegar við komum í
heimsókn til þín í Keflavík í nokkrar
nætur þegar þú varst að passa húsið
hjá Halldóri bróður ykkar. Við vor-
um bara litlir prakkarar og fannst
ALDA STEINUNN
JENSDÓTTIR
✝ Alda SteinunnJensdóttir fædd-
ist á Eyrarbakka 16.
september 1939. Hún
lést á Heilbrigðis-
stofnun Suðurnesja
15. júní síðastliðinn
og var útför hennar
gerð frá Keflavíkur-
kirkju 23. júní.
rosalega gaman og
spennandi að fá vera
hjá frænku að passa
hús þar sem við gátum
heyrt í öllum flugvélun-
um taka á loft. Hvað þá
þegar þú óðst út í ána á
eftir hundi sem þú
varst að passa í sum-
arbústaðarferðinni í
Flókalundi. Þú komin
með vatn upp að mitti
og hélst að hundurinn
væri á háska, en það
varst þú sem lentir í
háskanum því hundur-
inn synti bara í land, og
pabbi þurfti að vaða út í á eftir þér.
Þetta lýsir Öldu frænku okkar vel,
hún lagði sjálfa sig í hættu til að
bjarga öðrum.
Okkar stundir saman hefðu getað
verið fleiri, en þær sem við bræður
upplifðum með þér gleymast aldrei.
Við hittumst kannski ekki aftur en
við vitum að þú munt alltaf fylgja
okkur og vera góði engillinn sem sit-
ur á hægri öxl okkar og beinir okkur
í rétta átt í lífinu í gegnum súrt og
sætt.
Alda frænka, þú varst yndisleg
manneskja.
Með ástar- og saknaðarkveðjum.
Þínir frændur,
Hans og Jens.Pantanir í síma 562 0200
Á fallegum og notalegum
stað á 5. hæð Perlunnar.
Aðeins 1.250 kr. á mann.
Perlan
ERFIDRYKKJUR
Okkar innilegustu þakkir til allra þeirra sem
sýndu okkur samúð og hlýhug við andlát og
útför elskulegrar móður okkar, tengdamóður,
ömmu, langömmu og langalangömmu,
MINNU ELÍSU BANG,
Aðalgötu 19
(gamla apótekinu),
Sauðárkróki.
Sérstakar þakkir til starfsfólks Heilbrigðisstofnunar Sauðárkróks.
Aðstandendur.
Innilegar þakkir til allra þeirra sem sýndu
okkur samúð og hlýhug við andlát og útför
elskulegs eiginmanns míns, föður okkar,
tengdaföður og afa,
GUÐMUNDAR SÆMUNDSSONAR
Álftamýri 25,
Reykjavík.
Sérstakar þakkir færum við Heimahlynningu
Krabbameinsfélagsins.
Elínborg Sveinbjarnardóttir,
Sæmundur Guðmundsson, Bryndís Th. Auðardóttir,
Þórhildur Guðmundsdóttir, Ásberg K. Ingólfsson
og barnabörn.
Okkar innilegustu þakkir til allra þeirra er
sýndu okkur samúð og vinarhug við andlát og
útför elskulegrar systur okkar og mágkonu,
JÓFRÍÐAR ÓLAFSDÓTTUR,
Staðarhrauni 3,
Grindavík.
Guð blessi ykkur öll.
Jón Ólafsson, Agnes Jónsdóttir,
Pálína Ólafsdóttir, Ísleifur Haraldsson,
Gísli Örn Ólafsson, Njála Vídalín,
Magnús Ólafsson, Ragnheiður Arngrímsdóttir.